Osama Al-Ani - اسامة العاني

Osama Al-Ani - اسامة العاني Osama Al-Ani
Owner / Covid-IQ / medical articles
photographer & blogger
Owner/ Naystore / skin care

28/03/2026

بس اني مفهمت هو محمد بن سلمان منين يريد يبوس ترامب

28/03/2026

خلي احجيلكم شغلة ..
يمكن اغلبكم منصدمين من تصريحات ترامب وكل دقيقتين برأي صح ؟؟ اني مو مستغرب ابد

وداحچي جد لان ترامب من مواليد ١٤-٦ يعني برجة الجوزاء …

وبكيفكم لتصدكون …

27/03/2026

عندما قتل ( كليب )قال ابن عباد ( ان الدية عند الكرام الاعتذار )

وعندما قتل ابنه ( جبير ) قال ( لاقتلن به عدد الحصى والنجوم والرمال )

الحكيم حكيم مادام القصة ليست قصته …

رباط سالفتنا ..
اكو ولد اسمة ضياء كاتب تعليق ( كتلت منكم سبعة … )

وبلشت التفسيرات مابين وين اكو مجرم يعترف على نفسة ومابين هو كاتل وماجان يتصور الموضوع يطش ..

بس محد اهتم شنو شعور عوائل الشهداء والجرحى من يقرون مثل هيج كومنت …

عمره الموت مايصير مادة للسخرية او الكوميديا ..

ومع انزال العقوبات بي وبامثالة الي يچفص بالحچي بدون. مايعرف شنو ديحچي وشنو ديجفص بالكلام …

26/03/2026

هسة مال واحد يفتح محل مال غسل بطانيات

بي ربح بكد ربح الحلاق بيوم العيد 🌚

22/03/2026

وبعد اخذ وعطا وجر وعر طلع النمر غلطان وادبسز ومو متربي وعض الايد ما اعرف الرجل الي نمدتلة …

خوية ابو الطفل

اولاً : لازم تحمد الله وتشكرة على سلامة ابنك
ثانياً : بالقران اكو دبل سياج قبل النمر
ثالثاً : هذا نمر سيبيري مو طلي هرفي حتى كاعد يوكلة

رابعاً : ربو ولدكم

خامساً والاهم تعلموا من اخطائكم واعترفوا بيها وخلوها درس الكم

من ابنك غلطان ومو مفتهم السالفة وانت تاركة وحدة يسرح هو وجماعتة بصباحيات العيد

ف كول ابني غلطان وصارت ومشت لا تكعد تدور تبريرات وتحاول كوة تشمر الغلط منا ومنا

وسلامتكم

20/03/2026

عندي حجاياتين بخصوص حسين تقريباً

احجيهن لو احضر فحص DNA بالاول ؟؟

19/03/2026

اكو فد شخص يسموه ( ناشط ) اسمة ( يزيد الحسون )

بصراحة اخذت ساعة كاملة واني افتر بالنت ادور على شغلة مسويها حتى اعرف ليش مسمي ( ناشط )

ف لكيت عندة نشاطين فقط بكل حياته ..
قبل ٦ سنوات معتقلي لمدة ٥ ايام لان طالع متظاهر واكو كم ( عفطي ) مطلقين هاشتاك اسمة ( )

والثاني لما سيد مقتدى هاجم ( الاسم ) ف استضافتة قناة تلفزيونية وهو يناشد ..

ف اليوم هذا الشخص شمسوي ؟ ناشر مكان جريمة سبايكر وكاتب ( كل عام وانتم بخير )

والعذر الاقبح يكول ( الصورة عفوية جمالية من من ارض العراق )

المكان لاهو مكان تراثي ولا هو مكان ديني وليس له معنى في التراث العراقي اطلاقاً …

وبكل صراحة الموضوع جداً مستفز ..
ف ياعيني انت جنيت على نفسك وجبتها لروحك

اما الجهات المعنية

فـ اتمنى تتخذون بي نفس الاجراء الي اتخذتو بسيد فاقد ..
لان الناس سواسية كـ اسنان المشط والـ ٢ مسيئين

وما اضرب من المهدود الا المربوط …

وعيدكم مبارك ..

11/03/2026

نزلت بوست قبل يومين حجيت بي عن شغلة معينة

انقسمت الردود المعارضة لـ٣ فئات

الفئة الاولى عادي ناقشوا الفكرة وعارضوها بكل ادب وبكل اخلاق وهذا الرأي والرأي الاخر الي هو المبدأ الاول والاهم من مبادئ الديمقراطية …

الفئة الثانية : عقل تنكة وعندة من اول مايفكر يعارض فكرتك مباشرة يبدي يسب ويشتم ويتهم اتهامات وغالباً هاي الفئة تدعي الدين وعدهم مشكلة چبيرة وية الاعراض (( يمكن فاقد الشيء يتحدث عنه كثيراً )) 

الفئة الثالثة وهاي هي المستهدفة بهذا البوست …
الفئة ماتناقش الفكرة نفسها لا

تروح وتنجر لنقاش شخصك ومنين تكون شنو مذهبك شنو مكانتك ويبدي يمسلت …

شوف عيني اعتقد اني كلش واضح كاتب اسمي ولقبي الصريح بالصفحة

اي نعم اني لقبي ( العاني ) واصولي تنحدر لغرب الانبار ومسقط راسي مدينة الرمادي

وهذا الشي يزيدني فخر انه اني تربيت بهيج مجتمع محافظ وبآسرة علمتنا الخجل والعيب والمستحى ومخافة الله …

ف مال تكتبلي بالتعليقات ( انت عاني شيطلع منك مثلاً ) رح اكلك روح وفتش ودور كلش زين واسأل عنا

احنة مانفتخر غير بشي واحد فقط …
احنة النا فخر ( العلم )

وهذا الامر معروف للقاصي والداني …

واسأل اجدادك عن ( وزارة التعليم العاني والبحث الراوي )

اسف على الاطالة
والسلام عليكم ورحمة الله وبركاته

09/03/2026

البارحة مقاتلات اجنبية ( امريكية او بريطانية ) معترضة مسيرة جانت بطريقها لمطار بغداد

المسيرة وگعت على بيت بحي التراث ببغداد وخطية الناس متأذين …

ممكن احد يسوي مسكول لسيادة رئيس الوزراء بصفتة القائد العام ويگلة الدنيا محتركة فوگ بالسما

يدري ميدري ؟ شنو الوضع كاعد نايم ؟؟؟

08/03/2026

مصطلح جديد ظهر للساحة اسمة ( الوطنچية )

ما اعرف بصراحة يا قليل فهم مطلع هذا المصطلح لان ما اعرف من شوكت صار حب الوطن ( عار )

النوب هذا الطبيب الي اسمة محمد طاهر كاتب كليشة كاملة

( الوطنجية في العراق حثالة الوطن ، يرفعون الشعارات ويزايدون بها لكنهم في الواقع لا يخدمون الوطن )

ضلعي هو انت علساس خدمت الوطن ؟؟؟ خلصتها تجمع تبرعات ل غزة ولبنان ومشفناك سويت شي بالعراق …

ف لا عبالك اكو كم واحد صفكولك وشخت بروسنا حالك حال اي بلوكر يريد يطش يكوم يحشر روحة ( بقضايا العراق )

واخيراً …
الي ميفتخر بأنتمائه للوطن ، بأمكانة يتفضل يراوينا عرض چتافة ويشوفلة ديرة تلفي ..

اما تجي تلغي فوگ روسنا وتبيع هوبزات وانت بحياتك مو واكف بازدحام من ازدحامات الوطن ..

لأء لهووون وبس ..

05/03/2026

٢٠٢٦ …

بغداد بدون كهرباء ، وصوت الطيران الحربي مديوگف …

كانه رجعنا لـ٢٠٠٣ بس الفرق عدنا موبايلات نگدر نوثق اللحظه بيها ..

03/03/2026

امريكا واسرائيل يقصفون ايران ..

ايران ترد على اسرائيل والخليج ..

بس العراق ⚠️

امريكا واسرائيل وايران وحتى العراقيين يقصفون بالعراق …

دومنا مميزين 🤣🤣

Address

Irbil

Website

Alerts

Be the first to know and let us send you an email when Osama Al-Ani - اسامة العاني posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Osama Al-Ani - اسامة العاني:

Shortcuts

Share