Baraw Tandrwstiaky Bashtr

Baraw Tandrwstiaky Bashtr لە پێناو تەندروستیەکی باشتردا

چا خواردنه‌وه‌ ده‌بێته‌هۆى دووربوون له‌نه‌خۆشى دڵ ::به‌پێى توێژینه‌وه‌یه‌ك هه‌ر كه‌سێك به‌شێوه‌یه‌كى رِۆژانه‌ چا بخواته‌...
18/12/2017

چا خواردنه‌وه‌ ده‌بێته‌هۆى دووربوون له‌نه‌خۆشى دڵ ::

به‌پێى توێژینه‌وه‌یه‌ك هه‌ر كه‌سێك به‌شێوه‌یه‌كى رِۆژانه‌ چا بخواته‌وه‌ ئه‌وا دورده‌بێت له‌ تووش بوونى به‌نه‌خۆشى نۆره‌دڵێ.
ئه‌و توێژینه‌وه‌یه‌ كه‌ له‌ وڵاتی به‌ریتانیا ئه‌نجامدراوه‌ ئاماژه‌ به‌وه‌ده‌كات هه‌ركه‌سێك به‌شێوه‌یه‌كى به‌رده‌وام و به‌رنامه‌دار رِۆژانه‌ لایه‌نى كه‌م كوپێك چا بخواته‌وه‌ ئه‌وا دورده‌بێت له‌تووش بوون به‌نه‌خۆشییه‌كانى دڵ.
له‌به‌شێكى ئه‌و لێكۆڵینه‌وه‌یه‌دا ئه‌وه‌به‌گرنگ دانراوه‌كه‌ خواردنه‌وه‌ی یه‌ك كوپى چا رۆژانە ده‌بێته‌ هۆى سوود گه‌یاندنى زۆر بە مێشكى مرۆڤ و پاراستنى له‌چه‌ندین رِووبه‌رِووبوونه‌وه‌.

كێوی پارێزگاری له‌ په‌ستانی خوێن ده‌كات :: له‌ توێژینه‌وه‌یه‌كی ئه‌مه‌ریكیدا كه‌ له‌سه‌ر ده‌یان كه‌س ئه‌نجام دراوه‌ ئه‌و...
01/01/2013

كێوی پارێزگاری له‌ په‌ستانی خوێن ده‌كات ::

له‌ توێژینه‌وه‌یه‌كی ئه‌مه‌ریكیدا كه‌ له‌سه‌ر ده‌یان كه‌س ئه‌نجام دراوه‌ ئه‌وه‌ سه‌لمێندراوه كه‌ كێوی یه‌كیكه‌ له‌و میوانه‌ی رۆڵ و كاریگه‌رییه‌كی گرنگی هه‌یه‌ له كۆنترۆلكردنی به‌رزبوونه‌وه‌ی په‌ستانی خوێن له‌ مرۆڤدا، بۆیه‌ پزیشكان ئامۆژگاری كه‌سانی تووش بوو به‌ نه‌خۆشی به‌رزبوونه‌وه‌ی په‌ستانی خوێن ئه‌كه‌ن كه‌ رۆژانه‌ گرنگی به‌ خواردنی كێوه‌ بده‌ن..

سەیری شكاویەكەی مەكەن, ئێسك بەهێز دەكات :: جارێك توێژینەوەیەكم خوێندەوە دەیوت تەماتە سەوزە نییە,میوەیە!, ئێستا تێگه‌یشتم...
26/12/2012

سەیری شكاویەكەی مەكەن, ئێسك بەهێز دەكات ::

جارێك توێژینەوەیەكم خوێندەوە دەیوت تەماتە سەوزە نییە,میوەیە!, ئێستا تێگه‌یشتم راست دەكات!..
ئێمەی كوردیش چونكە تەماتە زۆر و زەبەندە و لە بەردەستماندایە خەریكە لە بیرمان دەچێت كە خواردنێكی چەند گرنگە و بەهایەكی خۆراكی چەند گرنگی هەیە, ئەوەتا لە توێژینەوەیەكی نوێی بەریتانیدا سوود و گرنگیەكی تری تەماتە ئاشكرا دەكرێت, توێژینەوەكە دەڵێت بەهۆی دەوڵمەندی تەماتە بە مادەی كیمیاوی (لیكۆبین) تەماتە رۆڵێكی زۆر گرنگی هەیە لە پتەوكردن و بەهێزكردنی ئێسكەكانی لەشی مرۆڤ, بە تایبەتی لەو كەسانەدا كە نەخۆشی ئێسكیان هەیە بە تایبەتیش ئیسكە نەرمە, هەروەها مرۆڤ كاتێك دەچێتە تەمەنەوە زۆر پێویستی بەم مادەیە دەبێت بۆ پاراستنی ئێسكەكانی لەشی لە شكان و نەخۆشی, چونكە زانراوە كە مرۆڤ بەچوونە تەمەنەوە توشی بێهێزی و فشەڵی ئێسكەكانی لەشی دەبێت.

لە كۆتایدا توێژەرەوەكان ئەوەیشیان ئاشكرا كردووە كە تەماتە ڕۆڵێكی زۆر گرنگی هەیە لە كەمكردنەوەی تووشبوون بە شێرپەنجەی پرۆستات لە پیاواندا, هەروەها ئەگەری تووشبوونی مرۆڤیش بە نەخۆشیەكانی دڵ كەمدەكاتەوە..

بە سەوزە و میوە خۆت لە شێرپەنجە بپارێزە :: كە ئەڵێن نەخۆشی شێرپەنجە (سرطان) پیاو گیانی دەلەرزێ!!, یان له‌ هەندێك ناوچە م...
04/11/2012

بە سەوزە و میوە خۆت لە شێرپەنجە بپارێزە ::

كە ئەڵێن نەخۆشی شێرپەنجە (سرطان) پیاو گیانی دەلەرزێ!!, یان له‌ هەندێك ناوچە مرۆڤ كە تووشی بوو خەڵكی وا دەزانن خوا غەزەبی لەو كه‌سه‌ گرتووە!, لە كاتێكدا لە هەردوو بارەكەدا مەفهومەكە هەڵەیە, جارێ یەكەم شێرپەنجە وەكو هەرنەخۆشیەكی تر بارێكی خوداییە و مرۆڤ (خوانەخواستە ئەگەر توشی بوو) سەبری هەبێت له‌سه‌ری لای خوا پاداشت وەردەگرێت, دووەمیش شێرپەنجە هەرچەندە هۆكارەكەی بە تەواوی نەزانراوە بەڵام ڕێگاكانی خۆ پاراستن لێی وەكو رۆژی رووناك دیارە, ئەوەتا لە توێژینەوەیەكی زانستیدا كە لە وڵاتی ئیسپانیا و چەند وڵاتێكی تردا بە ئەنجام گەیەنراوە ئەوە دەركەووتوە كە گرنگی دان بە خواردنی سەوزە و میوە رێگایەكی زۆر بە هێزە بۆ خۆپاراستن لە تووشبوون بە نەخۆشیە شێرپەنجەییەكان, لەو توێژینەوەدا كە كە 500 هەزار كەس تێیدا بەشدار بوونە دەركەوتووە كە ئەگەر مرۆڤ رۆژانە گرنگی بەخواردنی سەوزە و میوە بدات (بە تایبەتی سەوزە و میوەی تازە و هەمەجۆر) ئەوە بەرێژەیەكی زۆر باش بەدوور دەبێت لە تووشبوون بە نەخۆشییه‌ شێرپەنجەییه‌كان, دەی وەرن با هەموومان ئەم رێنماییە بەجوانی جێبەجێبكەین, و دەور و بەرەكەشمانی لێ ئاگادار بكەینەوە..

بۆ خۆپاراستن لە نەخۆشی كۆلێرا ، دوور كەوە لە خواردنی خواردن و خواردنەوەی سەردانەپۆشراو یان دانراو لە سەر شۆستەكان  .لە چ...
01/10/2012

بۆ خۆپاراستن لە نەخۆشی كۆلێرا ، دوور كەوە لە خواردنی خواردن و خواردنەوەی سەردانەپۆشراو یان دانراو لە سەر شۆستەكان .

لە چێشتخانەكان سەوزە مەخۆ , ماستاوی قوتونەكراو مەخۆوە ، ئاوی بوتڵ بەكاربهێنە .

بۆخۆپاراستن لە نەخۆشی كۆلێرا ، ئاوی پاك ( دوای كوڵاندن و ساردبونەوەی) بەكاربهێنە بۆ خواردنەوە، بۆ چێشت لێنان  و شۆردنەوە...
01/10/2012

بۆخۆپاراستن لە نەخۆشی كۆلێرا ، ئاوی پاك ( دوای كوڵاندن و ساردبونەوەی) بەكاربهێنە بۆ خواردنەوە، بۆ چێشت لێنان و شۆردنەوەی سەوزە و میوە .

ئەگەر دڵنیانەبوویت لە پاكی ئاو ئەوا ئاوەكە بكوڵێنە بۆ ماوەی (5) خولەك یان كلوری تێبكە بۆ پاككردنەوەی ..

بۆ خۆپاراستن لە نەخۆشی كۆلێرا ، خواردن بەباشی بكوڵێنە .. خواردنی هەڵگیراو جوان گەرم بكەوە پێش خواردنی .
01/10/2012

بۆ خۆپاراستن لە نەخۆشی كۆلێرا ، خواردن بەباشی بكوڵێنە ..
خواردنی هەڵگیراو جوان گەرم بكەوە پێش خواردنی .

بۆ خۆپاراستن لە نەخۆشی كۆلێرا ، دەستەكانت بەئاو و سابون جوان بشۆ .. پێش ئامادەكردنی خواردن ، پێش نان خواردن  وە دوای دەر...
01/10/2012

بۆ خۆپاراستن لە نەخۆشی كۆلێرا ، دەستەكانت بەئاو و سابون جوان بشۆ ..
پێش ئامادەكردنی خواردن ، پێش نان خواردن وە دوای دەرچوون لە ئاودەست .

وەرزش بكەن با توشی كەئابە نەبن! :: هەمیشە گەڕانەوە بۆ سروست باشترین چارەسەرە بۆ سەرجەم نەخۆشی و ناڕەحەتییەكان. لە توێژین...
14/09/2012

وەرزش بكەن با توشی كەئابە نەبن! ::

هەمیشە گەڕانەوە بۆ سروست باشترین چارەسەرە بۆ سەرجەم نەخۆشی و ناڕەحەتییەكان.
لە توێژینەوەیەكی تازەی نەرویجیدا ئەوە ئاشكرا كراوە كە وەرزش كردن به‌ رێژەی باش توشبوونی مرۆڤ بە كەئابە و قەلەقی كەم دەكاتەوە.
لەو توێژینەوەدا كە زیاتر لە چل هەزار كەس تێیدا بەشداربوونە ئەوە سەلماوە كە ئەو كەسانەی رۆژانە و لە كاتە بەتاڵەكانیاندا وەرزش دەكەن هەست بە دڵخۆشی و بڕوا بەخۆبوونی زیاتر دەكەن, و بەدوور دەبن لە توشبوون بە نەخۆشیەكانی خەمۆكی (كەئابە) و دوودڵی (قەلەقی).

جێگای ئاماژە پێدانە لە چەندین لێكۆڵینەوە و توێژینەوەی تردا دەیان سوودی وەرزش كردن سەلماوە ، لەوانە وەرزشكردن مرۆڤ دەپارێزێت لە شێرپەنجە و نەخۆشیەكانی دڵ و بۆریەكانی خوێن, هەروەها وەرزش كردن سیستەمی بەرگری لەش به‌هێز دەكات و به‌مه‌ش له‌ش دەیپارێزێت لە زۆرێك لە نەخۆشیەكان.

ئەتەوێت زیرەك بیت؟! مەلە بكە :: پەیامبەر (د.خ) دەفەرموێت منداڵەكانتان فێری ئەسپسواری و مەلەوانی بكەن, بەراستی (صدق رسول ...
11/06/2012

ئەتەوێت زیرەك بیت؟! مەلە بكە ::

پەیامبەر (د.خ) دەفەرموێت منداڵەكانتان فێری ئەسپسواری و مەلەوانی بكەن, بەراستی (صدق رسول الله)!, ئەوەتا لە توێژینەوەیەكی زۆر سەرسوڕهێنەردا كە لە وڵاتی ئوسترالیا ئەنجام دراوە و زیاد لە دە هەزار منداڵ بەشداریان تێدا كردووە ئەوە سەلمێنراوە كە مەلەكردن رۆڵێكی زۆر گەورەی هەیە لە درووستكردنی لاشەیەكی تەندروستدا لە منداڵدا.

لە توێژینەوەكەدا ئەوە سەلمێنراوە كە مەلەكردن هۆكارێكی زۆر گرنگە بۆ زیادكردنی ئاستی زیرەكی لە منداڵاندا, ئەو منداڵانەی مەلە دەكەن لە ڕووی عەقڵی و لاشەیی و كۆمەڵایەتیەوە زۆر لەپێشتر و باشترن لەو منداڵانەی كە مەلە ناكەن.

هەروەها توێژەرەوان دەڵێن ئەو منداڵانەی مەلە دەزانن زیاتر سیقەیان بەخۆیان هەیە لەچاو مندڵانی تردا.
لەكۆتایدا پسپۆڕە دەروونیەكان ئەوەیان ئاشكرا كردووە كە ئەو قوتابخانانەی مەلەكردن بەشێكە لە وەرزشیان, ئاستی زیرەكی و زانستیان زۆر بەرزترە لە قوتابخانەكانی تر.

خواردنی‌ سێو كرداری هه‌رسكردن باش ده‌كات :: به‌پێی‌ توێژینه‌وه‌یه‌كی‌ نوێ‌ ده‌ركه‌وتووه‌ كه‌ خواردنی‌ سێو ده‌بێته‌هۆی‌ خ...
19/05/2012

خواردنی‌ سێو كرداری هه‌رسكردن باش ده‌كات ::

به‌پێی‌ توێژینه‌وه‌یه‌كی‌ نوێ‌ ده‌ركه‌وتووه‌ كه‌ خواردنی‌ سێو ده‌بێته‌هۆی‌ خێرا هه‌رسكردنی‌ خوارده‌مه‌نی‌ و ته‌ندروستیش باش ده‌كات.

توێژه‌ران له‌ په‌یمانگایه‌كی‌ تایبه‌ت به‌ خوارده‌مه‌نییه‌كان له‌زانكۆی‌ ستۆكهۆڵمی‌ سویدی‌ گه‌یشتوونه‌ته‌ ئه‌و ده‌ره‌نجامه‌ی‌ كه‌ خواردنی‌ سێو ده‌بێته‌ هۆی‌ خێرا هه‌رس كردن و به‌هێزكردنی‌ ته‌ندروستی‌ مرۆڤ.

ئه‌و توێژه‌رانه‌ تاقیكردنه‌وه‌كانیان له‌سه‌ر مشك ئه‌نجام داوه‌و گه‌یشتوونه‌ته‌ ئه‌و ئه‌نجامه‌ی‌ كه‌ سێو چ به‌شێوه‌ی‌ ئاسایی‌ خۆی‌ یان به‌شێوه‌ی‌ شه‌ربه‌ت جۆره‌ ماده‌یه‌كی‌ تێدایه‌ كه‌ ده‌وڵه‌مه‌نده‌ بۆ به‌رزكردنه‌وه‌ی‌ ڕێژه‌ی‌ ئه‌و به‌كتریایانه‌ی‌ كه‌ یارمه‌تی‌ هه‌رسكردن ده‌ده‌ن ئه‌مه‌ش ده‌بێته‌هۆی‌ پێدانی‌ ته‌ندروستییه‌كی‌ باش.

بۆ خاتری خوا خوێ مەخۆن! :: تۆ بڕوات بەو قسە هەیە كە دەڵێت مرۆڤ هیوایەتیەتی لاسایی گیانداران بكاتەوە؟!, من دەڵێم بە دڵنیا...
10/04/2012

بۆ خاتری خوا خوێ مەخۆن! ::

تۆ بڕوات بەو قسە هەیە كە دەڵێت مرۆڤ هیوایەتیەتی لاسایی گیانداران بكاتەوە؟!, من دەڵێم بە دڵنیاییەوە بەڵێ!, ئەوەنیە لە توێژینەوەیەكدا دەڵێت ئەمەریكیەكان لەسەدا نەوەدیان زیاد لە پێویست خوێ دەخۆن!, ئەمە ئەگەر لاساییكردنەوەی بزن نەبێت چی ترە؟!!.

خۆزگا ئەم لاسایكردنەوەش شتێكی باش بوایە, ئەوەتا سەرجەمی توێژینەوەكان كە لە هەردوو وڵاتی ئوسترالیا و بەریتانیا كراون ئەوە دەسەلمێنن كە خواردنی خوێی زۆر و زیاد لە پێویست رێژەی توشبوون بە نەخۆشیەكانی دڵ, سەكتەی مێشك و دڵ, و نەخۆشیە درێژخایەنەكان بەرز دەكاتەوە.

توێژەرەوان ئەوە رادەگەیەنن كە بڕی پێوستی خوێ بۆ لەشمان بەڕێژەیەكی باش لەناو خواردنە سروشتیەكاندا هەیە, بۆیە پێویست بە سوێركردنیان ناكات.

جێگای ئاماژەپێدانە خواردنە لە قوتونراوەكان رێژەیەكی زۆر لە خوێیان تێدەكرێت بۆیە وا پێویستە خۆمان لە خواردنیان بپارێزین, هەر لەبەر ئەمەشە داوادەكرێت حكومەت سنورێك بۆ ئەو كۆمپانیا و دامەزراوانە دابنێت كە خواردنی لەقوتوونراو درووست دەكەن.

Address

Kurdistan
Slemani
964

Website

Alerts

Be the first to know and let us send you an email when Baraw Tandrwstiaky Bashtr posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Baraw Tandrwstiaky Bashtr:

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category