07/08/2025
নলবাৰী চকু চিকিৎসালয় চকুৰ ৰোগীসকলৰ বাবে উৎকৃষ্ট মানদণ্ডৰ এখনি চিকিৎসালয় হোৱাৰ উপৰিও ইয়াত কৰ্মৰত আটাইবোৰ কৰ্মীৰ বাবেও ই এক আদৰ্শ কৰ্মভূমী। প্ৰতিগৰাকী কৰ্মীয়ে নিষ্ঠা সহকাৰে কাম কৰি চিকিৎসালয়খনক বিভিন্ন দিশৰ উত্তৰণত যথেষ্ট পৰিমাণে অৰিহণা যোগাই আহিছে। আমি গৌৰৱান্বিত।
তেনেস্থলত, আমাৰ চিকিৎসালয়ত কৰ্মজীৱনৰ আৰম্ভণিৰ পৰা আজিলৈকে অতি নিষ্ঠা সহকাৰে প্ৰতিদিন সঠিক সময়মতে অহা-যোৱা তথা নিজৰ কৰ্ম সম্পাদন কৰা, আমাৰ নাৰ্চ/চিষ্টাৰ পূৰৱী দেৱীক আজি নিয়মানুৱৰ্তিতাৰ বাবে এক বিশেষ প্ৰশংসামূলক বঁটা প্ৰদান কৰা হৈছে। এই বঁটাটি নলবাৰী চকু চিকিৎসালয়ৰ সন্মানীয় সঞ্চালক ডাঃ শুভ্ৰকিংকৰ গোস্বামী ডাঙৰীয়াই নিজহাতে প্ৰদান কৰে। পূৰৱী দেৱী প্ৰতিগৰাকী কৰ্মীৰ বাবে এক আদৰ্শ হওক। তেখেতৰ কৰ্তব্যনিষ্ঠা আৰু সততাৰ বাবে আমি গৌৰৱ অনুভৱ কৰিছোঁ।
