عيادة طبيب الأطفال/ الدكتور مصطفى الدده

02/03/2025

⭕مراجعين عيادتنا الكرام:
دوام العيادة في شهر رمضان المبارك قبل الفطور فقط من الساعة( ٤ مساءاً الى الساعة ٦ مساءاً) كل ايام الأسبوع عدا يوم( الأحد) عطلة العيادة...

تقبل الله صيامكم وقيامكم وأعادهُ الله عليكم وعلى عوائلكم بالخير والصحة والعافية 🙏🙏..

للحجز والاستفسار 07718485429

01/03/2025

الذكرىٰ السنوية الأولىٰ لرحيل والدي
(السيد مؤيد صاحب الدده)
فضلاً وليس امراً
اهداء ثواب الفاتحة لروحه
رحم الله أمواتكم وحفظ لكم احبابكم وجزاكم الله خير الجزاء🙏🙏🙏...

02/05/2024

⭕موضوع الشهر الفات ومازال مستمر هالفترة هو الألتهاب المعوي الفايروسي😔😔...
◀️خلال هالفتره اغلب الأطفال وبعض الكبار صار عدهم إسهال، تقيؤ، الم بطن، صخونه بسيطة أو عاليه، قلة شهية وخمول تستمر مدة ٥ يوم تقريباً، وهاي الأعراض مو شرط كلهن سوة ممكن قسم منهن.

◀️سببها شنو التهاب فيروسي يصيب المعده والأمعاء ويبقى مدة(٣- ٥) يوم غالباً
وممكن يستمر٧ يوم بعض الأحيان..

◀️كل سنه بهيج فترات انتقالية تنشط الفيروسات الي تسبب التهابات معوية ومو شي جديد بس شويه هالسنه أكثر حسب الي دنشوفه بالمستشفى والعيادة...

◀️المهم بهيج حالة خلال هالفتره ( ٥ يوم) تجنب الجفاف⚠️⚠️.
🧑شلون اتجنب الجفاف دكتور؟؟!!🤔🤔 وهو ابني كشي ميخلي بحلكه أو يزوعه رئساً😢😢...
👨‍⚕️ الجواب:-
١-إعطاء السوائل بكل أشكالها ( الماء، العصير الطبيعي غير مضاف له سكريات، الروبه، الحليب، اللبن، شوربه خفيفه، أو اكل الفواكه) وهذا كله بعد إعطاءه علاج للمعده والتقيؤ قبل إعطاء السوائل حسب وزن الطفل وبمدة معينه يحددها الطبيب 👨‍⚕️علمود نضمن ميتقيء هاي السوائل الأخذها..

٢-بدون الحاح عالطفل بالأكل لأن ميكدر ياكل خلال هذه الفترة ... فقط سوائل واذا شفنا ميكدر ياخذ السوائل ويتقيء مباشر بعد أخذ اي شي يجب الإعتماد عالسوائل الوريدية يعني (كانيولا ومغذيات)😔😔 لحد متعدي الحالة أو تخف تدريجياً...

٣-لتبخلون على اطفالكم بأستشارة طبيب الأطفال👨‍⚕️ المختص تره شكد ماهو موضوع بسيط جداً ونسيطر عليه بسهوله، ممكن نفس الوكت( خطر ومميت⚠️) إذا أهمل الطفل أو صار تأخير خصوصاً الأطفال الصغار الي اقل من عمر سنه بسبب الجفاف ومضاعفاته وعجز الكلى الحاد...

٤- سالفة الفلاجيل (القابضة) وكل المضادات الحيوية (الله يخليكم😔) اتركوها لترحون من يمكم وتاخذوها من الصيدلية دون عمل(تحليل خروج أو دم للطفل) واستشارة طبيب الأطفال👨‍⚕️ ونشوف يحتاجهن الطفل لولا.. لأن مثل مكَلنا ٩٥ بالمية من الحالات هو فيروس ميحتاج مضاد حيوي ومرح يشتغل اصلاً عليه..
العلاج هو فقط تجنب الجفاف حد ماينتهي مدة الفيروس👍👍...

صحة وعافية لأطفالنا الحلوين🌹🌹🌹
الدكتور مصطفى الدده
كربلاء- شهداء سيف سعد- مجمع الأمان الطبي قرب مدرسة دير ياسين .
للحجز والاستفسار 07718485429‪

12/03/2024

🌙رمضان مبارك عليكم
تقبل الله صيامكم وقيامكم ان شاء الله.

◀️دوام العيادة في شهر رمضان الكريم جميع ايام الأسبوع قبل الفطور فقط من ( الساعة ٤ الى ساعة ٦ مساءاً)، عدا يوم (الأحد) عطلة العيادة.

◀️وسوف يكون ((كل يوم خميس من شهر رمضان)) الكشفية (مجانية) لكل المرضى دون استثناء اهدي ثوابها الى روح والدي مؤيد صاحب الدده.
تقبل الله منا ومنكم صالح الأعمال.

للحجز والاستفسار07718485429.

كربلاء- شهداء سيف سعد -مجمع الأمان الطبي مجاور مدرسة دير ياسين.

10/03/2024

(بسم الله الرحمن الرحيم)
( وَبَشِّرِ الصَّابِرِينَ ۝ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ ۝ أُوْلَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُوْلَئِكَ هُمُ الْمُهْتَدُونَ)

صدق الله العظيم.

◀️ أتوجه بالشكر والإمتنان لكل مراجعين عيادتنا الكرام على سؤالهم عني وتعزيتهم ومواساتهم بوفاة والدي سواء بالتعليقات او في وسائل التواصل الاجتماعي الأخرى.
ربي يعطيكم الصحة والعافية ويحفظ اهاليكم واحبابكم ويرحم امواتكم ولايفجعكم في ذويكم واحبتكم امين رب العالمين🙏🙏🙏.

◀️ان شاء الله من يوم غد الاثنين (٣/١١) نعاود الدوام في العيادة نعتذر منكم طيلة الفترة السابقة لعدم تواجدنا ونعتذر لتأخرنا في بعض الأحيان في الجواب على مسجاتكم في الصفحة في اي استشارة لحالة مرضية ولكن الله اعلم بالحال....
ممنون منكم جميعاً واعذروني من التقصير معكم 🙏🙏🙏.

انا لله وانا اليه راجعون.

29/02/2024

⚠️⚠️تنويه
⭕⭕ الى مراجعين عيادتنا الكرام نعتذر منكم عن عدم تواجدنا في هذه الفترة في العيادة( وغلقها بشكل مؤقت لإشعار اخر) وذلك بسبب أمور طارئة خارجة عن إرادتنا ونحاول نتواصل معكم عن طريق الصفحة لأستفساراتكم قدر الإمكان، شكراً لتفهُمكم.

⭕وسوف نعلن في الصفحة عن الموعد القادم لفتح العيادة ان شاء الله ..

نسألكم الدعاء🙏🙏🙏

02/02/2024

⭕لأهمية المنشور يجب إعادة التذكير بيه وخصوصاً هسه ماكو بيت مابي طفل إذا ميكَح مع برودة الجو خلال هذه الفترة سواء أصابة فيروسية أو تحسس قصبات وان شاء الله صحة وعافية لأطفالنا الحلوين 😍😍😍

⭕جهاز التبخير هذا الجهاز العظيم يجب تواجده في كل بيت عندهم أطفال يعانون من حساسية القصبات ( الكحة المستمرة وضيق النفس) خصوصاً في فصل الشتاء افضل من كل شرابات الكحة المتوفره وأسهل استخدام وأكثر أمان وفائدة اكيدة للطفل.
☢️ملاحظة (ماااااااايسوي تعويد ولاأدمان ولاماي بالصدر ابداً ولا كل الكلام الي نسمعه من المراجعين الكرام وداعتكم 🤔🤨) ومابيه اي مشاكل جانبيه (إذا استخدم بشكل صحيح) بجرع المغذي الملحي (نورمل سلاين) او موسع القصبات او أقراص البلمكورت بعد تحديد الجرع من قبل طبيب الأطفال 👨‍⚕️.

صحة وعافية لأطفالنا الحلوين 😘😘😘
الدكتور مصطفى الدده
كربلاء_شهداء سيف سعد_ مجمع الأمان الطبي قرب مدرسة دير ياسين.
للحجز والاستفسار 07718485429.

19/01/2024

⭕الطبيب👨‍⚕️شون انطيتي الدوه لأبنج و شكد انطيتيه؟
⭕الأم🧑والله دكتور نطيته خاشوكة جاي مره ومره الثانيه بالقبق.
⭕الطبيب 👨‍⚕️ليش هيج 😭😭😭😭😭.

◀️انتبهوا⚠️الموضوع كلش مهم ارجوكم 😔😞.

⭕ خاشوكة_الاكل_لو_الجاي لو القبق مال الدوه كلهن خطأ نعطي الدوه بيهن✖️.
كل علاج بيه جرعة مخصصة تعتمد على الوزن للطفل فمثلا كذا ملغم من العلاج لكل كغم من وزن الجسم.
مو كل الأطفال نفس الوزن لازم كل علاج ننطيه نعرف وزن الطفل ونحسبه ونعطيه بالسرنجه العاديه ففقطططط حتى لاتأمنون بالسرنجه المرفقة مع الدواء لو الخاشوكة لو الكب الشفاف لأن مو دقيقات جداً.
⭕ الأطفال والرضع خطأ جداً✖️✖️ نحسبلهم الجرعات على خاشوكة الجاي او الكوب او الاكل أو القبق... لان لو احضرنا خاشوكتين اكل وخلينه بيهن مي وقسناهن بالسرنجة راح نشوف كل وحده قياسها يختلف عن الثانية يعتمد على حجمها.
وبالاساس القياسات بالخاشوكه كانت تستخدم قديما لعدم توفر المقاسات لكل الناس وقياسهن العالمي الستاندر كالتالي
-ملعقة طعام=١٥سيسي
-ملعقة شاي=٥سيسي
وطبعا اذا قستوا الي موجودات بالبيت تلكون خاشوكة الاكل تقريبا ٥سيسي والجاي ١ونص سيسي يعني مو نفس القياسات العالمية الي يكتبوها على العلب مال الشرابات.

⭕حته اختصر الموضوع ويصير واضح.
كل انواع الشرابات للأطفال انصح بأن تاخذون الجرعة بالسرنجه فقط وعالسيسيات مثل ميحسبها الكم طبيب الأطفال(👨‍⚕️ حصراً) لأن هو الطبيب الوحيد الي يهتم بشغلة الوزن والجرعة وحاط حاسبة ويحسب المسكين😥😥.

# #لاتنسى تاخذ مع كل علاج شراب سرنجة من الصيدليه وهن سرنجتين بربع😉😉.

صحة وعافية لأطفالنا الحلوين 😍😍😍
الدكتور مصطفى الدده
كربلاء - شهداء سيف سعد - مجمع الأمان الطبي بعد مدرسة دير ياسين.
للحجز والاستفسار 07718485429‪

23/12/2023

💢منشور مهم عن انواع خافضات الحرارة المتوفره في الصيدليات بمختلف المسميات والشركات المصنعة وكيفية استخدامها بالطريقه الصحيحة للأطفال.. تم إعادة نشره لأهمية المنشور وكثرة الأسئلة التي تردنا بالصفحة وفي العياده عن هذا الموضوع 🤗🤗🤗.

10/11/2023

⭕أسلحة الشتاء المهمة لكل بيت بيه أطفال
بما انه الجو تغير والأصابات الفيروسية بمختلف انواعها بدت في ازدياد مثل كل سنة وأهم أعراضها الرشح القوي والكَحة القوية الي تاخذ فتره طويلة يله تطيب هاي إذا مانصاب الطفل مرة اخرى😢:-

⭕الأسلحة هن:-
١-بخاخ الأنف الملحي حصراً (نورمل سلاين).
٢-جهاز التبخير.
٣- الشافطه(جهاز سحب السوائل من الأنف) اليدوي والإلكتروني.

⭕وجودهم حاله حال السخان والصوبه بالبيت😉🤗.

💢ذني الأسلحة يستخدمن للدفاع ضد الأعداء وهم (الرشح، احتقان وانسداد الأنف، البلغم وتقليل الكَحة).
💢 استخدامهم جداً أمن ومابيه مشاكل أفضل من شرابات الكَحة والرشح المركبة الي نسبة فائدتها جداً ضئيلة أو متفيد نهائياً ممكن تزيد الطين بله وتزيد الكَحة😥😥 .

صحة وعافية لأطفالنا الحلوين 😍😍😍
الدكتور مصطفى الدده
كربلاء- شهداء سيف سعد - مجمع الأمان الطبي قرب مدرسة دير ياسين.
للحجز والاستفسار 07718485429.
َ

26/10/2023

💢سبق وكَلنا شنو الأجراءات الي تخص الأطفال نسويها قبل موسم الشتاء لمواجهة الفيروسات😉حجينا اولاً وثانياً وثالثاً ورابعاً بالمنشورات السابقة🤗🤗هسه نحجي خامساً👍.

⭕خامساً اوميغا٣ المعروف(دهن سمج) 🤔؟
جداً مهم لدعم جهاز المناعة للأطفال ومواجهة الفيروسات التي تكثر في فصل الشتاء وكذلك مفيد جداً للمصابين بحساسية القصبات والربو في تقليل النوبات في فصل الشتاء🤗.

⭕بالأضافة إلى فوائد الأوميغا٣ لطلاب المدارس لزيادة التركيز وتقليل النسيان🤗🤗.

⭕المصادر الغنية بالأوميغا٣ وين موجودة؟
-السمك خصوصاً(السردين التونه والسلمون)
-البيض
-الجوز
-بذور الشيا(البلنكَو)
-الافوكادو والمانجو والتوت
-السبانخ والقرنابيط
⚠️الاطفال الي أكلهم قليل وميتناولون الأغذية الي تكثر بيها مصادر الاوميغا٣ ممكن اعطائهم الأوميغا ٣ بشكل شراب أو جيلاتين ويحدد الجرعة والمدة عن طريق طبيب الأطفال👨‍⚕️حصراً😊😊.

صحة وعافية لأطفالنا الحلوين 😍😍😍
الدكتور مصطفى الدده
كربلاء - شهداء سيف سعد- مجمع الأمان الطبي قرب مدرسة دير ياسين
للحجز والاستفسار 07718485429‪

13/10/2023

💢سبق وكَلنا شنو الأجراءات الي تخص الأطفال نسويها قبل موسم الشتاء لمواجهة الفيروسات 😉😉 حجينا اولاً وثانياً وثالثاً بالبوستات السابقة هسه رابعاً🤗🤗.
⭕رابعاً الزنك 🤔🤔
يعتبر الزنك من اهم المعادن التي تساعد جهاز المناعة لدى الأطفال لمواجهة الفايروسات، لذا ينصح باعطاء الأطفال الأطعمة التي تحتوي على الزنك بشكل يومي😉😉
مثل :-
◀️الخضار ( البزاليا والفاصوليا الخضراء والبطاطا والثوم والفطر) والفواكه مثل (الرمان والكيوي والموز ) .
◀️البقوليات مثل (العدس والحمص والفاصوليا) .
◀️اللحوم الحمراء والدجاج والسمك والمأكولات البحريه.
◀️المكسرات مثل الكازو والفستق واللوز.
◀️البيض ومنتجات الألبان.
◀️الشكولاته الداكنه والشوفان والسمسم.

⚠️ بما انه دنتجه لفصل الشتاء وبدء العام الدراسي يفضل إعطاء الزنك بشكل شراب أو حبوب متوفر بالصيدليات (إذا كان الطفل لم يتناوله بوجباته الغذائيه بشكل منتظم) ولكن بعد استشارة طبيب الأطفال 👨‍⚕️حصراً لتقدير الحالة والمدة والجرعة🤗.
⭕فائدته تكون إصابة الطفل بالفايروسات اقل مدة والشفاء اسرع يكون😊.

صحة وعافية لأطفالنا الحلوين 😍😍😍
الدكتور مصطفى الدده
كربلاء - شهداء سيف سعد- مجمع الأمان الطبي قرب مدرسة دير ياسين
للحجز والاستفسار 07718485429‪