07/09/2025
20 شغلة لا تسويها بعد الولادة 👶✨
1. لا تتوقعين الأمور تمشي مثل ما مخطط إلها
ماكو قانون طفلك راح يمشي عليه، انتِ حاولي بس النتيجة مو شرط تكون مرضية من البداية. التربية أساسها الروتين.
2. لا تكثرين الزيارات المنزلية
اعتذري أو قللي عدد الزوار. الهدف حماية طفلك من الجراثيم + إعطائك وقت راحة + تتعرفين على طفلك.
3. لا تنسين الأكل والشرب
اكلي أكل صحي ومتوازن غني بالفواكه. لا تستعجلين بالريجيم، الوزن ينزل شوي شوي، بس الحليب يحتاج غذاء جيد.
4. لا تاخذين كل الأمور على عاتقك
إذا عندك أحد يساعدك، خليه يساعدك. بس لا تاخذين نصائح قديمة (مثل الثوم، سكر الكلوكوز، الكحلة).
5. لا تخالفين أوامر طبيبتك النسائية أو طبيب الأطفال
هم يريدون الأفضل إلك ولطفلك.
6. لا تغادرين المستشفى مبكراً
إلا إذا سمح الطبيب. دايمًا اسألي قبل الخروج.
7. لا تنسين تسألين كل الأسئلة
فيتامين K
فيتامين D من أول يوم
الطهور
فحص الغربلة
فحص طبيب أطفال
اللقاحات
وغيرها من الإجراءات الوقائية.
8. لا تتحرجين من طلب المساعدة
زوجك، أمك، أختك، أي أحد متوفر. ما بيها شي.
9. لا تنظفين البيت 🤭
أنتِ محتاجة راحة، التنظيف يلحك
10. لا تغيرين كورس العلاج
خذي الأدوية مثل ما كتبتها طبيبتك، ولا تنسين المسكنات.
11. لا تتمادين بالكمال
ماكو شي كامل. الكمال لله وحده.
12. لا تكونين غير مستعدة
جهزي مستلزمات الطفل (محرار، كريم وقاية، إلخ). وتهيئي للتشققات الطبيعية بالرضاعة.
13. لا تخافين من البجي
طبيعي تبجين أو تحسين بخوف ومسؤولية. حتى الاكتئاب وارد يصير، وهو مو عيب.
14. لا تسكتين عن حقك بحماية طفلك
الثوم ما يتخلى للطفل
لا تربطين رجليه (خطر خلع مفصل)
لا كحلة بالعين (خطر تسمم بالرصاص)
لا تعصرون صدره (ممكن يسبب خراج).
15. لا تهملي نفسك
أنتِ تعبتِ ٩ أشهر. ارتاحي قدر ما تقدرين. الطفل السعيد يحتاج أم سعيدة.
16. لا تهملي طفلك
لا تسمعين كلام "لا تشيلينه يتعود". الطفل يحتاج حضن وحب مثل ما يحتاج الحليب.
17. لا تنسين الصور 📸
خلي صور كثيرة للحظات اللي ما تنعاد.
18. لا تشككين بقابليتك كأم
تحملتي كل شي علمود طفلك. أنتِ الأم المثالية.
19. لا تنسين هذا البوست
خزنيه واقريه كلما ضجتي.
20. لا تنسين هذه الصفحة
صارلها 8 سنوات تنشر يوميًا وتفيد آلاف الأمهات. الجهد بيها خبرة 20 سنة قراءة ودراسة طب الأطفال.
💙
د. سيف سمير البياتي
اخصائي طب الأطفال
