عيادة الدكتورة براق الحسيني

11/01/2026

انتصارٍ عظيييم
في عالم التغذية بعد الظلام الذي عاشته
البشرية خلال ٤٠ سنة ، في تزييف الهرم الغذائي

بعد تكالب الأمراض في العالم وإثقال الحكومات العالمية مصاريف الأمراض التي ببها الهرم الغذائي المغشوش والمدعوم من شركات الدواء والغذاء ، تم إرجاع الهرم الغذائي الحقيقي الذي كان طبيعيا في حياة الإنسانية قبل ( حقبة الشركات التجارية )
هنيئا لكم هذا الإنتصار لأنه سوف ينعكس في انظمة الغذاء في كل المؤسسات في الدولة ( مدارس، مستشفيات ، وزارات ) التحسين سيكون عالمي حتى على المناهج التاسيسية

متابعيني ومراجعيني احب اطمنكم
انه اني مشيتكم ع الهرم الغذائي الجديد من قبل خمس سنوات
والحمد لله النتائج كانت واضحة على كل مراجعينا الكرام💚
الدكتورة الاختصاص
براق الحسيني

04/01/2026

هواية أطفال يحبون الطماطة و يأكلوها بكثرة و حتى اني من كنت صغيرة جنت احب الطماطة ولكن !

هل الطمامة تسبب حصى الكلى عند الأطفال ؟
هذا أكثر سؤال للاهل لما الطفل ياكل الطماطة

الجواب : لا !!
إلّا بحالة واحدة : إذا كان عندنا تأريخ عائلي بحصى الاوكسالات oxalate حيث انها موجودة بالطماطة و لذلك يجب الحذر منها ولكن هذا المرض نادر وليس شائع ..

الخلاصة : إذا طفلك يحب الطماطة خلي ياكل براحته.

29/11/2025

📢 ريتاتروتايد… أقوى علاج سمنة قادم بالعالم!
بعد ماحققت ادويه التنحيف مثل الساكسندا والمونجارو مبيعات عالميه تجاوزت ال26 مليار دولار
علاجات السمنه صارت من اسرع الاسواق الطبية نمواً في العالم
هذا 👇👇
اقوى ادوية تنزيل الوزن الجديدة الي راح تنطرح عام 2026
اقوى علاج معلن لحد الان.

يرفع الشبع ويقلل الجوع ويزيد حرق الدهون بشكل غير مسبوق يشتغل على ثلاث هرمونات بالجسم بنفس الوقت
الدراسات الاوليه كشفت انه ناس نزلو وزنهم اكثر من العمليات على هذا العلاج

إذا نزل ريتاتروتايد للعراق اكيد احنه اول من راح يوفره
وشنو تتوقعون راح يغيّر حياة هواي ناس مثل ما سوّت الإبر الحالية؟
وإذا مترددين… شنو السبب؟ 👇

16/11/2025

اليوم كان من أجمل الأيام بالنسبة إلي…
قدّمت محاضرة توعوية بعنوان “الأكل الصحي”
لطالبات مدرسة العميد الابتدائية – بكل مراحلها،
وكان الحضور مليان طاقة، ابتسامات، وتفاعل ممتاز ويبهج القلب

الدعوة وصلتني من إدارة المدرسة الكريمة،
وأنا لبّيتها بكل محبة…
مو بس لأن الموضوع قريب لقلبي،
لكن لأن بنتي الغالية طالبة عدهم،
ووجودي وسط صديقاتها وقاعات مدرستها حمل إحساس مختلف
💛✨

أقدّم خالص شكري وامتناني إلى
إدارة مجموعة العميد التربوية للبنات
على استقبالهم الراقي، ولُطف كلماتهم، وباقة الورد البهية،
والشهادة التقديرية التي أعتز بيها وأشوفها وسام دعم ومحبة.

كل الشكر للكوادر التدريسية على اهتمامهم وتفاعلهم وروحهم الحلوة.
ويا رب تبقى خطواتنا سبب خير… ونقدر نزرع بكل قلب صغير عادة صحية تبقى وياه طول العمر 🌿💐

✨💛

14/11/2025

“تم ذكر اسمي ضمن سيرة الأطباء العراقيين… شرف أعتز به ومسؤولية تدفعني لبذل المزيد🌷

الدكتورة براق محمد الحسيني
مواليد العراق- كربلاء المقدسة
بكلوريوس طب وجراحة عامه/كلية الطب/ جامعه بابل
اختصاص طب اسره دكتوراه(بورد عربي)
اختصاص دقيق تغذية علاجية من الجامعة الامريكية في بيروت AUB
زميلة المجلس العربي للاختصاصات الطبيه
وعضو جمعية اطباء التغذية
عضو جمعيه اطباء السكري والغدد الصم
تعمل حاليا كأخصائية تغذية علاجيه في مركز التغذية في مستشفى الكفيل التخصصي في كربلاء
وتعمل كتدريسية في كلية الطب جامعة وارث الانبياء
وتعمل في عيادتها الخاصة مركز متكامل للتغذية والرشاقه والجمال مركز ريڤيرزو

03/11/2025

‎مخطر بالج هذا السؤال ؟

‎اول شي واهم شي چانن يگعدن من الصبح وينامن من وكت

‎ثاني شي اغلب شغلهن جوة الشمس

‎ثالث شي اكلهن كله من البيت وماعندهن دلفري وحلويات

‎رابع شي مياكلن معلبات ومواد حافظه (حتى المعجون جانن يسوه بالسطح هو والدبس وغيره )

‎خامس شي ماعدهن مكياج واقوى شي عندهن الديرم الي هو خشبة وكحلة عرب

‎سادس شي البلاستك قليل بحياتهن

‎سابع شي الحليب الي يشربنه كله طبيعي من الشجرة للخلاط

‎ثامن شي المي كله بالفخار مو بالبطالة او بالدبات

‎تاسع شي الفواكه الي ياكلنها كلها وكت بوكته يعني ماكو فواكه مهجنه ومن بره ومجففة ومدري شنو

‎عاشر شي مزيل تعرق ،عطور وهالسوالف ماكووووو

____
‎هسه عرفتي شنو السبب حبيبتي؟
‎عرفتي الفرق بين جسمهن وجسمج ؟؟
‎عرفتي ليش دورتهن جانت منتظمه مثل الساعة ؟؟؟
‎عرفتي ليش جانت وحدتهن تخلف اقل شي عشرة ومتهتم ؟

22/10/2025

عزيزي المراجع لأي طبيب و في أي أختصاص كان :

1- لا تقبل ان تدخل للطبيب مع مراجع ثاني .
2- لا تقبل ان يكتب الطبيب العلاج بخط غير واضح .
3- أعطي المجال إذا جاء مريض بحالة طارئة .
4- لا تقبل ان يفرض عليك الطبيب شراء الأدوية من صيدلية معينة .
5- لا تقبل للصيدلاني ان يبدل العلاج بحجة انه بديل لان تجربتي تقول كثير من البديل هو مو بديل .
6- إذا صار عندك شك بالعلاج لا تتردد ان ترجع للطبيب و تتاكد منه .
7- معلومات المريض خاصة و ممنوع ان يعرف شخص غير مخول بمعرفة هذي المعلومات حتى لو كانت معلومات عادية من وجهة نظرك .
8- الطبيب هو إنسان عادي عنده حياة خاصة و عنده عائلة و عنده ضغوطات بالعمل او بالحياة لذلك لا تضغط على الطبيب إذا شفته ما يرد عليك بالتلفون او بالرسائل .
9- الاطباء و خصوصا الاطباء الجدد من مقيم دوري او مقيم اقدم يمثلون الخط الاول في المستشفيات مع زملائهم الممرضين و الصيادلة خلي يكون التعاون معهم و عدم مراجعة الطوارئ إلا للحالات الطارئة لان كثير حالات تزور الطوارئ وهي حالات غير طارئة و تاخذ من وقت وجهد الاطباء و الممرضين بدل التركيز على الحالات الطارئة الحقيقية .
10- الاطباء المقيمين مسوين إضراب لانه عندهم مشاكل بالتعيينات و الرواتب ولازم يوصل صوتهم للمسؤولين و هم ابناء الشعب وما جايين من كوكب آخر او بلد آخر و سماع مطالبهم حق مثل ما نطلب منهم رعاية و الاهتمام بالمرضى .