What are the opening hours?

Monday 16:00 - 20:00 Wednesday 16:00 - 20:00 Saturday 10:00 - 16:00 Sunday 16:00 - 20:00

https://www.facebook.com/101993031559722/

د. حميد يونس و د. صادق الكويتي

Home
Iraq
Baghdad
د. حميد يونس و د. صادق الكويتي

عيادة الدكتور حميد يونس و الدكتور صادق الكويتي التخصصية للطب النفسي
(1)

05/11/2025

ما تجذبنا الألوان البراقة ، ما نستمتع بموسيقى استرخاء ، ملمس الكوشة الناعمة ما يفرق عدنا ، ما نميز طعم الاكل فنضطر نزيد ملح ، نوتات العطر ما نفرق بينها .
عيش لحظتك ، ترة ما تنعاد .
د.صادق الكويتي
طبيب اختصاص / الطب النفسي

10/10/2025

غفران بنية عمرها 25 سنة ، خريجة كلية و تشتغل بأحد الشركات ، و عايشة وية اهلها و مخطوبة .. 💍
غفران جتي على المدير دتاخذ اجازة يومين ، وافق عليها المدير و انطاها الورقة . 📃
- سألتة غفران : هاهية استاذ وافقت ؟ ✅
- المدير: اي .👍🏻
بقت صافنة ..🧠
- المدير: اكو شي بعد ؟ 👀
- غفران : يعني هاي اليومين ما اداوم ؟ 🤷🏻
- المدير : اي يمعودة ، غير هذا معنى الاجازة !! 🙄
- غفران : محد راح يغيبني ؟ 🙋🏻‍♀️
- المدير : شبيچ شاربة شي ؟ ليش يغيبوج و انتي ماخذة اجازة ؟! 😤
- غفران : يعني هاهية اودي الورقة الهم ؟ 😟
- المدير الظريف : هههه لا ، اخذيها للبيت حطي عليها الفنگر خاف يذب زيت ، شلون قبلناچ بالشركة ؟ اذا هاي ما مدبرتها ، صدگ الغباء موهبة ! 🦂

طبعاً غفران ذكية ، و فاهمة كل الخطوات ، لكن مو بيدها ، اكو شك ياكلها اكل ، و هي تعرف هذا الشك مو منطقي ، لكن مدا تگدر تغلس عليه هلگد ما مزعج ، فتضطر تسأل حتى يخف ، بس المدير (مثل هواية مدراء بالعالم) ما يتعامل وية الموظف كإنسان مثله ، و ما گدر يفتهم انه (ما معقولة الانسان نوضحلة الجواب و يبقى يسأل ، اكيد ديعاني من مشكلة ، اكيد ما متقصد) . و ما حسب حساب لأثر حچايتة على الموظف ، و فوگ ما غفران متأذية من (وسواس الشك) ، تأذت اضعاف بحچاية هذا المدير اللي ما انحط بالمكان الصحيح .
الدكتور صادق الكويتي
طبيب اختصاص / الطب النفسي

07/10/2025

الهلع هو اعلى مراحل الخوف ، هو غريزة موجودة بكل انسان ، بس ما نحتاجها حالياً ، قبل چنا نحتاجها .
من الانسان چان عايش بكهف ، و يطب عليه أسد ، دب ، حية .. چان لازم رأسا يگمز من مكانة و ينهزم او يقاتل او يجمد بمكانه على حسب التهديد الحالي .
فمو مال يگعد يفكر بالخطوات : هذا اسد .. لازم اخاف .. خلي انهزم . لأن ما راح ينتظرة الأسد و لازم يتصرف بإجزاء من الثانية ، فچان لازم يكون رد الفعل غريزي ، يعني مو بيدنا نتحكم بي و من يمة يشتغل .
فيبدي الهلع : الدماغ يحسسنا بالخطر (يخوفنا من الموت حتى نركض) القلب يدگ بأقوى ما عنده (يضخ الدم للعضلات حتى تشتغل بسرعة وتتصرف) عضلات التنفس تشتغل بسرعة (حتى توفر اوكسجين للعضلات) ، و هنا صارت اعراض الهلع المزعجة تعتبر منقذة للحياة .
بالوقت الحالي ، مدا نواجه هاي الاخطار على مدار الساعة مثل قبل ، فصارت هاي الغريزة مالها داعي . مرات الدماغ بالغلط يندل الدگمة و يدوسها (مثل الزعطوط اللي يندل دگمة جرس البيت) و هنا هي الحالة المرضية .
د.صادق الكويتي
طبيب اختصاص / الطب النفسي

12/09/2025

#نفسية #العراق #بغداد

24/08/2025

أهدي هذه السلسلة الى زميلتنا الراحلة د.بان زياد
سلسلة العلاج النفسي اللا دوائي 5
نسبة الشفاء باستخدام العلاج النفسي اللا دوائي وحده (مثل العلاج السلوكي المعرفي) تتراوح غالبًا بين 40% إلى 60% في حالات مثل الاكتئاب والقلق.
أما العلاج الدوائي وحده فيعطي نسبة تحسن تتراوح بين 50% إلى 70% في نفس الحالات.

03/08/2025

#نفسية #العراق #بغداد

01/08/2025

الطبيب النفسي غير محصن تماما من الاضطرابات و المشاكل النفسية .
بس هل راح يگدر يعالج مشاكلة من خلال ممارستة للطب النفسي ؟
هو يظل ينصح و يدرب بالناس ، هل راح دماغه يلگف التعليمات و يطبقهن على نفسه ؟ لو هو بس ديطور مهاراتة بمعالجة الآخرين ؟ و باب النجار مخلع ؟
عند كل انسان ، اكو وعي و اكو لاوعي .. الوعي هو اللي ديتدرب و يتطور لمن نمارس الطب النفسي ، بس اللاوعي احنا ما نشوفه ، غيرنا اللي يشوفة من خلال تحليل كلامنا و تصرفاتنا .
الوعي يحاول يعدل اللاوعي ، بس اللاوعي يعاند و عندة وسائل دفاعية . فإذا عدنا "طباگات" ، لازم غيرنا اللي يلگفها و ينبهنا . بينما اثناء ممارسة الطب النفسي ، الطبيب يركز على المراجع ، مو على نفسه ، ف حتى الوعي مدا يركز على نفسه.
بالإستنتاج ، الطبيب النفسي لازملة طبيب نفسي (نظرة انسان آخر) ، يعني اني اروح لحميد يونس ، و حميد يونس يجي علية .
د. صادق الكويتي
طبيب اختصاص / الطب النفسي

Address

Baghdad

Opening Hours

Monday	16:00 - 20:00
Wednesday	16:00 - 20:00
Saturday	10:00 - 16:00
Sunday	16:00 - 20:00

Telephone

+9647713013196

Website

facebook.com

Alerts

Be the first to know and let us send you an email when د. حميد يونس و د. صادق الكويتي posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د. حميد يونس و د. صادق الكويتي:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Baghdad?