21/07/2025
|| تحليل مقاومة الإنسولين HOMA-IR ||
تعال خل أشرحلك
اذا اغلب وقتك تعبان
تنام هواي ومزاجك دايما متعكر
وكرشك باقي رغم الرجيم
فأكو احتمال جسمك يقاوم الإنسولين وانت ما تدري!
اكو تحليل اسمه HOMA-IR، هذا يقيس شكد جسمك جاي يتحمل الإنسولين، وإذا طلع الرقم عالي معناها جسمك بدا يقاوم الإنسولين، وهاي بداية السوء.
شلون ينحسب تحليل HOMA-IR؟
نحتاج:
سكر الصيام (بوحدة mg/dL)
إنسولين الصيام (بوحدة µU/mL)
نضرب نتيجة ذني التحليلين الفوك ونقسم الناتج ع 405
نجي هسة للنتيجة :
النتيجة شتگلك؟
اذا أقل من 2 = طبيعي وأمورك طيبة
اذا بين 2 - 2.9 = عالحد ، انتبه لنفسك
اذا 3 وفوق = يعني عندك مقاومة إنسولين، لازم تلحك ع نفسك
طيب شنو يسوي ارتفاع HOMA-IR بجسمك؟
اذا عدك ارتفاع بنسبة هذا التحليل هالشي معناه :
جسمك يعاند الرجيم، تبقى سمين حتى لو تاكل قليل
تحس بتعب مزمن، وخمول، ونوم متقطع
مزاجك مضطرب، وتتعصب من أتفه شي
معرض لمرض السكر، الضغط، التكيس، مشاكل هرمونية اذا انتي مرأة
طيب شنو العلاج أو الحل؟
مو كلشي يتعالج بالدواء , أهم شي تغير نمط حياتك:
قلل السكريات والخبز والنشويات
اتبع صيام متقطع منظم
تحرك، امشي، اركض، خذ خطواتك اليومية
نام من وكت وخل نومك منتظم
حافظ عالوزن وراقب تحاليلك
طيب عدي كم سؤال ؟
تفضل :
1. شنو الفرق بين سكر الدم ومقاومة الإنسولين؟
السكر ممكن يطلع طبيعي، بس اذا الإنسولين يكون عالي يعني جسمك يقاومه بدون ما يبين بفحص السكر العادي.
2. إذا عندي مقاومة إنسولين، معناها راح أصير عدي سكري؟
مو شرط، بس إذا ما ضبطت أكلك وحركتك، نعم ممكن يصير عدك سكري النوع الثاني
3. شنو أسرع شي ينزل مقاومة الإنسولين؟
الصيام المتقطع، تقليل الكاربوهيدرات، والمشي اليومي… هذني الثلاثة يسون سحر بجسمك.
4. يمتة اعيد التحليل ؟
إذا عندك أعراض، سويه كل 3 إلى 6 أشهر حتى تتابع التحسن.
مختبر اشنونا للتحليلات المرضيه والهرمونات
خدمة السحب المنزلي ٠٧٧٢ ٧٤٠ ٨٤٦٩
بهرز قرب مركز صحي بهرز الثاني داخل مجمع بهرز التجاري
