22/04/2025
محادثه بيني وبين المريض....
المريض: عندي فقر دم دائما اعالجه ويرجع ينزل....
انا: سويت فحص صوره الدم
المريض: نعم سويت طلع عندي فقر دم مااعرف شنو ليش يصير واخذ حديد و اعالجه ويرجع ماكو فايده، اشكد راجعت اطباء مايفيد....
انا:سويت فحص فقر الدم الوراثي فحص اسمه
(HB-electrophoresis)
المريض: احنه ماعندنا فقر دم وراثي بالعائلة
انا: لازم تسويه احتمال عندك فقر دم وراثي
المريض: لكن محد طلبه مني
انا: مادام فقر دم مزمن وصفره بالوجه يحتاج تسويه حتى تعرف عندك ام لا
المريض: بس اني اخاف من هذا المرض هل هو خطير؟
انا: لا تخاف مو خطير
المريض: يتعالج؟
انا : هو يتعالج لكن مزمن
المريض: خلي اسويه
انا: طلعت النتيجه انه عندك فقر دم وراثي وهو سبب لك فقر دم مزمن
المريض: يا ستار يعني يخوف؟
انا: طبعا لا
***فقر الدم الوراثي هو فقر دم نورثه من ابائنا ونورثه لابنائنا فقط يظهر بشكل صفره على الوجه وأحيانا تعب ونحول
واذا صار ظرف طارئ للجسم يظهر بشكل اقوى
الظروف الطارئة هي
*حمل والولاده بالنسبه للمراه
*حادث سياره (لاسامح الله)
*عمليه اذا يسوي الانسان عمليه دمه راح ينزل اكثر من ماهو قبل دخوله للعملية بسبب التخدير
*التعب لكل إنسان
*السهر بالنسبه للطلاب
* النزف اذا حدث للانسان
* الاصابه الجرثومه مثل الكورونا وغيرها
بهذه الحالات سوف يلاحظ الانسان ظهور صفره عالوجه اكثر من السابق
***لذا من الضروري انه نشخص فقر الدم الوراثي حتى ماينزل الدم هوايه ونضطر ننطي بطل دم للمريض لانه اذا شخصناه نعطيه حب فولك أسد واللي هو يمنع نزول الدم بشده ويعوضه
****** ايضا لما يكبر الانسان يوصل مرحله الزواج يحتاج يعرف نفسه عل عنده فقر دم وراثي لو لا......
لانه اذا شخص عنده صفه فقر الدم الوراثي يعني هو حامل لصفه فقر الدم الوراثي مايصير يتزوج شخص حامل لصفه فقر الدم الوراثي مثله
واذا تزوج بهالحاله يطلع عنده طفل مصاب (وهذه جريمه بحق طفلك المستقبلي) وهذا انسان مسكين حياته كلها يكظيها بالمستشفى
***اما الشخص الحامل للصفه هو شخص طبيعي وماعليه اي شى
اذا تزوج بشخص طبيعي يطلع أطفاله بعضهم طبيعي وبعضهم حامل مثله
المريض: واني حامل للصفه
يعني عندي خفيف
انا:نعم
المريض: شنو علاجه
انا: حب فولك اسد 5 mg
تاخذه حتى تمنع نزول الدم
المريض: والحديد اتركه ماأخذ بعد؟
انا: هنا حسب الحاله
1. اذا عندك مخزون الحديد قلبي، لازم تاخذ حديد
2. اذا عندك مخزون الحديد عالي، هنا لازم تشرب شاي حتى يقلل من امتصاص الحديد
3. اذا عندك مخزون الحديد طبيعي، هنا ماتاخذ حديد فقط تاخذ فولك اسد حب
المريض: يعني هو تكسر الدم
انا: نعم تكسر وراثي بسيط لكريات الدم الحمراء
المريض: هو نفسه تكسر الياقلاء؟
انا: لا هذا غيره
المريض: شكرا دكتوره هسه افتهمت.........مع السلامة
تمنياتنا لكم بالصحه والعافيه
د.ضحى ميثم حسن
اختصاص امراض دم....
مختبر العلا التخصصي
كربلاء-الاسكان مجاور مستشفى احمد الوائلي مجمع النور قرب صيدليه اللؤلؤه الطابق الثاني
07717054386
مختبر متخصص بأمراض الدم الوراثية والنزفيه وفحوصات فقر الدم و سرطان الدم المتقدمه....
