Aum herbal

Aum herbal மூலிகை மருந்தே விளங்குது சிறந்தே

28/07/2025

வேண்டிய பொருள்| ஏற்ற கருவி| தக்க காலம்|மேற்கொண்ட செயலின் தன்மை|உரிய இடம்| இந்த ஐந்தினையும்| எண்ணி செயல்படுவோர் க.....

25/07/2025
24/07/2025

ஒரு நடிகனாகனும்னு பெரிய
பெரிய முயற்சிகள் எல்லாம்
செய்தேன்.சில வாய்ப்புகள்
வந்தது‌.அந்த வாய்ப்புகள்
வந்த போது தான் தெரிந்தது.
நடிக்கிறது; நான் நினைக்கிற
மாதிரி சுலபம் இல்லைன்னு. ...

ஒரு நெடுந்தொடர் படப்பிடிப்பில் இயக்குனர் சமுத்திரக்கனி;
" எதாவது இன்ஸ்டியூட்ல
சேர்ந்து நடிக்க கத்துக்க.இப்படி
ஒரு ஷாட் எடுக்க பத்து டேக்
வாங்காத " ன்னு கடிந்து
கொண்டார்.சரின்னு ஒரு
இன்ஸ்டியூட்ல சேர்ந்து நடிப்பை முறையா கத்துக்க ஆரம்பிச்சேன்.
அப்பதான் திரைப்பட நடிப்புன்னா
சும்மா இல்ல.உடலசைவு
மொழியில ஆரம்பிச்சி
குரல் ஏற்ற இறக்கம்,
மேனரிசம்,மைம்,டைப் ஆப்
வாய்ஸ்னு எவ்ளோவோ விசயம் அதுக்குள்ள இருக்குன்னு தெரிஞ்சிக்கிட்டேன்.

நான் படித்த பதினைந்து
பேர் குழுவில நேரடி
நடிப்புத்தேர்வுல இரண்டாவது மாணவனாகவும் எழுத்துத் தேர்வுல முதலாவது மாணவனாகவும் வந்தேன்.அந்த காலகட்டத்துல
இன்ஸ்டியூட்ல இருந்த வீடியோ
கேமரால பலப்பல சினிமா
காட்சி நாவல் காட்சிகளை
நடித்து நடித்து அலுத்து விட்டது.
அதன் பிறகு சினிமாவில் சிறிய வேடங்களில் நடிக்க வேண்டும்.
என்ற ஆர்வமே இல்லாமல்
போய் விட்டது.

அப்போதுதான் இயக்குனர் பாக்யராஜின் உதவி இயக்குனர்கள்; பார்த்திபன்,லிவிங்ஸ்டன் என்று பலரும் ஹீரோவாக நடித்து வந்தனர்.சரி நாமும் உதவி இயக்குனர் ஆயி ... கதாசிரியர் ஆயி ... இயக்குனர் ஆயி ... ஹீரோ ஆய்டனும்னு சில இயக்குனர்கள்ட்ட உதவி இயக்குனரா சேர முயற்சி பண்ணினேன்.

பல கதை விவாதம், ஒரு படம்,
அரை படம் வேலைப் பார்த்ததுனு
காலம் ஓடிகிட்டே இருந்தது.
உருப்படியா எதுவும் நடக்கல.
சினிமால நான் ஜெயிச்சா நீயும் வந்துருவேன்னு சொல்லிட்டிருந்த நண்பர்கள் பலரையும் சில பல
காரணங்களால
பிரிய வேண்டி வந்தது.
ஊர்லயும் சில குடும்ப பிரச்சினைகள். " அட போங்கய்யா நீங்களும் உங்க சினிமாவும் " னு ஊருக்கு வந்துட்டேன்.
இங்க வேலைக்கு என்ன பன்றதுன்னு யோசிச்சி தினத்தந்தில
யோகா வகுப் பெடுப்பதாய்
ஒரு விளம்பரம் பண்ணினேன்.
கடகடனு பல மாணவர்கள் சேர்ந்தனர்.ஏற்கனவே நான்
யோகாவை பல குருமார்களிடம் கற்றிருந்ததால் யோகா சிகிட்சை முறைகளோடு இயற்கை வாழ்வியல் முறைகளையும் சேர்த்து பயிற்சி கொடுத்து பல நோயாளிகளை குணப்படுத்தவோ அல்லது
முன்னை விட நல்லாருக்கேன்.
என்ற நிலைக்கு மாற்றவோ
செய்தேன்.

சினிமா என்னை துரத்தி துரத்தி வேட்டையாடி உருக்குலைத்து
விரட்டி விட்டது. யோகமோ
என்னை அப்படியே
வாரி வளர்த்தெடுத்தது.

எங்க இடத்துக்கு வகுப்பெடுக்க வாங்க,
என் பிரச்சினையை கேளுங்கனு பலரும் என்னை நோக்கி படையெடுத்தனர்.
அதில் முக்கியமானவர் ராஜவர்மன் என்ற பாரதி.எனக்கு நூற்றுக்கும் மேற்பட்ட மாணவர்களை அறிமுகம் செய்ததோடு நான் மஹா யோகா என்ற நூலை எழுத பொருளுதவியும் செய்து நான் ஒரு மஹா கலைஞனாக உருவாக காரணமாக அமைந்தார்.யோகா ஆசிரியர் பணி ஆரம்பித்து பதினைந்து ஆண்டுகள் ஆகி விட்டன.

மஹா யோகா நூலை எழுதி 13 ஆண்டுகள் ஆகி விட்டன.அதன் பிறகு ஆதி மருத்துவம் என்று மற்றொரு இயற்கை வாழ்வியல் நூலையும் எழுதி விட்டேன்.நடிப்புக்கலை என்ற Pdf நூலும் எழுதி வெளியிட்டேன்.

யோகம்; என் சினிமா காயங்களுக்கு மட்டுமல்லாது தன்னை நாடி வந்த பலரின் உடல் மன காயங்களையும் ஆற்றும் மஹா வைத்தியனாக
என்னை மாற்றியது.!
https://youtu.be/d8QwaPPHztY

-ஏகப்பிரியன்
மு.இஸ்மாயில்D.Y.T.

படம்: 2012 ஆம்
ஆண்டு தினத்தந்தி பத்திரிகையில் வெளி வந்த எனது மஹா யோகா நூலிற்கான மதிப்புரை.அதில் எனது யோகா தெரபி குரு காலஞ்சென்ற Dr.A.S.அசோக்குமார் அவர்களின் வாழ்த்தும் கையொப்பமும் அடங்கி உள்ளது.!🧘👨‍👨‍👦‍👦💥🌴🍁
வாழ்க வையகம்.!
வாழ்க வளமுடன்.!
நலம் பெருகட்டும் ...
👨‍👨‍👦‍👦🌴💥🙏🏼❤️🍁

22/07/2025

https://youtu.be/jcE_oO87XBY?feature=shared நான் தொகுத்த நூறு பாடல்கள்.
டிஸ்கிரிப்சனில் நூறு பாடல்களின் லிங்க்கும் உள்ளது.இந்தப் பாடல்களை
கேட்டு உங்கள் அனுபவத்தை பதிவு
செய்யுங்கள்.நலம் பெருகட்டும் ...



#இயற்கை #ஆரோக்கியம்
#ஆனந்தம் #ஆன்மீகம் #அமைதி

21/07/2025
19/07/2025
16/07/2025

உங்கள் இலக்கை நோக்கி ஓடுங்கள்
ஓட முடியாத போது தவழுங்கள்
தவழவும் முடியாத போது நகருங்கள் நகரவும் முடியா விட்டால் ...
எப்படி முன்னே செல்வது என்று திட்டமிடுங்கள்.!

" ஓடும் ஆறு கடலில் சேர்ந்து
மகா சமுத்திரமாகும் ...
பாயும் நீர் தாகம் தீர்க்கும் ...
தேங்கும் நீரில் பல குப்பைகள்
சேர்ந்து சாக்கடையாகும்.! "



#இயற்கை #ஆரோக்கியம்
#ஆனந்தம் #ஆன்மீகம் #அமைதி
#வாழ்க்கைதத்துவம்

15/07/2025

சரோஜா தேவி அம்மா இறந்துட்டாங்களாமே.
தமிழ்ல எனக்கு பிடிக்காத
நடிகைகள்ல ஒருத்தர் இவங்க.
ஒரு மாதிரி ஒரு கிச்சுக்குரல்,
ஏற்கனவே 40 வயதை
தாண்டிய ஹீரோ பக்கத்ல
நிக்கும் போது கூட இவங்க
ஹீரோவோட அக்கா மாதிரி
தெரிவாங்க.

இவங்க இளமையா
தெரிஞ்ச ஓரே படம் நாடோடி
மன்னன் மட்டுந்தான்.
பானுமதியம்மா எம்ஜிஆர்ட்டேயே
ஓவரா ராங்கி பண்ணதால, MGR
அவர போட்டுத் தள்ளிட்டு பதிலுக்கு இந்தம்மாவ கூட்டிட்டு வந்தார். (படத்லதான்)ஆனா அதுவும்
படத்துக்கு பெரிய ப்ளஸ்சா மாறினதாலே எம்ஜிஆர் அடுத்து
நடித்த திருடாதே படத்லயும்
இவங்கள போட்டாங்க.

அப்பவே ரெம்ப பிசியா இருந்ததால எம்ஜிஆர் என் படத்துக்கு கூட உங்களால நேரத்திற்கு வர
முடியாதானு கடிந்து கொள்ள
படப்பிடிப்பு தளத்துலயே மயங்கி
விழுந்துட்டாங்க.அப்றம்
இன்னும் தாமதமா படப்பிடிப்பு ஆரம்பிச்சதால இனிமேல் நீங்க லேட்டாவே வரலாம்.அப்டின்னு எம்ஜிஆரே அனுமதி கொடுத்து என்னைப் பார்த்து படப்பிடிப்பு தளத்துலயே மயங்கிய நடிகை நீங்கதான்னு தொடர்ந்து அவரோட படகோட்டி,அன்பே வா; ன்னு நிறைய படத்துல நடிக்க வெச்சார்.

எம்ஜிஆரோட அதிகம் படங்களில்
நடித்த ஹீரோயின் இவங்கதான்.
அப்றம் தான் ஜெயாம்மா.அப்றம் நான் முதல்ல சொன்ன மாதிரியே பலரும் எம்ஜிஆர்ட்ட உங்க அக்கா மாதிரி இருக்காங்கனு சொல்ல.எம்ஜிஆர் அப்புறம் லதா, மஞ்சுளானு வேற பல ஹீரோயின களம்இறக்கினார்.
சிவாஜிக்கு இவங்க ரெம்ப பொருத்தமா இருந்தாங்க.அதனால அவர் இவங்களை தன்னோட ஓன்ஸ் மோர் படம் வரைக்கும் நடிக்க வெச்சிருக்கார்.அப்றம்
அம்மா பாட்டினு சில படங்களில் நடிச்சாங்க.இடையில
கொஞ்ச காலமா
சத்தம் காட்டாம அமைதியா இருந்தாங்க.விவேக் ஒரு படத்ல
புதிய பறவை படத்ல வரும்
கோபால் கோபால்னு சரோஜாதேவி குரல்ல பேச மீண்டும் எல்லோரும்
யார் இந்த சரோஜா தேவின்னு தேடுனாங்க. MGR ரோட அறிமுகம் மட்டுமில்லாம மிக இராசியான ஹீரோயினாகவும் இருந்ததால தொடர்ந்து சரோஜாதேவியை
பல படங்கள்ல ஒப்பந்தம்
செய்தாங்க.குறிப்பாக தேவர்
பிலிம்ஸ் எடுத்த அதிக எம்ஜிஆர்
படத்ல நடிச்சதும் இவங்கதான்.
தேவர் ஒரே மாதத்தில் ஒரு
படத்தின் படப்பிடிப்பை நடத்தி
பழக்கப்பட்டவர்.அவரின்
வேகத்திற்கு சற்றும் சலிக்காமல்
கடுமையாக உழைத்தவர்
சரோஜா தேவி. பிற்பாடு வேட்டைக்காரன் படத்தில்
எம்ஜிஆருடன் சாவித்திரியை
நடிக்க வைக்கும் போது
சாவித்திரி நிறைய கால்சீட்
சொதப்பல் செய்த போது
சரோஜா தேவிதான் என் சாமி
முருகன்.சாவித்திரியால
எனக்கு ஏகப்பட்ட செலவு
வேலையும் ஒழுங்கா
நடக்கலைனு
ஆதங்கப்பட்டாராம்.எனக்கு
இவங்கள பிடிக்காதுன்னு
சொன்னது உண்மைதான்
ஆனா இவர் எம்ஜிஆர் சிவாஜியோடு நடித்த பல படங்களை நான்
பள்ளிப்பருவத்தில் பல முறை
திரும்பத்திரும்ப பார்த்துள்ளேன்.
நாகர்கோவிலில் சரஸ்வதி,ராஜ்குமார்,முத்து என்று
மூன்று தியேட்டர்கள் இருந்தன.
1985 - 95 காலகட்டங்கள்ல அங்கு
பெரும்பாலும் எம்ஜிஆர் நடித்த
பழைய படங்களை திரும்பத் திரும்ப
போடுவார்கள்.குறைந்தது மூன்று
வாரம் ஓடும்.முதல் வாரம் முழுக்க
ஹவுஸ்புல்லாக ஓடும்.பழைய
படங்களில் ஹீரோயினுக்கு
நடிக்கவோ பெரிதாக தன்னை
வெளிப்படுத்தவோ வாய்ப்பு
வழங்கப் படவில்லை.என்றே
தோன்றுகிறது.ஆனாலும்
பாலும் பழமும் இருவர் உள்ளம்
புதிய பறவை போன்ற பல
சிவாஜி படங்களில் சரோஜா
தேவிக்கு சிறப்பான பாத்திரங்கள் வழங்கப்பட்டுள்ளன.
சிவாஜி படம் ஒரே அழுகையா
இருக்கும் என்பதால் பொதுவாக
எனக்கு அதில் பெரிய ஈர்ப்பு
இருந்ததில்லை.திரைப்பட
வாழ்வும் தனிப்பட்ட குடும்ப வாழ்வும்
ஒருசேர சிறப்பாக அமைந்த
சில நடிகைகளில் சரோஜா
தேவியும் ஒருவர்.!💐

இன்னைக்கு இரங்கல் செய்தி
வந்ததும் இவருக்காக பிராத்தனைபண்ணினேன்.
சென்றவர் புண்ணியம்
நம்முடன் சேர்க.ஆழ்ந்த இரங்கல்.
நல்ல குடும்பத்தில் பிறந்து
தான் சார்ந்த துறையில் பல
சாதனைகளை செய்து நல்ல
விதமாக மரணமடைவதையும்
கொண்டாட வேண்டும்.!

இதாண்டா கல்யாணச்சாவு
போட்றா வெடிய அடிடா மேளத்த
குத்துடா ஆட்டத்தை
சொர்க்கத்ல இருக்குற
சரோஜா பாட்டிக்கு கேட்கணும்.

-ஏகப்பிரியன்.

09/07/2025
08/07/2025

Address

Kanyakumari (North Part)
1976

Website

Alerts

Be the first to know and let us send you an email when Aum herbal posts news and promotions. Your email address will not be used for any other purpose, and you can unsubscribe at any time.

Share