Dr. Esra Shah Mohammed - دكتۆرە اسراء شاه محمد

25/11/2025

ئەگەر هەر عیلاجێکی خوێن روونکردنەوە یان حەبی وارفارین بەکار ئەهێنیت! تکایە بە بێ پرسی پزیشک و دەرمانساز هیچ عیلاجێک یان یاریدەدەری خۆراکی لە خۆتەوە مەکڕە، وە تا رادەیەک لە هەندێک خواردنیشدا دەبێت ئاگادار بیت! هەر بۆ نموونە بۆ ئەو کەسانەی لەسەر ئەو جۆرە عیلاجانەی سەرەوەن زۆر خواردنی سیر یان زەنجەبیل رەنگە ئەگەری خوێن بەربوون زیاد بکات! بەهەمان شێوە هەندێک یاریدەدەری خۆراکی وەکو جینکۆ بایلۆبا وە هەمان شتیش بۆ هەندێک حەبی ئازار کە پێیان دەڵێن گروپی NSAID ەکان وەکو ڤۆلتارین و پرۆفین و هەندێ جۆری دەرمانی تریش. بە هیوای سوود.....

اسراء کمال شاە محمد
پزیشکی پایە بڵندی پزیشکی خێزان/ کەنەدا.
ماستەر لە زانستی خۆرک/ بەریتانیا.
دەرچووی زەمالەی چیڤینینگی بەریتانی.

23/11/2025

لەبەر ئەوەی زۆر ئەبینم خەلکانێکی زۆر بە منداڵ و گەورە چەندەها جار لە ساڵەکەدا فەحسی ڤیتامین دی ئەکات لە ترسی ئەوەی رێژەکەی کەم و زیاد نەبووبێت! ئەمەش کولفەیەکی زۆر دەکەوێتە سەر شانی چارەخوازەکان! بە پێی زۆربەی سەرچاوەکان ئەگەر کەسێکی لە سەروو ١٨ سالەوەیت و هەست دەکەیت کە رێژەی راستەوخۆ بەرکەوتنی خۆرت کەمە، یاخود لە زستاندا یە کە بە تایبەتی ئاستی ڤیتامین دی رەنگە زۆر دابەزێت بە حوکمی ئەوەی خۆر لێت نادات، ئەوا دەتوانیت رۆژانە بڕی ٤٠٠ چوارسەد بۆ ٢٠٠٠ دوو هەزار یونت ڤیتامین دی وەگریت بە حەب. لەم حالەتەشدا ئیتر مۆنیتەرینگی ناوێت واتە ئەم رێژەیە سەلامەتە و پێویست ناکات هەموو مانگێک یان چەند مانگێک فەحس بکەیتەوە کە بزانیت زۆرە یان کەمە رێژەی ڤیتامین دی یەکەت. بەمەش کولفەیەکی زۆر لە کۆڵ خۆت و خێزانەکەت دەکەیتەوە! بە هیوای سوود....

اسراء کمال شاە محمد
پزیشکی پایە بڵندی پزیشکی خێزان/ کەنەدا.
ماستەر لە زانستی خۆرک/ بەریتانیا.
دەرچووی زەمالەی چیڤینینگی بەریتانی.

25/10/2025

ئایا ئەزانیت ئەگەری دروستبوونی ڕەبوو ( asthma)لەو منداڵانەدا زیاترە کە لە دەوریاندا مادەی پاککەرەوە زیاتر بەکاردێت!
وەهەروەها
لەو منداڵانەشدا کە شیری دایکیان نەخواردوو ەو پێش تەمەنی ١ سال دژە بەکتریایان بۆ بەکارهێنراوە! بۆیە دایک و باوکی ئازیز زۆر ئاگاداری بەکارهێنانی دەرمانی دژە بەکتریا بەن بۆ کۆرپەکانتان و هەر یەک تۆز تایان بەرز بوو بە بێ پرسی پزیشک مەچن دژە بەکتریایان بۆ بکرن !

سەرچاوە:
‏CMA 2020 192 (7) E154-E161
‏Med 2023 4(2) 92-112

اسراء کمال شاە محمد
پزیشکی پایە بڵندی پزیشکی خێزان/ کەنەدا.
ماستەر لە زانستی خۆرک/ بەریتانیا.
دەرچووی زەمالەی چیڤینینگی بەریتانی.

02/10/2025

مانگی ١٠، مانگی هۆشیارکردنەوەئە بۆ شێرپەنجەی مەمک. لە خوارەوە چەند راستیەک هەیە کە بە توێژینەوە پشتراست کراوەتەوە:

١- ئەگەری توشبوونی شێرپەنجە ی مەمک زیادە دەکات بە زیاد خواردنی خواردنەوە کحولیەکان: ئەو کەسانەی لە ٧ لە بەشە خواردنەوە کحولیەکان زیاتر دەخۆنەوە لە هەفتەیەکدا، بە ريژەی ٪١٣ ئەگەر تووشبونی شێرپەنجەی مەمک تیایاندا زیاتر دەبێت.

٢- زیادی کێش لەکاتی تەمەنی بالغبووندا، ئەگەری روودانی شێرپەنجەی مەمک لە ئافرەتاندا لە دوای وەستانی سووری مانگانە زیاد دەکات.

٣- شیردان بە منداڵ ئەگەری تووشبوون بە شێرپەنجەی مەمک کەمدەکاتەوە.

٤- راستە جینات و مێژووی خێزانیش دەوری هەیە لە زیادکردنی ئەگەری تووشبوون بە شيرپەنجەی مەمک، بەلام باوترین شێرپەنجەی مەمک لەوانەدان کە مێژووی خێزانیان نی یە بۆ ئەو نەخۆشیە! بەلام تەمەن فاکتەرێکی زۆر گرنگە واتە لەگەڵ هەلکشانی تەمەن ئەگەری زیادبوونی شێرپەنجەی مەمکیش زیاد دەکات بۆ یە لە وولاتێکی وەکو کەنەدا بە پێی گایدلاین پێویستە هەموو ئافرەتێک ئەگەر هیچ لویەک یان نیشانەیەکیش هەستی پێنەکردنێت بەلام ئەگەر لە نێوان تەمەنی ٥٠-٧٤ ساڵدا بێت دەبێت دوو ساڵ جارێک مامۆگرام بکات بۆ سکرینینگ و زوو ناسینەوەی شێرپەنجەی مەمک.

اسراء کمال شاە محمد
پزیشکی پایە بڵندی خێزان/ کەنەدا.
ماستەر لە زانستی خۆرک/ بەریتانیا.
دەرچووی زەمالەی چیڤینینگی بەریتانی.

12/09/2025

لەبەر ئەوەی مشتوومڕێکی زۆر دروست بووە لەسە بەرنامەی دیبەیتی مۆری ئاڤا کەلەسەر کیتۆ دایت بوو، منیش وەکو پزیشکی گشتی و پسپۆری ئەو بابەتە حەزم کرد
رای خۆم بڵێم:

- بە پێی بەڵگە زانستی یەکان و رای شەخسی خۆشم، قسەکردن بە شیوەیەکی ڕەهایی لەسەر هەر بابەتێکی زانستی پزیشکی یان جۆرە پلانێکی خواردن یان شێوازی ژیان زۆر هەڵەیە و دوورت ئەخاتەوە لە کارکردنت وەکو پزیشک! کە خۆی لە ئەسڵدا پزیشک دەبێت چارەسەرەکانی وەکو ئیشی خەیاتی بێت! وەکو چۆن خەیاتێک کاتێک جلێک ئەدورێت ئەبێت بە پێی قیاسی موشتەرییەکەی جلەکە بدورێت. پزیشکیش ئەبێت چارەسەرەکەی بە پێی جەستەی نەخۆشەکەی بدورێت! ئەگەر تۆ وەکو پزیشک هەموو کەس وەکو یەکتر چارەسەر بکەیت ئەبێت چ کارەساتێک دروست ببێت! ئەم قسەیە بۆ هەموو حالەتێک لە بواری پزیشکیدا راستە، لە دایت و لایف ستایلەوە بۆ نەخۆشێک کە کێشی زیادەی هەبێت ەوە بیگرە تاوەکو کاتێک چارەسەر بۆ نەخۆشێک دەکەیت کە بە سەر ئێشە یان سنگ ئێشە دێتە بەردەستت لە ئیمێرجنسی، کە دەبێت هەر یەکێکیان بە پێی حالەتی خۆیان چارەسەر بکرێن. لەبەر ئەوە بە رای من هەڵەیە کاتێک هەر پزیشکێک کە بە رەهایی قسە لەسەر ئەوە بکەن کا ئایا کیتۆ باشە یان خراپ!

- لەگەل رێزێکی زۆرم بۆ پێشکەشکاری بەرنامەکە کە گەنجێکی بەتوانا و زیرەکە بەلام تێبینیەکم هەبوو لەوەی بەدیم کرد لە کۆتایی بەرنامەکە پێشکەشکاری بەرنامەکە چەند جارێک بە دکتۆرە گەنجەکە دەلێتەوە پەشیمان بوویتەوە لە قسەکەت یاخود نەخێر. ئەمە بەراستی لای من بە دروستی نازانم کە بەرامبەر هەر یەکێک لە تاکی کۆمەلگە بکرێت لە بەرنامەیەکی راستەوخۆدا! هیوادارم پێشکەشکارەکان بە شێوەیەکی پیشەگەرییانە هەلسوکەوت لەگەل میوانەکانیان بکەن کاتێک میوانی ئەوان بن !

اسراء کمال شاە محمد
پزیشکی گشتی / ماستەر لە زانستی خۆراک- بریتانیا.
پزیشکی پایە بڵندی خێزان/ کەنەدا.
ئەندامی تۆمارکراوی پسپۆرانی خۆراک- بریتانیا
دەرچووی زەمالەی چیڤینینگی بەریتانی.

29/08/2025

Dr. Gashin Kamal - دکتۆرە گەشین کەمال

جوانی واتە وردبینی

هەنگاوی یەکەمت بۆ داهاتووی پزیشکی جوانکاری لێرە تەکنەلۆژیای پێشکەوتوو لەگەڵ تەکنیکە پسپۆڕەکاندا یەکدەگرێتەوە.

گۆڕینی پراکتیک و شارەزابوون لە هونەری لابردنی موو بە لەیزەر لەگەڵ شارەزایی و ڕاهێنەری نێودەوڵەتی.

ڕاهێنانی ئامێری لابردنی موو بە لەیزەر

گرنگترین خاڵە کردارییەکان و تەکنیکە پیشەییەکان لە پسپۆڕێکی پزیشکی پێست لە ڕاهێنەرێکی ئەوروپییەوە فێربە.

بەروار: ١٢ی ٩
کات: 1:00 PM - 3:00
شوێن: هۆتێل گراند میلینیۆم - هۆڵی Rendezvous

ڕاهێنەری جیهانی: دکتۆر گەشین کەمال م.ئەمین ماستەر لە پێست لە لەندەن/بەریتانیا
ئەندامی ئەکادیمیای ئەوروپی بۆ پێست و ڤێنێرۆلۆژی

بەژداربوون سنووردارە
ئێستا ناوت تۆمار بکە
07704065522

PRECISION MEETS BEAUTY: LASER MASTERY

Step into the future of aesthetic medicine where cutting-edge technology meets expert technique.

Transform your practice and master the art of laser hair removal with London-trained expertise.

LASER HAIR REMOVAL DEVICE TRAINING

Learn the most important practical points and professional techniques from a European-trained dermatology expert. Discover how precision technology can elevate your aesthetic practice to new heights.

Date: September 12th
Time: 1:00 PM - 3:00 PM
Location: Grand Millennium Hotel - Rendezvous Hall

WORLD-CLASS INSTRUCTOR: Dr. Gashin Kamal M. Amin MSc Dermatology London/UK Member of European Academy of Dermatology and Venerology

LIMITED SEATS AVAILABLE
REGISTER NOW
0770 406 5522

22/07/2025

https://www.facebook.com/share/p/1BYPaXcVHp/?mibextid=wwXIfr

12/07/2025

ئازیزان ئەم بابەتەی خوارەوە بابەتێکی زۆر گرنگەو هیوادارم خوێنەری بن:

رۆژانە کاتێک لە کوردستان کلینکم هەبوو وە هەمان شت لە رێگەی پەیجەکەشمەوە زۆر کات پرسیاری ئەوە دەکرێت کاتێک کەسێک فەحسی چەوری خوێن دەکات و کۆلیسترۆلی خوێنی بەرز بێت یەکسەر ئەچێت لە خۆیەوەو بە بێ راوێژی پزیشک حەبی چەوری دەکریت و دوایش بەهەمان شێوە فەحس دەکاتەوەو کەم ئایا کەم بووبێتەوە یان زیاد بووبێت! وە ئەمە ئەبێت بە عادەتێکی دووبارەبووەو و رەنگە لە سالێکدا ٣-٤ چوار جار بەس فەحسی چەوری خوێن بکات! بەڵام لە ئەساسدا کەسەکە هیچ زانیاریەکی نی یە کە ئەو عیلاجی چەوری خوێنە لە کەی و بۆ کێ پێویستە!

جارێ بابزانین کاتێک چەوری خوێن لە رێژەی نورمال بەرزتر دەبێت واتە چی؟

بەرزی چەوری خوێن لێرەدا من باسی کۆلیسترۆلی خراپی خوێن دەکەم، یەکێکە لە کۆمەڵێک فاکتەر کە کاریگەری درێژ خایەنی دەبێت لەسەر ئەگەری روودانی جەلتەی دڵ و مێشک لە کەسێکدا لە ١٠ ساڵی داهاتوودا... ئەمە تەنها فاکتەرێکەو و فاکتەرە باوەکانی تریش بریتی یە ( تەمەن، رەگەز، جگەرە خواردن، شەکرە، پەستانی خوێن) هەموو ئەمانە لەگەڵ رێژەی کۆی کۆلیسترۆلی خوێن و کۆلیسترۆلی باشی خوێن، کاتێک ئەمانە هەموو ی حساب دەکرێت، ئەوا رێژەیەکت بۆ دەردەچێت و لەسەر ئەساسی ئەو رێژەیە پزیشکەکەت پێت ئەلێت ئایا تۆ پێویستت بە علاجی چەوری خوێنە یان نا! وەئایا تۆ بەتەنها بە خواردنی تەندروست و وەرزش دەتوانی ئەگەری جەلتەی دل و مێشک کەم کەیتەوە یا هەر دەبێت علاج وەرگریت لەگەلیدا؟! ئەم لینکەی خوارەوە دەتوانیت ئەو رێژەیە بۆ خۆت حساب بکەیت...

PEER Simplified Cardiovascular Decision Aid

ئەوەی ئەمەوێت بیگەیەنم ئەوەیە کە تەنها ژمارەی فەحسی کۆلیسترۆلەکەت گرنگ نی یە! واتە پزیشکەکەت علاجت بۆ نانوسێت بۆ ئەوەی فەحسی چەوری خوێنەکەت بە ژمارە کەم بێتەوە بەلکو بۆ ئەوە دەینوسێت ئەگەری توشبون بە جەلتەی دل و مێشک کەم کاتەوە لە داهاتوودا... لەبەر ئەوە مەرج نییە کەسێک کۆلیسترۆلی خوێنی بەرز بێت پێویستی بە حەبی چەوری هەبێت! وە بە پێچەوانەشەوە هەندێک کەس لەوانەیە چەوری خوێنیان زۆریش بەرز نەبێت بەلام پێویستی بە علاج بێت...
لێرەدا من ناڵێم حەبی چەوری بەکاربێنە یان نا، ئەگەر چەوری خوێنت بەرزە! بەڵام دەلێم پێویستە راوێژکاری بە پزیشک بکرێت پێش دەستپێکردن بەم جۆرە علاجە بۆ ئەوەی زانستیانە بۆت حساب بکات کە ئایا پێویستە تۆ لەسەر علاج بیت یان نەخێر....ئیتر لەو کاتەدا مەسرەفی زیادە لە فەحسی زیادە و علاجدا ناکەیت...

تێبینی/// لێرەدا من باسی ئەو کەسانە ناکەم کە پێشتر جەلتەی دڵ و مێشک یان هەندێ نەخۆشی تریان هەیە کە پێویست دەکات یەکسەر بخرێنە سەر حەبی چەوری خوێن بۆ پارێزگاری لە ئەگەری روودانەوەیان، لەو حالەتانەدا پێویست ناکات ئەو رێژەیەیان بۆ حساب بکرێت و یەکسەر دەخرێنە سەر علاج...

اسراء کمال شاە محمد
پزیشکی گشتی / ماستەر لە زانستی خۆراک- بریتانیا.
پزیشکی پایە بڵندی خێزان/ کەنەدا.
ئەندامی تۆمارکراوی پسپۆرانی خۆراک- بریتانیا
دەرچووی زەمالەی چیڤینینگی بەریتانی.

01/07/2025

ڕۆژی کەنەدا پیرۆز بێت لە ماڵی دووەمم! ئەو ووڵاتەی کە هەست دەکەم بەراستی پیشەی پزیشکیەکەم رێزی لێدەگیرێت! زۆرێک لە چارەخوازەکان کاتێک دەزانن کە من لەم ووڵاتە تازەم، پێم دەڵێن؛ پیشەکەت زۆر جێگەی رێز و تەقدیرە ئێمە پێی دەزانین، پێویستمان پێتە و بەخێربێیت بۆ ئێرە! خۆزگە لە کۆمەلگەی کوردی خۆشمان پیشەی پزیشکی ڕێز و بەهای خۆی بۆ بگەڕایەتەوە!

Happy Canada Day! 🇨🇦
To the country that became my second home. I’m so grateful for the kindness, diversity, and opportunity that Canada offers!
Today, I celebrate not just a country, but a community that welcomed me with open arms. ❤️🍁


https://youtube.com/?si=AXiO3fBtKjYPz_OL

10/06/2025

لە پەیجی د. هەڤین ەوە ! Dr. Havin kamal sha muhammad د. هەڤین کەمال شا محەمەد

نەبوونی متمانە، نەبوونی چارەسەر!
کێشەی کوشندەی نێوان پزیشک و چارەخواز لە کۆمەڵگای کوردیدا.


یەکێک لە هەرە کێشە گەورەکانی کەرتی تەندروستی لە وڵاتی ئێمەدا نەبوونی متمانەیە لە نێوان پزیشک و چارەخوازدا. زۆرینەی جار دەگوترێت خەتای پزیشکەکانە کە بازرگانن و گوێ لە نەخۆش ناگرن. بەڵام لەڕاستیدا پشکێکی زۆریشی چارەخواز خۆی هۆکاری ئەو کێشانەیە.
کێشەکە چییە؟
چارەخواز لەم وڵاتەدا چونکە متمانەی بە پزیشکەکەی نییە، زۆر جار درۆ لەگەڵ پزیشکەکەیدا دەکات و بەمەش پزیشکەکەی لە ڕێگا ڕاستەکەی چارەسەرکردنی لادەبات.
بۆ نموونە، من وەک پزیشکێکی پسپۆڕی بێهۆشکاری زۆر جار کێشەی بەو جۆرە دێتە ڕێگام. نەخۆش کە ئامۆژگاری دەکەیت کە:
🔵 نابێت جگەرە بکێشێت.
🔵 نابێت لە دوای کاتژمێرێکی دیاریکراودا نان و ئاو بخوات.
🔵 هەندێک دەرمان نابێت بەکاربهێنرێت پێش وەرگرتنی بێهۆشکاری.
تەماشا دەکەیت لە دوایدا گاڵتەی بە قسەکەت دێت، بەقسەت ناکات، ڕاستت پێناڵێت و بە هەموو جۆرێک دەیشارێتەوە لە پزیشکەکەی تەنها بۆ ئەوەی نەشتەرگەریەکەی بۆ بکرێت. لە ئەنجامی ئەمەشدا کێشە بۆ نەخۆشەکە و پزیشکەکەش دروست دەبێت، و لە کۆتایی هەموو شتێکیشدا لە بەردەم کۆمەڵگادا هەر پزیشک خەتابارە!
لێرەدا دەمەوێت دوو نموونە باسبکەم کەلەم مانگەدا هاتوونەتە بەردەمم:

🔴 نموونەی یەکەم

کوڕێکی گەنج بوو کە چەند نەشتەرگەریەکی بۆ کرابوو لە دەستیدا لە دوای ڕووداوێک. لەدوای ئەوەی چەند جارێک پێی گوترابوو کە نابێت جگەرە بکێشێت پێش نەشتەرگەریەکەی، بەڵام بە گوێی نەکردبووین. کاتێک لۆمەم کرد کە بۆ بە جگەرە دەکێشێت و بە گوێمان ناکات، وتی: "ئینجا چییە خۆ من جارەکەی تریش هەر جگەرەم کێشابوو و هیچیشم لێنەهات!"

🔴 نموونەی دووەم

دایکێک بوو کە نەشتەرگەری دڵ بۆ منداڵەکەی کرابوو و لە ئێستادا پێویستی بە نەشتەرگەری دی بوو بۆ مەڵاشوو و پووکی. تەنها بۆ ئەوەی نەشتەرگەریەکەی دوانەخرێت و ئیکۆی تازە بۆ منداڵەکەی نەکات - کە لەو کاتانەدا نەک پێویستە بەڵکوو یەکێکە لە گرنگترین پێویستیەکان - ئامادە بوو هەموو جۆرە درۆیەک بکات!
ئالێرەدا من حەزدەکەم وەکوو پزیشکێک ڕووی دەمم بکەمە ئەو کەسانە و بە ڕاشکاوی پێیان بڵێم :

( مرۆڤ کە ئۆتۆمبێل لێدەخوڕێت، باشترە پابەند بێت بە هەموو یاسا و ڕێساکانی هاتووچۆوە - بۆ نموونە، پشتوێنی سەلامەتی ببەستێت، هێواش بڕوات، پێشبڕکێ نەکات... هتد - بۆ ئەوەی بە سەلامەتی بگەڕێتەوە ماڵەوە.
بەڵام کەسانێکیش هەن بە خێراییەکی شێتانە لێدەخوڕن و پشتوێن نابەستن و هەموو سەرپێچیەکانیش دەکەن و مەرجیش نییە ئەمانە هەموو ڕۆژێک تووشی ڕووداوی هاتووچۆ بن، بەڵام هەر ڕۆژێک دێت بە ساغی نەگەڕێنەوە چونکە پابەند نین بە یاساوە و دەبێت ئەو کاتە باجێکی زۆر قورس بدەن کە ئەویش ژیانی خۆیانە یان ژیانی کەسێکی بەرامبەرە!
لە کاتی بێهۆشکاری گشتیشدا بەهەمان جۆرە، مەرج نیە هەموو جارێک وەک پێشینان گوتویانە گۆزە بە ساغی بگەڕێتەوە، مەرج نییە کە تۆش پابەند نیت بە هیچ ئامۆژگارییەکەوە، بەسەلامەتی هۆشت بێتەوە!
کاتێک تۆ تەندروستی خۆتت بەلاوە گرنگ نییە و بە پێی ئامۆژگاری پزیشکەکەت ناڕۆیت بە ڕێوە و درۆی لەگەڵدا دەکەیت و دەیشاریتەوە لێی کە چیتکردووە و چیت خواردووە، ئەوە دڵنیابە تەنها زەرەرمەند خۆتیت، تۆیت لەوانەیە گیانت لە دەست بدەیت لە بەر چەند درۆیەکی سپی!)
بۆ ئەوەی پەیوەندیەکی تەندروست هەبێت لە نێوان پزیشک و چارەخوازدا، پێویستە متمانە هەبێت. متمانەش بە مامەڵەی تەندروست و ڕاستگۆیانە دروست دەبێت، کە بەشێکی گرنگی بریتییە لە پرسیارکردن و وەرگرتنی زانیاری.
دەتوانیت لەبری ئەوەی لەگەڵ پزیشکەکەتدا ڕاستگۆ نەبیت، پرسیاری لێبکەیت و زانیاری لێوەرگریت:
بۆ دەبێت ئەو پشکنینانە بکەیت؟
بۆ دەبێت نان نەخۆیت و جگەرە و ئاو نەخۆیت؟
بۆ دەبێت هەندێک دەرمانت نەخواردبێت؟
کاتێک زانیاری وەردەگریت و هۆکارەکانی دەزانیت، ئەو کات گاڵتەت بە ئامۆژگارییەکانی پزیشکەکەت نایەت و دەتوانیت پەیوەندییەکی قووڵی پڕ لە متمانە لەگەڵ پزیشکەکەتدا ببەستیت کە لە قازانجی هەردوولاتانە.
لە کۆتایشدا بە هیوای سەلامەتی بۆ هەموو چارەخوازە ئازیزەکان.

د. هەڤین کەمال

25/05/2025

Dr. Havin kamal sha muhammad د. هەڤین کەمال شا محەمەد
https://www.facebook.com/share/r/1ASFNb77U3/?mibextid=wwXIfr