మల్లారెడ్డి కొమ్మిడి

25/07/2025

ోగం
ధనం మూలం ఇదం జగత్ " అంటారు పెద్దలు .
అవును మరి… డబ్బు ఉంటేనే సక్సెస్.
డబ్బు ఉంటేనే సంఘంలో గౌరవం.
డబ్బు ఉంటేనే మనిషికి విలువ.
ధనం లేకపోతే… మనం ఏదీ చెయ్యలేం. అన్నింటికీ డబ్బే ముఖ్యం.

డబ్బు సంపాదించాలన్న ..
సంపాదించిన డబ్బును కాపాడుకోవాలన్న మనిషికి అదృష్టం కచ్చితంగా ఉండాలంటుంది జ్యోతిష్య శాస్త్రం.

జన్మ కుండలిలో
లగ్న,ధన,పంచమ,భాగ్య మరియు లాభాధిపతుల స్థితిని బట్టి ధన యోగం ఏర్పడుతుంది.
2వ , 5వ, 9వ మరియు 11వ గృహాలు తమ తమ అధిపతులతో కలిసి ఉంటే, ఏర్పడే యోగం ధనయోగం అంటారు.

ఈ యోగం ఒక వ్యక్తి యొక్క సంపద, సంపాదన మరియు శ్రేయస్సుకు మూలం.

మొదటి గృహాన్ని లగ్నం అంటారు. ఇది ఆ వ్యక్తి యొక్క ఆలోచనలు ఆశయాలను తెలియజేస్తుంది.
రెండో గృహం ధన స్థానము సంపదకు ముఖ్య స్థానం , కూడబెట్టిన సంపదను సూచిస్తుంది. 5వ గృహం అదృష్ట స్థానం ఊహాజనిత లాభాలను సూచిస్తుంది, 9వ గృహం భాగ్య స్థానం అదృష్టాన్ని మరియు ఆశీర్వాదాలను సూచిస్తుంది అకస్మాత్తుగా, ఉన్నపళంగా లాభాలు వచ్చేలా చేస్తుంది, 11వ గృహం లాభ స్థానము సంపద ప్రవహించేలా చేస్తుందని పండితులు చెబుతున్నారు.

ధన యోగం కలిగించే కొన్ని గ్రహ కలయికలు

గురువు అభివృద్ధి మరియు శ్రేయస్సుకు కారకుడు.గురువు 2 వ, 5 వ, 9 వ లేదా 11 వ ఇంట్లో బలంగా ఉన్నప్పుడు, అది శక్తివంతమైన ధన యోగాన్ని ఇస్తుంది

శుక్రుడు భోగం మరియు విలాసాలకు, అందం మరియు భాహ్య సుఖాలకు సంబంధం ఉన్న గ్రహం.
ఇది గురువు తో సంయోగం లేదా ప్రయోజనకరమైన అంశాన్ని ఏర్పరుచుకున్నప్పుడు, కలయిక సంపదను పెంచుతుంది.

బుధుడు వ్యాపారం, తెలివి మరియు కమ్యూనికేషన్ యొక్క గ్రహం, ఇది బృహస్పతి లేదా శుక్రుడితో కలిసి ఉన్నప్పుడు ఆర్థిక లాభాలకు దోహదం చేస్తుంది. 2వ, 5వ, 9వ, లేదా 11వ ఇంటితో దాని అనుబంధం ధన యోగాన్ని బలపరుస్తుంది.

మల్లారెడ్డి కొమ్మిడి
Astrologer & Spirtual healer

24/07/2025

15/07/2025

#విదేశీయానం


జ్యోతిష్యశాస్త్రం ప్రకారం జాతకచక్రంలో ఒక వ్యక్తికి విదేశాలకు వెళ్లాలనే ఆకాంక్షను లగ్నం, తృతీయం, పంచమం, సప్తమం, అష్టమం, నవమం,ద్వాదశ భావాలు కలిగిస్తాయి.

చంద్రుడు, శని, శుక్ర, రాహూ గ్రహాలు విదేశీ ప్రయాణానికి కారకులు.

మీ జాతకంలో ఈ గ్రహాల ప్రభావాన్ని బట్టి మీకు విదేశీ ప్రయాణం చేసే యోగం ఉంటుందో లేదో తెలుసుకోవచ్చు.

చరలగ్న జాతకుడు తన భ్రమణ కారక ప్రవృత్తి వలన జన్మస్ధలానికి దూరంగా వెళ్ళిపోయే అవకాశాలు ఉంటాయి.

స్దిరలగ్న జాతకులు తమ జన్మ స్ధలంలోనే ఉండిపోతారు.

ద్విస్వభావ లగ్న జాతకులు అప్పుడప్పుడు విదేశీ యాత్రలు చేసిన అధికంగా వారు స్వస్ధలానికే వచ్చేస్తుంటారు.

విదేశీయానం కు అతి ముఖ్య కారక గ్రహము రాహువు.ముఖ్య స్థానం 12.

ఎవరి జాతకంలో అయితే రాహువు గ్రహం 12వ స్థానంలో ఉంటుందో అలాంటి వ్యక్తులు కచ్చితంగా విదేశీ పర్యటన చేస్తారు. అంతేకాదు వీరు చాలా చురుగ్గా ఉంటారు. వీరికి విదేశీ పర్యటనల్లో ప్రతి ఒక్కరి నుండి పూర్తి సహకారం లభిస్తుంది. అంతేకాదు ఒకటో స్థానం లేదా ఏడో స్థానంలో ఉన్న వారు కూడా విదేశీ ప్రయాణాలు చేసే అవకాశం ఉంటుంది. ఇలాంటి వ్యక్తులు ఒకటి కంటే ఎక్కువ సార్లు విదేశీ పర్యటనలు చేస్తారు.

11/06/2025

#శ్రీ_సూక్తం

ఓం || హిర’ణ్యవర్ణాం హరి’ణీం సువర్ణ’రజతస్ర’జామ్ | చంద్రాం హిరణ్మ’యీం లక్ష్మీం జాత’వేదో మ ఆవ’హ ||

తాం మ ఆవ’హ జాత’వేదో లక్ష్మీమన’పగామినీ”మ్ |
యస్యాం హిర’ణ్యం విందేయం గామశ్వం పురు’షానహమ్ ||

అశ్వపూర్వాం ర’థమధ్యాం హస్తినా”ద-ప్రబోధి’నీమ్ |
శ్రియం’ దేవీముప’హ్వయే శ్రీర్మా దేవీర్జు’షతామ్ ||

కాం సో”స్మితాం హిర’ణ్యప్రాకారా’మార్ద్రాం జ్వలం’తీం తృప్తాం తర్పయం’తీమ్ |
పద్మే స్థితాం పద్మవ’ర్ణాం తామిహోప’హ్వయే శ్రియమ్ ||

చంద్రాం ప్ర’భాసాం యశసా జ్వలం’తీం శ్రియం’ లోకే దేవజు’ష్టాముదారామ్ |
తాం పద్మినీ’మీం శర’ణమహం ప్రప’ద్యే ‌உలక్ష్మీర్మే’ నశ్యతాం త్వాం వృ’ణే ||

ఆదిత్యవ’ర్ణే తపసో ‌உధి’జాతో వనస్పతిస్తవ’ వృక్షో ‌உథ బిల్వః |
తస్య ఫలా’ని తపసాను’దంతు మాయాంత’రాయాశ్చ’ బాహ్యా అ’లక్ష్మీః ||

ఉపైతు మాం దేవసఖః కీర్తిశ్చ మణి’నా సహ |
ప్రాదుర్భూతో ‌உస్మి’ రాష్ట్రే ‌உస్మిన్ కీర్తిమృ’ద్ధిం దదాదు’ మే ||

క్షుత్పి’పాసామ’లాం జ్యేష్ఠామ’లక్షీం నా’శయామ్యహమ్ |
అభూ’తిమస’మృద్ధిం చ సర్వాం నిర్ణు’ద మే గృహాత్ ||

గంధద్వారాం దు’రాధర్షాం నిత్యపు’ష్టాం కరీషిణీ”మ్ |
ఈశ్వరీగ్‍మ్’ సర్వ’భూతానాం తామిహోప’హ్వయే శ్రియమ్ ||

మన’సః కామమాకూతిం వాచః సత్యమ’శీమహి |
పశూనాం రూపమన్య’స్య మయి శ్రీః శ్ర’యతాం యశః’ ||

కర్దమే’న ప్ర’జాభూతా మయి సంభ’వ కర్దమ |
శ్రియం’ వాసయ’ మే కులే మాతరం’ పద్మమాలి’నీమ్ ||

ఆపః’ సృజంతు’ స్నిగ్దాని చిక్లీత వ’స మే గృహే |
ని చ’ దేవీం మాతరం శ్రియం’ వాసయ’ మే కులే ||

ఆర్ద్రాం పుష్కరి’ణీం పుష్టిం సువర్ణామ్ హే’మమాలినీమ్ |
సూర్యాం హిరణ్మ’యీం లక్ష్మీం జాత’వేదో మ ఆవ’హ ||

ఆర్ద్రాం యః కరి’ణీం యష్టిం పింగలామ్ ప’ద్మమాలినీమ్ |
చంద్రాం హిరణ్మ’యీం లక్ష్మీం జాత’వేదో మ ఆవ’హ ||

తాం మ ఆవ’హ జాత’వేదో లక్షీమన’పగామినీ”మ్ |
యస్యాం హిర’ణ్యం ప్రభూ’తం గావో’ దాస్యో ‌உశ్వా”న్, విందేయం పురు’షానహమ్ ||

ఓం మహాదేవ్యై చ’ విద్మహే’ విష్ణుపత్నీ చ’ ధీమహి | తన్నో’ లక్ష్మీః ప్రచోదయా”త్ ||

శ్రీ-ర్వర్చ’స్వ-మాయు’ష్య-మారో”గ్యమావీ’ధాత్ పవ’మానం మహీయతే” | ధాన్యం ధనం పశుం బహుపు’త్రలాభం శతసం”వత్సరం దీర్ఘమాయుః’ ||

ఓం శాంతిః శాంతిః శాంతిః’ ||

20/05/2025

తాంత్రిక శాస్త్ర గ్రంథాలను అనుసరించి తంత్రములు అనేవి ఎన్నో రకములుగా చెప్పబడినవి.

తంత్రములన్నింటికి మంత్రం యొక్క ఆవశ్యకత లేకపోయినప్పటికీ
కొన్ని సందర్భంలో తంత్రమునకు ఆధార భూతములైన మూలికలు, దైవిక వస్తువులకు, యంత్రాలు మొదలైన వాటిని శక్తివంతం చేయుటకు మంత్రములు ప్రాధాన్యత వహించుచున్నాయి.

తంత్ర శాస్త్రమునకు సంబంధించినంత వరకు మంత్రములు ఐదు విధములుగా చెప్పబడినవి

1) #అధిష్ఠాన_మంత్రములు:-

ఇవి తంత్ర ప్రక్రియలకు సంబంధించిన మూలికలు , దైవిక వస్తువులు యంత్రములు అందు ఆవహించి ఉండే దేవతలకు సంబంధించినవి. ఆయా దేవతా ప్రసన్నత కొరకు ఇవి ఉపయోగపడతాయి.

2) #ఉచ్చాటన_మంత్రములు:-

ఇవి మూలికలు, దైవిక వస్తువులు, యంత్రములు అందు ఆవహించి ఉన్న వ్యతిరేక శక్తులను మరియు విఘ్నములను తొలగించుటకు నిర్దేశించబడినవి.

3) #దిగ్బంధన_మంత్రములు:-

ఇవి మూలికలు,దైవిక వస్తువులు, యంత్రములు అందుగల సహజ శక్తిని వాటి నుండి దాటిపోకుండా చేయుటకు సహకరించగలవు.

4) #జీవికా_మంత్రములు:-

ఇవి మూలికలు, దైవిక వస్తువులు, యంత్రముల యందు నిబిడీకృతమైన ప్రాణ శక్తిని మేల్కొలిపి సాధనకు అనుకూలముగా ఉపయోగపడేవి.

5) #రక్షా_మంత్రములు:-

తంత్ర ప్రక్రియలో సాధకునికి ఆటంకం కలిగించు దుష్టశక్తులను నుండి సాధకుడికి ఎల్లవేళలా రక్షించేవి.

మల్లారెడ్డి కొమ్మిడి
Astrologer& Spiritual healer

మహాశక్తి జ్యోతిష్య నిలయం

04/04/2025

ఏలినాటి శని ప్రభావం తగ్గించే కొన్ని పరిహారాలు.

శని శ్రమ కారకుడు కావున సోమరితనాన్ని విడనాడి ప్రతిరోజు సూర్యోదయానికి ముందే నిద్రలేవాలి.
ప్రతిరోజు ఉదయం దైవ ప్రార్థన ,ధ్యానం మరియు ప్రాణాయామం చెయ్యాలి.
శనివారం రోజు శరీరం మొత్తానికి నువ్వులనూనె వ్రాసుకొని కొంత సమయం తరువాత వేడి నీటితో స్నానం చెయ్యాలి.
తడికాళ్ళతో నిద్రించరాదు.
పరిసరాలను పరిశుభ్రంగా ఉంచుకోవాలి.
ముఖ్యంగా పూజ గదిని శుభ్రంగా ఉంచుకోవాలి.
శ్రమ జీవులు అయిన చీమలకు తేనే గాని చెక్కెర గాని వెయ్యాలి.
ఆవుకి బెల్లంతో కలిపిన నువ్వులను తినిపియ్యాలి.
నల్ల కుక్కలకి,కాకులకి ఆహారం వెయ్యాలి.
ముసలివాళ్ళకి,మానసిక వికలాంగులకి, పశుపక్షాదులకి సహాయం చెయ్యాలి. సేవకులను అకారణంగా దూషించకూడదు.

30/03/2025

#విశ్వావసు