Dirghayu Ayurved Chikitsalay and Panchkarma center

15/11/2025

🕊️आयुर्वेदाचे बोल ☘️

# 🌿 **पथ्य–अपथ्य : आरोग्याची सोपी गुरुकिल्ली**

आपण कितीही औषधं घेतली, उपचार केले, तरी रोजच्या आयुष्यातील चुकीच्या सवयींमुळे शरीर पुन्हा आजारी पडतं. म्हणूनच आयुर्वेदात *“पथ्य”* आणि *“अपथ्य”* यांना सर्वात जास्त महत्त्व दिलं आहे.
पण नेमकं पथ्य म्हणजे काय? अपथ्य नेमकं कोणत्या गोष्टीला म्हणायचं? आणि त्या आपल्या आरोग्यावर कशा परिणाम करतात? चला सोप्या शब्दांत बघूया.

---

# # 🌱 **पथ्य म्हणजे काय?**

ज्या गोष्टी **शरीराला हितकर**, पचनाला हलक्या, मन शांत ठेवणाऱ्या, रोग बरे होण्यास मदत करणाऱ्या असतात – त्या **पथ्य**.

✔ हलका व संतुलित आहार
✔ स्वच्छ पाणी, पुरेशी झोप
✔ वेळेवर जेवण
✔ साधं, कमी तेल-मसाल्याचं अन्न
✔ ऋतूनुसार आहार–विहार
✔ ताण कमी ठेवणाऱ्या सवयी
हे सर्व पथ्यात येतं.

**पथ्य शरीराला आधार देतं.**
औषध काम करतं, पण पथ्य त्या औषधाला परिणाम देण्याचं काम करतं.

---
🔥 **अपथ्य म्हणजे काय?**

ज्या गोष्टी **शरीराला हानिकारक**, पचनावर ताण आणणाऱ्या व रोग वाढवणाऱ्या असतात – त्या अपथ्य.

❌ जड, अतिआंबट, अतिखारट, अतितिखट पदार्थ
❌ पॅकेज्ड, तळलेलं, फास्टफूड
❌ अनियमित जेवण
❌ झोपेची कमतरता
❌ जड व्यायाम किंवा पूर्ण निष्क्रियता
❌ सतत ताण, चिंता
हे सर्व अपथ्यात येतं.

**अपथ्य हे आजाराचं मुख्य कारण आहे.**
औषध घेतलं तरी अपथ्य केलं तर आजार बरा होत नाही.

---

🥗 **पथ्य–अपथ्य का पाळावं?**

✔ **१. पचन सुधारतं**

अर्धे आजार पचन बिघडल्यामुळे होतात. पथ्य पाळल्याने अन्न नीट पचून शरीर पोषक द्रव्य घेतं.

✔ **२. रोगप्रतिकारक शक्ती वाढते**

चांगला आहार + पुरेशी झोप = मजबूत Immunity.

✔ **३. औषधांचा परिणाम दुप्पट होतो**

डॉक्टरांनी सांगितलेलं पथ्य पाळलं तर उपचार लवकर परिणाम देतात.

✔ **४. जुनाट आजारांवर नियंत्रण**

थायरॉईड, साखर, BP, सांधेदुखी, अॅसिडिटी – सर्वांवर पथ्य खूप मदत करतं.

---

🍽️ **सोपं पथ्य (दैनंदिन जीवनात)**

✔ सकाळी कोमट पाणी प्या

शरीरातील टॉक्सिन कमी होतात.

✔ सकाळचे जेवण पोटभर (तरी थोडी जागा राहू द्यावी) रात्रीचं जेवण हलकं

पचनक्रिया दिवसा जास्त शक्तिशाली असते.

✔ ताजं आणि घरगुती अन्न

फास्टफूड – कधीतरी, पण रोज नाही.

✔ ऋतुनुसार फळं-भाज्या

उन्हाळ्यात पाणीदार, हिवाळ्यात उष्णता देणारे पदार्थ.

✔ फोनवर जेवू नका

मन विचलित झालं की जास्त खातो किंवा अन्न नीट पचत नाही.

✔ झोप वेळेवर

10–11 च्या सुमारास झोपणे सर्वात चांगले.

🍟 **सामान्य अपथ्य (टाळावं किंवा कमी करावं)**

❌ दिवसातून दोनदा फास्टफूड
❌ सतत चहा–कॉफी
❌ रात्री उशिरा जड जेवण
❌ खूप थंड पाणी
❌ सतत बसून राहणे
❌ भूक नसताना खाणे
❌ ताण घेणे व झोप कमी करणे

🧘 **थोडक्यात…**

**पथ्य = आरोग्याकडे जाणारी वाट**
**अपथ्य = आजाराकडे जाणारी वाट**

औषध, डॉक्टर, उपचार – हे सगळं महत्त्वाचं आहे.
पण **जीवनशैली चांगली असेल तर 70% आजार आपोआप टाळले जातात.**

वै. मयुरी देशपांडे
दीर्घायू आयुर्वेद चिकित्सालय पंचकर्म सेंटर, रामनगर, वर्धा

01/11/2025

☘️आयुर्वेदाचे बोल 🕊️

🌸Instant Era🌸

आजकाल सगळं कसं फ़ास्ट मिळवण्याची सवय झाली आहे. पैसा instant भेटला पाहिजे, घर,दार, गाडी घोडी सगळ काही instant. Instant noodles सारखं सगळ instant. वाट बघणे, पेशन्स ठेवणे हा प्रकार कमीच झाला आहे. बर बाकी जाऊदेत पण स्वास्थ्य? तेही instant....

स्वास्थ्य च्या बाबतीत थोडं काही झालं कि लगेच गोळी घेऊन मोकळं. मग ते कसं तरी वाटत असल तरी आपली लाडकी गोळी घेतली कि बर. (लाडकी गोळी कळलीच असेल तुम्हाला). बर थोडी छातीत जळजळ झाली कि तिची धाकटी बहिण पण गेलीच पाहिजे पोटात! आणि हे प्रकार सर्रास चालतात. आपल ठीक आहे. (खरतर नाहीये!) लहान मुलाचं हि तसच! एक शिंक आली कि दुसरी निघालीच नाही पाहिजे. एक- दोन झाकण सेट्रिझीन तोंडात ओतलच पाहिजे. हुश्श .!दिल बाई औषध! त्या शरीराला कळू हि दिल्या जात नाही कि कोण शरीरात (शत्रू, बॅक्टेरिया व्हायरसेस )आले होते. मग शरीराची रोगप्रतीकारात्मक शक्ती कशी वाढेल? बर आजकाल तर सर्रास अँटिबायोटिक्स, स्टिरॉइड्स वगेरे वापरतात पालक. एकदा का डॉक्टर च्या भात्यातून एखादं औषध बाहेर पडल कि तेच OTC (over the counter) म्हणजे डॉक्टर ला पुन्हा तपासण्याची फीस न देता घेतलेले औषध... सालो साल चलता है.... कोण परत जाईल, कोण परत वेट करेल...असं विचार बराच सामान्य आहे. पण हे खूप धोकादायक होऊ शकत. आणि कुठलाही औषध घेतलं तरी 3-4 दिवस आरामात लागतात सर्दी पडसा बरा व्हायला. आता मी हे म्हणत नाहीये कि कितीही गरज असली तरी घेऊ नका. पण लगेच काहीच गरज नसते. शरीराला थोडं ट्रेन तर होऊ द्या कि असले इन्फेक्शन होतात तर आपल्या ला कोणत शस्त्र काढायचे आहे.
• घरच्या घरी आपण कोमट पाणी देऊ शकतो. कोमट पाण्याने बर्याच प्रमाणात सर्दी पडसा, ताप बरा व्हायला मदत होते.
• थोडं आला किसून त्याचा रस आणि मध देऊ शकतो, सितोपलादी, तलीसादी चूर्ण, ज्येष्ठमध देऊ शकतो, •तुळशीच्या पानांचा रस आणि मध देऊ शकतो.
• जर मुल पिण्यास त्रास देत असतील तर होमिओपॅथी पण एक उत्तम पर्याय आहे. तुम्हाला देण्याची हि गरज पडणार नाही स्वतः आठवण करून देतील.

सगळे शास्त्र हे आपआपल्या ठिकाणी चांगलेच आहे पण आपल्याला थोडा विचार करून कधी कुठले औषध घ्यायचे हे निश्चितच ठरवता येते.

वै. सौ. मयुरी देशपांडे
एम.डी (कायचिकित्सा )
दीर्घायू आयुर्वेद चिकित्सालय व पंचकर्म केंद्र, रामनगर, वर्धा.

28/09/2025

☘️आयुर्वेदाचे बोल🕊️

🌸DIETING नाही....DI – EATING !🌸

सध्या तर मला फक्त दोन प्रकारचे लोक दिसतात. एक ज्यांना वजन कमी करायचं आहे आणि दुसरे ज्यांना वजन वाढवायचे आहे. दोन्ही गोष्टी म्हणजे एकदम तारेवरच्या कसरती! जगात सगळ्यात जास्त आर्थिक व्यवहार याच दोन गोष्टींना घेऱ्या मारतोय. दोन्ही गोष्टी एका वेळी लिहिल्या तर खूप रटाळवाण्या होतील. आज केवळ वजन कसे कमी करावे या विषयी बोलू...
काही दिवसांपूर्वी एक पेशंट आल्या, खूप लठ्ठ होत्या. वर OPD मध्ये येता येता दमछाक झाली त्यांची! धाप टाकत टाकत पोहचल्या माळ्यावर. वय काही खूप जास्त नव्हते... ४८ ! श्वास कमी होई पर्यंत फक्त स्माईल देत होत्या. माझे पण स्माईल देऊन देऊन गाल दुखू लागले. अखेर स्मायला स्माईली चा प्रपंच संपला. मला पण थोडं हुशSS वाटलं.

“ काय त्रास आहे काकू?” मी.

“काकू नका म्हणू मला plz..मी खूप मोठी नाहिये...” पेशंट

मला ‘हम पांच’ च्या ‘बिना अँटी’ आठवल्या.

“वजन वाढल्या मुळे मोठी दिसते वयाने दोन तीन वर्षच जास्त असेल तुमच्या पेक्षा” इति पेशंट.
(HISTORY घेतांना सांगितले त्यांनी वय ४८ म्हणून, मी ४५ ची नाही)
“काय त्रास आहे?” मी
“हाच “ पेशंट
“वय ?” मी हसुन
“छे हो” , वजन!” पेशंट
“मी खूप काही काही केलय हो..अजून पण DIETING वर आहे.” पण काही उपयोग नाही बघा.”पेशंट

“DIETING म्हणजे काय करता तुम्ही?”

पेशंट ने जे बोलण्याची गाडी सुरु केली कि STOP कुठे घेतील अस वाटत होतं आणि सगळी मध्ये येणारी ठिकाणे म्हणजे मग हे खाते.. ते खाते.. ते पिते.. मग ते चघळते..मग पुन्हा हे खाते..मग ते खाते...ते खाते ...हे घेते. अस करत करत DIETING प्लान संपला. हुशSS...

“कुणी दिलाय हा प्लान?” मी
तर एका युटूबर च नाव घेतलं. (NOT related TO medical science )

सगळ्यांच्या comment वाचल्या सगळ्यांना फरक मलाच तितका नाही. नशीबच खराब माझं ..(मानवजातीचा आवडता dialogue)

आता त्यांना काय सांगणार कि खूप काही विकत मिळत आजकाल..शेवटी व्हर्चुअल आहे सगळ...त्यातल्या काहीच गोष्टी खऱ्या असतात.
मनातल्या मनात मी डोळे बंद करून उघडले.

“ओके” मी
“बर मग आता काय करायचं? त्यांचच follow करायचं आहे अन मग मी medicine देऊ अस असेल तर ते possible नाही. तुम्हाला मी सांगेल तेच कराव लागेल. जर possible असेल तरच history वगेरे घेते”. मी

“नाही नाही तुम्ही सांगाल तेच follow करेल.” पेशंट
“बघा वजन कमी करणे म्हणजे तुम्हाला पहिले तर डायटिंग कराव लागेल”.मी

“तेच तर करत होती माम” पेशंट
"D.I.E.A.T.I.N.G….म्हणजे दोनच दा खायचे". मी

बाईंचा चेहरा पांढरा पडला. (कदाचित त्यांना वाटल असेल चुकीच्या ठिकाणी आले.)

“हो” मी.
खूप दिवसांपासून त्याचं डायटिंग म्हणजे हे खा..ते खा.. च केले. याने वजन कमी होईल त्याने होईल अस सुरु होत.

“एकदम होणार नाही. ते जे तुम्ही दिवसभर खात होते ते बंद कराव लागेल. स्टेप बाय स्टेप बंद करा. वाटल्यास त्याचा प्लान मी करून देऊ शकते.”मी

मग मी पेशंटला थोडी trending वाटली असावी.

“भूक नसताना खाणे याला आयुर्वेदात ‘अध्यशन’ म्हणतात. हाच मुख्य हेतू असतो आजार निर्मितीला. एक तर आपल्या ब्रेन ला सवय असते १ वाजला कि जेवायचं आहे. मग भूक असो वा नसो. खरी भूक लागली तरच खायचं...”मी

“हे कसं ओळखायचं?” पेशंट
“खरी भूक लागली कि हलकेपणा वाटतो, भूकेसोबत तहान हि लागते, शुद्ध ढेकर येतात...” मी

“ओके”! हे हि करून बघते..पेशंट

“नक्कीच करा...सुरुवातीला त्रास होईल पण एकदा सवय झाली कि झाली..आणि याबरोबर सूर्यनमस्कार घाला, वाल्किंग करा, व्यायाम करा..हे पण एकदम नही होणार...थोडं थोडं स्टेप बाय स्टेप च कराव लागेल. प्लान मी आखून देते.” मी
“आपण एक महिना हे try करू बाकी काही औषध पण देते ज्यांनी अग्नि वाढायला मदत होईल.” मी

DI-EATING नक्कीच सुरु करा.

*प्रमाणात सेवन केले तर आहार औषधाच काम करत आणि अप्रमाणात विषाच...*

वै. सौ. मयुरी अमोल देशपांडे
एम. डी (कायचिकित्सा,आयुर्वेद)
दीर्घायू आयुर्वेद चिकित्सालय, रामनगर, वर्धा

23/10/2024

https://youtube.com/?si=OHQD-Is176eczUjO

This channel is run by Ayurveda Physician. The main moto of the channel is making people aware about treatments in Ayurveda. This channel will give you authentic information which is depicted in Ayurveda literature. Stay tuned.... You can comment your problem. We will try our best to resolve it.

08/08/2024

☘️आयुर्वेदाचे बोल 🕊️

🌼खैय्के पान बना रस वाला....🌼

‘आपला देश’ किती विविधतेने नटलेला आहे. प्रत्येक राज्याचे वेगवेगळे पोशाख, खाद्यपदार्थ, व्यंजने! हे सर्व खाद्यपदार्थ तिथल्या वातावरणाला, तेथील लोकांच्या प्रकृतीला अनुसरून बनवलेले. खरच आपले पूर्वज किती बुद्धिमान होते हे पदोपदी लक्षात येतं. सगळी कडे वेगवेगळे व्यंजनं असली तरी सगळी कडेच गुरु म्हणजे भरगच्च जेवणानंतर सारखंच खाल्लं जातं ते म्हणजे तांबुल किंवा पान.
काही दिवसांपूर्वी एका समारंभात गेलो होतो. तिथे आपलं नेहमी सारखं जेवणाच्या स्टॉल बरोबर आईस्क्रीम चा स्टॉल....आमचे जेवण आटोपली आणि ग्रुप निघाला आईस्क्रीम कडे! माझा हात पकडून एक मैत्रीण मला घेऊन निघाली.
“मी नही गं खाणार?” मी
“बसं गं ....चल मस्त आईस्क्रीम खाऊयात, तुझं नेहमीच असत, फास्ट फूड नाही खाणार, हे नाही खाणार ते नाही खाणार अँड ब्ला...ब्ला...ब्ला...” मैत्रीण. आम्ही एकच हसलो.
“पान असेल तर खाईन.” मी
“हे बरय! डॉक्टर साहेब पान खातील पण आईस्क्रीम नको.” पान तर हेल्थ साठी खराब असत ना.”? तिला समजावून सांगण्याची ती वेळ नव्हती आणि जागाही. मी आपली गप्प बसली. पानाचा बोकणा होताच तोंडात.
आम्ही घरी आलो पण “हेल्थ साठी पान खराब असत ना” हे तिचे वाक्य माझ्या डोक्यात फिरतच होते. पान हे हेल्थ साठी कधीच खराब नव्हतं. जो पर्यंत आपण त्यात तंबाखू, जर्दा टाकला नाही. तांबुल किंवा पान हे कफ वातहर असत. तांबुल खाल्ल्याने पचन सुधारते. आवाज चांगला होतो (म्हणजे बसला असेल तर), मुख स्वच्छ होण्यास मदत होते. मुखाचा दुर्गंध जातो. पोट साफ होण्यास मदत होते. याशिवाय बऱ्याच आयुर्वेदिक औषधात नागवेली पत्र म्हणजे पानाचा उपयोग केला जातो. पानात टाकण्यात येणारे जिन्नस पण शरीरासाठी योग्य असतात. जसे काथाने तोंड आले असल्यास फायदा होतो, चुन्यामध्ये कॅल्शियम प्रचुर मात्रेत असत. सोफ व ओवा अग्नी वाढवणारा असतो.
या उलट आईस्क्रीम! गरम गरम जेवणानंतर लगेच थंडगार आईस्क्रीम हे विरुद्ध असत. शिवाय जी अग्नी उदरात पेटली आहे, जी अन्न पचवणार आहे तिच्या वर आईस्क्रीम टाकून आपण विझवून टाकतो. ज्यामुळे अपचन होऊन अनेक व्याधी निर्माण होतात. बऱ्याच घरांमध्ये जेवणानंतर आईस्क्रीम खाण्याचे रुटीन असत. जर असच रोज राहील तर बिपी, शुगर, लठ्ठपणा आलाच म्हणून समजा.
वेस्टर्न कल्चर फोल्लो करण्यापूर्वी एकदा शहानिशा करून मगच फोल्लो करा.

टीप – अम्लपित्त, पित्ताचे आजार, जळजळ असणार्यांनी तांबुल सेवन टाळावे.

वैद्या . मयुरी देशपांडे
एम.डी (कायाचिकित्सा), दीर्घायू आयुर्वेद चिकित्सालय व पंचकर्म सेंटर, रामनगर, वर्धा.

05/07/2024

https://youtu.be/gEzteotJd3Y?si=4NzopAxteuD9cKV4

15/04/2024

🕊️आयुर्वेदाचे बोल ☘️

🌼चिकित्सा नास्ति निष्फला |🌼

आयुर्वेद हे खरचं लाईफ सायन्स आहे. प्रोफेशनली आपण कसं असावं हे तर शिकवतोच शिवाय मनुष्य म्हणून पण कसे असावं हे पण सांगतो. याचा प्रत्यय प्रत्येक वेळीच येत असतो. काही वेळा शब्दात मांडायला वेळ नसतो तर काही वेळा शब्दच नसतात....
असाच एक अनुभव इतक्यात आला. कम्प्लेंट होती infertility ची. रुग्ण खूप दुरून माझा कडे आली होती. रुग्णेचा जॉब खूप धावपळीचा. कुठे पण ड्युटी कधी पण ड्युटी अशा प्रकारचा. रुग्णेला अजूनही खूप काही त्रास होते. खूप महागड्या ट्रीटमेंट घेऊन झाल्या पण काही केल्या पाळणा हले ना. दोघे पण खूप त्रासले होते. दुखी होते. बाईच्या डोळ्यातून आपसूकच अश्रू गळत होते. “ काही पण द्या माम मी काही पण करायला तयार आहे” अस त्या म्हणायच्या. आजकाल वंद्यत्वाचे खूप पेशंट बघायला मिळतात. स्ट्रेस आणि खानपान हे मुख्य कारण आहे असं मला वाटतं. नाईलाजास्तव म्हणा किंवा जीभेस्तव म्हणा आपण हे विषारं पोटात घेतो आणि खूप पैसा कमावण्याच्या इच्छेने लाईफ सेटल करायच्या इच्छेने स्ट्रेस फुल जॉब्स किंवा व्यवसाय पण करतो.
बाई खूप दुरून यायच्या आणि ट्रीटमेंट घ्यायच्या. त्यांना बऱ्या पैकी आराम हि होता. पण मला वाटायचं कि या जास्त दिवस चिकित्सा घेणार नाही. असं वाटायला कारण हि होत ते म्हणजे त्यांचे राहणे खूप दूर असणे. मी त्यांना तिथले डॉक्टर्स पण suggest केले होते. फॉलो अपस पण व्यवस्तीत होणे गरजेचे असते आणि खरचं तसचं झालं त्यांनी दीड महिने ट्रीटमेंट घेतली आणि परत आल्याचं नाही. मग बऱ्याच महिन्यांनी आल्या. त्यांचे कुणी रीलेटिव वर्धेतच आहेत तर त्या आलेल्या होत्या. “कशा आहात तुम्ही”? मी. “मी ठीक आहे माम. तुम्ही कशा आहात”? “मी पण मस्त!” इति मी. “तुमचा प्रोब्लेम झाला का सोल्व?” मी. “नही माम मी अमुक अमुक ठिकाणी ट्रीटमेंट घेतेय.” दबक्या स्वरात पेशंट म्हणाल्या. “तुम्हाला भेटायला आले होती मी. दोन दा आली होती तुम्हाला भेटायला पण आपली भेट नही झाली”. मी “ओह” मे बी मी काही कामात असेल." मग थोड्या इकडच्या तिकडच्या गोष्टी केल्या अगदी मैत्रिणीन सारख्या. “निघता निघता आमच्या गावी आले कि या, मी घ्यायला येईन तुम्हाला. काही स्पॉटस पण दाखवेल” . “नक्की”, मी होकारार्थी मान हलवली.

“क्वचित् धर्म क्वचित् मैत्री क्वचित् अर्थ क्वचित् यश!
कर्माभ्यासं क्वचितश्चेति चिकित्सा नास्ती निष्फला!!”

रुग्णाच्या सेवेने किंवा चिकित्सेने कधी धर्म, कधी मैत्री, कधी पैसा, कधी यश मिळत. हे काही मिळालं नाही तर अभ्यास तर नक्कीच होतो. इति आ. चरक

वै. सौ. मयुरी देशपांडे,
दीर्घायू आयुर्वेद चिकित्सालय व पंचकर्म सेंटर, रामनगर, वर्धा.
९१३०२९२९४९

10/01/2024

23/12/2023

https://youtu.be/cH6pRDYQ_gw

In this video, we'll be discussing the Ayurveda-based technique of Virechana. Virechana is a detoxification procedure that is used to cleanse the body and re...

08/12/2023

☘️आयुर्वेदाचे बोल🕊️

*हर सही जवाब आपको पाहुचायेगा स्वास्थ्य कि ओर...*

आयुर्वेद वैद्या कडे जायचंय म्हंटल कि प्रश्न विचारलेच जातील याची मनाशी गाठ मारून च जावं. अर्थात रुग्ण इतिहास च असतो तो! बरेच रुग्ण अगदी घोड्यावर बसून येतात. हो ला हो नही ला नाही अशा प्रकारचा संवाद असतो. चेहर्या वरचे हावभाव ...इससे क्या होगा अशा प्रकारचे....
एक महिन्या अगोदर अशाच एक महिला रुग्ण, घोड्यावर बसून आल्या. तक्रार होती फ्रोझेन शोल्डर ची! खूप औषध घेतले काही बरच नाहीये. काहीतरी द्या ज्याने लवकर बर वाटेल. मी आपलं रुग्ण इतिहास घेणे सुरु केले. तर उत्तरे उडवा उडवीची...त्यांच्या चेहरा वरून त्यांना खूप बोर होतंय असं दिसत होतं. वाटलं तर हो म्हणायचं नाहीतर नाही असं काहीसं सुरु होतं. रुग्णालाच काही इंटरेस्ट नाहीये हे बघून मी आपलं औषध दिलं, काही पथ्य अपथ्य सांगितलं आणि माझा मोर्चा बाहेर बसलेल्या रुग्णाकडे वळवला. त्या नंतर परत रुग्ण सात दिवसांनी आली. काहीच बरं नाहीये असं तीचं म्हणनं होतं. फक्त हलकं हलकं वाटतेय म्हणायची. मी हि रुग्ण माझी म्हणून मोजतच नव्हती कारण साहजिक आहे कि बरं नाही वाटल कि दुसरा तज्ञ्य शोधणार. आयुर्वेदाने तसही सांगितलयं कि जे रुग्ण ऐकत नाही...स्वतःला डॉक्टर समजतात ते त्याज्य आहेत. पण तरी जवळ पास एक महिना हे सत्र सुरु होतं. तिनी यायच मी औषधं द्यायचं. नंतर कळलं कि तिच्या जावयाने एकदा दाखवलं होतं अन त्यांना बरं होतं अन बाईंचा खर्च पण तेच करतात. एकदा दोघे सोबत आले.... कदाचित शेवटचं बघुया असा विचार असावा....मी त्यांना म्हंटल आज आपण परत एकदा हिस्टरी घेऊया पण या वेळी बरोबर उत्तर द्यावे लागतील. मागच्या वेळी सारखं नाही चालणार नाहीतर तुम्हाला कधी च बरं नाही वाटणार. बाई तयार झाल्या. खाण्यात काय असतं रोज विचारलं तर म्हणे काही नही आपलं तेच वरण भात भाजी पोळी.....जावई लगेच बोलले रोज काहीतरी गोड लागतं यांना. गोडा शिवाय तर होतचं नाही. माझं काम झालं मी आपला सुटकेचा निश्वास सोडला. काकू हे रोजचं गोड खाणं बंद करा आणि हि टेस्ट करून उद्या रिपोर्त्स घेऊन या. दुसर्या दिवशी बाई रिपोर्ट घेऊन आल्या. रिपोर्त्स ने सगळ्या सीमा ओलांडल्या होत्या. HBa1C ची व्हल्यू गगनाला भिडली होती...औषधं तर योग्य अशीच चालली होती पण हेतू जो पर्यंत बंद होणार नव्हता तो पर्यंत काहीच होणे शक्य नव्हते. तिथून सात दिवसांनी परत बाई आल्या आपल्या फ्रोझेन शोल्डर असलेल्या सखी ला घेऊन...न मी काही बोलण्या पूर्वीच “हर सही जवाब आपको पाहुचायेगा स्वास्थ्य कि ओर” अशा आशयाचं त्यांनी आपल्या मैत्रिणीला सांगितलं.

'निदान परिवर्जन' ही चिकित्सेची पहिली पायरी आहे.

वैद्या मयुरी देशपांडे
एम डी (कायचिकित्सा)

20/10/2023

Diabetes संबंधित पूर्ण माहिती....💯 आमच्या यूट्यूब चॅनल वर...?

This videos will tell you the authentic information about ayurveda. This channel is runned by Registered Ayurved doctors/ practitioners.

10/09/2023

उपवास....

Our country is a country of festivals. Rituals and keeping fast is inseparable content of it. This video will tell you the proper way of doing Upwas which wi...