http://www.mumhoapitalmonippally.com/

M.U.M Hospital, Monippally Kottayam, MONIPPALLY, UZHAVOOR, Kottayam (2025)

28/07/2025

ജൂലൈ 28 ലോക ഹെപ്പറ്റൈറ്റിസ് ദിനമായി ആചരിക്കുന്നു. കരളിന്റെ ആരോഗ്യത്തെക്കുറിച്ചും ഹെപ്പറ്റൈറ്റിസ് എന്ന രോഗാവസ്ഥയെക്കുറിച്ചും പൊതുജനങ്ങളിൽ അവബോധം വളർത്തുക എന്നതാണ് ഈ ദിനാചരണത്തിന്റെ പ്രധാന ലക്ഷ്യം.

ഓരോ വർഷവും ലക്ഷക്കണക്കിന് ആളുകളാണ് ഹെപ്പറ്റൈറ്റിസ് കാരണം മരണപ്പെടുന്നത്. ഹെപ്പറ്റൈറ്റിസ് എന്നത് കരളിനെ ബാധിക്കുന്ന ഒരുതരം വീക്കമാണ്. ഈ മാരകമായ രോഗത്തെക്കുറിച്ച് ജനങ്ങളെ ബോധവൽക്കരിക്കുന്നതിലൂടെയും പ്രതിരോധ മാർഗ്ഗങ്ങളെക്കുറിച്ച് പ്രചരിപ്പിക്കുന്നതിലൂടെയും രോഗവ്യാപനം തടയാനും അനേകം പേരുടെ ജീവൻ രക്ഷിക്കാനും സാധിക്കും.

വൈറസുകൾ, അമിതമായ മദ്യപാനം, ചില മരുന്നുകൾ എന്നിവയെല്ലാം ഹെപ്പറ്റൈറ്റിസിന് കാരണമാകാം. ക്ഷീണം, മഞ്ഞപ്പിത്തം, വയറുവേദന, വിശപ്പില്ലായ്മ എന്നിവയാണ് പ്രധാന ലക്ഷണങ്ങൾ. ശരിയായ ജീവിതശൈലിയിലൂടെയും പ്രതിരോധ കുത്തിവയ്പ്പുകളിലൂടെയും ഹെപ്പറ്റൈറ്റിസിനെ തടയാൻ സാധിക്കും. നിങ്ങളുടെ കരളിന്റെ ആരോഗ്യം ഉറപ്പാക്കൂ, ഹെപ്പറ്റൈറ്റിസിനെ തടയൂ!

MUM ഹോസ്പിറ്റലിലെ സേവനങ്ങളെക്കുറിച്ച് അറിയാൻ 9446121241 എന്ന നമ്പറിൽ വിളിക്കുകയോ, https://www.mumhospitalmonippally.com/ സന്ദർശിക്കുകയോ ചെയ്യുക.

25/07/2025

കണ്ണിന്റെ ആരോഗ്യത്തിന് ഉയർന്ന നിലവാരത്തിലുള്ള ചികിത്സയും പരിചരണവും ഉറപ്പുവരുത്താൻ MUM ഹോസ്പിറ്റലിലെ നേത്രരോഗ വിഭാഗം സദാ സജ്ജമാണ്.

തിങ്കൾ മുതൽ ശനി വരെ രാവിലെ 9 മണി മുതൽ ഉച്ചയ്ക്ക് 1 മണി വരെ കൺസൾട്ടൻ്റ് ഒഫ്താൽമോളജിസ്റ്റ് ഡോ.റെബിദ സെനത്തിന്റെ ഒപി സേവനം ഉണ്ടായിരിക്കുന്നതാണ്. 24 മണിക്കൂറും ഓൺ കോൾ സർവീസും MUM ഹോസ്പിറ്റൽ ഉറപ്പുവരുത്തുന്നു.

MUM ഹോസ്പിറ്റലിലെ സേവനങ്ങളെക്കുറിച്ച് അറിയാൻ 9446121241 എന്ന നമ്പറിൽ വിളിക്കുകയോ, https://www.mumhospitalmonippally.com/ സന്ദർശിക്കുകയോ ചെയ്യുക.

25/07/2025

നെഞ്ചെരിച്ചിൽ നിങ്ങളെ ബുദ്ധിമുട്ടിക്കുന്നുണ്ടോ?

പലരെയും അലട്ടുന്ന ഒരു സാധാരണ പ്രശ്നമാണ് നെഞ്ചെരിച്ചിൽ. ആഹാരം കഴിച്ച ശേഷം നെഞ്ചിൽ അനുഭവപ്പെടുന്ന അസ്വസ്ഥതകൾ, പുളിച്ചുതികട്ടൽ, വിഴുങ്ങാനുള്ള ബുദ്ധിമുട്ട്, ചുമ തുടങ്ങിയവയെല്ലാം നെഞ്ചെരിച്ചിലിന്റെ ലക്ഷണങ്ങളാകാം.

നെഞ്ചെരിച്ചിലിന്റെ കാരണങ്ങളെക്കുറിച്ചും, ലക്ഷണങ്ങളെക്കുറിച്ചും, പ്രതിരോധ മാർഗ്ഗങ്ങളെക്കുറിച്ചും "ചോട്ടെ നുസ്കെ ലംബി റാഹത്" എന്ന റേഡിയോ ടോക്കിലൂടെ വിശദീകരിക്കുകയാണ് M.U.M ഹോസ്പിറ്റലിലെ കൺസൾട്ടന്റ് ഫിസിഷ്യൻ ഡോ. ഇബ്രാഹിം അലി സലീം.

ഹൃദയ സംബന്ധമായ പ്രശ്നങ്ങളല്ലെന്ന് ഉറപ്പുവരുത്താനും കൃത്യമായ ചികിത്സ തേടാനും ഉടൻതന്നെ ഒരു ഡോക്ടറെ സമീപിക്കുക എന്നതാണ് മികച്ച തീരുമാനം.

കൂടുതൽ വിവരങ്ങൾക്കും അപ്പോയിൻമെന്റ് എടുക്കുന്നതിനും +91 9446 121 241, 04822 243 222, 04822 242 222 എന്നീ നമ്പറുകളിൽ വിളിക്കുക.

21/07/2025

ആദരാഞ്ജലികൾ

17/07/2025

അസ്ഥി രോഗങ്ങൾ മൂലം ബുദ്ധിമുട്ട് അനുഭവിക്കുന്നവർക്ക് മികച്ച ചികിത്സയും പരിചരണവും നൽകാൻ MUM ഹോസ്പിറ്റലിൽ ഓർത്തോപീഡിക് ഒ.പി. സേവനം ലഭ്യമാണ്.

ആകസ്മിക ഘട്ടങ്ങളിൽ ഉണ്ടാകുന്ന ഒടിവ്, ചതവ് എന്നിവയ്ക്ക് ഫലപ്രദമായ അടിയന്തര ചികിത്സ നൽകാൻ 24 മണിക്കൂറും ഓൺകോൾ സർവീസും ലഭ്യമാണ്.

ഡോ. ഡിബിൻ കെ തോമസ് (MBBS, MS ), ഡോ. കുര്യൻ ബി മാത്യു (MBBS, MS) എന്നിവരുടെ സേവനം എല്ലാ ദിവസവും രാവിലെ 8:45 മുതൽ വൈകുന്നേരം 6:30 വരെ പ്രയോജനപ്പെടുത്താം.

MUM ഹോസ്പിറ്റലിലെ സേവനങ്ങളെക്കുറിച്ച് അറിയാൻ 9446121241 എന്ന നമ്പറിൽ വിളിക്കുകയോ, https://www.mumhospitalmonippally.com/ സന്ദർശിക്കുകയോ ചെയ്യുക.

11/07/2025

ആഗോള ജനസംഖ്യയുമായി ബന്ധപ്പെട്ട വിവിധ വിഷയങ്ങളെക്കുറിച്ച് പൊതുജനങ്ങളിൽ അവബോധം സൃഷ്ടിക്കുക, ജനസംഖ്യാ വർദ്ധനവ് വരുത്തുന്ന സാമൂഹികവും പാരിസ്ഥിതികവുമായ പ്രത്യാഘാതങ്ങളെക്കുറിച്ച് ചർച്ച ചെയ്യുക എന്നീ ഉദ്ദേശങ്ങളോടെ എല്ലാവർഷവും ജൂലൈ 11ന് ലോക ജനസംഖ്യാദിനം ആചരിക്കുന്നു.

കുറേ മനുഷ്യരുടെ കുഞ്ഞുലോകമാണ് ഈ ഭൂമി. എണ്ണമറ്റ മനുഷ്യരുടെ സ്വപ്നങ്ങളും പ്രതീക്ഷകളും പങ്കിടുന്ന ഈ ചെറിയ ഇടം നമുക്ക് സ്നേഹവും സഹാനുഭൂതിയും പങ്കുവെച്ച് സൗന്ദര്യമുള്ള വലിയ ലോകമാക്കിത്തീർക്കാം...

MUM ഹോസ്പിറ്റലിലെ സേവനങ്ങളെക്കുറിച്ച് അറിയാൻ 9446121241 എന്ന നമ്പറിൽ വിളിക്കുകയോ, https://www.mumhospitalmonippally.com/ സന്ദർശിക്കുകയോ ചെയ്യുക.

08/07/2025

ദൈനംദിന ആരോഗ്യപ്രശ്നങ്ങൾക്ക് ഏറ്റവും മികച്ച ചികിത്സയും പരിചരണവും നൽകാൻ MUM ഹോസ്പിറ്റലിൽ ജനറൽ മെഡിസിൻ ഒപി സേവനം ലഭ്യമാണ്.

സാധാരണ രോഗങ്ങൾ മുതൽ സങ്കീർണ്ണമായ ആരോഗ്യപ്രശ്നങ്ങൾ വരെ കൃത്യമായ രോഗനിർണ്ണയത്തിലൂടെയും ഫലപ്രദമായ ചികിത്സയിലൂടെയും പരിഹരിക്കാം.

ഡോ. ജിറ്റു മാത്യു ജേക്കബ് (MBBS, DNB, കൺസൾട്ടന്റ് ഫിസിഷ്യൻ), ഡോ. ഇബ്രാഹിം അലി സലീം (MBBS, MD, കൺസൾട്ടന്റ് ഫിസിഷ്യൻ) എന്നിവരുടെ സേവനം എല്ലാ ദിവസവും രാവിലെ 8:45 മുതൽ വൈകുന്നേരം 6:30 വരെ പ്രയോജനപ്പെടുത്താവുന്നതാണ്. ഏത് സമയത്തും ആവശ്യമായ വൈദ്യസഹായം ഉറപ്പാക്കുന്നതിനായി 24 മണിക്കൂറും ഓൺ കോൾ സർവീസും ഞങ്ങൾ ഉറപ്പുനൽകുന്നു.

MUM ഹോസ്പിറ്റലിലെ സേവനങ്ങളെക്കുറിച്ച് അറിയാൻ 9446121241 എന്ന നമ്പറിൽ വിളിക്കുകയോ, https://www.mumhospitalmonippally.com/ സന്ദർശിക്കുകയോ ചെയ്യുക.

03/07/2025

വഴിതെളിച്ച് പ്രത്യാശ നൽകിയ വിശുദ്ധ തോമസിന്റെ ഓർമ്മ പുതുക്കുന്ന ഈ ദിനത്തിൽ നന്മയുടെയും സേവനത്തിന്റെയും പാതയിൽ മുന്നോട്ടു പോകാൻ നമുക്ക് പ്രചോദനം ഉൾക്കൊള്ളാം.

ആത്മീയമായ വെളിച്ചം പരത്തി മാനവരാശിക്ക് വഴികാട്ടിയായ വിശുദ്ധ തോമസിനെ MUM ഹോസ്പിറ്റൽ ഈ ദിനത്തിൽ സ്മരിക്കുന്നു. ആരോഗ്യപരമായ സേവനങ്ങൾക്കുമപ്പുറം ഓരോ വ്യക്തിയുടെയും മാനസികമായ ഉന്നമനത്തിനും പ്രാധാന്യം നൽകി സമൂഹത്തിന് മികച്ച പിന്തുണ നൽകാൻ MUM ഹോസ്പിറ്റൽ സദാ പ്രവർത്തിക്കും.

അനേകായിരങ്ങൾക്ക് വിശ്വാസത്തിന്റെയും പ്രത്യാശയുടെയും വഴി കാട്ടിയ വിശുദ്ധ തോമസിന്റെ മാതൃക നമുക്ക് പിന്തുടരാം...

MUM ഹോസ്പിറ്റലിലെ സേവനങ്ങളെക്കുറിച്ച് അറിയാൻ 9446121241 എന്ന നമ്പറിൽ വിളിക്കുകയോ, https://www.mumhospitalmonippally.com/ സന്ദർശിക്കുകയോ ചെയ്യുക.

01/07/2025

ഡോക്ടേഴ്സ് ദിനത്തിന്റെ ഭാഗമായി MUM ഹോസ്പിറ്റലിൽ ഡോക്ടർമാരെ ആദരിച്ചു. ഡോക്ടർമാരുടെ നിസ്വാർത്ഥ സേവനത്തെയും, അവരുടെ കഠിനാധ്വാനത്തെയും അഭിനന്ദിക്കുന്നതിനായി നടത്തിയ പരിപാടിയിൽ ഡോ. ദീപ്തി തോമസ് (ഹെഡ് ഓഫ് ഓപ്പറേഷൻസ് ആൻഡ് ക്വാളിറ്റി) സ്വാഗതം പറഞ്ഞു. തുടർന്ന് അഡ്മിനിസ്ട്രേറ്റർ സിസ്റ്റർ പ്രിൻസി ഡോക്ടേഴ്സ് ദിന സന്ദേശം പങ്കുവയ്ക്കുകയും, ഡോക്ടർമാരെ പൂക്കൾ സമ്മാനിച്ച് ആദരിക്കുകയും ചെയ്തു.

പരിപാടിയുടെ ഭാഗമായി മെഡിക്കൽ സൂപ്രണ്ട് സിസ്റ്റർ ഡോ. ധന്യ എസ്.ജെ.സി.യുടെ നേതൃത്വത്തിൽ കേക്ക് കട്ടിങ് സെറിമണിയും നടന്നു. സമൂഹത്തിന് ഡോക്ടർമാർ നൽകുന്ന വിലമതിക്കാനാവാത്ത സംഭാവനകളെയും, അവർ നടത്തുന്ന ത്യാഗപൂർണ്ണമായ പ്രവർത്തനങ്ങളെയും ചടങ്ങിൽ അനുസ്മരിച്ചു. MUM ഹോസ്പിറ്റലിലെ എല്ലാ ഡോക്ടർമാരുടെയും അർപ്പണബോധത്തോടു കൂടിയ സേവനങ്ങൾക്ക് നന്ദി അറിയിച്ചുകൊണ്ട് പരിപാടി വിജയകരമായി സമാപിച്ചു.

01/07/2025

എല്ലാ ആരോഗ്യപ്രശ്നങ്ങളെയും അതിജീവിക്കാൻ കരുത്തും പ്രതീക്ഷയുമേകുന്നവരാണ് ഓരോ ഡോക്ടർമാരും.

രാജ്യത്തെ മെഡിക്കൽ പ്രൊഫഷണലുകളെ ആഘോഷിക്കുന്നതിനും അവരോടുള്ള നന്ദി പ്രകടിപ്പിക്കുന്നതിനുമായി എല്ലാ വർഷവും ദേശീയ ഡോക്ടേഴ്‌സ് ദിനം ആചരിക്കുന്നു. രാജ്യത്തിന്റെ ആരോഗ്യവും ക്ഷേമവും സംരക്ഷിക്കുന്നതിനുള്ള അവരുടെ സമർപ്പണം, കഠിനാധ്വാനം, പ്രതിബദ്ധത എന്നിവയെ ആദരിക്കുന്നതിനുള്ള ഒരു ദിവസമാണിത്.

ഏവർക്കും MUM ഹോസ്പിറ്റലിന്റെ ഹൃദയം നിറഞ്ഞ ദേശീയ ഡോക്ടേഴ്സ് ദിനാശംസകൾ!

MUM ഹോസ്പിറ്റലിലെ സേവനങ്ങളെക്കുറിച്ച് അറിയാൻ 9446121241 എന്ന നമ്പറിൽ വിളിക്കുകയോ, https://www.mumhospitalmonippally.com/ സന്ദർശിക്കുകയോ ചെയ്യുക.

27/06/2025

അന്താരാഷ്ട്ര ലഹരി വിരുദ്ധ ദിനത്തിന്റെ ഭാഗമായി MUM ഹോസ്പിറ്റലിന്റെ ആഭിമുഖ്യത്തിൽ അച്ചിക്കൽ ലിറ്റിൽ ഫ്ലവർ വിദ്യാനികേതൻ സ്കൂളിൽ വച്ച് ബോധവൽക്കരണ പരിപാടി സംഘടിപ്പിച്ചു. MUM ഹോസ്പിറ്റലിലെ സ്റ്റാഫുകൾ സംഘടിപ്പിച്ച മ്യൂസിക്കൽ സ്കിറ്റ് ശ്രദ്ധേയമായി.

മുഖ്യാതിഥിയായ ഡോ. ദീപ്തി തോമസ് ( ഹെഡ് ഓഫ് ഓപ്പറേഷൻസ് ആൻഡ് ക്വാളിറ്റി, എം. യു. എം. ഹോസ്പിറ്റൽ) ലഹരി വിരുദ്ധ സന്ദേശം പങ്കുവച്ചു. എം. യു. എം. ഹോസ്പിറ്റൽ അഡ്മിനിസ്ട്രേറ്റർ റെവ. സിസ്റ്റർ പ്രിൻസി എസ്. ജെ. സി യുടെ സാന്നിധ്യത്തിലായിരുന്നു ബോധവൽക്കരണ പരിപാടി. ലിറ്റിൽ ഫ്ലവർ വിദ്യാനികേതൻ സ്കൂൾ പ്രിൻസിപ്പൽ റെവ. സിസ്റ്റർ മെറിൻ ഇത്തരമൊരു പരിപാടിയ്ക്ക് നേതൃത്വം നൽകിയ MUM ഹോസ്പിറ്റലിനെ അഭിനന്ദിച്ച് സംസാരിച്ചു. പി ആർ ഒ സെബാസ്റ്റ്യന്റെ സജീവ പങ്കാളിത്തവും പരിപാടിക്ക് പ്രോത്സാഹനമായി.

ലഹരിയുടെ കെണിയിൽ നിന്ന് പുതിയ തലമുറകളെ സംരക്ഷിക്കുക എന്നതായിരുന്നു പ്രോഗ്രാമിന്റെ ലക്ഷ്യം.

കൂടുതൽ വിവരങ്ങൾക്കായി 9446121241 എന്ന നമ്പറിൽ വിളിക്കുകയോ, https://www.mumhospitalmonippally.com/ സന്ദർശിക്കുകയോ ചെയ്യുക.

27/06/2025

ആകസ്മികമായി ഒരു വ്യക്തിയ്ക്ക് സാക്ഷിയാകേണ്ടി വരികയോ, അനുഭവിക്കേണ്ടി വരികയോ ചെയ്യുന്ന അപകടം, പീഡനം, വൈകാരിക ആഘാതം എന്നിവ PTSD അഥവാ പോസ്റ്റ് ട്രോമാറ്റിക് സ്ട്രെസ്സ് ഡിസോഡർ എന്ന അവസ്ഥയിലേക്ക് അവരെ കൊണ്ടെത്തിക്കും!

PTSD ബാധിതർക്ക് പിന്തുണ നൽകുന്നതിനും, ഈ അവസ്ഥയെക്കുറിച്ച് സമൂഹത്തെ ബോധവൽക്കരിക്കുന്നതിനും ആയി എല്ലാവർഷവും ജൂൺ 27 ന് വേൾഡ് PTSD അവയർനസ് ദിനം ആചരിക്കുന്നു.

PTSD എന്നത് അതിഭീകരമായ ഒരു മാനസികാവസ്ഥയാണ്. വേദന നിറഞ്ഞ ദുരനുഭവങ്ങൾ അവരുടെ മനസ്സിന്റെ താളം തെറ്റിച്ചേക്കാം. ട്രോമകളെ അതിജീവിക്കാൻ, മനക്കരുത്ത് നേടിയെടുക്കുക എന്നതാണ് വഴി.

MUM ഹോസ്പിറ്റലിലെ സേവനങ്ങളെക്കുറിച്ച് അറിയാനും അപ്പോയിൻമെന്റ് എടുക്കുന്നതിനും 9446121241 എന്ന നമ്പറിൽ വിളിക്കുക. കൂടുതൽ വിവരങ്ങൾക്കായി https://www.mumhospitalmonippally.com/ എന്ന വെബ്സൈറ്റ് സന്ദർശിക്കുക.

M.U.M Hospital, Monippally Kottayam

28/07/2025

25/07/2025

25/07/2025

21/07/2025

17/07/2025

11/07/2025

08/07/2025

03/07/2025

01/07/2025

01/07/2025

27/06/2025

27/06/2025

Address

Telephone

Website

Alerts

Contact The Practice

Shortcuts

Share

Category