Priyadarshini paramedical students, Medical College Tvm

23/07/2025

LBS published Provisional rank list for BSc Nursing and other Paramedical Courses.
Click here

17/07/2025

For BSc Nursing In Hyderabad call 097013 79160

15/07/2025

PARAMEDICAL NOTIFICATION FOR 2025-26

27/10/2023

27/10/2023

12/10/2023

ഒരിക്കലും അണയാത്ത പൊൻ തിരികൾ.... സ്നേഹത്തിന്റെ, സൗഹൃദത്തിന്റെ, ഓർമ്മകളുടെ സ്വർണ്ണം പൂശിയ നല്ല നാളുകൾ.....
തിരികെ എത്തിയ ഓർമകൾക്ക് വിശുദ്ധിയുടെ നിറപകിട്ട്......
#തിരികെ2023
Prabhu Krishna
Jinesh Kallada

20/09/2023

തിരികെ എത്താംവീണ്ടും " തിരികെയിലേക്ക്" 🧚🧚🧚🧚🧚🧚🧚🧚🧚🧚🧚🧚

പല ജില്ലകളിൽ നിന്നും, പല ദേശങ്ങളിൽ നിന്നും, പല സാഹചര്യങ്ങളിൽ നിന്നും പത്മനാഭന്റെ അനന്തപുരത്തിൽ ചേക്കേറിയ കുറച്ചു പേർ....

രക്തത്തിന്റെ അളവ് കണക്കുകൂട്ടിയും, കണ്ണിന്റെ കാഴ്ച അളന്നും, പല്ലിന്റെ ചെരിവ് നേരെയാക്കിയും, കെമിസ്ട്രി കൊണ്ട് മരുന്ന് ഉണ്ടാക്കിയും, ഇൻജെക്ഷൻ വെച്ചും, എല്ലിന്റെ ഫോട്ടം പിടിച്ചും കുറച്ചു പേർ ആ വലിയ ഗേറ്റ്ന് ഉള്ളിൽ ഉണ്ടായിരുന്നു.....

ഇടവേളകളിൽ ചായ നാലായി പകുത്തും, ചോറിനു വേണ്ടി തല്ലുകൂടിയും പരസ്പരം ഓരോ കഥകൾ പറഞ്ഞവർ....

ഹോസ്റ്റൽ ചുവരുകളിൽ സ്വനാമം കുറിച്ചിട്ടവർ, ഒരുരൂപ നാണയവുമായി ബസ്‌റ്റോപ്പിലേക്ക് നടന്നവർ, നാരങ്ങാവെള്ളത്തിന് പോലും അസൂയ കൈകൊണ്ടവർ..

കാലം മുൻപോട്ട് പോയി... ഇന്ന് നാം ചെയ്യുന്നതിലും, പറയുന്നതിലും, കാണുന്നതിലും ഒരു വലിയ പങ്കുവഹിച്ച മ്മ്‌ടെ തിരോന്തോരം മെഡിക്കൽ കോളേജ്.....

തിരികെ ഒരു യാത്ര തിരിക്കാം...🧳✈️🚅🚁
❤ "ഓർമ്മകൾക്ക് എന്നും ചന്തം കൂടുതലാണല്ലോ.."❤

❤ഏവർക്കും സുസ്വാഗതം ❤

08/10/2023 @ ഓൾഡ് ഓഡിറ്റോറിയം TVM MCH
🪷പ്രഭു കൃഷ്ണ 🪷

02/09/2023

..." തിരികെ "...
നീണ്ട പത്തു വർഷങ്ങൾക്ക് പുറകോട്ട്, സ്മരണകളുടെ മണമുള്ള കലാലയത്തിലേക്ക് ഒരുവട്ടം കൂടി ഒക്ടോബർ 8ന്....

പഠിത്തത്തിന് ഇടയിലെ കുഞ്ഞു സല്ലാപങ്ങൾ, ഇണക്കങ്ങൾ, പിണക്കങ്ങൾ, വിരഹങ്ങൾ ഇവയെല്ലാം ഒരിക്കൽ കൂടി കാണുവാൻ കണ്ണും കാതും തുറന്നു തന്ന ഇടനാഴികയിലേക്ക് ഏവർക്കും സ്വാഗതം 🙏🏽🙏🏽🙏🏽❤❤🙏🏽❤🙏🏽🙏🏽🙏🏽🙏🏽

🪷തിരികെ2023 🪷

✍️ Prabhu Krishna 🍃

04/08/2023

പി.ജയലക്ഷമി ഡി.ആർ.ടി. 1997-99
Congrats jaya

16/06/2023

പ്രിയം എന്നും പ്രിയദർശിനി..
പ്ലസ്ടു മാർക്ക് ലിസ്റ്റ് വരും മുൻപ് തന്നെ ആശങ്കയാണ് ഏത് കോളേജിൽ പോകണം എന്നത്. കണക്കിന് കണക്കായത് കൊണ്ട് ഗുണനവും ഹരണവും അധികമാക്കാതെ ഉള്ളൊരു കോഴ്സ് വേണം....
വീട്ടിലെ ഫ്യൂസ് കെട്ടി പവർ സ്റ്റേഷൻ വരെ ഇരുട്ടിലാക്കിയ ചരിത്രം ഉള്ളത് കൊണ്ട് എഞ്ചിനീയർ എന്ന വാക്ക് പോലും ചൊറിച്ചിൽ ഉണ്ടാക്കുന്നു...

അത്യാവശ്യം ഇംഗ്ലീഷും നല്ല പച്ചമലയാളോം അറിയാകുന്നത് കൊണ്ടും,പാറ്റയെ ഓടിച്ചിട്ട് പിടിക്കാനുള്ള കഴിവ് ഉള്ളത് കൊണ്ടും, സ്വന്തം ബ്ലഡ്‌ ഗ്രൂപ്പ് കാണാപ്പാടം പറയുന്നത് കൊണ്ടും തീരുമാനിച്ചു സയൻസ് തന്നെ ആണ് ബെസ്റ്റ്.

ഡിഗ്രിക്ക് പോയി സമയം കളയാനില്ല,എൻട്രൻസിനോട് പണ്ട് തൊട്ടേ അസൂയയും.. ഇതെല്ലാം മനസിലെ ബാഗിനുള്ളിൽ ഒതുക്കിവെച്ച് കൈയിലുള്ള പേപ്പറും വെച്ച് എത്തിപ്പെട്ട കോളേജ്...

... ❤❤പ്രിയദർശിനി ❤❤

മെഡിക്കൽ കോളേജിന്റെ അങ്ങേ അറ്റത്തെ പഴയ കെട്ടിടം. വിയറ്റ്നാം കോളനി പോലെ റാവുത്തറും, ജി കൃഷിണമൂർത്തിയും, ഉണ്ണിമോളും, കെ കെ ജോസഫും, ഇരുമ്പ് ജോണും എല്ലാം സങ്കല്പിക കഥാപാത്രങ്ങളായി എത്തുന്ന പാരാമെഡിക്കൽ കോളേജ്..

അവിടെ നിന്നും പഠിച്ച ചിലപാഠങ്ങൾ, ചില തിരിച്ചറിവുകൾ, ചില വിജ്രംഭിച്ച കണ്ടെത്തലുകൾ, കാഴ്ചകൾ ഇന്നും കൂടെ കൂട്ടായിട്ടുണ്ട്...
വിങ്ങി പൊട്ടുന്ന തിയറിക്ലാസുകൾ,ഉച്ചയൂണ്
കഴിഞ്ഞോടി ഏമ്പക്കം മാറാത്ത പോസ്റ്റിങ്ങ്‌ അപാരതകൾ, ഒച്ചയുണ്ടാക്കാത്ത പരീക്ഷകൾ, പുക ഉയരുന്ന പരീക്ഷണങ്ങൾ, മരുന്ന് മണക്കുന്ന വരാന്തകൾ,മഴ പെയ്ത സായാഹ്നങ്ങൾ...
ഒരുപാത്രത്തിലെ ഭക്ഷണം മൂന്നായി പകുത്ത മെസ്സ് ഹാൾ, തൂങ്ങി കിടന്നാടിയ ഹോസ്റ്റൽ ചുവരുകൾ, എണ്ണി തീർത്ത നക്ഷത്രങ്ങൾ, രാത്രിയിൽ വിരിഞ്ഞ പാലപ്പൂവുകൾ,സോപ്പ് പതയുള്ള അലക്ക് കല്ലുകൾ..അങ്ങനെ പലതും കണ്ടും കേട്ടും പഠിച്ചിറങ്ങുന്ന പ്രിയദർശിനിക്കാർക്ക് ഒരു ഡിഗ്രീ സർട്ടിഫിക്കറ്റിന്റെ കുറവേ ഉള്ളൂ....പക്ഷെ പകരം വെക്കാനാകാത്ത ഉറച്ച മനസ്സുമായി അവർ കേരളത്തിന്റെ ഒരു ദിക്കുതൊട്ട് അങ്ങേ ദിക്കുവരെ ഉടയാത്ത വെള്ളകോട്ടും ഇട്ട് നിൽക്കുമ്പോൾ ഇന്ത്യയുടെ പുറത്ത് അങ്ങ് അറബിയെ പൊക്കി എടുത്തു കീശയിലിട്ട പ്രിയദർശിനി പിള്ളേർ ജീവിതം പൊളി പൊളിക്കയാണ്.....
ചെറിയ രീതിയിൽ വലിയ കാര്യങ്ങൾ പഠിപ്പിച്ചു തരാനും, ചെറിയ സൗകര്യത്തിൽ വലിയ സൗകര്യം ഉണ്ടാക്കുവാനും, നേരെ നോക്കി സംസാരിക്കുവാനും പഠിപ്പിച്ച പ്രിയദർശിനി എന്ന പേര് എന്നും അഭിമാനത്തോടെ പറഞ്ഞെ ശീലമുള്ളു...
🍁പ്രഭു കൃഷ്ണ 🍁
Prabhu Krishna Jinesh Kallada Sylus Tomy Punnoor Prabhu Raj Vs Anandu A Ajikumar

25/05/2023

മെഡിക്കൽ കോളേജ് എന്ന് കേൾക്കുമ്പോൾ ആദ്യം ഓർമ്മ വരുന്നത് നമ്മുടെ tvm മെഡിക്കൽ കോളേജ് തന്നെ...🏥🏢

വർഷങ്ങൾക്ക് മുൻപ് മെഡിക്കൽ കോളേജിലെ ആദ്യ ക്ലാസ്സ്‌ അറ്റൻഡ് ചെയ്യാൻ ഞാൻ ഇറങ്ങിയ ബസ്സ്റ്റോപ്പ്‌. റോഡിൽ നിരത്തിവെച്ചു വിൽക്കുന്ന ഇന്ത്യൻ എക്സ്പ്രസ്സ്‌ മുതൽ ബാലഭൂമി വരെയുള്ള മാധ്യമങ്ങൾക്ക് ഇന്നത്തെ സ്വർണ്ണ വർണ്ണ ചാനലുകളെക്കാൾ വിശ്വാസ്യത.

പാതയോരത്തെ പാത്രകടകളും, പഴക്കടകളും , മരുന്നുകടകളും മുതൽ രാജ്യത്തിന്റെ സ്വകാര്യ അഹങ്കാരമായ ഇന്ത്യൻ കോഫീഹൗസും, നിലത്തിരിന്നു നീട്ടി വിളിക്കുന്ന മീൻകച്ചവടക്കാരും, കരിക്ക് മുതൽ നെസ്കഫെ വരെ വിൽക്കുന്ന പെട്ടിഓട്ടോയും ഒരു പൂരത്തിനുള്ള ആളുള്ള ബസ്‌റ്റോപ്പും എല്ലാമുള്ള ഈ കോളേജ് എനിക്കൊരു പുതിയ കാഴ്ചയായിരിന്നു.

ആ വലിയ ഗേറ്റിനുള്ളിലെ മരുന്ന് മണക്കുന്ന വഴികളിലൂടെ വെളുത്ത കോട്ടും ഇട്ടു നടന്നുപോകുമ്പോൾ മുട്ടിയുരുമ്മി പോകുന്ന ആംബുലൻസുകൾക്ക് ഗൗരവഭാവം, ഇരുകൈകളിലും കുപ്പിയിൽ നിറച്ച രക്തവുമായി ഓടുന്ന ആളുകൾ എന്തൊക്കെയോ, ആരെയൊക്കെയോ, എവിടെയൊക്കെയോ പരതി നടക്കുന്നത് പോലെ, ചുവപ്പിന് ജീവന്റെ നിറമാണ് എന്ന് ഉറക്കെ പറഞ്ഞു അലമുറയിടുന്ന കാക്ഷ്വാലിറ്റി. ഇടത്തോട്ട് തിരിഞ്ഞാൽ ജീവന്റെ തുള്ളികൾ വിൽക്കുന്ന ബ്ലഡ്‌ ബാങ്കും വലത്തോട്ട് തിരിഞ്ഞാൽ ജീവന്റെ തുള്ളികൾ ഉറച്ചുപോയ മോർച്ചറിയും. ഇതിനു നടുവിൽ ജീവിതത്തിന്റെ ദൃക്‌സാക്ഷിയായി മാതൃവാത്സല്യം ഒരിറ്റു നൽകി കൊണ്ട് ഒരു അമ്മയും..
കുഞ്ഞുകരച്ചിലുകളെ ഉറക്കാൻ ഉണരുന്ന താരാട്ട് പാട്ടിന്റെ ഈണം മുറിഞ്ഞു മുറിഞ്ഞു കേൾക്കാം...
ഞാവൽ മരത്തിന്റെ മധുരം തേടിയെത്തിയ കുഞ്ഞ് മൈനകൾ ആൾക്കൂട്ടത്തിനിടയിലൂടെ പറന്നുപോയി. മൂക്കിലൂടെ ട്യൂബ് ഇട്ടു ഒരല്പം ശ്വാസം വലിച്ചെടുക്കുന്ന മുടിയില്ലാത്ത കുഞ്ഞുങ്ങൾ, പെണ്ണുങ്ങൾ, ആണുങ്ങൾ.വയസ്സിനു ബാധകം അല്ലാത്ത ഈ വലിയ അസുഖത്തെ പൂട്ടിടാൻ ആഗ്രഹിച്ചു നിൽക്കുന്നവരുടെ വലിയ നിര.
പടവുകളുള്ള കാന്റീനും , പതാകകൾ ഉയർന്ന ക്യാമ്പസും , മഞ്ഞ നിറമുള്ള കോളേജ് ബസും,ചുവന്ന നിറമുള്ള പഴയ ടെലഫോൺ ബൂത്തും, പന്ത് കളിക്കുന്ന പിള്ളേരും, പടർന്നു നിൽക്കുന്ന വാകമരങ്ങളും,പത്തൊളജിയിലെ സ്റ്റെപ്പുകളുള്ള കുളവുമുള്ള മെഡിക്കൽ കോളേജ്.

"വഴി തീരുന്നിടത്തു വെച്ച് തുടങ്ങണം ".. എന്ന വാമൊഴിപോലെ "തീരുന്നിടത്തു തുടങ്ങിയാ ശീലം"... എന്ന അഭിമാനത്തോടെ ആരംഭിക്കുന്ന കൊച്ച് റോഡ് ചെന്നെത്തുന്നത് പ്രിയങ്കരമായ പ്രിയദർശിനിയിലേക്കും...കൊമ്പന് നെറ്റിപ്പട്ടം കെട്ടിയപോലെ തലയെടുപ്പോടെ നിൽക്കുന്ന മ്മ്‌ടെ പ്രിയദർശിനി...
വലത്തോട്ട് നോക്കിയാൽ കൊലുസ്സിന്റെ കിലുക്കവും, കിണുകിണുക്കവും.... നാണം നിറഞ്ഞ വഴി ഹോസ്റ്റലിലേക്ക് ആണ്. അലക്കു പുരയുടെ അരികിൽ തന്നെയുള്ള കിച്ചണിൽ സാമ്പാർ തിളക്കുന്നു....
പേരമരത്തിന്റെ തണൽപറ്റി പോകുന്ന ഇടത്തേക്കുള്ള മണ്ണുവഴിയോരത്തു നിന്ന ഭീമാകരനായ പാലമരത്തിൽ നിന്നും പുള്ളുകൾ കുറുകുന്നു. വഴി അവസാനിക്കുന്നിടത്ത് കാണുന്ന വലിയ കെട്ടിടം ഉറങ്ങാറില്ല. പകലും രാത്രിയും തിരിച്ചറിയാനാകാത്ത കുറെ ചങ്കുകൾ മതിൽകുതിരകളായി ഇരിക്കുന്നു, മറ്റുചിലർ നാല് കുഴിയുള്ള തകരാപാത്രവും കൊട്ടി മെസ്സ് ലക്ഷ്യമാക്കി നടക്കുന്നു. ചിലർ ചിന്തകളിൽ ആണ് എങ്കിൽ വേറെ ചിലർ ചന്തയിൽ പോയിരിക്കുന്നു. ഭൂമിയെ വേദനിപ്പിക്കാതെ നടക്കുന്ന ഒരാളുടെ കൈയിൽ ഗ്ലാസും മറുകയ്യിൽ സോഡയും.
ഡിസംബർ മാസത്തിൽ വിരിയുന്ന പാലപ്പൂവുകൾ നിലാവിലൂടെ അടുതെത്തുന്ന രാത്രികളിൽ ദൂരെ നിന്നും ആരോ പാടുന്ന പാട്ട് കേട്ടിട്ടുള്ളവർ നിരവധി.....

ഒരു കഥപോലെ കഴിയാറാകുന്ന ഈ ജീവിതം ശെരിക്കും കഥയില്ലാത്തതാണോ?? 🤔🤔അതോ നാം എല്ലാവരും ഓരോരോ കഥകൾ മാത്രമാണോ...🤔🤔
ഒരുകഥയില്ലാത്ത..
🍁 ഞാൻ പ്രഭുകൃഷ്ണ 🍁

Jinesh Kallada Prabhu Krishna Prabhu Raj Vs Vinoj Kolathur Sylus Tomy Punnoor Anandu A Ajikumar