रॉयल मालवणी कला क्रीडा आरोग्य Reg.No.F-0005468 SDD

29/04/2026

घेतला वसा टाकणार नाही 😇😇😇

धन्यवाद कांबळी सर!!

29/04/2026

Reviews about Karaoke compition arranged by ROYAL MALWANI सिंधुदुर्ग

28/04/2026

Royals....

26/04/2026

जिल्हास्तरीय खुली कराओके स्पर्धा आचरा येथे उत्साहात संपन्न
आचरा (ता. मालवण) : रॉयल मालवणी सिंधुदुर्ग आयोजित जिल्हास्तरीय खुली कराओके गीत, गायन स्पर्धा दि. २५ एप्रिल २०२६ रोजी लौकिक सांस्कृतिक भवन, आचरा येथे मोठ्या उत्साहात पार पडली. या स्पर्धेत संपूर्ण सिंधुदुर्ग जिल्ह्यातून एकूण ३६ स्पर्धकांनी उत्स्फूर्त सहभाग नोंदवला.
स्पर्धेतील विजेत्यांना आकर्षक पारितोषिकांनी सन्मानित करण्यात आले. प्रथम क्रमांकासाठी रॉयल मालवणी संस्थेकडून आकर्षक चषक तसेच डॉ. धनंजयजी रासम यांच्या हस्ते रु. ६६६६/- प्रदान करण्यात आले. द्वितीय क्रमांकासाठी आकर्षक चषक व श्री. संतोषजी कोदे यांच्याकडून रु. ४४४४/- देण्यात आले, तर तृतीय क्रमांकासाठी आकर्षक चषक व श्री. संजयजी वेंगुर्लेकर यांच्या हस्ते रु. २२२२/- देण्यात आले. सर्व सहभागी स्पर्धकांना प्रशस्तीपत्रक व मेडल्स देऊन गौरविण्यात आले.
स्पर्धेत कु. वैष्णवी चव्हाण हिने प्रथम क्रमांक पटकावला, तर द्वितीय क्रमांक श्री. राकेश मिठबावकर (देवगड) आणि तृतीय क्रमांक श्री. संतोष पांचाळ (पडेल) यांनी मिळवला. उत्तेजनार्थ पारितोषिक सौ. पूजा गोसावी (ओरस) यांना प्रदान करण्यात आले.
या स्पर्धेसाठी लोकमान्य मल्टीपर्पज को-ऑपरेटिव्ह सोसायटी, शाखा आचरा यांचेही मोलाचे सहकार्य लाभले. कार्यक्रमास श्री. सुरेंद्र सकपाळ, सुरेश ठाकूर सर तसेच रॉयल मालवणी, सिंधुदुर्गचे अध्यक्ष डॉ. अभय परब, सेक्रेटरी डॉ. अमोल हूले, खजिनदार डॉ. स्वप्नील भोगटे व इतर सदस्य उपस्थित होते.
स्पर्धेचे परीक्षक म्हणून डॉ. राहुल पंतवालालकर आणि डॉ. निशा धुरी कोचरेकर यांनी उत्कृष्टपणे काम पाहिले. कार्यक्रमाचे निवेदन डॉ. सिद्धेश सकपाळ व डॉ अमोल हुले यांनी प्रभावी शैलीत केले.
संगीतप्रेमींसाठी ही स्पर्धा एक संस्मरणीय अनुभव ठरली असून भविष्यातही अशा उपक्रमांची अपेक्षा व्यक्त करण्यात येत आहे.

15/04/2026

08/04/2026

रॉयल मालवणी सिंधुदुर्ग कडून आज 08 एप्रिल 2026 रोजी दिविजाश्रम असलदे येथे आजी आजोबा यांना डायपर भेट देण्यात आले. याप्रसंगी संस्थेचे अध्यक्ष डॉ अभय परब, उपाध्यक्ष डॉ सिद्धू सकपाळ, इतर पदाधिकारी, सौ प्रियांका सकपाळ व आश्रमाचे सचिव श्री संदेश शेट्ये सर उपस्थित होते.

08/04/2026

रॉयल मालवणी सिंधुदुर्ग घेऊन येत आहोत......

लवकरच.....

03/04/2026

.
कायम "लक्ष्या" त राहणारा आवाज

मराठी चित्रपटसृष्टी, हिंदी चित्रपटसृष्टी आणि रंगभूमी—या तिन्ही क्षेत्रांमध्ये आपल्या अद्वितीय अभिनयाने प्रेक्षकांच्या मनावर अधिराज्य गाजवणारे आपले लाडके अभिनेते कै. लक्ष्मीकांत बेर्डे उर्फ “लक्षा” आजही प्रत्येक मराठी माणसाच्या मनात जिवंत आहेत. त्यांच्या अभिनयातील सहजता, निरागस हास्य आणि अचूक कॉमिक टायमिंग यामुळे त्यांनी प्रेक्षकांच्या हृदयात कायमचे घर केले.
लक्षा यांच्या चित्रपटांतील गाणीही तितकीच लोकप्रिय ठरली. त्या गाण्यांना जिवंत करणारा, त्यांना सुरांची जादू देणारा आवाज होता गुणी गायक विनय मांडके यांचा.
१ एप्रिल २०२६ हा दिवस मराठी संगीतप्रेमींसाठी अतिशय दुःखद ठरला. त्या दिवशी विनयजींनी या जगाचा अखेरचा निरोप घेतला. ज्या आवाजाने आमचं बालपण सुरेल केलं, ज्या आवाजाने अनेक आठवणींना स्वर दिले, तो आवाज आज कायमचा शांत झाला… ही जाणीव मनाला चटका लावून जाते.
त्यांनी गायलेली “हमारा बजाज” ही जिंगल तर अक्षरशः ऐतिहासिक ठरली. काही सेकंदांची ती धून आजही ऐकली की मन नकळत त्या जुन्या दिवसांत हरवून जातं.
“बाळाचे बाप ब्रह्मचारी” मधील विनयजी आणि सुरेशजी यांनी म्हटलेली अंगाई माझ्यासाठी विशेष प्रिय आहे. त्या गाण्यातील कोमलता आणि भावस्पर्शी सूर आजही मनाला शांत करतात.
तसंच “धडाकेबाज” मधील “ही दोस्ती तुटायची नाय” आणि “बाळाचे बाप ब्रह्मचारी” मधील “चार तीन दोन एक” ही गाणी आमच्या रॉयल मालवणी मित्रमंडळीत तर अक्षरशः जल्लोष निर्माण करणारी ठरतात . त्या गाण्यांवर आमच्या मैत्रीच्या असंख्य आठवणी कोरल्या गेल्या आहेत.
असंख्य Live Orchestra कार्यक्रमांतूनही त्यांनी रसिकांना मंत्रमुग्ध केलं. मंचावर त्यांचा आवाज घुमला की वातावरणात एक वेगळीच जादू निर्माण व्हायची.
आज ते आपल्यात नसले तरी त्यांचा आवाज, त्यांची गाणी आणि त्यांच्याशी जोडलेल्या आठवणी कायम आपल्या सोबत राहतील. कलाकार कधीच खऱ्या अर्थाने दूर जात नाही—तो आपल्या कलेतून सदैव जिवंत राहतो.
🙏 विनय मांडके यांना भावपूर्ण श्रद्धांजली.
“काही आवाज काळाच्या पलीकडे जातात…
आणि कायम मनात घुमत राहतात.”

@सिदधु

01/04/2026

Memories...

"Sindhudurg Doctors Premier League: Unveiling the Auction Spectacle!"🏏 Welcome to the Royal Malvani Group's exciting Doctor's cricket league auction program...

20/03/2026

निसटता पराभव झाला पण क्रीडासैनिकांची मनं जिंकली 💕💕

साई स्पोर्ट्स कट्टा मालवण प्रीमियर लीग क्रिकेट स्पर्धेत रॉयल मालवणी विरुद्ध ग्रामीण धमाका या संघात 18 मार्च 2026 रोजी प्रेक्षणीय सामना झाला अगदी अवघ्या 1धावेसाठी पराभव पत्करावा लागला पण एकूण खूप मजा आली. Day night सामने खेळायची वेगळीच मजा आली. खूप खूप धन्यवाद.. साई स्पोर्ट्स कट्टा. त्यावेळी सिंधुदुर्ग क्रिकेट ची ओळख असलेला दर्शन बांदेकर सोबत छान चर्चा झाली.

18/03/2026

*पुणे महापौर चषक राज्यस्तरीय महिला शूटिगबॉल स्पर्धेत ‘रॉयल मालवणी सिंधुदुर्ग’ संघाला चौथा क्रमांक*

दि. 14 मार्च 2026 रोजी, महिला दिनाच्या निमित्ताने पुणे येथे पुणे महापौर चषक राज्यस्तरीय महिला शूटिंग बॉल स्पर्धा उत्साहात पार पडली. या स्पर्धेत सिंधुदुर्ग जिल्ह्याचे प्रतिनिधित्व ‘रॉयल मालवणी सिंधुदुर्ग – कला, क्रीडा, आरोग्य’ या संस्थेच्या महिला संघाने केले.
संपूर्ण स्पर्धेमध्ये संघाने अत्यंत सरस, जिद्दी आणि कौशल्यपूर्ण खेळाचे प्रदर्शन करत चौथ्या क्रमांकाचे मानाचे स्थान मिळवले. संघाला राज्यस्तरीय पंच व प्रशिक्षक श्री. सुनिलजी गावडे यांचे मार्गदर्शन लाभले.
या यशाबद्दल रॉयल मालवणीचे अध्यक्ष डॉ. अभय परब तसेच संस्थेच्या सर्व पदाधिकाऱ्यांनी संघाचे अभिनंदन करून पुढील वाटचालीसाठी शुभेच्छा दिल्या.
गेल्या तीन वर्षांपासून डॉक्टरांच्या SDPL क्रिकेट लीगचे यशस्वी आयोजन करणाऱ्या रॉयल मालवणी संस्थेने आता महिला शूटिंग बॉल या क्रीडाप्रकारातही पाऊल टाकले आहे. महिला दिनाचे औचित्य साधत महिलांना क्रीडा क्षेत्रात प्रोत्साहन देण्यासाठी वेगळ्या पद्धतीने महिला दिन साजरा करण्याचा संस्थेचा मानस होता.
घाटमाथा व देशाच्या उत्तरेकडील भागात प्रचलित असलेल्या आणि ऐतिहासिक वारसा असलेल्या या खेळात सिंधुदुर्गातील महिलांचा सहभाग ही संपूर्ण जिल्ह्यासाठी अभिमानाची बाब असल्याचे मत संस्थेचे अध्यक्ष डॉ. अभय परब यांनी व्यक्त केले. योग्य पाठबळ मिळाल्यास हा संघ आगामी स्पर्धांमध्ये निश्चितच अधिक मोठे यश संपादन करेल, असा विश्वास त्यांनी व्यक्त केला.