ساخلەمی وژیان, Kurdistan, Duhok (2026)

20/02/2026

* درەنگرنا جەمێ پاشیڤێ

* باش نڤستن ب شەڤ وھەروەسا نڤستنا پشتی نیڤڕۆ (ئەگەردەرفەت ھەبیتن)

* کێمکرنا دیتنا تەلەڤزیونێ وکێم کارئینانا ئامێرێن موبایلێ وئایپاد ولاپتوپێ

* کێمکرنا کافاینێ ب تایبەتی ڤەخارنا چایێ چەند رۆژەکا بەری رەمەزانێ ،وھەوڵبدە ل جیاتی چایا رەش چایا کەسک بکاربینی چۆنکی چایا کەسک نا‌ھێلیت تووشی ئيدمانێ ببی ئەڤجا نابیتە ئەگەرێ سەرئێشانێ دەمێ دھێتە ڕاگرتن.

* هەروەسا هەوڵبدە جگارا ژی بهێلی یان کێم بکەی چەند ڕوژەکا بەری دەسپێکرنا ڤێ مەهێ

* گەلەک ڤەخارنا ئاڤێ وزێدەخوارنا سەوزەواتی وفێقی ب شەف

* بکارئینانا ڤیتامین بی ،چ وەک حەبک بن یان ژی خوارنێن زەنگین ب .

* دەمێن بێھنڤەدانێ بخۆ پەیدا بکە ب رۆژ.

++ ئەڤ بابەتە هاتیە وەرگرتن ژ پەرتووکا د.عدنان ئاکرەیی

24/01/2026

ئەرێ ڕۆینشتن دناڤ بەفرێدا ،ڕێژا هەودانێن جوبارێن دەستاڤێ زێدەدکەت؟

ساڵانە ٨ ملیون حالەتێن هەودانا جوبارێن دەستاڤا زراڤ قەستا نوژداری دکەن، و٢٠٪ ژئافرەتان دووچاری ڤێ ئاریشێ دبن دژیانا خودا ئانکو ئەڤ گرفتە یا بەربەڵاڤە دجڤاکیدا.
خەلک وەها هزردکەن کو هوکارێ ڤێ نەساخیێ نەخاسمە ل وەرزێ زڤستانێ روینشتنا مرۆڤییە لسەر عەردێن تەزی وگەلەک هوشداریا زارۆکان دهێتەکرن کو نەچنە دناڤ بەفرێدا چونکی دێ بیتە ئەگەرێ هەودانێن میزڵدان وگولچیسکان.
فاکتەرێن هاریکار بۆ پەیدابوونا ڤێ ئاریشێ گەلەکن وژهەمیان گرنگتر ڕەگەزێ مێ یە ژبەرکو بوڕییا وان یا کورتە وب ساناهیتر میکڕوب دچنە میزڵدانێدا، هەروەها هندەک فاکتەرێن دی ژی هەنە:
• ئەنجامدانا کارێ سێکسی بتایبەتی ژدەرڤەی خێزانێ.
• بەرکێن گولچیسکان ومیزڵدانێ
• دووگیانی ولدەمێ بێنڤێژیێ وپشتی ژییێ نەزابوونێ (سن الیأس )
• نەساخیا شەکرێ
• کەرەستێن بیانی دجوبارێن دەستئاڤێدا (بۆ نموونە سوندێن میزێ)
• ستایلێ ژیانێ (کێم ئاڤ ڤەخارن، نەبوونا بزاڤا لەشی)
• ئاریشێن زکماکی یێن جوبارێن میزکرنێ
لێ ڤەکولینێن زانستی دانپێنەدایە کو گرێدانەک هەبیت دناڤبەرا روینشتنا ئەردێ ساڕ یانژی دناڤ بەفرێدا دگەل هەودانێن گولچیسکان یان میزڵدانێ، ئەڤجا لدەمێ زڤستانێ وبەفر بارینێ کەیفخوشیا زارۆکێن خۆ تێکنەدەن وبهێلن لدویڤ دلێ خو یارییا تێدا بکەن.

ژپەرتووکا
دDr-Adnan Aqrawi

23/01/2026

بەفرێ بخۆین؟ نەخۆین؟

دگەل دەسپێکرنا وەرزێ بەفر بارینێ، مشتومڕەکا زۆر دهێتەکرن لدوور بابەتی خوارنا بەفرێ ژلایەن هەڤوەڵاتیانڤە، ئایە زیانێ دگەهینتە ساخلەمیا مرۆڤی ، یانژی دیاردەکا ئاسایی وساخلەمە کو باب وباپیرێن مە بکارئینایە وبەفر هاتیە عمبارکرن دا بهێتە بکارئینان بۆ وەرزێ هاڤینێ؟

هەرچەندە پێکهاتا سەرەکی یا بەفرێ ئاڤە، لێ دبیت چەندین کەرستێن کیمیاوی تێکهەلی بەفرێ ببن دەمێ دباریت وەک کاربون و سولفات ونایترێت وفورمالدیهاید وزیئبەق، لێ پشتی چەندین ڤەکولین لسەر بەفر لجهێن جودا هاتیەکرن، دیاربوو کو هەرچەندە ڕێژا ڤان کەرەستێن کیمیاوی ل جهەکی بۆ جهەکێ دی جوداهی هەیە، لێ ل پتریا جهان رێژەکە بۆ ساخلەمیێ نەهندا مەتڕسیدا، هەلبەت لدیڤ هەبوونا هندەک هەلومەرجان:
١- دڤێت ل دەسپێکا بەفر بارینێ ئێکسەر نەهێتە خڕڤەکرن بۆ خوارنێ بەلکو چەند دەمژمێرەکان پشتی هنگی ،چونکی چەند دەم دەربازبیت لسەر بەفر بارینێ دێ پاقژتر وساخلەمتربیت.
٢- چەند لجهێن دوور ژ کارگەهێن پیشەسازی وکێلگەهێن نەفتێ بهێتە کوومکرن باشترە، هەروەها چەند لدووری سەنتەرێ باژێڕێن مەزن بیت باشترە نەخاسمە یا دناڤا گوند ودەوروبەرێن باژێڕا دا کو کێمتر تێکهەلی ماددێن زیان بەخش دبیت..
٣- هەروەها بەفرا قاتێن سەرڤە باشترە ژ قاتێن نزیک ئەردی وجادێ.
٤- ئەگەر بەفر تێکهەل ببیت ب تەپ وتوزێ (کو دبێژنێ بەفرا سووڕ) یانژی دگەل هەبوونا ڕەشەبایێ کو بەفر تێکهەلی گلیشێ وتوز ودیکێلێ دبیت ،یا گرنگە ڤێ جورە بەفرێ بکارنەئینی بۆ خوارن وڤەخوارنێ.
٥- ئەگەر بەفر بهێتە عمبارکرن بۆ پاشەرۆژێ یا باش ئەوە دناڤ سەلاجێ دا بهێتە هەلگرتن نەک دناڤ کولکێن ئاخێ

وژێر ئەردی چونکی تێکهەلی ئاخێ وپیساتیێ دبیت.

د.عدنان ئاکرەیی

09/03/2025

ژبوی تووشی بەرسوژیێ نەبی د رەمەزانێدا:
=========================

بەرسوژی پەیدادبیت دڤێ مە‌هێ دا، هندەک جارا بشەڤ ژبەر زێدەخوارنێ لدەمێ فتارێ، لەزاتیا خوارنێ، خوارنێن تڕش وب دوهن وزێدە قەلاندی ،زێدە ڤەخارنا کەرستێن کافاینێ وڤەخارنێن گازی وجگارا ،هەروەسا لدەمێ ڕوژیێ هندەک جارا بەرچاڤدبیت وئەگەرا سەرەکی دزڤڕیتەڤە بۆ نڤشتنا ئێکسەر پشتی جەمێ پاشیڤێ.

ڕێنمایێن گرنگ بو خو دویرئێخستنێ ژ ڤێ ئاریشێ ئەڤەنە:
* خوارنێن سڤک بخو لدەمێ پاشیڤێ (ئانکو وەک وان خوارنێن تۆ لدەمێ تێشتێ دخوی )، وخو ژ خوارنێن قەلاندی وچەوریێ بپارێزە.

* نەنڤە وزکێ تە یێ پڕ ژخوارنێ (بکێمیڤە بۆ ماوێ دەمژمێرەکێ پشتی دەمێ پاشیڤێ)

* دڤێت کێم کێمە خوارنێ بخوی پشتی فتارێ (کێمخۆرێ بەردەوام خوربە)، ودڤێت ب ھێواشی بخۆی وباش بجوی.

* خۆ ژ وان خوارنێن کۆ بەرسۆژيێ پەیدادکەن خۆدیربێخە (یان ژی کێمتربکە) وەک: چەوریێ ،خوارنێن قەلاندی، گوشتێ سووڕ، چەنگ وڕانێن مریشکێ، شەربەتێن لیمو وپرتەقالا، صاص وکەچەپ، خوارنێن تیژ (دژوار)، چوکلێت وڤەخارنێن کافایین تێدا وەک قەھوە ونیسکافە وکولا

* ڕاگرتنا جگارە کێشانێ ونەرگیلێ

* بکارنەئینانا قایشێن توند وشدیایی وجلکێن گەلەک تەنگ کۆ فشارەکا زێدە دئێخنە سەر زکی

* کێمکرنا کێشا لەشی ژبەرکۆ قەلەوی صەمامێ دنێڤبەرا گەدەی وسورینچکێ (مرئ) زەعیفدکەت

* بلندکرنا ئاستێ سەری لدەمێ نڤستنێ دا ب رێکا کارئینانا پتر ژ بالیفکەکێ یان ژی بلندکرنا سەرێ تەختی

** ئەڤ بابەتە هاتیە وەرگرتن ژ پەرتووکا یا Dr-Adnan Aqrawi
پەرتووکێ داونلودکە ب خۆرایی ،ڤی لینکی داگرە:
http://www.mediafire.com/download/i4qmfj39f3pwyrq/saxlemya+te-li-ramazana+piroz.pdf

04/03/2025

دێ چەوا خۆ ژ قەبزیێ پارێزی د رمەزانێدا؟
*****************
قەبزی دھێتە پێناسەکرن ب کێمبوونا چوونا دەستاڤێ بۆ کێمتر ژ ٣ جاران دھەفتیێ دا یان ژی ھەکە پیساتی ڕەق ببیت وھشک ببیت و زور جاران دبیتە سەدەمێ درۆستبوونا شەقبوونا جھێ دەستاڤا ستویر وبەواسیرێ.
ئەگەرێن وێ ژی ئەڤەنە:
* کێم ڤەخارنا ئاڤێ کۆ دبیتە ھۆکارێ ھشکبوونا پیساتیا مرۆڤی
* گۆھڕینا نەھنگاڤ یا جورێ خوارنێ ودەمێن وێ دڤێ مەھێ دا
* کێم خوارنا ڕیشالان ( سەوزەوات، فێقی، دەنکێن تەواو وەک پێکھاتێن گەنمێ سڤ وجە‌ھی وباقلەمەنی و..ھتد)
* کێمبوونا بزاڤا لەشی وب تایبەتی زێدە ڕوینشتنا بەرامبەر تەلەڤزیونێ وھەروەسا نڤستن بۆ ماوێن درێژ.
* گیرووکرنا چوونا توالێتێ ل دەمێ ھاتنا ھەستیارا دەستاڤا ستویر

وڕێنمایی بۆ خۆپاراستنێ یان چارەسەریا ڤێ ئاریشێ ئەڤێن خوارێنە:
* کێمکرنا خوارنێن دووبارەکری (ئانکۆ ئەوێن چەند جارا دھێنە دروستکرن) ب تایبەتی خوارنێن چەور وقەلاندی. ول جیاتی وان خوارنێن شلەمەنی وشوڕبا بکاربینە.
* زێدەخوارنا ڕیشالان ئانکو خوارنێن زەنگین ب ماددێن فایبەری وەک زڵاتا وسەوزەواتی ب ھەمی جوران ودەندکێن تەواو (پێکھاتێن گەنمێ سڤ وجە‌ھی وباقلەمەنی وماش ونیسک ودانقوت وشوفان)
* ڤەخارنا ئاڤەکا زێدە ل دەمێن ناڤبەرا فتارێ وپارشیڤێ دا (بکێمیڤە ٢ لێتەرا) ئانکو لەشێ تە دڤێت ھەردەم یێ تێھندای بمینیت وئێک ژ نیشانێن تێھندانێ ئەوە کۆ دڤێت میز یا زەلال بیتن ووەک ڕەنگێ ئاڤێ بیتن
* دڤێت لەشێ ڕوژیگری مینا مەھێن دیكه یێن ساڵێ بمینیت ئەکتیڤ وبزاڤا رۆژانە یا گرنگە بۆ ئاریشا قەبزیێ نەخاسمە ڕێڤەچوون ووەرزشێن دی یێن سڤک
* خۆ دویربێخە ژ زێدە خوارنا شریناھیا وشەربەتێن دەستکرد وقەھوە وڤەخارنێن غازی وپێکھاتێن شیرەمەنیێ * خوارنێن زەنگین ب ڤیتامین (ب) بکاربینە ئەڤا ھاریکار دکاراکرنا ڕویڤیکان دا، وبۆ زانین پتریا جورێن فێقی وھنگڤین ژێدەرێن باشن بۆ ڤێ ڤیتامینێ.
* دابەشکرنا خوارنێ بۆ جەمێن بچویک وخۆ دویربێخە ژ نەریتێ خوارنا بلەز * بکارئینانا حەبکێن (ملین) دڤێت دویماھیک چارەسەر بیت وپێويسته ل ژێر چاڤدێریا نۆژداری دا بیتن.

** ئەڤ بابەتە هاتیە وەرگرتن ژ پەرتووکا یا Dr-Adnan Aqrawi

03/03/2025

بۆ روژیگرتنا ساخلەم.. مرۆڤ چ بخۆت وچ نەخۆت؟
===================

هەیڤا رەمەزانا پیرۆز دەرفەتەکە بوباشترکرنا ساخلەمیێ ،بەلێ ئەگەر ڕێنمایێن ساخلەمی نەهێنە جێبەجێكرن چێدبیت کارتێکرن یا بەروڤاژی بیتن، وئەڤا بڕیارێ ددەت ئایە رەمەزان دێ ساخلەمیێ باشترکەت یان خراپتر نەک ڕۆژیگرتنە بخوە بەلکو ئەو خوارنێن دهێنە بکارئینان ل دەمێ نەڕوژیێ.

هندەک خوارن یێن هاتینە نیاسین وەک هاریکارێن باش ودوستن بو ڕۆژیگری نەخاسمە د ڕوژێن درێژ دا ول وەرزێ گەرمێ دا، یا گرنگە کو خوارنا مروڤی گەلەک یا جیاواز نەبیتن ژ روژانێن دیکە، ودڤێت هەمی تۆخمێن خوارنێ تێدا هەبن وب تایبەتی سەوزەوات ،فێقی ،کاربوهێدرات ،پرۆتین ،چەوری وشيرەمەنى.

١- سەوزەوات: ب تایبەتی ئەوێن زەنگین ب ئاڤێ وئاسنی وڤیتامینا وەک خیاری ،تەماتێ ،خەسێ ،فلفلا شرین ،گێزەر، کەلەمی، کەرەفس، بەقل، کودی، ...هتد. کو هندەک ژێدەرێن پزیشکی دبێژن دڤێت نیڤا خوارنا مرۆڤی پێکهاتی بیت ژ ڤان سەوزەواتا
٢- فێقی: دیسان فێقی ژی ب هەمی جۆران ڤە یێت دزەنگین ب ئاڤێ وڕیشالان وتژی ڤیتامین وکانزایێن ب مفانە، هەرچەندە دڤێت زێدەڕەوی د‌خوارنا وێ دا نەهێتەکرن چونکی ڕێژا شەکرێ د فێقی دا یا زورە، بۆ نمۆنە :شفتی ،گندور ،کیوی ،پرتەقال ،سێڤ ،حولیک ،گێلاس ،مژمژە ،خوخ ،تری ،قەسپ ،هژیر.. .هتد

٣- کاربوهێدراتێن ئالوز: کو هێدی هێدی ووزێ دبەخشن ب لەشی ل دەمژمێرێن رۆژیگرتنێ دا، وکاربوهێدراتین ئالوز دمشەنە دناڤ دانەوێلا ئانکو دەنکا وتۆڤان دا وەک گەنمێ تەواو ،جەهی ،شوفان ،برنجێ نەسپیکری، ماش، ساڤار، ئارێ سڤی، نیسک، باقلک ودانقوتێ.

٤- چەوریێن باش: ئەڤێن دناڤ ماسیێ وپتریا خوارنێن دەریایی دا هەی، هەروەسا د زەتین وچەوریا زەیتینا هەی ودیسان د چەرەزاتا دا هەیە نەخاسمە گیز، باهیڤ، وفستەق. وئەڤ چەوریە ژبلی وێ هندێ کو ژێدەرەکێ باشن بو ئومیگا ٣ ئەڤا ساخلەم بۆ بتریا ئەندامێن لەشی، ژێدەرەکێ باشە بو دانا هێزێ بو لەشێ رۆژیگری.

٥- پرۆتین: مینا گۆشتێ سوور ومریشکێ وماسیێ وباقلەمەنیا (فاسولی ،باقلک ،نووک)، شیرەمەنیا (ماست ،پەنیر ،شیر) وسپیلکا هێلکێ.

لێ هندەک خوارن هەنە نەیارن ونەدباشن بو رۆژیگری:

١- خوارنێن زێدە هاتینە سووڕکرن ئانکو گەلەک هاتینە قەلاندن

٢- خوارنێن گەلەک چەور: پتاتێن قەلاندی ،باجانەڕەش وتەماتێن قەلاندی، لەفێن تژی مایونیز ،گوشتێن تژی چەوری، فینگەر، ...هتد.

٣- کاربوهێدراتێن سادە: وەک پێکهاتێن ئارێ سفڕ، برنجێ سپی، شەکر وشریناهی، شەربەتێن دەستکرد. چونکی ئەڤ جورە کاربوهێدراتە زوی دهێنە مێژتن وکارتێکرنا وان بو دانا هێزێ گەلەک ناکێشیت، وهەروەسا دبیتە ئەگەرێ لاوازبوونا بزاڤا رویڤیکان وقەبزیێ

٤- ڤەخارنێن گازی ب هەمی جوران ڤە

٥ –کەرستێن کافاینێ : چایا زێدە ڕەش، قەهوە، نسکافێ، کەپوچینو
٦- توڕشی ومخەلەرە وزەیتونێن سویر کۆ هەستا تێهناتیێ زێدەدکەن

** ئەڤ بابەتە هاتیە وەرگرتن ژ پەرتووکا ) داونلود بکە ب خۆرایی ،ڤی لینکی داگرە:
http://www.mediafire.com/download/i4qmfj39f3pwyrq/saxlemya+te-li-ramazana+piroz.pdf

01/03/2025

دیاریا خۆ ل ڤێرێ وەرگرە 🎁 کو پەرتووکەکا د.عدنان ئاكرەیی یا ئەلکترونییە pdf لژێر ناڤونیشانێن
ڤی لینکێ خوارێ داگرە وبێ بەرامبەر داونلودکە...

http://www.mediafire.com/file/i4qmfj39f3pwyrq/saxlemya_te-li-ramazana_piroz.pdf/file

02/02/2025

گرتنا دەستێ نەساخی ئێشانا وی سڤکدکەت.

ڤەکولینەکا زانکویا کولورادویا ئەمریکی دیارکر کۆ ئەو زەڵامێن دەستێ هەڤژینێن خو گرتین لدەمێ ژدایکبوونێ ژانێن وان کێمتربوویە پشتی کۆ تێبینیا نەخشەکێشانا مێشکێ وان هاتیەکرن.
دیسان ڕێژا لێدانا دلێ وان ژی کێمتربوویە وهەناسا وان پتر هاتیە رێکئێخستن.

03/01/2025

ئەو ڕەوش ونەساخیێن مرۆڤی قەلەودکەن:
★غوددا تەمبەل(کێماسیا هورمۆنێن رژێنا دەرەقی)
★دلتەنگی -کابە
★خەوچڕی
★هشکبوونا ئافرەتێ (نەمانا حەیزێ)
★نەساخیا کوشینگ
★‌عەجزا دلی/کولچیسکا/مێلاکێ
★نەساخیا شەکرێ
★هندەک دەرمان: وەک دیکسون/حەبکێن مەنعێ/دەرمانێن صەرعێ

31/12/2024

بۆچی پێ یێن هندەک کەسان ڤەدسۆژن وگەرم دبن:
❗تێکشکانا دەمارا
❗نەساخیا شەکرێ
❗زێدە مەی ڤەخارن
❗هەودانێن کەڕویان- فطریات
❗کێماسیا ڤیتامین B12
❗عەجزا گۆلچیسکا
❗غوددا دەرەقیا تەمبەل
❗تەسکبوونا دەمارێن خوینێ
❗حەساسیا پێستێ پێی ژبەر بکارئینانا ماددێن پاقژکرنا عەردی
❗ئەگەرێن میراتگری-وراثي

30/12/2024

گوتگوتکەکا مشە (شیرێ سینگێ من یێ کێمە وتێرا زارۆکی ناکەت لەوما ئەز شیرێ قودیکا ددەمێ!)

بێ گومان شیردانا سرۆشتی باشترین خوراکە بۆ زارۆکێ ساڤا بتایبەتی ل ٦ هەیڤێن دەسپێکێ؛ ل وی دەمێ کۆ بتنێ شیرێ دایکێ تێراوی دکەت، لێ هندەک دایک گەلەک جاران دوێ باوەرێ دانە کۆ سینگێ وێ هند شیری چێناکەت کۆ زارۆک پێ تێرببیت، لەوما نەچاردبیت شیرێ قودیکان دگەل بدەتێ!
ڤەکولینەکا ئەمریکی لسەر هزار ئافرەتان دیارکریە کۆ ٦٠٪ ژوانا شیردانا سرۆشتی هێلایە وشیرێ قودیکان دەسپێکریە ژبەر ئەگەرێن جوراوجور وژوانا تڕسا وێ هندێ کۆ زارۆک گەشەنەکەت ژبەر کێمخوارنا شیرێ دایکێ !!
پڕۆسا چێکرنا شیری د مەمکی دا پڕۆسەکا بەردەوامە ؛لێ چەنداتییا وێ نەیا خۆجهە، ولدیڤ پێدڤییا زارۆکی درۆستدبیت، چەند شیری بدەیێ هندێ دی د مەمکیدا دێ درۆستبیت ، هەرچەندە هندەک ڕەوش ئاریشا کێم شیریێ پەیدادکەن (وەک ئاریشێن هورمونی ونشتەرگەریێن مەمکی) لێ دپتریا حالەتاندا نەیا ڕاستەقینەیە دایک گازندا کێم هاتنا شیری ژ مەمکێ خۆ بکەت.
لێ هندەک جاران دایک هندەک بەڵگەهان ددەتەدیارکرن کۆ زارۆک نەیێ تێرە وەک زوی برسیبوونێ ل دەمەکێ کورتدا پشتی شیردانێ وکێم نڤستن ببەراورد دگەل وان زارۆکێن شیرێ قودیکان دخۆن. بەلێ شارەزایێن زارۆکان ڤێ دیاردێ دزڤڕیننەڤە بۆ وێ ڕاستیێ کۆ شیرێ قودیکا بزەحمەتتر دهێتە هەرسکرن ومێژتن درویڤیکاندا ژیێ دایکێ، لەوا زوی برسی نابیتەڤە پشتی شیردانێ وچێدبیت بۆ دەمەکێ پتر بنڤیت. سەرەڕای هەبوونا چەندین ئەگەرێن دی بۆ ڤێ تێگەها شاش بتایبەتی تێکچوونا ڕەوشا ئافرەتێ یا جڤاکی ودەروونی ونەمانا باوەری بخۆبوونێ وهێڤکرنا نەرێنی بۆ لەشێ خۆ وباوەرپێکرن ب گۆتگۆتکێن خەلکی ؛ئەڤ هەمی فاکتەرە دبنە ئەگەرێ بێبەهرکرنا زارۆکی وهەروەها دایکێ ژ ژمفایێن هەرەزورێن شیردانا سرۆشتی.
ژپەرتوکا یا د.عدنان ئاكرەیی هاتیە وەرگرتن

ساخلەمی وژیان

20/02/2026

24/01/2026

23/01/2026

09/03/2025

04/03/2025

03/03/2025

01/03/2025

02/02/2025

03/01/2025

31/12/2024

30/12/2024

Address

Telephone

Website

Alerts

Contact The Practice

Shortcuts

Share

Category