https://www.facebook.com/180595189014294/

Hrudayam Superspeciality Hospital And Research Center, 8372/G, 146/2 , Opposite Vijay clinic, Near old RTO , Railway lines, Solapur (2025)

Hrudayam Superspeciality Hospital And Research Center is Hospital in Solapur with highly qualified skilled Doctors
Address : 173/2, infront of Vijay clinic , Railway lines Solapur 413001

25/12/2021

May your Christmas sparkle with moments of love, laughter and goodwill. And may the year ahead be full of contentment and joy. Merry Christmas🎄🎊

14/11/2021

जागतिक मधुमेह दिवस
मधुमेही रुग्णांचे अमृत आपण ज्याला म्हणू शकतो त्या इन्सुलीनचा शोध लावणारे सर बॅन्टिंग यांचा जन्मदिवस १४ नोव्हेंबर हा जागतिक मधुमेह दिवस म्हणून जगभर पाळला जातो. मधुमेहाचे जगभर वाढते प्रमाण सर्वज्ञात आहे. भारत आता Diabetes capital म्हणून ओळखले जाऊ लागले आहे. जगातील एकूण मधुमेहीमध्ये प्रत्येक ६ वा रुग्ण हा भारतीय आहे. इतके याचे प्रमाण वाढलेले आहे. मधुमेहाचा टाईप १ प्रकार ( जो लहान मुलांमध्ये दिसून येतो ) जरी प्रतिबंध करणे शक्य नसले तरी मधुमेह प्रकार २ जो मुख्यतः जीवनशैलीचा आजार मानला जातो, त्याचा प्रतिबंध करणे शक्य आहे. त्यामुळे अशा आजाराबद्दल प्रत्येकाला सर्वसाधारण माहिती असणे महत्त्वाचे आहे.

तुम्हाला मधुमेहाची रिस्क आहे का आणि किती हे कसे जाणून घ्याल.थोडक्यात आपण याबद्दल जाणून घेऊ

Risk Assessment साठी आपले वय, कमरेचा घेर , शारीरिक श्रम या मूलभूत निकषांचा वापर करता येऊ शकतो.
खाली दिलेल्या तक्त्यामध्ये स्वताचे निकष तपासा आणि स्वतःच्या निकषांच्या गुणांची बेरीज करा.

तुमचे गुण ६० किंवा त्यापेक्षा जास्त असल्यास तुम्ही जास्त रिस्क ग्रुप मध्ये येता ( मधुमेह होण्याची शक्यता जास्त)
गुण ३० ते ६० मध्ये असल्यास मध्यम रिस्क ग्रुप
गुण ३० पेक्षा कमी असल्यास कमी रिस्क ग्रुप
वरीलपैकी मध्यम किंवा जास्त रिस्क मध्ये मोडणाऱ्या व्यक्तींनी रक्तातील साखरेची तपासणी वर्षातून किमान एक वेळा करून घेणे आवश्यक आहे.

याशिवाय जर तुम्हाला उच्च रक्तदाब, हृदयरोग किंवा जास्त कोलेस्ट्रॉल असेल तरी तुम्हाला मधुमेहाची रिस्क असते. त्यामुळे आपण सर्वांनीच
मधुमेह प्रतिबंधात्मक उपाय जाणून घेऊन आचरणात आणले पाहीजे.

मधुमेहासाठी प्रतिबंधक उपाययोजना :
* वैद्यकीय सल्ल्याने अतिरिक्त वजन कमी करा (आहारावर नियंत्रण आणि नियमित व्यायाम)
* आहार समतोल असावा बाहेरचे जंक फूड आणि पॅकेजड फूड शक्य तेवढे टाळावे.
* आहारात चोथा ( Fiber) आणि प्रथिने ( प्रोटीन) योग्य प्रमाणात आहे याची खातरजमा करा.
* रोजच्या जेवणात भरपूर भाज्या, हिरव्या पालेभाज्या, सॅलड, (काकडी, गाजर, टोमॅटो, कोबी इत्यादी) कडधान्य, जवस, काऱ्हाळयाची चटणी आणि फळांचा समावेश असावा.
* साखर, गूळ, मैदा, मक्याचे पांढरे पीठ, पॉलिश केलेले तांदूळ व त्याचे पीठ या गोष्टींचा वापर अत्यल्प असावा
* जेवणाच्या वेळेच्या बाबतीत शिस्त पाळा. रोज न्याहारी अत्यावश्यक आहे. मधल्या वेळेत अरबटचरबट खाणे कटाक्षाने टाळा.
* व्यायाम हा दिनचर्येचा अविभाज्य भाग करा. चालणे हा उत्तम व्यायाम प्रकार आहे. यांत्रिक युगात शारीरिक व्यायामाची जागा यंत्रांनी घेतली. त्यामुळे शारीरिक निष्क्रियता निर्माण झाली आहे. त्यामुळे दररोज व्यायाम करणे, मैदानी खेळ खेळणे याकडे लक्ष दिले पाहिजे.
* जमेल तेवढे पायी चालावे.अशा प्रकारच्या सवयी हट्टाने लावून घ्यावात.
* ताणतणावावर नियंत्रण ठेवा (कठीण असले तरी अशक्य नाही).
* ६ ते ८ तासांची शांत झोप सर्वागीण आरोग्यासाठी आवश्यक आहे.

ज्यांना मधुमेह झाला आहे अशा रुग्णांनी ही खचून न जाता डॉक्टरने दिलेली औषधे नियमित घेणे , नियमित तपासणी करून घेणे ,आहाराचे नियम पाळणे , नियमित व्यायाम करणे , वजन , कोलेस्ट्रॉल आणि रक्तातील साखर नियंत्रणात ठेवणे या गोष्टी केल्या तर मधुमेहामुळे हृदय किडनी, डोळे इत्यादीवर होणारे विपरीत परिणाम (complications) टाळता येणे शक्य आहे.

Superspeciality Hospital & Research Center Solapur

29/10/2021

पक्षाघात म्हणजेच ब्रेन स्ट्रोक हा मेंदूच्या आघात किंवा मेंदूच्या कोणत्याही भागात रक्तपुरवठा कमी झाल्यामुळे होतो. मेंदूत ऑक्सिजन आणि पोषक तत्वांच्या कमतरतेमुळे रक्तवाहिन्यांदरम्यान रक्त जमते आणि रक्तवाहिन्या ब्लॉक होतात, ज्यामुळे मेंदूच्या पेशी नष्ट होतात व मेंदू स्वत:चे नियंत्रण गमावतो. याला स्ट्रोक किंवा पक्षाघात म्हणतात. यावर वेळेवर उपचार न केल्यास मेंदू कायमचा खराब होतो. त्या व्यक्तिचा मृत्यूही होऊ शकतो.
भारतात दर मिनिटाला ६ लोकांचा यामुळे मृत्यू होतो, कारण ब्रेन स्ट्रोकसारख्या वैद्यकीय आपत्कालीन परिस्थितित त्याची लक्षणे, कारणे, प्रतिबंध आणि त्वरित उपाययोजनांबाबत जनजागृतीचा मोठा अभाव आहे. प्रत्यक्षात ब्रेन स्ट्रोकच्या रुग्णांना तात्काळ उपचार मिळाल्यास ते बरे होण्याची शक्यता ५० ते ७० टक्क्यांपर्यंत वाढते.. ‘जागतिक आरोग्य संघटने’च्या मते, ब्रेन स्ट्रोकचे २५ टक्के रुग्ण ४० वर्षांचे व याखालचे आहेत. हे लक्षात घेऊन ‘वर्ल्ड स्ट्रोक डे’ दरवर्षी २९ ऑक्टोबरला साजरा केला जातो, ज्याचा उद्देश स्ट्रोक प्रतिबंध, उपचार आणि सहकार्याबद्दल लोकांमध्ये जागरूकता निर्माण करणे आहे.

ब्रेन स्ट्रोकची लक्षणे :
"BE FAST" ही सूत्री आपण लक्षात ठेवू शकता.
B : Balance -बॅलन्स म्हणजे चालताना तोल जाणे आणि समन्वय समस्या
E : Eyes - अंधूक दिसणे किंवा दृष्टिक्षेप हानी
F : Face - डोळा किंवा तोंड एका बाजूला झुकणे आणि हसण्यास असक्षम होणे,
A : Arm म्हणजे हातात दुखणे दुर्बलता किंवा हात उचलता न येणे एका किंवा दोन्ही हातापायांमध्ये अशक्तपणा किंवा सुन्नपणा
S : speech बोलताना समस्या किंवा अस्पष्ट उच्चारण
T : म्हणजे टाईम वेळ न दवडता अॅम्ब्युलन्स बोलावणे आणि हॉस्पिटलमध्ये दाखल होणे.
लक्षात ठेवा
ब्रेन स्ट्रोकवर त्वरित उपचार करणे फार महत्त्वाचे आहे. (Time is Brain) स्ट्रोक सुरू होण्याच्या ३-४ तासांच्या आत उपचार केला गेला तर मेंदूचे नुकसान आणि संभाव्य त्रास कमी होऊ शकतो आणि रुग्ण बरे होण्याची शक्यता ५०ते ७० टक्क्यापर्यंत वाढते.
आजच्या स्पर्धेच्या युगात मानसिक तणाव, बैठी जीवनशैली, धूम्रपान, मद्यपान, उच्च रक्तदाब, मधुमेह, लठ्ठपणा इत्यादी मेंदू आणि हृदयाशी संबंधित आजारांना आमंत्रण देत आहे. याच कारणांमुळे तरुणांमध्ये हा आजार झपाटयाने पसरत आहे.
स्ट्रोक टाळण्यासाठी योग्य पोषक आहार, धूम्रपान मद्यपानाचा अतिरेक न होऊ देणे ,नियमित व्यायाम, मधुमेहींनी आणि हृदयरोग व उच्च रक्तदाबाच्या (BP) च्या रुग्णांनी रक्तातील साखर आणि कोलेस्टॉलवर नियंत्रण, रक्तदाब नियंत्रण ठेवणे आणि नियमित आरोग्य तपासणी करून घेणे अतिशय महत्त्वपूर्ण आहे.

डॉ. शैलेशकुमार पाटील
डी एम कार्डिओलॉजिस्ट
हृदयम सुपरस्पेशालिटी हॉस्पिटल अँण्ड रिसर्च सेंटर.
सोलापूर.

22/10/2021

13/10/2021

Address

8372/G, 146/2 , Opposite Vijay Clinic, Near Old RTO , Railway Lines
Solapur
413001

Telephone

+919404034445

Website

facebook.com

Alerts

Be the first to know and let us send you an email when Hrudayam Superspeciality Hospital And Research Center posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Hrudayam Superspeciality Hospital And Research Center:

Hrudayam Superspeciality Hospital And Research Center