Osama Al-Ani - اسامة العاني

Osama Al-Ani - اسامة العاني Osama Al-Ani
Owner / Covid-IQ / medical articles
photographer & blogger
Owner/ Naystore / skin care

27/10/2025

الدكتورة المستقلة الي مرشحة وية تحالف قوى الدولة ( عمار الحكيم. )

يصير اسألچ هي وينها الاستقلالية !!!

هي وحدة من ٢ لو انتي متعرفين شنو معنى ( مستقل ) لو ( ناصبة ) على جمهورج

ما اعرف بعد ضلت بكيف الله

27/10/2025

مقدمة برامج تگول ( انك لا تهدي من احببت ولكن الله يهدي من يشاء ) مو آية وانما مقولة على الإنستغرام…

هذا مثل الفنانة القديرة من گالت الامام علي يگول ( شما يعلى النخل تاليتة مكناسة )

ومثل هيج نماذج همة متصدرين العراق اعلامياً وينقلون صورة العراق للعالم …

وشكرن بالنون …

25/10/2025

اليوم داتفرج فديوهات ع التيك توك ،
وطلعلي فديو لسياسي معروف وهو يهاجم وزارة التربية …

ولكن استوقفني بصراحة بكلامة جملة ( وزارة التربية كانت استحقاق لابو مازن وطلبنا منة يرشح شخص لهالمنصب ) !!!!

يعني مفهمت هاي الجزئية !! هي ورث جانت لابو مازن ؟ طابو باسم جدة ؟ لو شنووو !!!

يعني شلون صارت استحقاقة ! اكو مثلاً فد بونص كل هلكد مقعد برلماني وياه وزارة ؟

فوكاها يصدعون روسنا بسالفة الكفاءة والنزاهة واختيار الكابينه وماعرف ايش 🤣

انتخابات ومفوضية ودعايات وصور
وتاليها بگعدة سهر وسكر تتشكل الحكومات وتتقسم المناصب

ويخلون رجلهم بالشخص المناسب ويخلون رجلهم بالمكان المناسب 🤣🤣🤣

25/10/2025

( المختصر )

الانتخابات بالعراق بيها مشكلتين جذرية ما الها حل الا يتعدل قانونها ..

الاولى :

تفسير الكتلة الاكبر والتحالفات الي تتشكل بعد الانتخابات هي التحالفات التي تشكل الحكومة ،

معناها القائمة تفوز تخسر طزززز ،
لان عادي تجيب ١٠٠ مقعد بالانتخابات ويروح غيرك يسوي تحالف بعد الانتخابات ويشكل حكومة وطزز بيك وباصواتك وبمقاعدك وبجمهورك وبناخبيك

الثانية : قانون سانت ليغو الي مفعل وضعية تريد ( ارنب ) اخذ ( ارنب ) تريد ( غزال ) اخذ ( ارنب )

الكتل الكبيرة تاكل الكتل الصغيرة وعادي مرشح جايب ٧٠٠٠ صوت بكتلة صغيرة ما يصعد بس يصعد مرشح جايب ٣٠٠٠ صوت بكتلة كبيرة

لان الكتلة جايبة اصوات اكبر ،

لهالسبب تشوفوهم كامو يجيبون فنانين واعلاميين وكل واحد يريد يرشح حتى لو يجيب ٥٠ صوت

وهاي باختصار وجهة نظري الي تخليني مو مقتنع بكل العملية الانتخابية …

ويبقى هذا رأيي فقط مو دعوة لاي شي ،

هاا نقطة اخيرة
ماكو شي اسمة مستقل وداخل ضمن تحالف 🤣🤣
هذا درب جديد كلش

23/10/2025

بس شغلة وحدة اريد افهمها …

هن النسوان شعاجبهن بحياة الرجل العراقي وتدور مساواة

والله جد داحچي 🤣

22/10/2025

البارحة التواصل الاجتماعي مشتعل بقضية القاء القبض على المتهمين بقضية الشهيد المرشح ( صفاء المشهداني )

مباشرة تذكرت قضية المرحوم ( هشام الهاشمي ) وشلون طلعوا المتهم ومثل كشف الدلالة وهاي القوانه ،

وبعدين غنووولنا ( فص ملح وذااااااب مابين اديةةة وراااااااح )

فاذا هاي مثل ذيج فـ خوش مرگة وخوش ديچ …

وتصبوو بالفرح …

19/10/2025

مسرحية الانتخابات …

مرشحة تكتب ( شنو المشكلة اذا وياية ٢٠٠ شخص بس ، الرسول وياه بس ٧٢ وكدر ينشر الاسلام !!! )

اللخ كاتبة ( البرشلونيين لحد ينتخبني )

اللاخ مرشح والسيفي مالتة ( ابنة مشجع المنتخب )

واللاخ مرشح لان ( اخو الفنان الله يرحمة )

ومرشحة بلقاء تلفزيوني توصف رئيس حزب منافس بـ ( لابوبو ) …

ومرشح السيفي مالتة مجرد چان يسوي روحة بنية ويتصل ع الشباب ينصب عليهم !!!!

اما تكاليف الدعايات الانتخابية ف يرادلها بوست منفصل حتى نگول لو صرفوا هاي الفلوس بغير مواضع شنو ممكن تسوي ،

يعني امانة الله اني ما علية بالاخير احنة ببلد حريات وكلمن بكيفة ..

بس مجرد داستعرض عينات بسيطة من الي عدهم طموح ( حتى يخدمونا )

14/10/2025

هسة شنو هالحيرة …
تحتار تتفرج اللعبة خاف تنغث مثل كل مرة من ورة العطلات والسلابات

ماتتفرجها يبقى بالك شصار وشنو جرى …

والله مال هسة الواحد يطگلة فاليوم ويخلص من هالحيرة …

13/10/2025

بجمهورية سيشيل الشقيقة ،

رئيس وزراء ووزير مايكدرون يغيرون مدير عام بدائرة تابعة للوزارة …

وتلاگي الشعب ناس تطبل للمدير الجديد وناس تطبل للقديم ،

السيشيليين عدهم شغلة غريبة كلش يصنعون الطغاة ويسوون الهم تيجان روس وبنفس الوكت يسألون شوكت يصير براسنا خير …

دتعالوا تعلموا من تجاربنا الديمقراطية يحظي …

صدگ المثل من گال ( لو أمطرت السماء حرية .. چان السيشيليين شالوا شمسيات )

** المثل ترجمتة للعامية حتى السيشيليين ميفهموه وياخذون موقف مني ..

وشكراً …

(( القصة من وحي الخيال ولا تمت للواقع بصلة ))

11/10/2025

الحمدلله واخيراً اعتزلت ما يؤذيني ..

مشفت لعبة المنتخب اليوم 🌚

04/10/2025

والله داكتب بوست ع المرشحين النازلين للانتخابات هاي

بس من كملته شفت بي ٧ دعوات تشهير و٣ دعوات ازدراء

فـ استهديت بالله وغلست ع الموضوع 🤣🤣🤣🤣

03/10/2025

حكومات متعاقبة من ٢٠٠٣ لحد اليوم

٢٢ سنه ، فشلت بايجاد حل لمشكلة اساساً هي ترقيع لمشكلة !!!!

تسعيرة المولدات .. الي هي اصلاً حل ترقيعي لفشل موضوع الكهرباء ،

يعني منو يصدگ احنة ب٢٠٢٥ ورايحين لـ٢٠٢٦ ،
ومشكلتنا الاساسية بالحياة الكهرباء !!!!

ومستمرة بدون حل !!!!

Address

Irbil

Website

Alerts

Be the first to know and let us send you an email when Osama Al-Ani - اسامة العاني posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Osama Al-Ani - اسامة العاني:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram