AspanHomeopathy

21/04/2023

30/01/2023

INDIAN HOMOEOPATHIC MEDICAL ASSOCIATION KERALA
HSL SEASON 4
Indian Homoeopathic Medical Association
Runners TEAM AspanHomeopathy
CONGRATULATIONS 👏👏👏👏

02/01/2023

ASPAN'S AT DANUSHKODI
AspanHomeopathy

21/01/2022

#കോവിഡ്_ചികിത്സക്ക്_ഹോമിയോപ്പതി
നിങ്ങളുടെ തൊട്ടടുത്തുളള സ്ഥലത്തെ നമ്പറിലേക്ക് വിളിക്കൂ....📞AspanHomeopathy

11/12/2021

TEAM ASPAN'S @

15/02/2019

യൂറിക്കാസിഡ്‌ / ഗൌട്ട് (Gout )- രോഗികള്‍ അറിയുകയും പാലിക്കുകയും ചെയ്യേണ്ടത്‌
______________________________________________

ചില ആഹാരങ്ങള്‍ , കിഡ്നി, ലിവര്‍ , കൂണ്‍ , ആല്കഹോള്‍ മുതലായവയുടെ അമിത ഉപയോഗം മൂലം യൂറിക് ആസിഡ് രക്തത്തില്‍ അടിഞ്ഞു കൂടി സന്ധികളില്‍ അതിന്റെ ക്രിസ്ടലുകള്‍ അടിഞ്ഞു കൂടി നീര്കെട്ടും, വേദനയും ഉണ്ടാക്കുന്നു. സന്ധികള്‍ രൂപവ്യത്യാസം വന്നു അനക്കാന്‍ വയ്യാതാകുന്നു. ഇതിനു ഗൌട്ട് എന്ന് പറയുന്നു. യൂറിക്കാസിടിന്റെ സ്ഥാനത്തു കാത്സ്യം ഫോസ്ഫേറ്റ് ആണെങ്കില്‍ സ്യൂഡോഗൌട്ട് എന്ന വാതം ആയിത്തീരുന്നു. പേശീ സങ്കോചം വഴി കൈ കാല്‍ വിരലുകളുടെ രൂപം മാറിയേക്കാം.

രക്തത്തില്‍ ഉയര്‍ന്ന അളവില്‍ യൂറിക്ക്‌ ആസിഡ്‌ ഉണ്ടായി അത് സൂചി പോലെ കട്ടിയായി ശല്യം ചെയ്യുന്നതാണ് ഈ സംഭവം, നല്ല വേദന ഉണ്ടായിരിക്കും- കാലില്‍ ആണു സാധാരണ തുടക്കം ( 4 മുതല്‍ 6 mg/dl വരെ ആണ്‌ പൊതുവില്‍ യൂറിക്ക്‌ ആസിഡ്‌ നോര്‍മല്‍ ലെവല്‍ .) സനാതന വ്യാധിയാണെങ്കിലും സ്പെല്ലുകള്‍ വന്നും പോയും ഇരിക്കും.

ഗൌട്ട്‌ ബാധിച്ചാല്‍ അത്യാവശ്യമായി ചെയ്യേണ്ട കാര്യങ്ങള്‍
________________________________________________

1. ധാരാളം വെള്ളം കുടിക്കുക, യൂറിക്ക്‌ ആസിഡ്‌ കുറയും.

2. മദ്യം യൂറിക്ക്‌ ആസിഡ്‌ വല്ലാതെ കൂട്ടും.

3. അധികം ശരീരഭാരമുള്ളവരില്‍ ഗൌട്ട്‌ അധികമായി കണ്ടുവരുന്നു. തടിയുണ്ടെങ്കില്‍ കുറയ്ക്കുക.

4. അണ്ടിപ്പരിപ്പുകള്‍ (കശു-കപ്പല്‍-ബദാം, വാള്നട്ട്‌ ഒന്നും) ഒട്ടും കഴിക്കരുത്‌.

5. അയല പോലെ ഓയില്‍ നിറഞ്ഞ മീനുകള്‍, ബീഫ്‌ (കഴിയുന്നതും ഇറച്ചികള്‍ ഒന്നും) കഴിക്കരുത്‌. കിഡ്നി, ബ്രെയിന്‍ ലിവര്‍, കക്ക, ഞണ്ട്‌, കൊഞ്ച്‌ ഒട്ടും പാടില്ല. (ഹൈ പ്രോട്ടീന്‍ ഭക്ഷണങ്ങളെല്ലാം യൂറിക്ക്‌ ആസിഡ്‌ നില ഉയര്‍തുന്നു).

6. ഇന്‍സുലിന്‍ പോലെയുള്ള ചില മരുന്നുകള്‍ , വിറ്റാമിന്‍ സപ്ലിമെന്റുകള്‍ എന്നിവ യൂറിക്ക്‌ ആസിഡ്‌ കൂട്ടും. അങ്ങനെ എന്തെങ്കിലും കഴിക്കുന്നുണ്ടെങ്കില്‍ ഡോക്റ്ററോട്‌ ചര്‍ച്ച ചെയ്യുക.

7. ഗൌട്ട്‌ അറ്റാക്കിനു ഏറ്റവും ഫലപ്രദമായ മരുന്നാണ്‌ ചെറി. ചെറിപ്പഴം ഒരു 5 മുതല്‍ 10 എണ്ണം വീതം ദിവസവും തിന്നാല്‍ ഒരാഴ്ചകൊണ്ട്‌ വേദന പോയും യൂറിക്ക്‌ ആസിഡ്‌ കുറഞ്ഞും കിട്ടും.

8. നാരങ്ങാ വെള്ളം, ഓറഞ്ച്‌ ജ്യൂസ്‌ എന്നിവ നല്ലതാണ്‌.

9. ദിവസവും ഒരു ആപ്പിള്‍ അല്ലെങ്കില്‍ ഏത്തപ്പഴം (ഏത്തനില്ലെങ്കില്‍ പൊട്ടാസ്യം കൂടുതലുള്ള എന്തെങ്കിലും പഴം മതി ) കഴിക്കുക.

10. എപ്സം സാള്ട്ട്എ‌ കലക്കിയ വെള്ളത്തില്‍ കാല്‍ മുക്കുന്നത്‌ നല്ലതാണെന്ന് പ്രകൃതി ചികിത്സകര്‍ പറയുന്നു.

11. കിടക്കുമ്പോള്‍ തലയിണയാലെ കാലുയര്ത്തി വച്ച്‌ കിടക്കുക.

12. ബീയര്‍ , കാപ്പി, കോളകള്‍ കഫീന്‍ ചേര്ന്ന് എല്ലാം (പറ്റുമെങ്കില്‍ ചായയും) ഒഴിവാക്കുക.

13. അപ്പവും മറ്റും ഉണ്ടാകുമ്പോള്‍ യീസ്റ്റിനു പകരം ബേക്കിംഗ്‌ സോഡ ഉപയോഗിക്കുക (യീസ്റ്റ്‌ ഗൌട്ടിനു വളരെ ചീത്തയും ബേക്കിംഗ്‌ സോഡ വളരെ നല്ലതുമാണ്‌).

14. സ്ട്രെസ്സിനു ഗൌട്ട്‌ സ്പെല്ലുമായി ബന്ധമുണ്ടെന്ന് വിശ്വസിക്കപ്പെടുന്നു.

15. പ്രോസസ്സ്‌ ചെയ്ത ഭക്ഷണം- പ്രധാനമായും മൈദ, പഞ്ചസാര മുതലായവ പരമാവധി കുറക്കുക.

ഹോമിയോപതി ചികിത്സ:
_____________________
ഗൗട്ട്-നു ഫലപ്രദമായ ഹോമിയോ മരുന്നുകള്‍ ലഭിയമാണ്. രോഗിയുടെ ശാരീരികവും മാനസികവുമായ ലക്ഷണങ്ങള്‍ കണക്കിലെടുത്താണ് മരുന്നുകള്‍ നിശ്ചയിക്കുന്നത്.. urtica urens, feltauri, ledum pal, lycopodium തുടങ്ങിയ മരുന്നുകള്‍ വളരെ ഫലപ്രദമാണ്.

Share and follow us on: www.facebook.com/generalhomeo

21/05/2018

നിപാ വൈറസ് : വ്യാജ വാർത്തകളെ സൂക്ഷിക്കുക.
ആശങ്ക വേണ്ട ,ജാഗ്രത പാലിക്കുക

1997 ലെ ആഗോള കാലാവസ്ഥാ പ്രതിഭാസമായ എൽനിനോ മലേഷ്യൻ കാടുകളെ വരൾച്ചയിലേക്ക് നയിച്ചു. മരങ്ങളും ഫലങ്ങളും കരിഞ്ഞുണങ്ങി. പല മൃഗങ്ങളും പക്ഷികളും കൃഷിയിടങ്ങളിലേക്കിറങ്ങി. കാടുകളിലെ പഴങ്ങളും മറ്റും തിന്നു ജീവിച്ച മലേഷ്യൻ നരിച്ചീറുകൾ കൂടി കൃഷിയിടങ്ങളിലേക്ക് എത്തി. അധികം വൈകാതെ മലേഷ്യയിലെ വൻ പന്നിഫാമുകളിലെ പന്നികളെ അജ്ഞാതമായ ഒരു രോഗം ബാധിച്ചുതുടങ്ങി. പന്നികൾ കൂട്ടമായി ചത്തൊടുങ്ങി.സമാനമായ രോഗം മനുഷ്യരെയും ബാധിച്ചു തുടങ്ങിയപ്പോളാണ് ഈ അവസ്ഥ ഏറെ ഭീഷണമായത്.1999-ലാണ്‌ ഇത്‌ മനുഷ്യരെ ആദ്യം ബാധിച്ചത്‌. മലേഷ്യയില്‍ ഈ വൈറസ്‌ ആദ്യം പ്രത്യക്ഷപ്പെട്ട സ്ഥലത്തിന്റെ പേരാണ്‌ ഇതിന്‌ നല്കിമയിരിക്കുന്നത്‌. 1994-ല്‍ ഓസ്‌ട്രേലിയയില്‍ പ്രത്യക്ഷപ്പെട്ട ഹെന്ഡ്ര വൈറസുമായി നിപായ്‌ക്ക്‌ ഏറെ സാമ്യമുണ്ട്‌. (ഹെന്ഡ്രസ പട്ടണത്തിലാണ്‌ വൈറസ്‌ ആദ്യം പ്രത്യക്ഷപ്പെട്ടത്‌). രണ്ട്‌ വൈറസുകളും Paramyxoviridae കുടുംബത്തില്പെ്ട്ടവയാണ്. വവ്വാലുകളാണ് ഇവയുടെ പ്രകൃതിയിലെ സംഭരണകേന്ദ്രങ്ങള്‍. വവ്വാലുകളില്നി്ന്ന്‌ പന്നികളിലെത്തുകയും, അവിടെ വെച്ച്‌ ജനിതകവ്യതിയാനം സംഭവിച്ച്‌ മനുഷ്യരെ മാരകമായി ബാധിക്കുകയും ചെയ്ത വൈറസാണ്‌ നിപാ. മലേഷ്യയില്‍ പ്രത്യക്ഷപ്പെട്ട നിപാവൈറസ്‌ പിന്നീട്‌ സിങ്കപ്പൂരിലേക്ക്‌ രോഗം വ്യാപിച്ചു. നൂറിലേറെപ്പേര്‍ വൈറസ്‌ ബാധിച്ച്‌ മരിച്ചു. പന്നികൃഷിക്കാരും തൊഴിലാളികളുമായിരുന്നു മരിച്ചവരിലേറെയും

രോഗലക്ഷണങ്ങൾ

വൈറസ് ബാധയുണ്ടായാൽ, അഞ്ച് മുതൽ 14 ദിവസം വരെയാണ് ഇൻകുബേഷൻ പീരിയഡ്(ബീജ ഗർഭകാലം). രോഗബാധ ഉണ്ടായാലും ലക്ഷണങ്ങൾ വ്യക്തമാകാൻ ഇത്രയും ദിവസങ്ങൾ വേണം.

പനിയും തലവേദനയും തലകറക്കവും ബോധക്ഷയവുമൊക്കെയാണ് ലക്ഷണങ്ങൾ.

ചുമ, വയറുവേദന, മനംപിരട്ടൽ, ഛർദി,ക്ഷീണം, കാഴ്ചമങ്ങൽ തുടങ്ങിയ ലക്ഷണങ്ങളും അപൂർവമായി പ്രകടിപ്പിക്കാം.

ശ്വാസകോശ സംബദ്ധമായ ലക്ഷണങ്ങൾ ഉണ്ടാവാം

രോഗലക്ഷണങ്ങൾ ആരംഭിച്ച ഒന്നുരണ്ടു ദിവസങ്ങൾക്കകം തന്നെ കോമ അവസ്ഥയിലെത്താൻ സാധ്യതയുണ്ട്

തലച്ചോറിനെ ബാധിക്കുന്ന എൻസഫലൈറ്റിസ്(മസ്തിഷ്ക വീക്കം )ഉണ്ടാവാനും വലിയ സാധ്യതയാണുള്ളത്

നിപാ വൈറസ് ബാധ ഉണ്ടായതിന്റെ അനന്തര ഫലമായി ഭാവിയിൽ അപസ്മാരങ്ങളും വ്യക്തി വൈകല്യങ്ങളും കാണപ്പെടാം.

അസുഖം വന്നതിനു ശേഷമുള്ള ചികിത്സ അത്ര ഫലപ്രദമല്ല. അതുകൊണ്ടുതന്നെ പ്രതിരോധമാണ് ഏറ്റവും പ്രധാനം.

വൈറസ് ബാധയുള്ള വവ്വാലുകളിൽ നിന്നും രോഗം പകരാതിരിക്കാൻ സ്വീകരിക്കേണ്ട മുൻകരുതലുകൾ

• വൈറസ് ബാധയുള്ള വവ്വാലുകളുടെ കാഷ്ഠം, ഉമിനീർ എന്നിവയിലൂടെ വൈറസ് പകർച്ച ഉണ്ടാകാം. അങ്ങനെയുള്ള സാഹചര്യങ്ങളെല്ലാം ഒഴിവാക്കുക.
• വവ്വാലുകൾ കടിച്ച കായ്ഫലങ്ങൾ ഒഴിവാക്കുക.
• വവ്വാലുകൾ ധാരാളമുള്ള സ്ഥലങ്ങളിൽ നിന്നും തുറന്ന കലങ്ങളിൽ ശേഖരിക്കുന്ന കള്ള് ഒഴിവാക്കുക.

രോഗം ബാധിച്ച വ്യക്തിയിൽ നിന്നും രോഗം പകരാതിരിക്കാൻ വേണ്ടി എടുക്കേണ്ട മുൻകരുതലുകൾ:

• രോഗിയുമായി സമ്പർക്കം ഉണ്ടായതിനി ശേഷം കൈകൾ സോപ്പും വെള്ളവും ഉപയോഗിച്ച് നന്നായി കഴുകുക.
• രോഗിയുമായി ഒരു മീറ്റർ എങ്കിലും ദൂരം പാലിക്കുകയും, രോഗി കിടക്കുന്ന സ്ഥലത്തു നിന്നും അകലം പാലിക്കുകയും ചെയ്യുക.
• രോഗിയുടെ വ്യക്തിപരമായ ആവശ്യങ്ങൾക്കുള്ള സാമഗ്രികൾ പ്രത്യേകം സൂക്ഷിക്കുകയും ഉപയോഗിക്കുകയും ചെയ്യുക.

രോഗം പടരാതിരിക്കാൻ വേണ്ടി ആശുപത്രികൾ ശ്രദ്ധിക്കേണ്ട കാര്യങ്ങൾ:

• രോഗലക്ഷണങ്ങളുമായി വരുന്ന എല്ലാ രോഗികളെയും വേർതിരിച്ച വാർഡുകളിലേക്ക് (isolation ward) പ്രവേശിപ്പിക്കുക.
• രോഗമുണ്ടെന്ന് സംശയിക്കുന്ന ആളുകളോട് സംസാരിക്കുമ്പോളും, പരിശോധിക്കുമ്പോളും മറ്റു ഇടപഴകലുകൾ നടത്തുമ്പോളും കയ്യുറകളും മാസ്കും ധരിക്കുക.
• സാംക്രമിക രോഗങ്ങളിൽ എടുക്കുന്ന എല്ലാ മുൻകരുതലുകളും ഇത്തരം രോഗികളിലും എടുക്കുക.
• ശുശ്രൂഷയ്ക്ക് ഉപയോഗിക്കുന്ന ഉപകരണങ്ങൾ പരമാവധി ഡിസ്പോസബിൾ ആവുന്നതാണ് ഉത്തമം. പുനരുപയോഗം അനിവാര്യമെങ്കിൽ ശരിയായ രീതിയിൽ അണു നശീകരണത്തിന് ശേഷം മാത്രമെന്ന് ഉറപ്പ് വരുത്തണം.

രോഗം വന്നു മരണമടഞ്ഞ ആളിൽ നിന്നും രോഗം പടരാതിരിക്കാൻ എടുക്കേണ്ട മുൻകരുതലുകൾ:

• മൃതദേഹസമ്പർക്കം ഉണ്ടാകാതിരിക്കാൻ ശ്രദ്ധിക്കുക.
• മുഖത്തു ചുംബിക്കുക, കവിളിൽ തൊടുക എന്നിവ ഒഴിവാക്കുന്നതാണ് നല്ലത്.
• മൃതദേഹത്തെ കുളിപ്പിക്കുന്ന സമയത്ത് മുഖം മറക്കുക.
• മൃതദേഹത്തെ കുളിപ്പിച്ചതിനു ശേഷം കുളിപ്പിച്ച വ്യക്തികൾ ദേഹം മുഴുവൻ സോപ്പ് തേച്ച് കുളിക്കേണ്ടതാണ്.
• മരണപ്പെട്ട വ്യക്തി ഉപയോഗിച്ചിരുന്ന വസ്ത്രങ്ങൾ, പാത്രങ്ങൾ തുടങ്ങിയ വീണ്ടും ഉപയോഗിക്കാവുന്ന സാധനങ്ങൾ അണു നശീകരണം നടത്തുക.

30/05/2017

■■നോമ്പുകാലം ആരോഗ്യത്തോടെ...

വ്രതപുണ്യത്തിന്റെ നാളുകളിൽ മനസ്സിനൊപ്പം ശരീരവും പവിത്രമാക്കാൻഭക്ഷണക്കാര്യത്തിൽ എന്തെല്ലാം ശ്രദ്ധ വേണം?

മാസങ്ങളായിതുടരുന്നജീവിതക്രമത്തിൽനിന്ന് പൊടുന്നനെ ഒരു മാറ്റമാണു റമസാൻ കാലത്ത്. മനസ്സും ശരീരവും ഒരേപ്രകാരം പങ്കുചേരുന്ന ആരാധനാ കർമമായാണു നോമ്പുകാലം വിശേഷിപ്പിക്കപ്പെടുന്നത്. കേൾവിയെയും കാഴ്ചയെയും ചിന്തകളെയും പ്രവൃത്തികളെയും പുനഃക്രമീകരി ക്കുകയും ശുദ്ധീകരിക്കുകയും ചെയ്യുന്ന സ്വാധീന ശക്തിയാണു റമസാൻ വ്രതം. ഇക്കാലത്ത് ശ്രദ്ധിക്കേണ്ട ചില ആരോഗ്യകാര്യങ്ങൾ, ഭക്ഷണക്രമീകരണങ്ങൾ എന്നിവ ഏതെല്ലാമാണെന്നു നോക്കാം.

■■നേട്ടങ്ങളുടെ ഉപവാസം

ആരോഗ്യശാസ്ത്രപ്രകാരം, ശാരീരികമായ മിക്ക രോഗങ്ങൾക്കും പ്രധാന പരിഹാരമാർഗമായ ആമാശയ ശുദ്ധീകരണത്തിനും ദഹനേന്ദ്രിയ വിശ്രമത്തിനും ശാരീരിക സന്തുലിതാവസ്ഥയുടെ ക്രമീകരണത്തിനും ഉപവാസം വഴിയൊരുക്കും. ഉപവാസംകൊണ്ട് ആത്മീയഗുണങ്ങൾ മാത്രമല്ല, ഭൗതികനേട്ടങ്ങളും ഉണ്ട്. ആരോഗ്യ സംരക്ഷണത്തിൽ ഉപവാസത്തിന്റെ സ്ഥാനം പ്രധാനമാണ്.

തുടർച്ചയായി 12 മണിക്കൂറിലധികം പരിപൂർണ ഉപവാസം അനുഷ്ഠിക്കുന്ന ആളുടെ ആമാശയത്തിലെ സൂക്ഷ്മസിരാ സന്ധികൾ ഭേദിക്കുകയും അസിറ്റോണിനു സമമായ ഒരു രാസപദാർഥം ഉണ്ടായി, അതു രക്തത്തിൽ വ്യാപിക്കുകയും ചെയ്യുന്നു എന്ന് വൈദ്യശാസ്ത്രജ്ഞൻമാർ തെളിയിച്ചിട്ടുണ്ട്. ഈ രാസപദാർഥം ദഹനക്കേട്, കുടലിലുണ്ടാകുന്ന വ്രണം, അതിസാരം തുടങ്ങിയ രോഗങ്ങളെ ഇല്ലാതാക്കും.

മാനസികാരോഗ്യം കൂടുന്നു
മനസ്സിനെ പ്രഭാതം മുതൽ പ്രദോഷം വരെ സൂക്ഷ്മമായി നിയന്ത്രിക്കുന്ന റമസാൻ മാസത്തിൽ ഭക്ഷണം ഉപേക്ഷിക്കുന്നതോടെ അന്നപഥത്തിനു പരിപൂർണവിശ്രമം കിട്ടുന്നതിനാൽ കാമക്രോധ ഇൗർഷ്യകൾ കുറയും. വാക്കുകൾകൊണ്ടും മനസ്സുകൊണ്ടുമുള്ള തെറ്റായ പ്രവൃത്തികൾ ഉപേക്ഷിക്കുക വഴി മാനസികാരോഗ്യം വർധിക്കും. എല്ലാ മതങ്ങളും വ്രതാനുഷ്ഠാനങ്ങളെ വാഴ്ത്തുന്നുണ്ട്. ആയുർവേദ ശാസ്ത്രപ്രകാരം ഇത് മരുന്നു കൂടാതെയുള്ള ചികിത്സയാണ്. അർശസ്, അമിതവണ്ണം, ത്വക് രോഗങ്ങൾ, അടിക്കടിയുള്ള ജലദോഷം, മലബന്ധം, വയറുവേദന തുടങ്ങി പല രോഗങ്ങൾക്കും ഇതു നിഷ്കർഷിക്കപ്പെടുന്നു.

■■ഭക്ഷണത്തിലെ നിയന്ത്രണങ്ങൾ

വ്രതാനുഷ്ഠാന കാലത്ത് ചിട്ടയായ ആഹാരക്രമം വേണം. വ്രതത്തിന്റെ തുടക്കവും ഒടുക്കവും ലഘു ഭക്ഷണമാണു വേണ്ടത് അജീർണവും മലബന്ധവും ഉണ്ടാക്കുന്ന ഭക്ഷണം കഴിക്കരുത്. ബിരിയാണി, ഇറച്ചി, മീൻ, പൊറോട്ട എന്നിവയ്ക്കു പകരം ചോറ്, കഞ്ഞി, ചെറുപയർ, ചീര, മുരിങ്ങ, പച്ചക്കറികൾ, ചെറുപഴം എന്നിവ കഴിക്കാം. ഗോതമ്പുകൊണ്ടുള്ള ഭക്ഷണം നല്ലതാണ്. റവ, റാഗി, കൂവ എന്നിവ മികച്ചവയാണ്. പുട്ട് ഒഴിവാക്കുക. പത്തിരിയാണു നല്ലത്. ജ്യൂസ് കഴിക്കുന്നതിനെക്കാൾ പഴവർഗങ്ങൾ അതേ രൂപത്തിൽത്തന്നെ കഴിക്കുന്നതാണു നല്ലത്.

നോമ്പിന്റെ ഗുണം പൂർണമായി കിട്ടാൻ സസ്യാഹാരി ആകുന്നതാണ് ഉചിതം. മൽസ്യം, മാംസം എന്നിവ ഒഴിവാക്കുന്നതിനോടൊപ്പം എണ്ണയിൽ വറുത്ത ഭക്ഷണപദാർഥങ്ങളും എരിവ്, പുളി എന്നിവയും ഉപേക്ഷിക്കുന്നതു നല്ലതാണ്. പ്രത്യേകിച്ച്, രക്തസമ്മർദം ഉള്ള രോഗികൾ ഇക്കാര്യങ്ങൾ ശ്രദ്ധിക്കണം. ദഹനശേഷി കുറവായിരിക്കും എന്നതിനാൽ അമിതഭക്ഷണം ഒഴിവാക്കുന്നതാവും നല്ലത്. രാത്രി അമിതഭക്ഷണം ഒഴിവാക്കിയാൽ പിറ്റേദിവസം പകൽസമയത്തെ ക്ഷീണം കുറയും. എണ്ണഭക്ഷണം കഴിച്ചാൽ ആമാശയ ശുദ്ധീകരണം നടക്കില്ല.

■നോമ്പു തുറക്കാൻ കാരയ്ക്ക

അയണും കലോറിയും ധാരാളം അടങ്ങിയ കാരയ്ക്ക കഴിച്ച് നോമ്പു തുറന്നശേഷം ഇളനീർ കഴിക്കുന്ന താണ് ഉത്തമം. അല്ലെങ്കിൽ കൽക്കണ്ടം ചേർത്ത തണുത്ത വെള്ളം കഴിക്കാം. കറുത്ത കസ്കസ് വെള്ള ത്തിലിട്ടതും ആവാം. പഴച്ചാർ, ചെറുപയർ തിളപ്പിച്ച വെള്ളം, റവകൊണ്ടുള്ള കട്ടികുറഞ്ഞ പായസം എന്നിവ നല്ലതാണ്. എന്നാൽ, നാരങ്ങാവെള്ളം ഒഴിവാക്കാം. പ്രമേഹരോഗികൾ പതിമുഖം ചതച്ചിട്ട് വെള്ളം തിളപ്പിച്ചു കുടിക്കുക. ഇതിനുശേഷം ചുരുങ്ങിയത് ഒരു മണിക്കൂർ കഴിഞ്ഞാവണം അടുത്ത ഭക്ഷണം. നോമ്പ് അവസാനിപ്പിക്കുമ്പോൾ ആദ്യം കഴിക്കുന്ന ഭക്ഷണം പഴങ്ങൾ ആവാതിരിക്കുന്നതാണ് ഉത്തമം. ധാന്യാഹാരമാണ് ആദ്യം കഴിക്കാൻ നല്ലത്. കാരണം, ഒഴിഞ്ഞിരിക്കുന്ന വയറിലേക്ക് ആദ്യം എത്തേണ്ടതു കാർബോ ഹൈഡ്രേറ്റ് അടങ്ങിയ ഭക്ഷണമാണ്. പഴങ്ങൾ കഴിക്കുമ്പോൾ എത്തുന്നത് അസിഡിക് ഭക്ഷണങ്ങളാണ്.

■■ശ്രദ്ധിക്കാം രാത്രിഭക്ഷണം

പത്തിരി, ദോശ, ഉഴുന്നുചേർത്തു പുളിപ്പിച്ച ഭക്ഷണം എന്നിവ കഴിക്കാം. ദീർഘനേരത്തേക്ക് അന്ന പാനീയങ്ങൾ ഉപേക്ഷിച്ചതിനാൽ ആമാശയവും അന്നപഥത്തിലെ മറ്റ് അവയവങ്ങളും പൂർണ വിശ്രമത്തിലായിരിക്കും. ഇൗ സമയത്ത് ദഹനപ്രക്രിയയ്ക്കു വേണ്ടത്ര ദഹനരസം ഉൽപ്പാദിപ്പിക്കപ്പെടില്ല. അതിനാൽ എണ്ണ കൂടുതൽ അടങ്ങിയ പലഹാരങ്ങൾ, ഇറച്ചി മുതലായവ കഴിച്ചാൽ ദഹനവ്യവസ്ഥ താറുമാറാകും. രോഗങ്ങൾക്കിടയാവുകയും ചെയ്യും.

■■അതിരാവിലെ ഇറച്ചി വേണ്ട
പുലർച്ചയ്ക്കു മുമ്പായുള്ള അത്താഴ ഭക്ഷണത്തിൽ ഇറച്ചി, മീൻ,പൊറോട്ട,എണ്ണപ്പലഹാരങ്ങൾ എന്നിവ ഒഴിവാക്കുക. അവ കൂടിയേ തീരൂ എന്നുള്ളവർ രാത്രി ഭക്ഷണത്തിൽ ഇവ ഉൾപ്പെടുത്തുക. അതിനുശേഷം തേങ്ങ തീക്കനലിൽ ചുട്ടു ചവച്ചുതിന്നുകയോ ചുക്കും കുരുമുളകും തിപ്പലിയും ചേർത്തു വെള്ളം തിളപ്പിച്ചു കുടിക്കുകയോ ചെയ്താൽ ഇതിന്റെ ദോഷഫലം ഒരു പരിധിവരെ കുറയ്ക്കാം. ഭക്ഷണത്തിൽ ധാരാളം പഴങ്ങളും വേവിച്ച പച്ചക്കറികളും ഉൾപ്പെടുത്തുക. പ്രമേഹരോഗികൾ സൂജിഗോതമ്പ് വേവിച്ചു കഴിക്കുക. രക്തസമ്മർദം ഉള്ളവർ മുരിങ്ങയില കൂടുതൽ ഉൾപ്പെടുത്തുക.
■■രോഗംചെറുക്കാൻപൊടിക്കൈകൾ
പകൽ ധാരാളം ഭക്ഷണം കഴിക്കുന്നതു പെട്ടെന്നു നിർത്തുന്നതുകൊണ്ടും രാത്രിയിൽ ക്രമം തെറ്റി ആഹാരം കഴിക്കുന്നതുകൊണ്ടും ചിലരിൽ നോമ്പുകാലത്ത് ചില അസ്വസ്ഥതകൾ കണ്ടുവരാറുണ്ട്. മൂത്രാഘാതം, നെഞ്ചെരിച്ചിൽ, അജീർണം, തലവേദന, മലബന്ധം തുടങ്ങിയവയാണ് അതിൽ ചിലത്. കറുത്ത കസ്കസ് ചേർത്ത വെള്ളവും കരിക്കിൻ വെള്ളവും നല്ലതാണ്. ചെറുപയർ വേവിച്ച വെള്ള ത്തിൽ കൽക്കണ്ടവും ജീരകവും ചേർത്തു കഴിക്കുന്നതും ഇൗ അസ്വസ്ഥതകളെ ചെറുക്കാൻ നല്ലതാണ്. അത്താഴ ഭക്ഷണശേഷം ജീരകമോ മല്ലിയോ ചവച്ചുതിന്നുന്നതും മല്ലിയിലകൊണ്ടു ചമ്മന്തിയുണ്ടാക്കി കഴിക്കുന്നതും അജീർണം, നെഞ്ചെരിച്ചിൽ എന്നിവ ഒഴിവാക്കാൻ സഹായിക്കും. തലവേദനയുള്ളവർ കട്ടൻചായയിൽ ഏലയ്ക്ക പൊടിച്ചുചേർത്ത് അത്താഴശേഷം കഴിക്കുക. അസിഡിറ്റി ഒഴിവാക്കാൻ അത്താഴത്തിനുശേഷം തണുത്ത കഞ്ഞിവെള്ളം കുടിക്കുന്നതും കൂവപ്പൊടി കൽക്കണ്ടം ചേർത്തു പാലിൽ കഴിക്കുന്നതും സഹായിക്കും.

ചായ ആവാം, കാപ്പി വേണ്ട
എന്തെങ്കിലും രോഗത്തിനു സ്ഥിരമായി മരുന്നു കഴിക്കുന്നവർ ഡോക്ടറുടെ നിർദേശമില്ലാതെ അതു നോമ്പുകാലത്ത് നിർത്തരുത്. വയറു കുറയ്ക്കാനും മറ്റുമായി രാവിലെ ചെറിയ തോതിലുള്ള വ്യായാമ ങ്ങൾ ചെയ്യുന്നതു നല്ലതാണെങ്കിലും കടുത്ത രീതിയിലുള്ള വ്യായാമങ്ങൾ ഒഴിവാക്കി വിശ്രമിക്കുന്ന താവും ഉചിതം. നോമ്പു തുടങ്ങുമ്പോഴും അവസാനിപ്പിക്കുമ്പോഴും ഒരു ചായ കുടിക്കാം, പക്ഷേ, കാപ്പി ഒഴിവാക്കുന്നതാണു നല്ലത്.

■■ശാസ്ത്രീയ പിൻബലം

റമസാനിലെ വ്രതാനുഷ്ഠാനം കേവലം അന്നപാനീയ വർജനമല്ല. അതിന്റെ ഓരോ കർമത്തിനുമുണ്ടു ശാസ്ത്രീയമായി തെളിയിക്കപ്പെട്ട ആരോഗ്യ വിവക്ഷ. മനുഷ്യരുടെയും മിക്കവാറും ജന്തുക്കളുടെയും ശരീരഘടന രക്തത്തിലെ ഗ്ലൂക്കോസിന്റെ അളവ് 100 മില്ലിലീറ്ററിന് 70-80 മില്ലിഗ്രാം എന്ന അനുപാത ത്തിൽ കുറയാതെ നിലനിൽക്കത്തക്കവിധമാണ്. എല്ലാവിധ ശാരീരിക ധർമങ്ങളെയും നിയന്ത്രിക്കുന്ന മസ്തിഷ്കത്തിന്റെ പ്രവർത്തനക്ഷമത രക്തത്തിലെ ഗ്ലൂക്കോസിനെ ആശ്രയിച്ചിരിക്കുന്നു എന്നതാണ് ഇതിനു കാരണം.

നോമ്പു നോക്കുമ്പോൾ ഭക്ഷണത്തിലൂടെ ഗ്ലൂക്കോസ് യഥാസമയം ലഭിക്കാതെ വരികയും രക്തത്തിലെ ഗ്ലൂക്കോസിന്റെ അളവ് നിശ്ചിത അനുപാതത്തിൽ കുറഞ്ഞു തുടങ്ങുകയും ചെയ്യുമ്പോൾ ഹൈപ്പോ തലാമസ് എന്ന മസ്തിഷ്ക ഭാഗത്തുനിന്ന് അടിയന്തര സഹായം തേടി വിവിധ ഗ്രന്ഥികളിലേക്കു സന്ദേശങ്ങൾ പ്രവഹിക്കുന്നു.

തുടർന്നു ശരീരത്തിലെ ഊർജ കലവറകളിൽ സംഭരിച്ചുവച്ചിട്ടുള്ള ഗ്ലൈക്കോജനും കൊഴുപ്പുകളും ഗ്ലൂക്കോസാക്കി മാറ്റുന്നതിനു പ്രേരകമായ ഹോർമോണുകൾ തൈറോയ്ഡ്, പിറ്റ്യൂറ്ററി ഗ്രന്ഥികളിൽനിന്നു കൂടിയ അളവിൽ സ്രവിക്കാൻ തുടങ്ങുന്നു. മണിക്കൂറുകളോളം ഭക്ഷണം കഴിച്ചില്ലെങ്കിലും മുൻപു സ്വരൂപിച്ച ഊർജത്തിന്റെ വിനിയോഗത്തിലൂടെ ശരീരത്തിനു രക്തത്തില പഞ്ചസാരയുടെ അളവ് മിക്കവാറും സ്ഥിരമായി നിലനിർത്താൻ കഴിയും.

വിഷമകരമായ ജീവിതസാഹചര്യങ്ങളിൽ ദീർഘനേരത്തേക്കു ഭക്ഷണം ലഭിക്കാതിരിക്കുകയോ ഭക്ഷണം കഴിക്കാൻ സൗകര്യപ്പെടാതെ പോവുകയോ ചെയ്താലും ശരീരത്തിന്റെ പ്രവർത്തനക്ഷമത തടസ്സമില്ലാതെ നിലനിൽക്കേണ്ടതിനാണു ശരീരത്തിൽ അധിക ഊർജം സംഭരിച്ചുവയ്ക്കാനുള്ള സംവിധാനം ഒരുക്കിയിട്ടുള്ളത്. ശരീരത്തിന്റെ പല ഭാഗങ്ങളിലും മിച്ചമുള്ള ഊർജം ഗ്ലൈക്കോജന്റെയും കൊഴുപ്പുകളുടെയും രൂപത്തിൽ സംഭരിക്കപ്പെടുന്നു. ഭക്ഷണം ലഭ്യമല്ലാതെ വരുമ്പോൾ നേരത്തെ പറഞ്ഞ സംവിധാനത്തിലൂടെ ശരീരം ഈ ഗ്ലൈക്കോജനും കൊഴുപ്പും ഗ്ലൂക്കോസായും കൊഴുപ്പ് അമ്ലങ്ങളായും മാറ്റിയെടുത്ത് ഉപയോഗിക്കുന്നു.

ഭക്ഷണത്തിന്റെ ദഹനം, ഊർജസംഭരണം, ഊർജത്തിന്റെ പുനരുപയോഗം എന്നിവയെല്ലാം അത്യന്തം സൂക്ഷ്മവും സങ്കീർണവുമായ പ്രക്രിയകളാണ്. ഈ പ്രക്രിയകളെ നിയന്ത്രിക്കുന്ന ശാരീരിക സംവിധാനങ്ങൾ കുറ്റമറ്റതായി നിലനിൽക്കണമെങ്കിൽ അവയ്ക്കെല്ലാം പ്രവർത്തിക്കേണ്ട ആവശ്യവും അവസരവും ഉണ്ടാകണം.

ഭക്ഷണം കഴിക്കാത്ത അൽപം നീണ്ട ഇടവേളകൾ ഉണ്ടായാൽ മാത്രമേ സംഭരിച്ച ഊർജമെടുത്ത് ഉപയോഗിക്കേണ്ടിവരൂ. അപ്പോൾ മാത്രമേ പല ഗ്രന്ഥികൾക്കും അവയുടെ ധർമം പൂർണമായും നിറവേറ്റാൻ അവസരമുണ്ടാകൂ. സംഭരിച്ച ഊർജം ഒരിക്കലും ഉപയോഗിക്കേണ്ടിവരാതിരുന്നാൽ കരളും പാൻക്രിയാസും ഉൾപ്പെടെ പല ഗ്രന്ഥികൾക്കും യഥോചിതം പ്രവർത്തിക്കാനുള്ള അവസരം നഷ്ടപ്പെ ടുക യായിരിക്കും ഫലം. അതേ സമയം, നോമ്പുകാലത്തു പകൽ കൂടുതലായി കിടന്നുറങ്ങുന്നത് ഈ ശാരീരിക പ്രക്രിയകളെ തടസ്സപ്പെടുത്തുകയും ചെയ്യും.
Dr. Aneesh Raguvaran, BHMS