24/04/2022
سڵاو بۆ هەموو لایەك 💐💐
بەڕێزان گرفتەكانی قژ و كیشەی هەڵوەرینی قژ یەكێكە لە باوترین كێشەكان كە خانمان ڕووبەڕووی ئەبن لە قۆناغێك لە قۆناغەكانی ژیان و زۆر پیی بێزار ئەبین ...
خانمان ئاساییە ئەگەر ڕۆژانە ٥٠-١٠٠ تاڵ لە قژمان بكەوێت و بۆ ئەوانەی قژیان درێژە تا ١٥٠ تاڵیش بە ئاسایی دادەنێین ....
ئەگەر قژ وەرینت لەو ڕێژەیە زیاترە و تێبینی دەكەیت قژت تەنك بووە ئەو كاتە پێوویستە بو دوای چارەسەری گوونجاو بگەڕێیت بۆ قژت ..
هۆكارەكانی هەڵوەرینی قژ بە گشتی ئەمانەن :
🌟تەنگژەی دەروونی و دڵە ڕاوكێ و نائارامی دەروونی ( زۆر بە داخەوە وەك ئەم باروودۆخەی ئێستا )
🌟 منداڵ بوون چی بە سرووشتی یان نەشتەرگەری ،پاش ٣ مانگ لە لەدایك بوونی منداڵەكەت چاوەڕێی ئەوە بكە قژت دەست بكات بە هەڵوەرین.
🌟نەشتەرگەری گەورە ،نەخۆشیەكی قورس كە تایەكی بەهێزی لەگەڵ بێت پاش ٣ مانگ قژ دەست دەكات بە هەڵوەرین .
🌟گرفتەكانی غودەی دەرەقی ،چی كەم بوون یان زیاد بوونی هۆرمۆنەكانی غودە ئەبێتە هۆی قژ ڕووتانەوە .
🌟تێكچوونی هۆرمۆن و زیاد بوونی هۆرمۆنی شیر ،كیسی هێلكەدان ،زیاد بوونی هۆرمۆنی نێرینە ،لەم كاتەدا گرفتی تری وەك زیاد بوونی مووی چەناگە و سمێڵ و سنگ و تێكچوونی سووڕی مانگانە .
🌟كەم بوونەوەی رێژەی ئاسن ،ڤیتامین د ،ب١٢،ب٦،كالسیۆم،فۆلیك ئەسید،زینك،ڕێژەی شەكر لە خوێن ..
🌟وەرگرتنی چارەسەری كیمیایی .
🌟نەخۆشی پێست وەك دەردە ڕێوی ،گوورگە سوورە .
🌟زۆر بەكارهێنانی بۆیاخی قژ و ووشك كەرەوە و مەوادی كیمیاوی بەهیز .
🌟هۆكاری بۆماوەیی كە زۆر جار ئەم جۆرە لەگەڵ گرفتی هۆرمۆنی دەبێت ..
⭐️⭐️چارەسەر ی قژ هەڵوەرین بە چارەسەری ئەو گرفتە دەبێت كە هۆكاری درووست بوونی هەڵوەرینە و ئەبێت ئێوەی خانمان باش بزانن چارەسەری هەڵوەرینی قژ سەبر و چاوەڕێ كردنی ئەوێت و لانی كەم پاش ٣ مانگ لە دەست پێ كردنی چارەسەر ئەنجامەكەی دەبینین و قژەكە دەست دەكاتەوە بە گەشە .
ئێستا ڕێگەی نوێیش هەیە بۆ یارمەتی دانی چارەسەر ،وەك میزۆ و پلازمای خوێن كە بە دەرزی بچووك لە پیستی قژەكە دەدرێت و زۆر مادەی بەسوودی تێدایە بۆ گەشەی قژ .
هەر بە خۆشی بمێنن ..