03/09/2025
ئەو پرسیارە باوەی کە زۆر جار لە دکتۆری ددان دەکرێت
لەبەرچی کەسێک ددانی کلۆر دەبێت سەڕەڕای شوشتنی؟
سەرەتا دەبێت بزانین کە ددان شوشتن پێویستییەکی گرنگە و نابێت بەهیچ جۆرێک فەرامۆشبکرێت بەڵام تەنیا هۆکاریش نییە کە بەشداربێت لە پڕۆسەی ڕێگری لە کلۆربوونی ددان.
١- ناتەواوی لە پڕۆسەی ددان شوشتن :-
-پەلەکردن کاتێک زۆر بەخێرای ددانەکان دەشۆیت لەوانە هەندێک شوێنی ددانەکە باش خاوێننەکرێتەوە بەتایبەت نزیک پوک و نێوانی ددانەکان
کرداری ددان شوشتن پێویستە ٢خولەک بخاێنێت هەم لەبەر خاڵی سەرەوە هەمیش لەبەرئەوەی پڕۆسەی ددان شوشتن تەنیا پڕۆسەیەکی میکانیکی نییە بەڵکو بەهۆی بەکارهێنانی هەویری پڕۆسەیەکی کیمیایشە بۆیە پێویستە هەویرەکە بۆماوەی دوو خولەک بەرکەوتنی بە ددانەکە هەبێت تا ددانەکان سوود لە کاریگەری پێکهاتەکانی ناو هەویرەکە ببینن.
-ئاو لەدەم وەرکردن ڕاستەوخۆ دوای ددان شوشتن
ئەم هۆکارەش دەبێتە هۆی کەمکردنەوەی کاریگەری هەویری ددانەکە.
-ددان شوشتن ڕاستەوخۆ دوای نان خواردن بەتایبەت خواردنەکە ترشێ تێدابێت دەبێتە هۆی زیان گەیاندن بە مینای ددانەکە
٢-بەکارنەهێنانی داوی ددان:-
بەشێوەیەکی گشتی فڵچە ٦٠٪ تا ٧٠٪ ڕووی ددانەکان خاوێندەکاتەوە بەشەکەی دیکەی ددان کە خۆی لە نێوانی ددانەکان دەبینێتەوە لە ڕێی داوی ددان پاک دەکرێتەوە کە بەشێکی زۆری کلۆری لە نێوانی ددانەکان ڕووئەدات
٣-چەندبارەبوونەوەی بەرکەوتنی شیرینی و ترشی بەر ددانەکان:-
وەک دەزانرێ ئەو بەکتریایانەی بەرپرسن لە کلۆری ددان هەڵدەستن بە شیکردنەوەی شەکرەکان و بەرهەمهێنانی ترشێتی دواتر ترشەکە دەبێتە هۆی داخوران و کلۆربوونی ددانەکان بۆیە چەندبارەبوونەوەی خواردنی شیرینی و ترشی دەبێتە هۆی زیادبوونی ئەگەری کلۆربوون و داخورانی ددان سەڕەڕای شوشتنی جارێک یان دووجاری ددانەکان
٤-کەمی و سروشتی لیکی دەم:-
-لیک ڕێگری لە کلۆربوون دەکات لە ڕێی خاوێنکردنەوەی ددانەکان، کەمکردنەوەی ترشێتی و دووبارە گەڕاندنەوەی کانزاکان بۆ ددانەکان،
بوونی پڕۆتین و ئەنزیمەکان کە ڕۆڵی کاریگەریان هەیە لە شەرکردن دژی ئەو بەکتریایانەی دەبنە هۆی کلۆری.
-زیادبوونی لینجی لیکاو دەبێتە هۆی زیادبوونی ئەگەری کلۆری چونکە ڕۆلی لە خاوێنکردنەوەی ددانەکان کەمدەبێتەوە.
٥- بۆماوەیی و ڕێزبەندی ددانەکان:-
-هەندێک خەڵک کە لەدایک دەبن مینای ددانیان تەنک و لاوازە و کانزاکانی وەک کالسیۆم و فۆسفەیتیان لە مینای ددان کە ئەمە وادەکات ددانەکان کارتیکراوتربن بە ترشێتی و زووتر کلۆر بن.
-ناڕێکی (خواری) ددانەکان دەبێتە هۆی ئەوەی کە کرداری خاوێنکردنەوەی ددان قوڕستر بێت.
٦- جیاوازی نێوان کەسەکان لە سیستەمی ژینگەی بەکتریاکانی ناو دەم واتە هەندێک کەس بە سروشتی خۆیان ژمارەی ئەو بەکتریایانەیان زیاترە کە دەبنە هۆی دروستبوونی کلۆری.
