What are the opening hours?

Monday 17:00 - 20:00 Tuesday 17:00 - 20:00 Wednesday 17:00 - 20:00 Thursday 17:00 - 20:00 Saturday 17:00 - 20:00 Sunday 17:00 - 20:00

https://maps.app.goo.gl/ws4CzpPvaH4UUUm87?g_st=ic

عيادة الدكتوره زينب جمال الكوفي, كوفه/شارع السهله/مقابل عماره سميره/مجمع العلوم الطبي/مجاور صيدليه مينا, Najaf (2026)

18/12/2025

ليله جمعه مباركه مراجعينا الاعزاء
ستكون العياده مفتوحه ليوم الغد الجمعه من الساعه ٤ الى ساعه ٧ مساءا
مع تمنياتنا لكن بالصحه والسلامه

02/12/2025

الله بالخير مراجعيني🌷 ..ترة السمنة مرض… مو بس “وزن زايد”! تصنفت كمرض واله علاجاته الحديثه ويعتبر حالة طبية مركبة، واله اسباب هواااايه مختلفه تختلف من شخص للثاني مثل عوامل وراثية تأثر على شلون الجسم يخزّن الدهون وكم يحرق من طاقة.

• اختلالات هرمونية مثل مشاكل الغدة الدرقية أو اضطرابات غددية.

• نمط الحياة: قلة النوم، توتر زايد، أكل بسرعة وسعرات عالية.
• العمر وتوزع الدهون بالجسم… ومقاومه الانسولين
هذوله يغيرون شلون الجسم يتعامل ويا الطاقة— لذلك العلاج الصح لازم يكون على مقاس الحالة مو “دايت واحد يناسب الكل”

واحنا كأطباء باطنيه وغدد صم حيل نهتم لهالموضوع حتى نحافظ على القلب والكلى والكبد والبنكرياس والدراسات الحديثه تكول 👇

خسارة نسبة بسيطة من الوزن — تقريبًا 5–10% — تكدر تخفف من مخاطر الضغط والسكري والكوليسترول وتسوّي فرق كبير بصحتنا

تمنياتنا الكم بالصحه والعافيه
دكتوره زينب جمال الكوفي
اختصاص باطنيه
نجف/كوفه مقابل عماره سميره
07812398158

18/11/2025

سلام عليكم مراجعينا الكرام🌷.نحجي اليوم بخصوص مشكله شائعه جدا واشوفها تقريبا يوميا بالعياده وهي تورم القدمين..
وردتني من رسائل العياده واستأذنتها انو انزل السكرين واشرحلها شويه..

تورّم القدمين يصير لما تتجمع السوائل داخل الأنسجة، وممكن يكون بسيط أو علامة على مرض يحتاج متابعة.

طبعا منكدر نكتب علاج اذا منعرف السبب
و اول شي. نسويه نشوفه انو القدمين ثنينهم لو بس وحده نجي نفرض اذا ثنينهم متورمين

نفحص حتى نصنفه الى نوعين

نوع انطباعي
نوع غير انطباعي

شون نفحص؟
🔹 فحص تورّم القدمين (Pitting Test)
• نضغط بالإصبع (السبابة) على الجلد لمدة 5 ثوانٍ.
• يكون الضغط متوسط القوة: كافي يترك علامة بسيطة وغير مؤلم للمريض.
• أكثر الأماكن شيوعًا للفحص:
• مقدمة الساق (Shin)
• أعلى القدم Dorsum
• فوق الكاحل

⸻

نجي لتصنيفهم واسبابه🔹

1️⃣ Pitting Oedema (تورّم انطباعي)

يبقى انطباع/حفرة بعد إزالة الإصبع.

الأسباب الشائعة:
• فشل القلب
• مشاكل الكلى
• أمراض الكبد
• الدوالي وضعف الدورة الدموية
• الوقوف/الجلوس الطويل
• بعض الأدوية واكو واحد جدا شائع لان ياخذوه المرضى للضغط مثل Amlodipine)

⸻

2️⃣ Non-Pitting Oedema (تورّم غير انطباعي)

ما يترك أي حفرة، ويكون الجلد متماسك وقاسي.

الأسباب الشائعة:
• الوذمة اللمفاوية Lymphedema
• قصور الغدة الدرقية Myxedema
• السمنة الشديدة
• التهاب أو تحسس موضعي

⸻

🔹 العلاج يعتمد على السبب، لكن بشكل عام:

✔️ رفع الساقين 20–30 دقيقة يوميًا
✔️ تقليل الملح
✔️ الحركة وتجنب الوقوف/الجلوس الطويل
✔️ جوارب ضاغطة حسب الحالة
✔️ علاج السبب الأساسي (قلب، كلى، كبد، غدة، دوالي)
✔️ مراجعة الطبيب إذا كان التورّم مفاجئ أو مؤلم

⸻

🔹 شوكت نراجع الطبيب فورًا؟

⚠️ تورّم مفاجئ بقدم واحدة نحجي عليه ببوست ثاني
⚠️ ألم + حرارة + احمرار → احتمال خثره
⚠️ تورّم مع ضيق نفس أو ألم صدري
⚠️ عدم تحسن خلال أيام

طبعا حتى نكدر نصنف ونشخص ونعالج راح نحتاج الفحص وكذلك هوااايه تحاليل

مع تمنياتنا لمريضتنا العزيزه وكل مرضانا الاعزاء بالصحه والسلامه

دكتوره زينب جمال الكوفي
اختصاص باطنيه
كوفه ..مقابل عمارة سميره 07812398158

10/11/2025

🔹 تضخّم الغدة الدرقية (Goiter) 🔹

الغدة الدرقية هي غدة صغيرة على شكل فراشة 🦋 موجودة بأسفل الرقبة، مسؤولة عن تنظيم طاقة الجسم ونبض القلب والحرارة.
لما تكبر عن حجمها الطبيعي، نسمي الحالة تضخّم الغدة الدرقية.

👩‍⚕️ هل التضخّم خطير؟
مو دائماً! أكثر الحالات تكون حميدة، بس لازم تنفحص لأن أحياناً ممكن تكون بيها عُقد أو ورم خبيث (نادر).

⸻

⚠️ الأعراض:
• انتفاخ واضح أو تورّم بالرقبة.
• صعوبة بالبلع أو النفس 😮‍💨
• بحة بالصوت أو سعال.
• أحياناً يصاحبه خمول (تعب، زيادة وزن، إمساك) أو نشاط زايد (نحف، خفقان، تعرّق).

⸻

💡 الأسباب:
• نقص اليود بالأكل.
• أمراض مناعية مثل هاشيموتو (تسبب خمول) أو غريفز (تسبب فرط نشاط).
• عُقد أو أكياس داخل الغدة.
• الحمل أو تغيّر الهرمونات.
• أحياناً بسبب أدوية مثل الليثيوم أو الأميودارون.

⸻

🧪 التشخيص:
• فحص الطبيب + سونار للغدة.
• تحاليل الهرمونات (TSH, T3, T4).
• وإذا أكو عقدة ➡️ خزعة بالإبرة حتى نعرف إذا حميدة أو خبيثة.

⸻

💊 العلاج:
يعتمد على السبب:
• إذا خمول ➡️ حبوب الثايروكسين.
• إذا نشاط زايد ➡️ أدوية لتقليل الهرمونات.
• إذا التضخّم كبير أو يضغط على الحلق ➡️ جراحة أو علاج باليود المشع.
• أما التضخّم البسيط بدون أعراض ➡️ نتابعه فقط كل فترة ٦ اشهر

اخيرا احب انصحكم اي احد يلاحظ تغير بحجم الغده الدرقيه خل يفحص وليخاف لان ممكن يكون الموضوع بسيط وسهل العلاج

د.زينب جمال الكوفي
اختصاص باطنيه
كوفه ..مقابل عماره سميرة 07812398158

09/11/2025

مساكم الله بالخير🌷.قبل فتره اجتني مراجعه مشخصتها خمول غده درقيه( نوع هاشيموتو) ورتبتلها العلاج (ثايروكسين)وعلمتها عليه لكن للاسف وره ٣ اشهر رجعت عادت التحاليل ممتحسنه ولا متغيره
ولا مشتغل الدوه ولا متحسنه الاعراض😢

لما دققت وياها لگيت الاخطاء التاليه..
1..المريضه تاخذ الدواء صباحا مباشره قبل الاكل❌
الصح لازم تاخذه قبل الاكل بساعه وعلى معده فارغه لان الاكل يقلل امتصاص الدواء✅

2..المريضه جانت تشرب حليب ويه الافطار ..وتاخذ مكملات بعد الافطارمباشره ..طبعا ميصير لان الكالسيوم يقلل امتصاص الثايروكسين
بعد اكو ادويه ممنوعه ويه الثايروكسين
👈الحديد..الكالسيوم وبعض المكملات كفيتامينات ومعادن وادويه المعده
بالقليل لازم فاصل ساعتين بينهم وبين الثايروكسين

3..المريضه مملتزمه بالعلاج يوميا ولا ملتزمه بساعه العلاج الي حددتها (صباحا))
لان هذا هرمون واله ساعه بيولوجيه معينه اذا التزمنا بيها صار مستوى الهرمون بالجسم ثابت

وره ماصححنا هالاخطاء وصارت تاخذ الدواء يوميا ساعه ٧ صباحا صائمه وتشربه مع ماء فقط وتاخذ افطارها وره ساعه ومكملاتها بعد الغداء

رجعتلي اليوم وره ٨ اسابيع التزام نسبه تحليل الغده طبيعيه😍😍 واعراض الخمول مختفيه

لكل مرضى خمول الغده التزمو بالتعليمات
حتى تتنعمون بحياة صحيه جيده بعيده عن الاعراض والمضاعفات

د.زينب جمال الكوفي
اختصاص باطنيه
كوفه ..مقابل عماره سميره 07812398158

08/11/2025

مرحبا متابعينا..صديقتي طبيبه بالبحرين تقول الموجه مالت الانفلونزا يمها ايضا جدا قاسيه وداخلين استنفار..بس همه شنوو يسوون مسحات ..
دتطلع نتيجه المسحه👈( انفلونزا نوع A)
واحنا ماعدنا مسحات😐
عموما قررت احجيلكم عن انفلونزا نوع أي

الانفلونزا بشكل عام انواع A B C D
B .. هذي الانفلونزا الخفيفه الموسميه
الي تصيب الانسان والخنازير وخفيفه C
اما D هذي تصيب الحيوان فقط

هسه نرجع ل نوع A
هذا النوع يصير عاده ببدايه الشتاء وغثيثه وقويه وهي هذي الي تطلع منها المتحورات القويه مثل H1N1الخنازير وانفاونزا الطيور H5N1 وتتطور كل سنه
وممكن تسبب اوبئه وشديده العدوى

🖍️فتره الحضانه من يوم الى اربعه ايام
بالعاده يومين
وفتره العدوى تبلش قبل يوم من بدئ الاعراض الى حوالي اسبوع بعد ضهورها

الاعراض

ارتفاع حرارة (تصل إلى 39–40 م°)
• صداع شديد
• تعب وألم عضلي
• سعال جاف
• التهاب حلق
• انسداد أو سيلان أنف
• فقدان شهية، وأحيانًا غثياناو قيئ أو إسهال (خصوصًا عند الأطفال

نتمنى منكم اتخاذ اجراءات الوقايه من لبس كمامه وعزل المرضى وتعقيم الاسطح

Abbas Almaialy
واكيد شكرا سيد عباس
يضيف على البوست👇
((عاشت ايدكم دكتورة
بالتوفيق ان شاء الله
ماننسى ايضاً لقاحات الافلاونزا المتوفرة بالمراكز صحييية
واستعمال المكملات الغذائية لتقوية المناعة بعد استشارة الطبيب المختص))

د.زينب جمال الكوفي
اختصاص باطنيه
كوفه..مقابل عماره سميرة 07812398158

07/11/2025

مراجعينا الكرام ..جمعه مباركه عليكم يارب
نعتذر من حضراتكم ستكون العياده مغلقه غدا بسبب اعمال الصيانه..
ونعود لاستقبالكم ان شاء الله يوم الاحد
شاكرين تفهمكم🌷

05/11/2025

بس خلونا نتفق..انو الكحه بعد الالتهاب الفايروسي اخخخر شي تروح ممكن تطول ل٦ اسابيع
اتفقنا؟ بعد مو تجون تكوليلي دكتوره صرنا زينين بس الكحه مراحت🤦🏼‍♀️

طبعا هوايه اسباب لهالشي منها استجابه الجهاز العصبي للالتهاب وبقايا البلغم العالقه واستجابه الجسم لعمليه الالتهاب

30/10/2025

الفايروس الجديد🦠🦠🦠
اليوم كنت الصبح بالاستشاريه شفت ١٧٠ مريض تقريبا اغلبهم حراره مرتفعه وكحه

كان بعضهم عنده اختناق و وزه قويه بصدرهم هذا فايروس RSV
والقسم الاخر كان انفلونزا عاديه بس شنو قويه على حجايه اهلنا قبل (تدگ بالعظم)
حراره مرتفعه ،،
احتقان بلعوم ،،
رشح ،،سعال ،،الم بالعظام وممكن قيئ واسهال

يعني هم فايروس 🤒🤒
ولان تغيير جو ومدارس تفشت بسرعه

بس هم نلاحظ بالفتره الاخيره تطور الفايروسات وقوتها وقله المناعه بسبب نمط الحياه المعتمد على الاغذيه المصنعه والحلويات وعدم المشي وممارسه الرياضه واستخدام المضادات الحيويه بدون وعي وبطرق خاطئه

للوقايه😷
لبس الكمامه
عزل الاطفال المصابين واعطاءهم اجازه واستراحه بالمنزل
تهويه الصفوف جيدا
غسل اليدين باستمرار
تعقيم الاسطح والرحلات بالكحول
لقاح الانفلونزا الموسمي للفئات قليله المناعه والمصابه بالربو والامراض التنفسيه المزمنه

العلاج💊💊💊

اغلب الحالات تتشافى خلال اسبوع وبهذي الفتره نحتاج ادويه لتخفيف الأعراض
مثل ادويه لل: حرارة، مسكنات ألم، ادويه للسعال 🤒
• شرب سوائل هوايه لتلافي الجفاف 💧
• الراحة الكافية 😴
بعض الاحيان نحتاج مضاد حيوي في حال صار التهاب بكتيري ثانوي
وايضا بعض المرضى ممكن تبقى عندهم الكحه فترات طويله تصل لاسابيع بسبب حصول تحسس بعد الالتهاب الفيروسي يتطلب علاج

واخيرا احب اضيف انو صح الاعراض قويه وممكن تحتاج مسكنات وريديه ومغذيات لكن ميطلب الهلع لان الحمد لله اغلب الحالات متوسطه الشده ولا تحتاج دخول المستشفى

الدكتورة زينب جمال الكوفي
اختصاص باطنية
كوفه..مقابل عماره سميره07812398158

29/10/2025

🆘 مرض منتشر بين الاطفال في المدارس ( ابو الطفح الجلدي) بالايد والرجل وكلها تنشر صور ايدين ورجلين اطفالهم

حبيت احجي عنه شويه 👇

🖐️👣 فيروس يسبب مرض اسمه اليد والفم والقدم

في الفترة الأخيرة نلاحظ ضجه عن حالات مرض اليد والفم والقدم (Hand, Foot and Mouth Disease) بين الأطفال في المدارس ورياض الأطفال بالعراق، وهو مرض فيروسي شائع جدًا يسببه نوع من فيروسات Coxsackie أو Enterovirus.

الفيروس ينتقل بسهولة عن طريق:

• رذاذ الفم والعطاس،
• ملامسة الأسطح أو الألعاب الملوثة،
• أو عن طريق البراز أثناء تبديل الحفاظات.

⏱️
فترة الحضانة والعدوى

🔹 فترة الحضانة:
هي المدة بين دخول الفيروس للجسم وظهور الأعراض، وتستمر عادةً من 3 إلى 6 أيام.
خلالها الطفل ما عنده أعراض، لكن الفيروس يبدأ يتكاثر بالجسم.

🔹 فترة العدوى:

• الطفل يكون أكثر عدوى خلال الأسبوع الأول من ظهور الأعراض (وقت الحمى والطفح).
• لكن الفيروس ممكن يبقى بالجهاز الهضمي وينطرح بالبراز لمدة 3 إلى 4 أسابيع بعد الشفاء،�لذلك حتى بعد تحسن الطفل لازم نستمر بالاهتمام بغسل اليدين بعد الحمام أو تبديل الحفاظ حتى ما تنتقل العدوى.

🔹 الكبار المصابين (حتى لو بدون أعراض) ممكن ينقلون العدوى بنفس الطريقة، خصوصًا إذا يتعاملون مع أطفال مصابين.

👧
منو يصاب بيه؟

الأكثر عرضة هم الأطفال دون 10 سنوات، خاصةً ببيئات مزدحمة مثل الصفوف والمدارس.
لكن من المهم نعرف إن الكبار ممكن ينصابون أيضًا، خصوصًا:

• الأهل اللي عدهم أطفال مصابين،
• الكوادر التعليمية،
• أو الكوادر الطبية.

وعند الكبار تكون الأعراض عادة أخف:
حمى خفيفة، تعب، وآلام بسيطة بالعضلات، مع طفح جلدي على اليدين والقدمين وقد يظهر أو لا يظهر بالفم.

⚠️
شلون يبين المرض؟

الأعراض عادة تبدأ بـ:

• حرارة ، فقدان شهية، وتعب،�وبعد يومين يطلع الطفح المميز:
• نقاط حمراء أو بثور صغيرة مؤلمة على راحتي اليدين وأخمص القدمين،
• وأحيانًا داخل الفم على اللسان أو الخد الداخلي.

لكن مو بكل الحالات تكون القرح الفموية موجودة 👇
🔹 بعض الأطفال أو الكبار يظهر عندهم فقط الطفح بالأيدي والأرجل بدون الفم،
وهذا يعتبر شكل “خفيف أو غير نمطي” من المرض لكنه يبقى نفس الفيروس ونفس العدوى.

💊
العلاج

ماكو علاج خاص، فقط راحة، سوائل كافية، وخافض حرارة.
تقرحات الفم إذا موجودة ممكن نستخدملها غسول ملطف أو جل مخدر خفيف.
الأعراض تختفي خلال 7–10 أيام بدون أي مضاعفات.

🧼
الوقاية

• غسل اليدين بشكل متكرر خصوصًا بعد تبديل الحفاظ.
• تعقيم الأسطح والألعاب المدرسية.
• عزل الطفل المصاب عن المدرسة مؤقتًا حتى يختفي الطفح.
• تجنب مشاركة الأكل أو الكؤوس بين الأطفال.

هذا نوع..اكو بعد فيروس اخر منتشر يصيب الجهاز التنفسي اسمه RSV وكلها الاطفال تنگ و وزه بصدرها نحجي عنه غدا ان شاء الله

بس حبيت انوه انو هالفيروسات موجوده من زمان وكل سنه تطلع هالحالات بس هالسنه دا الاحظها اقوه

تمنياتي الكم ولاطفالكم دوام الصحه والوقايه من الامراض

الدكتورة زينب جمال الكوفي
اختصاص باطنيه
كوفه..مقابل عماره سميره 07812398158

26/10/2025

مساء الخير مراجعينا الاعزاء 🌺
اليوم اريد اتكلم عن شي جدا شائع ونشوفه هوايه هالايام بالعياده

الكبد الدهني… يعتبر مشكلة صامتة بس نكدر نسيطر عليها!

الكبد هو مصنع الجسم، ينقّي الدم ويخزّن الطاقة والفيتامينات، بس ويا نمط الحياة السريع والأكل الدهين، صار الكبد الدهني (Fatty Liver) واحد من أكثر الأمراض الشائعة بهالسنين.

⸻

🔹 شنو أسباب الكبد الدهني؟
• السمنة أو زيادة الوزن.
• قلة الحركة والنشاط.
• السكري أو مقاومة الإنسولين.
• الأكل الغني بالدهون والسكريات.
• بعض الأدوية 👇مثل

💊 الكورتيزون مثل Prednisolone أو بخاخات Budesonide و Fluticasone اللي يستخدمها مريض الربو، خصوصًا إذا أخذها فترات طويلة.
• حبوب منع الحمل الهرمونية (اللي تحتوي Estrogen + Progesterone).
• وغيرها وعوامل وراثيه ايضا

⚠️ مو كل من ياخذ هاي الأدوية راح يصير عنده كبد دهني، بس ضروري متابعة فحوصات الكبد بشكل دوري.

⸻

🧬 درجات الكبد الدهني حسب الأشعة:

1️⃣ درجة أولى (خفيفة):
دهون بسيطة داخل خلايا الكبد، ما تسوي أعراض، وتتحسن بسهولة بنزول الوزن وتنظيم الأكل.

2️⃣ درجة ثانية (متوسطة):
الدهون تزيد أكثر، وأحيانًا يصير ارتفاع خفيف بإنزيمات الكبد.

3️⃣ درجة ثالثة (شديدة):
الكبد متروس دهون، يبدأ يتأذى ومع الإهمال ممكن يصير التهاب أو تليف كبدي.

⸻

💚 العلاج والنصائح:

الكبد الدهني ممكن يتحسن تمامًا إذا اكتشفناه بوقت مبكر، وهاي أهم الخطوات:
• تخفيف الأكل الدهين والمقالي والسكريات.
• مشي وممارسه رياضة خفيفة يوميًا.
• تنزيل الوزن بشكل تدريجي.
• مراقبه تحاليل الكبد والدهون والسكري باستمرار.

⸻

✨ نصيحة من القلب:
الكبد ما يوجّع، بس إذا تعب يأثر على كل الجسم. فالمتابعة والفحص المبكر أهم خطوة حتى نحافظ على صحتنا.

📍بعيادتنا نشوف ليا درجة الكبد الدهني عندك ونخلي خطة علاج وغذاء خاصة إلك حسب حالتك.

مع تمانياتنا الكم بالصحه والعافيه

دكتوره زيني جمال الكوفي
اختصاص باطنيه
الكوفه..مقابل عماره سميره
07812398158

03/03/2025

مراجعينا الكرام رمضان مبارك ..اعاده الله عليكم باتم الصحه والبركات.
يكون دوام العياده في الشهر الفضيل من الساعه الثالثه عصرا الى الساعه السادسه مساءا .

عياده الدكتوره زينب جمال الكوفي
كوفة/ شارع السهله /مقابل عماره سميره
رقم الحجز
0781 239 8158

عيادة الدكتوره زينب جمال الكوفي

18/12/2025

02/12/2025

18/11/2025

10/11/2025

09/11/2025

08/11/2025

07/11/2025

05/11/2025

30/10/2025

29/10/2025

26/10/2025

03/03/2025

Address

Opening Hours

Website

Alerts

Shortcuts

Share

Category

Monday	17:00 - 20:00
Tuesday	17:00 - 20:00
Wednesday	17:00 - 20:00
Thursday	17:00 - 20:00
Saturday	17:00 - 20:00
Sunday	17:00 - 20:00