العياده التخصصيه لامراض الدماغ والاعصاب عند الاطفال د. دعاء أحمد القيسي

25/04/2026

*الصداع عند الاطفال من الاعراض التي لايجب اهمالها*

لانه قد لا يكون فقط من انواع الصداع الاولي (مثل الشقيقه)وانما مؤشر لوجود مرض عصبي ثاني ويحتاج الكشف المبكر والعلاج..

🧠 يلزم مراجعة طبيب الامراض العصبيه للاطفال اذا كان الطفل يعاني من الصداع وخاصة في هذه الحالات:

♦️الصداع للاعمار اقل من ٦ سنوات..
♦️الصداع الشديد والمفاجيء الي يصير اول مره..
♦️الصداع المصحوب باعراض اخرى مثل التقيؤ وتشوش الوعي والدوخه واضطراب الرؤيه..
♦️الصداع الي يتداخل مع حياة الطفل ويقلل من نشاطه اليومي..او الي يكون شديد لدرجة يكعده من نومه..
♦️الصداعي القحفي( الي يصير بمؤخرة الراس) ..
♦️الصداع المزمن وبدت الاعراض تكون متغيره بالشده..
♦️الصداع المصحوب مع فحص عصبي غير طبيعي..

🧠اذن الصداع سواء كان اولي او ثانوي يحتاج تقييم من الطبيب المختص بالامراض العصبيه للاطفال لتحديد مسار الفحص والعلاج المناسبين للحاله..

د. دعاء أحمد القيسي
اختصاص الامراض العصبيه للاطفال
اختصاص دقيق في امراض الدماغ والاعصاب عند الاطفال🧠
اختصاص طب الاطفال وحديثي الولاده👶

04/04/2026

يوميا نسمع ..
دكتوره ابني عنده ضمور بالدماغ😞
دكتوره عندي ابني الثاني هم كالولنه عنده ضمور☹️
دكتوره شكد نسبة الضمور عد ابني او بنتي؟🥺

اذن هل الضمور هو فعلا تشخيص مرضي؟؟ 🤔
ام هو الشماعه الي يتعلك عليهه كل مرض لم يتم الوصول الى تشخيصه؟؟

الجواب : ضمور الدماغ ليس مرض معين بحد ذاته وانما هو نتيجة لمرض عصبي آخر ..

زين شنو الفائده من هالكلام؟🤔
الجواب: الفائده جوهريه للوصول للتشخيص الصحيح للامراض العصبيه للاطفال ((بصوره مبكره)) كون العديد منها قابل للعلاج وكان مغيب تحت غطاء (مصطلح الضمور)..

وهنا يجي دور الطبيب المختص بالامراض العصبيه للاطفال للتفريق بين هذه الامراض واجراء الفحوصات المناسبه حسب كل حاله للوصول للتشخيص الصحيح..

الوقت عامل مهم⏱️
التوعيه عامل مهم📢

الله يحفظ اطفالكم من كل سوء❤️

د. دعاء أحمد
اختصاص الامراض العصبيه للاطفال
اختصاص دقيق في امراض الدماغ والاعصاب عند الاطفال🧠
اختصاص طب الاطفال وحديثي الولاده👶

الديوانيه_ شارع الاطباء_شارع كاطع_ مجمع صيدلية دار الدواء
رقم الحجز:
07889808879

26/03/2026

ماكو شي دكتوره هاي ( وحمه عاديه )!!

لا عزيزتي الام عزيزي الاب.. هاي مو وحمات عاديه ..اذا اكو مثل هكذا علامات جلديه بجسم الطفل وبشكل متعدد👇 فهاي دلاله ع وجود امراض وراثيه عصبيه ولازم تراجعون الطبيب المختص باقرب وقت لان تحتاج معاينه وفحوصات خاصه..

الدكتوره
دعاء أحمد القيسي
اخصائية امراض الدماغ والاعصاب عند الاطفال🧠
الديوانيه_شارع الاطباء _شارع كاطع_مجمع صيدلية دار الدواء🏥

22/03/2026

بسم الله تعالى نبدأ وعليه توكلنا❤️

تعلن العياده التخصصيه الاولى لامراض الدماغ والاعصاب عند الاطفال عن بدء العمل بالعياده اعتبارا من يوم الثلاثاء ٣/٢٤

🥼تستقبل العياده حالات الامراض العصبيه للاطفال ومنها :

🧠 الشلل الدماغي
🧠الصرع والاختلاجات العصبيه
🧠تأخر النطق والمهارات الحركيه
🧠الاضطرابات السلوكيه
🧠الصداع
🧠الجلطات الدماغيه عند الاطفال
🧠الامراض المناعيه للجهاز العصبي
🧠اعتلال العضلات والاعصاب
🧠الامراض الايضيه والنادره
🧠الامراض الجينيه والوراثيه

📍 الموقع:
الديوانية - شارع الأطباء (شارع گاطع) - مجمع صيدلية دار الدواء - مقابل صيدلية محاسن.

⏱️أوقات عمل العياده:

⏱️يوميا من الساعه الثالثه ظهرا الى الساعه السابعه مساءا
⏱️الجمعه من التاسعه صباحا الى الساعه ١٢ ظهرا

⭐️الخميس عطلة العياده

📞 يبدأ الحجز من يوم غد الاثنين وعلى الرقم التالي:
07889808879

📢 تنويه:
🧬يرجى جلب كافة الاوليات والتحاليل السابقه الخاصه بالمريض و في حالة وجود رنين او مفراس سابق يرجى جلب ( القرص او الفلم الشعاعي الخاص به)

🧬نعتذر عن الاجابه ع الاسئله في حالة عدم حضور المريض .. يلزم الفحص مع تاريخ مرضي مفصل

نسأل الله لكم دوام الصحه والعافيه❤️

الدكتوره دعاء أحمد
اختصاص طب الاطفال وحديثي الولاده👶
اختصاص دقيق في الامراض العصبيه للاطفال🧠

20/03/2026

كل عام وأنتم بألف خير ✨
اعاده الله علينا وعليكم باليمن والبركات ..

19/03/2026

13/03/2026

https://www.instagram.com/brainy.clinic2026?igsh=c2lkb3ZyeWFmcGJv

5 Followers, 4 Following, 1 Posts - See Instagram photos and videos from Dr.Doaa Ahmed (.clinic2026)

12/02/2026

قريبا بعون الله..

اول عياده تخصصيه في امراض الدماغ والاعصاب عند الاطفال في محافظة الديوانيه..

د. دعاء أحمد القيسي

12/04/2025

السلام عليكم..

الفديو لغرض التنبيه والتوعيه🗯
اغلب الامهات الي نشوفهم يكولون (ما جنه نعرف انو هالحركات هي شمرات )🤷‍♀️

هاي الحركات مو طبيعيه وهي نوع من انواع الصرع عند الاطفال لازم ننتبه الهه واكيد مراجعة الطبيب المختص حتى نبلش العلاج المناسب باسرع وقت..
وهنا نأكد ع ضرورة تصوير الحركات الغير طبيعيه الي تصير عند الاطفال بسبب اهميتهه بالتشخيص..

دمتم سالمين❤️
د. دعاء أحمد
اختصاص طب الاطفال
تخصص دقيق(دراسات) في امراض الدماغ والاعصاب عند الاطفال..🧠🧠

For new parents, watching a young baby's every movement typically brings much joy. But when a baby exhibits signs and symptoms of a serious neurological cond...

18/09/2024

فضلا وليس امرا..قراءة سورة الفاتحه ع روح والدي المرحوم أحمد كريم جابر القيسي ..
دعائكم لنا بالصبر والسكينه.. ولروحه الرحمه والغفران..

30/06/2024

الكوابيس المزعجه عند الاطفال..👻

👻تبدي عادة بالاعمار بين ٤ الى ٦ سنوات..

👻يكعد الطفل عادة بعد مرور ساعتين من النوم مالته مذعور ويبجي ويصرخ..وتصير بمرحلة من مراحل النوم اسمهه النوم (غير الريمي)..

👻ممكن ما يعرف او يميز اهله اثناء النوبه.. وتفشل محاولات التهدئه..ويظل يبجي.. ومرات ممكن انو يوكع او حتى يمشي بالنوم ..

👻تستمر كل نوبه مدة ٥ دقايق الى ١٥ دقيقه..وراهه ينام الطفل
ومن يكعد الصبح ما يتذكر شنو الي صار ..

👻ممكن تتكرر مره او اكثر بالاسبوع..

👻تنتهي النوبات بعمر ٨ سنوات عادة..ونسبة منهم ممكن تستمر لعمر المراهقه..

👻ممكن اكو احد بالعائله عنده نفس الحاله.. او يمشي اثناء النوم
بعض الحالات ترتبط بوجود مشاكل تنفسيه..ومعالجة هالمشاكل ممكن تنهي النوبات..

د. دعاء القيسي
اختصاص( بورد) طب الاطفال وحديثي الولاده👶👶
دراسات( تخصص دقيق) امراض الدماغ والاعصاب عند الاطفال🧠🧠

19/06/2024

السلام عليكم..
من الاسئله الي ننسأل بيهه هواي..
اذا الطفل صارت عنده شمره حراريه..هل معناهه انو ممكن يصير عنده صرع بالمستقبل؟؟
الجواب هو..
اكو عوامل خطوره تخلي الطفل الي صارت عنده شمره حراريه معرض للصرع بالمستقبل..واللي هي:

🐻اذا كان اصلا الطفل عنده مشاكل عصبيه او تاخر باكتساب المهارات الحركيه الطبيعيه..

🐻اذا كانت الشمره الي صارت عنده من النوع البؤري..

🐻اذا كان اكو صرع عند احد افراد العائله..

🐻الفتره بين الحراره وحدوث الشمره(كلما قلت الفتره..كلما زادت نسبة الخطوره)..

بصوره عامة.. نسبة الي يصير عدهم صرع بعد الشمرات الحراريه..تتراوح حسب الدراسات..بين ٢ الى ١٠ %

دمتم بصحه وعافيه..
د. دعاء القيسي
اختصاص( بورد) طب الاطفال وحديثي الولاده👶👶
دراسات( تخصص دقيق) امراض الدماغ والاعصاب عند الاطفال🧠🧠