Dr.Hiwa Penjweny دکتۆر هیوا پێنجوێنی

14/05/2023

09/05/2023

بەردی حالب
هۆکار و چارەسەرەکانی

د. هیوا محمود پێنجوێنی
پسپۆڕی نەخۆشییەکانی گورچیلە و میزەڕۆ و نەزۆکی پیاوان .

زنجیرە نەخۆشخانەکانی های کوالتی
شاری پزیشكی گەرمیان

کەلار - سەرەتای شەقامی کفری
07709001313

26/03/2023

ئەو کەسانەی کە نەخۆشی گورچیلەیان هەیە چی بکەن و چی بخۆن بۆ ئەوەی باری تەندروستیان تێک نەچێ


هەر وەک دەزانین مانگی ڕەمەزان جگە لە ڕووە دینیەکەی سودێکی زۆریشی بۆ جەستە هەیە ، بەوەی کە ژەهری جەستە دەردەکاتە دەرەوە ، سیستەمی بەرگری جەستە بەهێز دەکات ، کێشی زیادەی لەش دادەبەزێت و زۆر سودی تریش .
بەڵام هەندێک نەخۆش هەن ناتوانن بەڕۆژو بن چونکە زیانی زۆر بە جەستەیان دەگەیەنێت . بە دڵنیاییەوە ئەمەش دەبێت لەلایەن پزیشکی پسپۆڕەوە پێی وترابێت کە ناتوانێت بەڕۆژو بێت .


خۆشبەختانە هەندێک لەو کەسانەی کە نەخۆشی گورچیلەیان هەیە دەتوانن ئەم مانگە پیرۆزەیان لە گیز نەچێت ئەوەش بە مەرجێک کە ئاگادار بن لەوەی کە چی بخۆن و لە چی دورکەونەوە .

۱_ دوور کەوتنەوە لەو خواردنانەی کە پۆتاسیۆم و سۆدیۆم و فسفۆریان زۆر تێدایە لەوانەش خوێ و تەماتەو مۆز ، بامیا ، پەتاتە ، مۆز ، پرتەقاڵ ، قەیسی ، قۆخ ، هەرووها خواردنەوە گازیەکان و شیرەمەنیەکان .

۲_ خواردنەوەی ئاوێکی باش لە پاش ڕۆژوو شکاندن هەتا پارشێوان

۳_ نەخواردنەوەی چا ، قاوە ، ئەو شتانەی کافاینیان زۆر تێدایە

٤_ نەمانەوەی زۆر لە دەرەوە بە تایبەت لە پێش هەتاو

٥_ دوور کەوتنەوە لەو خواردنانەی سوورکراوەن ، لە جیاتی ئەوە باشترە خواردنە کوڵاوەکان و برژاوەکان زیاتر بخورێن

٦_ لە کاتی ڕۆژو شکاندن باشتر وایە خواردنێکی زۆر نەخورێ و دوور کەونەوە لەو خواردنانەی شەکری دەستکردیان زۆرە و خواردنە سورکراوەکانیش باشترە نەخورێن وەکو باسمان کرد

۷_باشترە خواردنی پارشێوان پشت گوێ نەخرێت و بخورێت بەڵام ئەو خواردنانەی باسمان کردن نەخورێن ، و هەوڵ بدرێت زیاتر ئەو خواردنانە بخورێن کە ڕیشاڵیان تێدایە وەکو زەڵاتە و سەوزە و پاقلەمەنیەکان، هەروەها شەربەتی سروشتی میوەکان کە خۆت دروستت کردبێ چونکە ئەو کەسانەی کە کێشەی گورچیلەیان هەیە زیاتر پێویستان بە وزەیە وەک لە کەسانی ئاسای



خوای گەورە ڕۆژوی هەموو لایەک قبوڵ بکات.

01/03/2023

چی دەبێتە هۆی کەمی هۆرمۆنی تێستۆستیرۆن لە پیاواندا ؟


تێستۆستیرۆن یەکێکە لە هۆرمۆنە سەرەکیەکانی جەستەی پیاوان کە لە گونەکان دروست دەبێ و ڕۆڵێک زۆری هەیە لە جەستەدا لەوانەش پارێزگاری لە قەبارەی ماسولکە دەکات ، پارێزگاری لە چڕی ئێسک دەکات ، یارمەتی حەزی سێکسی دەدات ، جێگیر کردنی دروستی باری دەرونی ، یارمەتی دروست بوونی خرۆکە سورەکانی خوێنیش دەدات ...
هەروەها لە ئافرەتانیش ئەم هۆرمۆنە دروست دەبێت بەڵام بە ڕێژەیەکی زۆر کەم ، کۆمەڵە فرمانێکی هەیە لەوانەش یارمەتی گەشە دەدات ...


لەگەڵ تەمەندا ئەم هۆرمۆنە کەم دەبێتەوە لە جەستەدا بەڵام لە تەمەنێکی کەمدا
هەندێک هۆکار هەن دەبنە هۆی کەمی دروست بوونی تێستۆستیرۆن کە بە گشتی بریتیین لە :

۱_ کێشی زۆر

۲_ کێشە لە گوونەکان وەکو ( کێشەی بۆماوەی لەوانەش Klinefelter syndrome, ناتەواوی لە کرۆمۆسۆمی ڕەگەز ، هەوکردن و بریندار بوونی گونەکان )

۳_ کێشەلە بەشێکی مێشک کە پێی دەوترێ ( pituitary gland ) ئەم بەشە هۆرمۆنێک دەردەدات کە هانی گونەکان دەدات بۆ دروست کردنی تێستۆستیرۆن

٤_ نەخۆشییە درێژخایەنەکان وەکو هەوکردنی ڕۆماتیزم، هەروەها سیل و ئایدز ...

٥_ کەم خەوتن

٦_ خواردنی ناتەندروست لەوانە شەکر و ڕۆنە تێرکراوەکان لەوانە کەرێ ....

۷_ چارەسەری نەخۆشی شێرپەنجە بە دەرمانی کیمیای
۸_ مادە کحولیەکان و دەرمانە بێهۆشکەرەکان

۹_بەکارهێنانی دەرزی ستیرۆیدی کە بۆ گەورەکردنی ماسولکە بەکار دەهێنرێت

۱٠_ هەبوونه نەخۆشی شەکرە و کۆنترۆڵ نەکردنی



ئەو نیشانانەی هەست پێ دەکرێن لە کاتی کەمی ئەم هۆرمۆنە :

۱_بێ تاقەتی
۲_ کەم بوونەوەی حەزی جووت بوون
۳_ کێشەی ڕەپ بوونی ئەندامی نێرینە
٤_ کەمبوونەوەی ماسولکەی جەستە
٥_ خەمۆکی
٦_ کەمی تەرکیز
۷_ کەم بوونەوەی ژمارەی تۆوە خانەکان کە ئەمەش ئەبێتە هۆی نەخستنەوەی نەوە
۸_ گەورەبوونی سنگ

هەمیشە سەلامەت و تەندروست بن
بۆ هەر پرسیار و زانیاریەک دەتوانن نامە بۆ پەیج بنێرن.

07/02/2023

ئایا دروست بوونی کیسی ئاوی لە سەروی گونەکان (لەسەر بۆڕی گون )مەترسیدارە !

بۆڕی گون بریتییە لە بۆڕییەکی لولپێچی درێژ و ئیشی ئەم بۆرییە کۆکردنەوە گواستنەوەی تۆوی پیاوە بۆ شوێنی مەبەست .
ئەم جۆرە کیسە پێی دەوترێت ( epididymal cyst ) کە دروست دەبێت لەلای بۆڕی گون ، کیسێکی پڕ لە شلەیە و بەقەد دەنکە نۆکێک دەبێت لە سەرەتادا . ئەم جۆرە کیسە شێرپەنجەی نییە و زۆربەی حاڵەتەکان خۆیان نامێنن و ئەمەش دڵ خۆشکەرە ، بەڵام هەرکاتێک هەست بە ئازار و نائاسودەی کرا ئەو کات پێویستی بە چارەسەر .


بە گشتی ئەم حاڵەتە نیشانەکانی زۆر بە کەمی دەردەکەوێت و بێ ئازارە ، بەڵام کاتێک قەبارەی گەورە دەبێت ئەم نیشانانە هەست پێ دەکرێن :

۱_ ئازارێکی بێزارکەر لە پەردەی گون
۲_ هەست کردن بە قورسی لە پەردەی گون
۳_ سور بوونەوەی پەردەی گون
٤_ هەست کردن بە پەستان لە خوارەوەی چوک
٥_ ئاوسان لە گونەکان

تێبینی : هەرکات ئەو نیشانە هەست پێ کران و كیسەکە نەپوکایەوە دوای ماوەیەک پێویستە سەردانی پزیشکی پسپۆڕ بکرێت بۆ زیاتر بەدواداچون و چارەسەر .


هۆکاری دروست بوونەکەی تا ئێستا نادیارە ، بەڵام توێژەرەکان هۆکارەکەی دەگەڕێننەوە بۆ گیران و هەوکردنی بۆری گون .
هەروەها ئەو ئافرەتانەی کە دەرمانی ( diethylstilbestrol ) بەکار هێناوە بۆ ڕێگری کردن لە لەبارچوون و کێشەکانی دووگیانی بە ئەگەری زۆرەوە منداڵەکانیان توشی ئەم حاڵەتە دەبن .


چۆنیەتی ڕێگری کردن و کەم کردنەوەی ئەگەری دروست بوونی ئەم حاڵەتە :

١ _ خواردنی ئەو خۆراکانەی کە ph یان تفتە وەکو سەوزەکان ، ، هێلکە ، گۆشت ، میوەکان
٢_ خواردنەوەی ئاوێکی زۆر بۆ دووربوون لە هەوکردنی میزەڕۆ
٣ _ خواردنی ناوکە کولەکە سودێکی زۆری هەیە
٤ _ خواردنی تەماتە چونکە دژە ئۆکاسنێکی زۆر باشە
٥ _ دوورکەوتنەوە لە خواردنی ئەو شتانەی ph یان ترشە لەوانە کۆفی و هەندێک لە بەرهەمە شیریەکان
٦ _ مادەی ئایۆدین سودێکی زۆری هەیە کە لە خوێی ئایۆدین و ماسی دەست دەکەوێت
٧ _ زەردەچەوە زیاد بکەن لە خواردن
٨ _ دوور کەوتنەوە لە جلی تەسک لە ژێرەوە

هەمیشە سەلامەت و تەندروست بن
بۆ زانیاری زیاتر دەتوانن نامە بۆ پەیج بنێرن.

08/01/2023

چ هۆکارێک دەبێتە هۆی دروستبوونی بەردی گورچیلە؟

بەردی گورچیلە بریتییە لە نیشتووی ڕەق کە لە گورچیلەیەک یان هەردوو گورچیلەدا دروست دەبێت بەهۆی زیادبوونی چڕیی خوێ و خوێ لە میزدا و هەندێکجار دەگوازرێنەوە بۆ ناو میزڵدان. جۆری جیاوازی بەردی گورچیلە هەیە و قەبارەیان جیاوازە و لەوانەیە تاک یان چەند دانە بن.

بەردی گورچیلە دەبێتە هۆی ئازارێکی زۆر و هەندێکجاریش بەرگەی ناگیرێت و پێویستە چارەسەر وەربگریت.

نیشانەکانی بەردی گورچیلە چین؟
ئازار لە بەشی خوارەوەی سک کە درێژدەبێتەوە بۆ بڕبڕەی پشت
سکچوون و ڕشانەوە بەردەوام لەگەڵ ئازاری لایەنی پشتەوە
بوونی خوێن لە میز
میزکردن بە ئازار
بۆنی ناخۆشی میز

هۆکارەکانی ڕوودانی بەردی گورچیلە

کەمبونەوەی میز

هەندێک کێشەی ڕیخۆڵە

نەشتەرگەری بڕینی گەدە (بای پاسی گەدە)

تێک چونی غودەی پاراسایرۆید

کاتێک ph ی خوێن بەرەو ترشی دەڕوات

ناچالاکی

قەڵەوی

زیاد لە پێویست خواردنی کالیسیۆم

زیاد لە پێویست خواردنی ئۆکزالەیت

زۆر خواردنی پرۆتینی ئاژەڵی

نەخواردنی ڕیشاڵی خۆراکی

زۆر خواردنی خوێ

نەخۆشی cystinuria

Primary hyperoxaluria

هەندێک جۆری دەرمان

بۆماوە

شەکرەی جۆری دوو

دوگیانی

19/12/2022

10/12/2022

‏
ناتەواوی لە تۆوی پیاواندا دووەم هۆکاری سەرەکییە بۆ نەخستنەوەی منداڵ ، کە بە زۆری ئەم هۆکارانە دەبنە هۆی لاوازبوون و مردنی تۆوەکان .

۱ــ جگەرە کێشان ، کە دەبێتە هۆی تێکشکانی ناوکی تۆوەکان

۲ـ خواردنەوەی کحول

۳ـ دەرمان وەکو ( ستیرۆیدەکان ، تێستۆستیرۆن ، cannabis کە لە خێزانی دەرمانە بێهۆشکەرەکانە )

٤ـ کێشی زیادەی لەش

٥ـ خواردنی خراپ لەوانە خواردنە خێراکان

٦ـ کێشەی تەندروستی لە ڕابردوو لەوانەش دانەبەزینی گونەکان لەکاتی لەدایک بوون یان دروستوونی فتق یان نەخۆشییە سێکسیە گواستراوەکان وەکو گۆنۆریا یان توشبوون بە ڕووداوی سەخت

۷ـ تووشبون بە نەخۆشییە ڤایرۆسییەکان لەوانە ڤایرۆسی ملەخڕە

٨ـ بەرکەوتن بە مادە کیمیایەکان و مادە ژەهراوییەکان بە تایبەت لە کارگەکاندا

۹ـ هەروەها هەڵچوونی تەمەنیش هۆکارێکی دیکەیە بۆ تێکچوونی تۆو

۱۰ـ کێشەی هۆرمۆنات

03/12/2022

( عربي / كوردی )

بفضل الله سبحانة وتعالی تمكنا من

اخراج حصاة عدد(1) بحجم ( ٢٦ )ملم
من الكلیة الیمنی باستخدام الناظور المرن
واخراج حصاة عدد (4) من الكلية الايسر
بالاحجام ( ٣٤ ملم ، ٣٣ملم ، ٩ملم ،٩ملم ، ) عن طریق فتحه صغیرة فی الجلد

✅باحدث وافضل الطرق 💯

✅بدون اي ٱلم 💯

الدکتور
هیوا محمود البینجوني

دكتورا في الجراحة الكلیه والمسالك البولیة والبروستات و عقم الرجال
اختصاص في العملیات كلیه باستخدام الناظور المرن و اللیزر.

ـــــــــــــــــــــــــــــــــــــــــــــــــــــــــــــــــــــــــــــــــــــــــــ

سوپاس بۆ خودا توانیمان لە گورچیلەی ڕاست بە ڕێگەی نازوری نەرم بەردێکی ( ٢٦ ملم ) و
لە گورچیلەی چەپ بە ڕێگەی یەک کونی بچوکەوە چوار بەردی ( ٣٤ ملم ، ٣٣ملم ، ٩ملم ،٩ملم ، ) هڵگرین

✅بە نوێترێن وباشترین ڕێگە 💯

✅بە بێ هیچ ئازارێک 💯

دکتۆر
هیوا محمود پێنجوێنی

دکتۆرا لە نەشتەرگەری گورچیلە و میزڵدان و پرۆستات و نەزۆکی پیاوان، پسپۆر لە نەشتەرگەری گورچیلە بە بەکارهێنانی ناظوری نەرم و لەیزەر .

02/12/2022

ٲشیاء تؤذي الكلیة ولانعلم بها

- تناول ادوية الحموضة المعدة
- تناول المنشطات لبناء العضلات
- اکثار من القيام بالتمارين الرياضية في صالة الألعاب الرياضية
- تناول المخدرات غير المشروعة مثل الهيروين والكوكايين
المسكنات
- قلة شرب الماء
- تناول الصودا
- المشروبات الكحولية
- تدخين السجائر
- الإكثار من تناول الملح
-تناول الكثير من البروتين

الدکتور
هیوا محمود البینجوني
دكتورا في الجراحة الكلیه والمسالك البولیة والبروستات و عقم الرجال
اختصاص في العملیات كلیه باستخدام الناظور المرن و اللیزر.

العنوان

📍كرميان / كلار.
مدينة كرميان الطبية .
شارع كفري - قريب هوتيل لندن آی .
ایام الدوام من السبت الی الاربعاء .
☎️ر.م. 07701019193

28/11/2022

ئەو شتانەی کە ئەزێتی گورچیلە دەدەن و پێی نازانین !

١ _ دەرمانی دڵەکزە
٢ _ دەرمانی ستیرۆدی لەشجوانی بۆ دروست کردنی ماسولکە
٣ _ زۆر یاری کردن لە هۆڵی لەش جوانی
٤ _ دەرمانە قەدەغە کراوەکانی وەکو هێرۆین و کۆکاین
٥ _ دەرمانی ئازار شکێن
٦ _ کەم خواردنی ئاو و وشک بونەوە
٧ _ خواردنەوەی سۆدا
٨ _ خواردنەوە کحولیەکان
٩ _ جگەرە کێشان
١٠‌ _ زۆر خوادنی خوێ
١١ _ زۆر خواردنی پرۆتین

هەمیشە سەلامەت و تەندروست بن
بۆ زانیاری زیاتر دەتوانن نامە بۆ پەیج بنێرن

27/11/2022

هەندێک نیشانە دەری دەخەن کە کێشە لە گورچیلەماندا هەیە !

✅زۆر هەست کردن بە ماندوێتی
✅خەوی خراپ و خەو لێ نەکەوتن
✅وشک بوون و خورانی پێست
✅ئاوسانی دەم و چاو و پێیەکان
✅گرژبوونی ماسولکە بە تایبەت ماسولکەی پێ
✅هەناسە توندی
✅سەرگێژ خواردن و شت بیرچونەوە و کەمی تەرکیز
✅کەمی ئیشتیها
✅بۆنی ناخۆشی دەم
✅میزی کەفاوی و ڕەنگی مەیلەو قاوای یان مەیلەو سور

12/11/2022

نەخۆشی ئەلپۆرت چییە(alport syndrome ) ?

ئەم نەخۆشییە حاڵەتێکی بۆماوەییە و بەهۆی گۆڕانکاری لە جینی ئەو خانانە ڕوو دەدات کە کرداری فلتەر کردن دەکەن , وا دەکات کە گورچیلە نەتوانێ بە باشی کرداری فلتەرکردن ئەنجام بدات. بۆیە بە بەردەوامی خوێن و پرۆتین لە میزدا دەبینرێ ، ئەمەش وا دەکات گورچیلە توشی برینداری و هەوکردن ببێت و لە کار بکەوێت لە کۆتایدا . لە نیشانە باوەکانی لەدەست دانی بینای و هەستی بیستنە لەگەلیشیدا.

نیشانەکانی نەخۆشی ئەلپۆرت :

1 _ بوونی خوێن لە میز
2 _ بوونی پرۆتین لە میز
3 _ بەرزە پەستانی خوێن
4 _ لە دەست دانی هەستی بیستن
5 _ لە دەست دانی بینای
6 _ ئاوسان بە تایبەت لە دەست و قولە پێ
7 _ تەشەنوجی ماسولکەکان
8 _ هەست کردن بە ماندوێتی بەردەوام
9 _ هێڵنج دان و ڕشانەوە

چۆنیەتی دەست نیشان کردنی لە لایەن دکتۆرەوە :
ئەگەر ئەو نیشانانە هەست پێ کران و بە بەردەوامی کێشە هەبوو لە گورچیلە ئەوە پێویست دەکات ئەم پشکنینانە ئەنجام بدرێت لە لایەن دکتۆری پسپۆڕ .

1 _ پشکنینی میز
2 _ پشکنینی کریاتین
eGFR _ 3
Kidney Biopsy _ 4
5 _ پشکنینی بۆماوەی
6 _ پشکنینی گوێ
7 _ پشکنینی چاو

ئایا چارەسەر دەکرێ ؟
نەخێر ئەم نەخۆشییە چارەسەری نییە چونکە نەخۆشیەکی بۆماوەیە . تەنها دەتوانرێت کۆمەڵێک دەرمان بەکار بهێنرێت بۆ دوا خستنی پوکانەوە و لە کار کەوتنی گورچیلەکان .
وە هەروەها گۆڕینی شێوازی ژیانکردن بۆ شێوازێکی تەندروست و خواردنی شتی تەندروست .

چەند ڕێنماییەک بۆ یارمەتیدانی جەستە تا خراپتر نەبێت :

1 _ کەم کردەنەوەی ڕێژەی خوێ ڕۆژانە
2 _ کەم خواردنی پرۆتین
3 _ نەخواردنی ئەو خواردنانەی پۆتاسیۆمیان زۆرە وەکو مۆز، برۆکلی ، پەتاتە
4 _ ئەنجام دانی ئەو ڕاهێنانەی کە تەندروستی دڵ دەپارێزن ، ڕێگری کردن لە توش بوون بە نەخۆشی شەکرە، چونکە ئەمانە دەبنە هۆی لەکار کەوتنی گورچیلە بە خێرای
5 _ نەخواردنی جگەرە بە هیچ شێوەیەک

ئایا چاندنی گورچیلە سەرکەوتو دەبێت بۆ ئەم حاڵەتە ؟
چاندنی گورچیلە سەرکەوتو دەبێ و گورچیلە دەتوانێت کرداری فلتەکردن بکات بە سەرکەوتوی . بەڵام ناتوانێت کێشەکانی تر چارەسەر بکات لەوانەش کێشەی بینایی و بیستن .

31/10/2022

لاوازی جنسی لە پیاوان دا چییە ؟

پیاوان ڕەنگە بەهۆی سەرقاڵی و ماندو بوونەوە جار جار هەست بە لاوازی جنسی یاخود نەمانی حەزی جنسی بکەن ، ئەمە بۆ ماوەیەکی درێژ ڕەنگە هۆکارێکی هەبێ و پێویستی بە چارەسەر هەبێ .کە ئەمەش کێشەی وەچە نانەوە و کێشەی خێزانی لێ دەکەوێتەو. دەکرێت بە هۆی کێشەی جەستەی یان لایەنی دەرونی ئەم حاڵەتە ڕوو بدات ،و ڕەنگە هۆکارەکەی یەک لەو ناتەواویانە بێت و ڕەنگە دوو هۆکار بەیەکەوە بێت ، بۆیە باشترە هەرکات ئەو حاڵەتە دروست بوو سەردانی پزیشکی پسپۆڕ بکرێت .

: لێرەدا باس لە هۆکارە سەرەکیەکان دەکەین

١ _کەمی ڕێژەی هۆرمۆنی پیاوانە ( تێستۆستیرۆن)
٢ _ هەندێک جۆر دەرمان
٣ _خەمۆکی
٤ _ نەخۆشیە درێژ خایەنەکان
٥ _ فشار ( قەلەقی )
٦ _ کێشەی خەو

👈 هەروەها دەبێ دوور بکەویتەوە لەم شێوازە ژیانکردنە:

١ _ زۆر خواردنەوەی کحول و مادە هۆشبەرەکان کە ڕێژەی هۆرمۆنی پیاوانە کەم دەکاتەوە
٢ _ زۆر یان کەم وەرزش کردن
٣ _ قەڵەوی
٤ _ جگەرە کێشان

✅ چۆن بتوانین ئارەزوی کەمی جنسی باشتر بکەین :

چۆنیەتی باش کردنی ئەم حاڵەتە دەکەوێتەوە سەر ئەوەی کە هۆکارەکەی بدۆزینەوە هەر کات هەستت بەم حاڵەتە کرد ، بۆ ئەمەش پێویست دەکات دکتۆری پسپۆڕی بواری کۆئەندامی میز و میزڕۆ ببینیت بۆ دەست نیشان کردنی ئەو هۆکارانە و پێدانی ڕێنمای و دەرمانی دژ بە هۆکارەکە .
هەندێ کات بە دەستکردن بە کۆمەڵێک هەنگاو دەکرێت یارمەتی دەر بێت بۆ باشتر کردنی حاڵەتەکە لەوانەش :

١ _ وەرزش کردنێکی ڕێک و تەندروست
٢ _ خواردنی تەندروست ، دایت کردن
٣ْ _ بوونی کێشێکی تەندروست
٤ _ باشتر کردنی خەو

هەمیشە سەلامەت وتەندروست بن 🌷🌸🌹
بۆ زانیاری زیاتر دەتوانن نامە بۆ پەیج بنێرن 📨

22/10/2022

سوڕانی گونەکان چییە چۆن چارەسەر دەکرێت ؟

سوڕانی گونەکان حاڵەتێکە دروست دەبێ و دەبێتە هۆی سورانی تۆوە پەتک کە پێک هاتوە لەو بۆریەی تۆی پیاو دەگوازێتەوە بەرەو ئەندامی نێرینە و هەروەها پێک هاتووە لە خوێن هێنەر و خوێن بەرەکانی گون .ئەمە کاتێک ڕوو دەدات کە ئەو شانەی دەوری گونەکان بە باشی جێگێر نەبووە بە گونەوە ، بۆیە گونەکان بە ئاسانی دەسوڕێن ، و دەبێتە هۆی ئازارێکی توند . ئەمە حاڵەتێکی لە ناکاوە و بۆیە دەبێ دەست بەجێ دکتۆر بیبینێت چونکە گەر لە ماوەی ٦ کاتژمێری سەرەتا چارەسەر نەکرێت دەبێتە هۆی مردنی گونەکان و دەبێ فڕێ بدرێن بە نەشتەرگەری .

نیشانەکانی :
ئازارێکی توند و لەناکاوی تورەگەی گون و گون
ئاوسانی یەکێک لە گونەکان
ئازاری سک
دڵ تێکەڵ بوون و ڕژانەوە
گۆڕانی شوێنی گونەکان کە دانەیەکیان لەوەی تر بەرزترە
زۆر میزکردن
تا
گۆڕانی ڕەنگی تورەگەی گون، بە تایبەت بۆ ڕەنگی سور یان ڕەنگێکی تاریک

هۆکاری دروست بوونەکەی :
سوڕانی گونەکان کە ڕوو دەدات لە هەردوو گون بەڵام بەیەکەوە نا ، واتە لە یەک دانەی ڕوو دەدات ، زۆر بە زەحمەت لە هەردوو گون بە یەک جار ڕوو دەدات.
ناتوانین بڵێین جوڵەی فیزکی بە گشتی دەبێتە هۆی ئەم حاڵەتە چونکە زۆر کات کەسەکە لە کاتی خەویشدا توشی ئەم حاڵەتە ئەبێ ، یان لە کاتی جوڵەی زۆر وەکو وەرزش کردن ، ڕاکردن یان دانیشتن ، یان زەبر کە بەر گونەکان دەکەوێت ، و هەروەها کەشی زۆر سارد ، وە لە کاتی بالغ بوون کە گوونەکان زۆر بە خێرای گەشە دەکەن و
گەورە دەبن.

دەست نیشان کردن :
بە پشکنینی ڕاستەوخۆی گونەکان دەتوانرێت هەست پێ بکرێت، واتە پشکنینی سەریری
پشکنینی سۆنەر، بە تایبەت سۆنەری ملەوەن
پشکنینی میز بۆ دڵنیابوونەوە لە هەوکردن

کێن ئەوانەی زیاتر توش دەبن :

تەمەن ، لە تەمەنی ۱۲_۱۸ ساڵی زیاتر لە تەمەنەکانی تر توش دەبن بەڵام منداڵی تازە لە دایک بوو پیریش توش دەبن .

ئەو کەسانەی پێشتر توشی سوڕانی گونەکان بوون.

ئەوانەی لە خێزانەکانیان ئەم حاڵەتە بوونی هەبێ.

چارەسەر:
ئەم حاڵەتە پێویستە لە ٦ کاتژمێری یەکەم لەو کاتەی هەست بە نیشانەکان کرا دەست بەجێ دکتۆری پسپۆڕی بواری میز و میزەڕۆ ئاگادار بکرێتەوە ،چونکە پێویست بە نەشتەرگەری دەکات . ئەگەر هاتو لە دوای ۱۲ کاتژمێر چارە بکرێ دەبێتە هۆی مردنی گونەکە و دەبێ فڕێ بدرێ بە نەشتەرگەری .
ئەم حاڵەتە زۆر کات لە منداڵی تازە لە دایک بوو دەبێتە هۆی مردنی گوون و ئەبێ فڕی بدرێ.

ئاڵۆزییەکانی بریتییە لە :

زیان گەیاندن بە گونەکان یان مردنیان

نەتوانینی خستنەوەی منداڵ ،چونکە سوڕانی گونەکان دەبێتە هۆی دروست بوونی دژە تەن دژی تۆوەکان ، کە کار لە چۆنیەتی ئیشکردن و جوڵەی تۆوەکان دەکات .

14/10/2022

دەرکردنی بەردی بۆری حالب بە نازوور ؟

ئەم تەکنیکە بریتییە لە سکۆپێک کە بۆرییەکی نەرمی باریک کە کامێرایەکی پێوەیە بۆ بینینی بۆری حالب و گورچیلە .
پسپۆرانی بواری میز و میزەڕۆ ئەم تەکنیکە بەکار دەهێنن بۆ زانینی هۆکاری گیرانی میز لە کۆئەندامی میزەڕۆ و بە تایبەت بۆری حالب و گورچیلە. کەزۆربەی کات بە هۆی بەردەوە دروست دەبێت ، بەڵام ئەکرێ بۆ دۆزینەوەی کێشەی تریش بەکار بهێنرێت لەوانەش کێشە
لە شانەکانی بۆری حالب و گورچیلە ، لوو شێرپەنجە لەو ناوچەیە کە دەبنە هۆی میز گیران .

بەکارهێنانەکانی ئەم ئامێرە دوای دیاریکردنی
کێشەکە :

١ _ لە دوای دیاریکردنی ئەگەر هۆکارەکەی بەرد بێت ئەوا بەم نازوورە بەردەکە تێک دەشکێنرێت تا دەبێ بە پارچەی بچووک و
دواتر دەکرێتە دەرەوە لە ڕێگەی میزەوە.
٢ْ _ لابردن یان چارەسەرکردنی شانەکان و لوو لەو ناوچەیە .
٣ _ بردنی بەشێک لە شانەکان بۆ پشکنین .

👈 کێن ئەوانەی مەترسی توش بوونیان هەیە
بەم حاڵەتە :

١_ بۆماوە
٢ _ نەخواردنی ئاو بە پێی پێویست
٣ _ هەوکردنی درێژخایەنی کۆ ئەندامی میز
٤ _ خواردنی ئەو خواردنانەی کە دەبنە هۆی
دروست بوونی بەرد

👈 بۆ ئەوەی ئەم حاڵەتە دوبارە نەبێتەوە لە دوای چارەسەر پێویستە ئەم کارانە ئەنجام بدرێت :

خواردنەوەی ئاوێکی زۆر ڕۆژانە وە مەرجیشە کە ئاوەکە پاک بێت

نەخواردنی ئەو خواردنانەی کە مادەی ئۆگزالاتی زۆر تێدایە و ئەبنە هۆی دروست بوونی بەرد لە گورچیلە و بۆری حالەب، لەوانەش سپێناغ، بامێ ، سڵقی سویسری ،کەوەر، کەرەوز ....

ئەو خواردنانەی کە ترشی یوریکیان زۆرە وەکو گۆشت و سەوزەمەنیەکان

ئەو خواردنانەی کە مادەی سیستین یان تێدایە کە ئەمەش هەر لە گۆشت زۆرە

بەبێ پرسی دکتۆر هەندێک دەرمان مەخۆن لەوانەش ڤایتامین دی ، ڤایتامین سی و کالیسیۆم ...

هەمیشە سەلامەت و تەندروست بن 🌷🌸🌹
بۆ زانیاری زایاتر دەتوانن نامە بۆ پەیج بنێرن

04/10/2022

بۆری میز لە چ کاتێکدا بەکار دەهێنرێت و زیانەکانی (bladder catheter)؟

بۆری میز برییتیە لە بۆرییەکی نەرمی باریک کە بەکار دەهێنرێت بۆ بەتاڵ کردنەوەی میزڵدان لە ڕێگەی ئەو بۆرییەوە بۆ ناو تورگەیەکی پلاستیکی.
ئەم بۆرییە پلاستیکییە دەکرێت لە ڕێگای میزەڕۆوە بکرێتە میزڵدانەوە یان هەر لەخوار ناوکەوە لە ڕێگەی کونێکی بچوکەوە سۆندەکە دەکرێتە میزڵدانەوە ، هەر یەکە لەم دوانە بۆ حاڵەتی جیا بەکار دەهێنرێت .

لە چ کاتێکدا بەکار دەهێنرێت ؟

دەکرێت لە کاتێکدا بەکار بهێنرێت کە کەسەکە نەتوانێ میز ڕاگیر بکات ،یاخود میز گیران یەکێکی ترە لە هۆکارەکان . دەکرێت ئەمە لە چەند حاڵەتێکدا ڕوو بدات ئەوانەش بریتین لە :

١ _ گیرانی میز بە هۆی بەرد لە گورچیلە و میزڵدان
٢ _ بوونی خوێنی مەیو لە
میزدا
٣ _ گەورەبوونی پرۆستات ،

لە کاتی نەشتەرگەری پرۆستات

٤ _ نەشتەرگەری لە ناوچەی زاوزێ ، لەوانەش دەرهێنانی منداڵدان و چاک کردنەوەی شکاوی ئێسکی سمت.

٥ _ بریندار بوونی دەماری میزڵدان.

٦_ بریندار بوونی دڕکە پەتک.

٧ _ هەندێک دەرمان کە دەبێتە هۆی نەمانی توانای میزڵدان بۆ گرژ بوون بەمەش میز ئەمێنێتەوە لە میزڵدان.

٨ _ لەو کەسانەی کە کێشەی دەرونیان هەیە لەوانەش کەسی شێت .

٩ _ کێشەی دروست نەبوونی دڕکە پەتک و مێشک و پەردەی مێشک بە تەواوی ئەمەش حاڵەتێکە هەر لە زکماکییەوە دروست دەبێ .

زیانەکانی دانانی بۆڕی میز :

باوترین کێشەی تەندروستی برییتیە لە هەوکردنی ڕێڕەوی میز بۆیە زۆر گرنگە پاک و خاوێن ڕایگری ئەو ناوچەیە . نیشانەکانی دروست بوونی هەوکردنی ڕێڕەوی میز ؛ تا ، لەرز ،سەرئێشە ، ڵێل بوون میز بەهۆی کێم ،سوتانەوەی ناوچەی میزەڕۆ ،
بونی خوێن لە میز، میزەکە بۆنی سوتەمەنی دەدات ، دروست بونی ئازار لە بەشی خوارەوەی پشت .

دروست بوونی هەستاری بەهۆی وونی ئەو مادانەی لە بۆریە پلاستیکەکە هەیە لەوانەش latex

دروست بوونی بەرد لە مزڵدان

بریندار بوون و ڕوشانی ناوچەی میزڵدان و بەرەو خوارەوە چونکە شانەکانی ئەو ناوچەیە زۆر ناسکن ، ئەمەش دواتر کێشەی زۆر بۆ میزڵدان دروست دەکات .

زیان گەیاندن بە گورچیلە بەهۆی ئەو جۆرە catheter ی کە بۆ ماوەیەکی درێژ بەکار دەهێنرێت .

هەوکردنی گورچیلەو میزەڕو و خوێن .

گرژ بوون و ئازار لە میزڵدان
------------------------------------------------------
هەمیشە سەلامەت و تەندروست بن ٳن شاءالله
بۆ زانیاری زیاتر دەتوانن نامە بۆ پەیج بنێرن 🌷🌸🌹