What are the opening hours?

Monday 16:00 - 20:00 Tuesday 16:00 - 20:00 Wednesday 16:00 - 20:00 Thursday 16:00 - 20:00 Friday 17:00 - 19:00 Saturday 16:00 - 20:00 Sunday 16:00 - 20:00

https://www.facebook.com/2115409678727096/

طبيب اطفال : د.طارق كنعان في بغداد السيدية

Home
Iraq
Kirkuk Governorate
طبيب اطفال : د.طارق كنعان في بغداد السيدية

السيدية - الشارع التجاري- مقابل جامع ابراهيم الخليل- بجانب گراند مول- عمارة مجمع النوى -الطابق الاول

15/07/2025

الرضاعة الطبيعية 🤱 بعد العملية القيصرية :
اكثر مراجعات الامهات بعد العملية القيصرية 🤰يشكون انه الطفل مياخذ رضاعة وخايفين من الجفاف ، والام مبيها حيل وتعبانة لان عملية ومتعرف شتسوي .
سؤال :
بعد كم من الوقت 🕔 تگدر الام ترضع طفلها بعد العملية القيصرية ، واذا حضرتج عندج طفل حديث وعملية قيصرية حديثة خبرينا بعد شكد رضعتي طفلج ( نقصد رضاعة طبيعية)

07711431579
07806592248
السيدية/الشارع التجاري/مقابل جامع ابراهيم الخليل

14/07/2025

ابو صفار (اليرقان الولادي) عند حديثي الولادة 👶:
منو استخدم الثوم🧄 لعلاج ابو صفار ، ومنو ضد هاي الفكرة 🤔.. وليش ؟
وشنو افضل علاج ؟
بعد كم اجابة نبين التصرف الصحيح

07711431579
07806592248

04/06/2025

متى يلتحم اليافوخ( الامامي والخلفي) عند الاطفال حديثي الولآدة 👶 ؟
- نسمع الاجابات الصحيحة وراها ننطي الجواب الصحيح

02/06/2025

العناية بالسرة عند حديثي الولادة :
—- ——- —— ———- —-
الام :
دكتور ابني عمره 5 ايام والسرة مالته تطلع جراحة صار يومين ، مع العلم اني من اول يوم بعد الولادة معايفتها يوم افتح كبسولة 💊 مضاد حيوي واخلي عالسرة ويوم ادگ حباية براسيتول واخليها عليها مااعرف ليش التهبت
- - - - - - - - - - -
منو يخبرنا تصرف الام صح ام خطأ ؟
اذا صح سنو نسوي بعد ؟
واذا خطأ شنو الصح ؟
ومنو صار عند ابنه جراحة بهذا العمر
وشنو سويتوا ؟
بعد عشر اجابات راح نبين الاجابة
الصحة والسلامة لكل حبايبنا الاطفال ❤️❤️❤️

#بغداد
#السيدية

31/05/2025

الام :
دكتور البارحة ابني 🧒 عمره سنة ونص كعد من النوم حسيت جسمه حار 🥵، قستله الحرارة طلعت 🌡️٣٧.٨ انطيته شراب ادول ورة شوية نزلت الحرارة ، ورة ساعة حسيته هم حرحر قستله الحرارة طلعت ٣٨.٥ انطيته جرعة ثانية مال ادول ومن البارحة لليوم حرارته متنزل .

منو موافق على تصرفات الام
وهل تصرفها صح ام خطأ
ومنو مر بنفس الحالة وتصرف صحيح

نسمع عشر اجابات وراها نبين التصرف الصحيح

#الام

29/05/2025

بأي عمر يگدرالطفل 🧒 العد الى العشرة 🔟
شنو تجاربكم وية اطفالكم
وهم حاولتوا تعلموهم بوقت مبكر؟

28/05/2025

من الاقوى مناعيا بالايام الاولى بعد الولادة
الولد🏃‍♂️
ام البنت💃
وشنو السبب
خل نسمع آرائكم 🙇🤔💬

#السيدية
#بغداد

27/05/2025

⸻

🍼 الرضاعة الطبيعية… ليش هي مهمة لطفلچ؟

هواية أمهات يسألون: “هل الرضاعة الطبيعية تكفي؟”
والجواب هو: مو بس تكفي، هي الأفضل!

👶 حليب الأم مو مجرد غذاء …هو مثل “لقاح طبيعي” يحمي الطفل من الأمراض، ويغذيه بشكل ما يقدر عليه أي حليب صناعي.

✨ شنو تسوي الرضاعة الطبيعية؟
✔️ تقوي مناعة البيبي
✔️ تحميه من الالتهابات والمغص
✔️ تساعد على نمو الدماغ
✔️ تقلل من أمراض الحساسية والربو
✔️ وتقوّي الرابط بينج وبين طفلك أكثر وأكثر ❤️

🕐 شكد نرضع؟
منظمة الصحة العالمية تنصح برضاعة طبيعية بس أول 6 أشهر، وبعدها نضيف الأكل بس نستمر بالرضاعة لحد عمر السنتين إذا ممكن.

#بغداد #السيدية

25/05/2025

🍼 أسئلة شائعة من أمهات حديثي الولادة 👩‍🍼

خصوصاً الأم المتزوجة حديثاً

⸻

👩‍🍼 الأم 1:
“دكتور، ابني عمره ٥ أيام، عنده خمول، بس نايم، ورضاعته قليلة.”
👨‍⚕️ الرد:
#بنتي هذا مو خمول، هاي الفترة الطفل طالع من جو الرحم إلى جو جديد، فيحس نفسه متعب ويحب النوم. إذا ما عنده أعراض أخرى، لا تقلقين.

⸻

👩‍🍼 الأم 2:
“دكتور، ابني عمره ٣ أيام، من أبسط صوت يفز!”
👨‍⚕️ الرد:
#عادي بنتي، هاي حالة طبيعية.

⸻

👩‍🍼 الأم 3:
“دكتور، بنتي عمرها أسبوعين، أحس قلبها يدق بسرعة، وخايفة، صديقتي گالت تحتاج إيكو!”
👨‍⚕️ الرد:
#بنتي إذا السرعة ضمن الحدود المعقولة، لا تخافين. الطفل حديث الولادة نبضات قلبه وتنفسه أسرع من البالغ.

⸻

👩‍🍼 الأم 4:
“دكتور، ابني يعرق هواية!”
👨‍⚕️ الرد:
#عادي جداً، خصوصاً إذا كانت العائلة تبالغ بالخوف من البرودة وتغطي الطفل اكثر من اللازم، راح نشوفه سابح بالعرق.

⸻

👩‍🍼 الأم 5:
“دكتور، ابني عنده إسهال قوي!”
👨‍⚕️ الرد:
#بنتي، إذا ماكو أعراض مثل حرارة أو تقيؤ أو قلة رضاعة، هذا مو إسهال. الطفل حديث الولادة بطنه تطلع أكثر من خمس مرات باليوم وبشكل سائل — طبيعي جداً.

⸻

👩‍🍼 الأم 6:
“دكتور، بنتي عمرها أسبوعين، تحسها متشبع من صدري. يگولون حليبي خفيف!”
👨‍⚕️ الرد:
#ماكو شي اسمه حليب خفيف. رضّعيها كميات كافية، وراح تشبع إن شاء الله.

⸻

👩‍🍼 الأم 7:
“دكتور، ابني ميعرف الشبع، كل خمس دقايق يريد رضاعة!”
= شلون عرفتي؟
“من يبچي، أعرفه يريد رضاعة.”
👨‍⚕️ الرد:
#بنتي، مو كل بكاء يعني جوع. أكو أسباب متعددة لبكاء الطفل، فلا يجوز ان نرضّعه كل خمس دقايق.

⸻

👩‍🍼 الأم 8:
“دكتور، ابني عمره ١٠ أيام، أبوه يريد يطهره، وأنا گلت ننتظر تموز!”
👨‍⚕️ الرد:
#بنتي، شنو علاقة تموز بالطهور؟ الطهور يُفضّل خلال الأسبوع الأول، حتى لو كان بالشتاء.

⸻

👩‍🍼 الأم 9:
“دكتور، ابني عمره شهر، وما يثبت راسه!”
👨‍⚕️ الرد:
#طبيعي، الطفل يبدى يثبت راسه بين ٣ إلى ٤ أشهر.

⸻

👩‍🍼 الأم 10:
“دكتور، بنتي وزنها عند الولادة ٣ كغم، وهسه عمرها ١٠ أيام، ونفس الوزن!”
👨‍⚕️ الرد:
#بنتي، الطفل عادة ينقص وزنه بالأيام الأولى. بعد ١٠ أيام يبدأ الوزن بالزيادة. الأمور طبيعية جداً.

⸻

📌 تذكير:
إذا كانت الأعراض شديدة أو مقلقة فعلاً، راجعي الطبيب فوراً للفحص. لكن لا تخافين من الأمور الطبيعية اللي تمر بيها كل أم جديدة. ❤️

⸻

#هسة أي أم مرت بهاي الحالات أو حالة مشابهة، خل تخبرنا وتخبر الأمهات شلون تعاملت ويا الحالة؟

د.طارق كنعان
السيدية
07711431579
07806592248

06/05/2025

عادات خاطئة
عزيزتي الام الرجاء الانتباه لها :-

١. ربط تغذية الطفل بالبكاء : فالبكاء له اسباب عديدة ، وهناك اطفال قليلي البكاء سيموتون جوعا في هذه الحالة .
٢. استخدام الملهية : خاطيء
٣. استخدام القماط : خاطيء
٤. استخدام الحجلة : خاطيء
٥. استخدام الكحل لحديث الولادة : خاطيء
فالكحل يحتوي على مادة الرصاص ، مما قد يؤدي الى التسمم بالرصاص وحدوث نوبات من الاختلاجات المتكررة ( الشمرة)
٦.استخدام الموبايل والآيباد وبكثرة : خاطيء
٧. استخدام المضادات الحيوية لكل شيء : خاطيء
٨. استخدام الفلاجيل لكل حالات الاسهال حتى الفايروسية منها : وهذا خطأ كبير
٩. استخدام عصارات مختلفة لمنطقة الحفاضة والتي قد تحتوي على مادة الكورتيزون المضر للجسم ولفترات طويلة .
١٠. استخدام مواد ضارة للجسم واعطاؤها للطفل بحجة تسمينه ك( البرياكتين ، والدكسون )
١١. كثير من الامهات يطلبون منى وصف الابر لاطفالهم بحجة انهم لايشربون الشراب وهم لايستحقون تلك الابر ، ولو نفذت مطلبهم لكان علاج ٩٠% من الاطفال فقط ابر لان وكما تعرفون ان غالبية الاطفال لايشربون الشراب الا ب(معركة) .
١٢. مقارنة الطفل بأحد اطفال العائلة كإبن الاخ او ابن الاخت ، ومحاولة تسمين طفلهم أسوة بذلك الطفل ، فأوزان الاطفال تتباين من طفل لآخر ولاضير اذا كانت ضمن الحدود الطبيعية .
١٣.تبديل الحليب باستمرار ولاسباب بسيطة جدا كالتقيؤ البسيط او البكاء او كثرة الخروج التي قد تكون طبيعية .
١٤. عدم تلقيح الطفل لاسباب بسيطة كالزكام او اليرقان الولادي البسيط .
١٥. اعطاء سكر الكلوكوز او وضع خرزة صفراء او الثوم على ملابس الرضيع في حالات اليرفان الولادي(ابو صفار) .
١٦.البحث عن الرضاعة الاصطناعية وايقاف الرضاعة الطبيعية والتي هي (هدية الله ونعمته للطفل ) ، بحجة -- حليبي ميسمن -- .
١٧.اعطاء قطرات فنستيل او شراب بيبي كالم للطفل في حالات المغص او الغازات .
١٨. تبرير اي حمى عند الطفل او اسهال بانه بسبب التسنين .
١٩. التوقف عن اعطاء العلاج الذي يصفه الطبيب عند ظهور اي طفح جلدي بسيط : فقد يكون الطفح هو جزء من المرض وليس حساسية دوائية ، الصحيح هو استشارة الطبيب ان كانت حساسية ام لا .
٢٠. نقطة اخيرة ارجو من الام الانتباه لها :
عندما تراجعين طبيب ، فالطبيب يريد ان يعرف كل شيء عن حالة الطفل لغرض تشخيص حالته ، وليس فقط الوصف الكامل للحرارة متى ارتفعت ومتى انخفضت ، فكثير من الامهات عندما اريد ان اسأل عن باقي الاعراض تجيبني ( آني بس مضوجتني الحرارة) .
اقول لها : انتي مضوجتج الحرارة هذا حقج ، بس اني لازم اشخص الحالة قبل بدء العلاج وهذا كله لصالح الطفل .

الله يحفظ كل اطفالنا من كل سوء ، ويجنبكم كل مكروه .

الدكتور
طارق كنعان
اختصاصي طب الاطفال

24/04/2025

التسمم بالنفط

عند شرب الطفل للنفط بالخطأ يلجأ الكثير من الاهل الى جعل الطفل يتقيأ ضنا منهم انهم يتخلصون من النفط ، وكثيرا مانتعرض للاسئلة حول هذا الموضوع :
الحقيقة ان الخطر الاكبر ينتج عندما يتقيأ الطفل بعد شرب النفط ، لان التقيؤ يجعل النفط يرجع من المعدة الى القصبة الهوائية والرئة وهنا تكمن الخطورة .
الرجاء عدم افتعال التقيؤ بعد شرب النفط بل ومحاولة منع التقيؤ قدر المستطاع ، مع تمنياتي لجميع اطفالنا بالصحة والعافية .

د. طارق كنعان
اختصاصي طب الاطفال

23/04/2025

كم كلمة عن السرة :

= السرة اهم مكان تعتنين بيه عند حديث الولادة
= التعقيم مستمر الى ان تسقط السرة
( تجف وتسقط بحدود 7 ايام)
=التعقيم يكون بالكحول الطبي او اليود 4%
=لتستخدمين البراستول او الكبسول لان غير مفيد نهائيا
= لتستخدمين الكُحِل لانه مضر وخطِر جدا على صحة الطفل
= اذا شفتي اي احمرار حول السرة راجعي اقرب طبيب لان هذا علامة التهاب

الصحة والعافية لجميع اطفالنا
د. طارق كنعان
اختصاصي طب الاطفال

Address

Kirkuk Governorate

Opening Hours

Monday	16:00 - 20:00
Tuesday	16:00 - 20:00
Wednesday	16:00 - 20:00
Thursday	16:00 - 20:00
Friday	17:00 - 19:00
Saturday	16:00 - 20:00
Sunday	16:00 - 20:00

Telephone

+9647806592248

Website

facebook.com

Alerts

Be the first to know and let us send you an email when طبيب اطفال : د.طارق كنعان في بغداد السيدية posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Kirkuk Governorate?