What are the opening hours?

Monday 13:00 - 17:00 Tuesday 13:00 - 17:00 Wednesday 13:00 - 17:00 Thursday 13:00 - 17:00 Saturday 13:00 - 17:00 Sunday 13:00 - 17:00

شاری پزیشکی ئەنوەر شێخە _ بەرامبەر گردی گۆڕان _زەرگەتە

https://instagram.com/dr.hemnmahmood?igshid=5udt76lu7165

Dr.Hemn Mahmood::دکتۆر هێمن مەحموود, شاری پزیشکی ئەنوەر شێخە _ بەرامبەر گردی گۆڕان

27/09/2025

ڕۆژی 5 شەممە نەخۆشخانەی ڕزگاری لە شاری هەولێر بەشدار بووین لە تاقیکردنەوەی ئۆسکی خوێندکارانی قۆناغی چوارەمی بۆردی کوردستانی.

دکتۆر هێمن مەحموود ئاغا
دکتۆر کارزان سەردار

21/09/2025

کاک فیراس یەکێکە لە چارەخوازە ئازیزەکانم لە نەتەوەی عەرەبە نزیکەی 3 ساڵە سەردانم دەکات دوو نەخۆشی درێژخایەنی خوێن و ڕۆماتیزمی هەیە، هێندە گوێڕایەڵی ڕێنمایە پزیشکی و زانستیەکانە تەنانەت بۆ رۆژێکیش لە مەوعیدی خۆی لانادات سەرم لێدەداتەوە و هەموو ڕێنمایەکان ڕێک وەکو خۆی بێ زیاد و کەم جێ بەجێدەکات، هەروەها ڕێزێکی زۆری بۆ خەڵکی ئەکادیمی و زانستی هەیە کە بە ڕاستی من سەرسامم پێی .
لەوەش زیاتر لە خۆشەویستی بۆ خاکی و خەڵکی کوردستان کچە گەورەکەی ناو ناوە (کوردستان )

20/09/2025

کەس وەکو پزیشک لە خەمی نەخۆش نیە چونکە ئەگەر نەخۆشەکەی بەرەوە چاکبوونەوە نەڕوات ئەوا یەکەم کەس کە لۆمە دەکرێت پزیشکەکەیەتی،هەروەها ئەگەر خوا شیفای بدات ئەوا دیسان پزیشکەکەت یەکەم کەسە دوای خوای گەورە کە سوپاس دەکرێت و دەست خۆشی لێدەکرێت .بەڵام چی لەو نەخۆشانە بکەین کە بە گوێمان ناکەن نە لە دەرمان خواردن نە لە پارێز کردن .

ئەمە وێنەی نەخۆشێکی ئازیزمانە توشی نەخۆشی دەردەشا _داء الملوك بووە بۆ ماوەی چەندین ساڵە کە زۆر بەداخەوە پابەند نیە بە ڕێنماییەکانمانەوە .

کاتێک دێتەوە بۆ لامان کە کار لە کار ترازەوە و چارەسەرکردنی دەبێتە شتێکی مەحاڵ

بۆیە تکاتان لێدەکەم ئەوانەی نەخۆشی درێژخایەنیان هەیە پابەندی ڕێنمایەکانمان بن.

#دەردەشا
#ڕۆماتیزم

دکتۆر هێمن مەحموود ئاغا
پسپۆری وردی نەخۆشیەکانی جومگە و رۆماتیزم و ئێسک و فەقەرات
MRCP UK RHEUMATOLOGY
FIBMS RHEUMATOLOGY
سلێمانی شاری پزیشکی ئەنوەر شێخە
تەلەفۆن 07726131212

19/09/2025

ئەمڕۆ بەشداریمان کرد لە کۆنگرەیەکی هاوبەشی پزیشکانی پسپۆڕی جومگە و ڕۆماتیزم و سییەکان و هەناسەدان دەربارەی ڕیشاڵ بوونی سییەکان بە هۆی نەخۆشییە ڕۆماتیزمیەکان لە شاری سلێمانی .
لە کۆنگرەکەدا شادبوومەوە بە هاوڕێ و هاوپۆلەکانم کاتی خوێندنم لە بۆردی عێراقی لە شاری بەغدا .

دکتۆر عمر صباح لە شاری بەغدا
دكتوره فرح جعفر لە شاری بەغدا
دكتوره سارا لە شاری موسڵ

13/09/2025

ئاشنا بووین بە دیداری دکتۆر ئێلی مالیک لە کۆلێژی پزیشکی زانکۆی ئەمریکی لە بەیروت یەکێک لە پسپۆڕە بە ئەزموونەکان لە سەر ئاستی ڕۆژهەڵاتی ناوەڕاست لە بواری ئێسک و چارەسەری فیزیایی و وەرزشی .

22/08/2025

کورتە باسێک دەربارەی مێژووی نەخۆشییە ڕۆماتیزمیەکان لە مێژووی کۆن و نوێی پزیشکیدا

مێژووی نەخۆشیەکانی ڕۆماتیزم دەگەڕێتەوە بۆ هەزاران ساڵ پێش ئێستا، هەرچەندە خودی زاراوەی "ڕۆماتیزم" مۆدێرنە بەڵام ( لە زاراوەی یۆنانی کۆن بە واتای "شتێک دەرژێت" داهێنراوە)

🔵 سەردەمی کۆن – ٥٠٠٠ ساڵ پێش زایین
دۆزینەوەی هەوکردنی جومگە و پاشماوەی نەخۆشی دەردەشا لە ئێسکە پەیکەری فیرعەونە مۆمیاکراوەکانی میسڕ

🔵هیپۆکراتس ٤٦٠-٣٧٠ساڵ پێش زایین
هیپۆکراتس پزیشكی یۆنانی بووە ,جۆرە جیاوازەکانی هەوکردنی جومگەکانی باس کردووە، جیاوازی لە نێوان نەخۆشی درێژخایەنی جومگەکان و نەخۆشی دەردەشادا کردووە.

🔵 گالین (سەدەی دووەمی زایینی)
پزیشکی ڕۆمانی گالێن وشەی ڕۆماتیزمی بەکارهێناوە بۆ وەسفکردنی حاڵەتە ئازاربەخشەکانی جومگە و ماسولکەکان

🔵سەدەکانی ناوەڕاست
پزیشکی بەناوبانگی سەردەمی زێڕینی ئیسلام وەک ئیبن سینا لە ساڵەکانی (980-1037 زاینی) لە کتێبی (یاساکانی پزیشکی) دا باسیان لە نەخۆشی دەردەشا ، ئازاری جومگەکان و تێکچوونەکانی ماسولکە و ئێسکی کردووە.

🔵سەدەی ١٦-١٧
گویلۆم دی بایلۆ (١٥٣٨-١٦١٦)، پزیشکی فەرەنسی، یەکەم وەسفی زانستی ڕۆماتیزمی بەخشیوە. لە دەردەشای جیا کردۆتەوە

🔵سەدەی ١٨-١٩
هەوکردنی جومگەکانی ڕۆماتیزم بۆ یەکەمجار بە ڕوونی لەلایەن دکتۆر ئۆگستین جاکۆب لاندرێ بیۆڤایس لە ساڵی ١٨٠٠ لە پاریس وەسف کرا.

🔵هەروەها بۆ یەکەمجار نەخۆشی گورگە سورە
لەلایەن پزیشک پیێر کازیناڤەوە لە
ساڵی ١٨٥١ وەسف کرا.

دواتر لە سەدەی بیستەمدا لەگەڵ پێشکەوتنی بەرچاوی زانست و تەکنەلۆژیا لە وڵاتانی ئەوروپا و ئەمریکادا زۆربەی نەخۆشییە ڕۆماتیزمیەکان پێناسە کران و دۆزرانەوە هەروەها چارەسەری پێویستیان بۆ دۆزراوەیە و ئەو شۆڕشە تا ئێستاش بەردەوامە بۆ دۆزینەوەی چارەسەری گونجاو تر بۆ نەخۆشیە ڕۆماتیزمیەکان.

21/08/2025

تکایە لە نامە و کۆمێنت تەنها داوای ڕێنمایی بکەن نەک چارەسەر ..ناکرێ لە ڕێگەی نامەوە دەرمان بدرێ !!!

15/08/2025

دوێنێ (14/8/2025) سی و چوارهەمین پێداچوونەوەی خێرای تاوەری تەندروستیی سمارت دەربارەی نەخۆشی گورگە سوورە (Systemic Lupus Erythematosus) بەڕێوەچوو.

لە بۆنە زانستییەکەدا لە لایەن پزیشکانی پسپۆڕ و شارەزاوە لە 3 پانێڵی جیاوازدا تیشک خرایە سەر چەند بابەتێکی زۆر گرنگ لەوانە:

- دەستنیشانکردنی حاڵەتەکە و چارەسەرە بەردەستەکان.
- حاڵەتەکە لە گورچیلە، چاو، وە پێستدا.
- کاریگەرییە دەمارییەکانی حاڵەتەکە.
- پشکنینە بەردەستەکان.
- ڕێنماییە جیهانییەکان.

لە کۆتایی هەر پانێڵێکدا کات تەرخان کرا بۆ گفتوگۆ و پرسیار و وەڵامی زانستی لەسەر بابەتەکە و ئاماژە بە تازەترین توێژینەوە جیهانییەکان درا ...
دکتۆر هێمن محمود ئاغا
پسپۆڕی ورد/ دکتۆرا لە نەخۆشیەکانی جومگە و ئێسک و ڕۆماتیزم و فەقەرات
ئەندامی کۆلێژی پزیشکی شاهانەی بەڕیتانیا
سلێمانی شاری پزیشکی ئەنور شێخە
07726131212

12/08/2025

8 ڕێگا بۆ کەمکردنەوەی ئازاری جومگەکانت بە بێ بەکارهێنانی دەرزی و دەرمان:

🎗️جوڵە و وەرزش کردن :

زۆرجار وەرزشکردن پەیوەندی بە کەمبوونەوەی ئازاری و هەوکردنی جومگەکانەوە هەیە. وەرزشکردن بەتایبەت بۆ ئازارە درێژخایەنەکانی وەکو سەوەفان و ڕۆماتیزم ڕەنگە کاریگەر بێت چونکە ماسولکەکان بەهێز دەکات کە پشتگیری جومگەکان دەکەن، هەروەهاجەستە هان دەدات بۆ بەرهەمهێنانی ئەندۆرفین کە ئازارەکە کەم دەکاتەوە.
وەرزشەکانی وەکو مەلەکردن لە ناو ئاوی گەرم و پاسکیل و ڕۆشتن لە وەرزشە بەسوودەکانن بۆ تەندروستی جومگە و ئێسک.

🎗️خواردنی خۆراکە ڕووەکی و سروشتیەکان کە ڕێژەیەکی زۆر لە ڕیشاڵیان تێدایە وەکو سەوزە و میوەکان.

🎗️گەرمکردنی جومگەکان لە کاتی بوونی ئازاردا:

بەکارهێنانی گەرمی بۆ کەمکردنەوەی ئازارە درێژخایەناکان بەسوودە چونکە سوڕی خوێن چالاک دەکات لەو شوێنەدا.

🎗️ ساردکردنی جومگەکان لە کاتی بوونی ئازاری توند و نوێدا بەسووە بەتایبەتی ئەگەر بەهۆی بەرکەوتنی زەبری دەرەکی یاخود لە هەوکردنێکی توندا ساردی دەبێتە هۆی کەمبوونەوەی رێژەیی ئازار.

🎗️کەمکردنەوەی ئازار لە ڕێگەی چارەسەرە فیزیاییەکان و کشانی جەستەدا.. وەکو چارەسەر بە تەزووی کارەبا و سۆنار و شۆک وەیڤ و لەیزەر و کشانی جەستە_strech کە لە لایەن کەسانی شارەزا و چارەسەرکاری سروشتی فیزیاییە ئەنجامدەدرێت.

🎗️خواردنی و زیاد کردنی زەردەچەوە_کورکوم بۆ ناو خواردنەکانت:

بۆ زۆربەی کەس، تەواوکەری کورکومین ڕۆژانە لە ٢٠٠ میلیگرام بۆ ١٠٠٠ میلیگرام بەسوودە. بەڵام پێش خواردنی هەر تەواوکەرێکی خۆراکی واباشترە پرس بە پزیشکەکەت بکەی بۆ دڵنیابوونەوە لە سود و زیانەکانی تەواوکەر خۆراکیەکە.

🎗️مێدیتەیشن و یۆگا:

مێدیتەیشن یۆگا ڕێگای خێرا و سادە و سەلمێنراون و بۆ پشوودان و کەمکردنەوەی ئازار.

🎗️مەساج و شێلان لە ڕێگەی کەسانی شارەزاوە :

زانستی پزیشکی سەلماندویەتی کە شێلان دەتوانێت یارمەتیدەر بێت بۆ کەمکردنەوەی ئازار و هەوکردن و گرژبوونی ماسولکەکان.

📢ئێمە لێرەدا چەند ڕێگەیەکی باش و بە سوودمان بۆ خستنە ڕوو بۆ کەمکردنەوەی ئازاری جومگەکان بێ بەکارهێنانی دەرزی و دەرمان.
بەڵام لەوانەیە ئەم ڕێگایانە تەنها یارمەتیدەر بن بۆ کەمکردنەوەی ئازار نەک چارەسەری سەرەکی و بەهێز.

📢تۆش لە کۆمێنت بۆم بنوسە بنوسە سوودت لە چ ڕێگایەکی سروشتی بینیوە بۆ کەمکردنەوەی ئازارەکانت.

دکتۆرا پسپۆڕی ورد لە نەخۆشیەکانی جومگە و ئێسک و ڕۆماتیزم و فەقەڕات
ئەندامی کۆلێژی پزیشکی شاهانەی بەڕیتانیا
سلێمانی شاری پزیشکی ئەنوەر شێخە
تەلەفون 07726131212

08/08/2025

🚨چارەسەرە بایلۆجیەکان پێشکەوتوو ترین چارەسەری سەردەمن

چارەسەرە بایۆلۆجیەکان چین؟

کۆمەڵێک دەرمانی نوێ و کاریگەرن بۆ چارەسەری نەخۆشییە سەختەکان بەکاردێن وەکو ڕۆماتیزمی جومگەی درێژ خایەن و ڕۆماتیزمی بڕبڕەکان و حەوز و ڕۆماتیزمی سەدەفی و بۆڕیەکانی خوێن و ڕۆماتیزمی بەهجەت و چەندان حاڵەتی تر...

ئەم دەرمانانە کاری سەرەکییان کەمکردنەوەی ئاڵۆزی نەخۆشییە ڕۆماتیزمیەکانە بە شێوەیەکی ڕێک و پێک ،ئەمەش بە بلۆک کردنی هۆرمۆنە ئاڵۆزکەرەکان.

بەلگەی زۆر بەهێز و زانستی هەیە کە ئەم دەرمانانە دەتوانن پێش بە نەخۆشیە ڕۆماتیزمیەکان و خراپبوونی جومگەکان و ئەندامەکانی تری جەستە بگرن و ژیانی نەخۆش باشتر بکەن.

🚨سودەکان:

کەمکردنەوەی خراپبوونی جومگەکان

باشترکردنی توانای جوڵە و ژیانی ڕۆژانە

کەمکردنەوەی تەندروستیی ئاڵۆزی و ئازاری درێژخایەن

🚨کاریگەریە لاوەکییەکان :

لەوانەیە ئەگەری تووشبوون بە هەندێک جۆری هەوکردن زیاتر بکەن بەتایبەتی لە کەسانی بەتەمەن و ئەوانەی پێشینەی نەخۆشی تریان هەیە

ئەگەری دروستبوونی هەستیاری بە دەرمانەکە

بەهۆی زۆری نرخەکەی زۆر جار نەخۆش ناتوانێ دەرمانەکە بکڕێت لەوانەشە حوکمەت نەتوانێ هەموو کاتێ دابینی بکات وەکو پێویست

تێبینی:
ناتوانرێت بێ چاودێری پزیشکی بەکاربهێنرێن. دەبێت پێش و لەکاتی بەکارهێنانیدا، نەخۆش پشکنینی تەواوی پەیوەندیداری بۆ بکرێ لەلایەن پزیشکی پسپۆڕی ڕۆماتیزمەوە ،بەشێوەیەکی گشتی، ئەم دەرمانانە گرنگن بۆ ئەو نەخۆشانەی نەخۆشیەکانیان بە دەرمانە کۆنەکان وەڵام کۆنترۆڵ نابن.
دکتۆر هێمن محمود ئاغا
پسپۆڕی ورد دکتۆرا لە نەخۆشیەکانی جومگە و ئێسک و ڕۆماتیزم و فەقەرات
ئەندامی کۆلێژی پزیشکی شاهانەی بەڕیتانیا
سلێمانی شاری پزیشکی ئەنور شێخە
تەلەفون 07726131212

03/08/2025

ئامادەی بۆنەیەکی زانستیی گرنگ بن! ✨

پێداچوونەوەی خێرا لە تاوەری تەندروستیی سمارت دەربارەی نەخۆشی گورگە سوورەیە (Systemic Lupus Erythematosus).

لەم بۆنەیەدا بە ئامادەبوونی کەسانی پسپۆڕ و شارەزا بە شێوەیەکی چڕ و ورد، لە سێ پانێڵدا تیشک دەخەینە سەر چەند بابەتێکی گرنگ.

پانێڵی یەکەم/ بریتی دەبێت لە دەروازیەک بە ڕووی بابەتەکە وە دەستنیشانکردنی.
پانێڵی دووەم/ بریتی دەبێت لە دەرکەوتنی حاڵەتەکە لە سیستەمەکانی دیکەی لەشدا.
لە پانێڵی سێیەمدا/ باس لە چارەسەرکردنی حاڵەتەکە و نوێترین توێژینەوەکان دەکرێن.

ئەو بوارانەی کە لەم بۆنەیە تیشکیان دەخرێتە سەر بریتین لە:

🔹 دەستنیشانکردنی حاڵەتەکە و چارەسەرە بەردەستەکان
🔹 حاڵەتەکە لە گورچیلە، چاو، وە پێستدا
🔹 کاریگەرییە دەمارییەکانی حاڵەتەکە
🔹 پشکنینە بەردەستەکان
🔹 ڕێنماییە جیهانییەکان

📚 هەروەها، نوێترین توێژینەوە زانستییەکان لە باوەڕپێکراوترین گۆڤارە زانستییە جیهانییەکان دەخەینەڕوو.چاوەڕوان بن!

بە بەشداری هەریەک لەم بەڕێزانە:

• پ.د. علی جواد – پسپۆری نەخۆشیەکانی جومگە و رۆماتیزم
• پ.ی.د. روؤف رحیم میرزا - پسپۆری نەخۆشیەکانی جومگە و رۆماتیزم
• پ.ی.د. هیشام عارف کطە - پسپۆڕی نەخۆشییەکانی خوێن
• پ.ی.د. سەروەر جمال باجەلان - پسپۆڕی نەخۆشییەکانی مێشک و دەمار
• د. چیمەن حسن محمود - پسپۆری نەخۆشیەکانی جومگە و رۆماتیزم
• د. عدنان عوبەید - پسپۆری نەخۆشیەکانی جومگە و رۆماتیزم
• د. سروشت عبدالکریم رفیق - پسپۆری نەخۆشیەکانی جومگە و رۆماتیزم
• د. بنار سەردار سەیدا - پسپۆڕی وردی نەخۆشییەکانی گورچیلە
• د. ڕۆزا عیرفان مەردان - پسپۆڕی نەشتەرگەری و نەخۆشیەکانی چاو
• د. ڕۆژگار عبداللە محمد علی – پسپۆری نەخۆشیەکانی جومگە و رۆماتیزم
• د. ڕووناک سعید احمد - پسپۆڕی پێست و زوهری
• د. هێمن محموود عمر - پسپۆری نەخۆشیەکانی جومگە و رۆماتیزم
• د. تەها احمد قەرەداغی - پسپۆری نەخۆشیەکانی جومگە و رۆماتیزم
• د. ئومێد محمد حسین - پسپۆری نەخۆشیەکانی جومگە و رۆماتیزم
• د. لاوێن جمال مصطفی - پسپۆری نەخۆشیەکانی جومگە و رۆماتیزم

بەشداریکردن بێبەرامبەرە
لە بەرواری (14-08-2025) رۆژی پێنجشەممە.
کاتژمێر 8:00 سەرلەبەیانی، لە هۆڵی کۆنفرانسی تاوەری تەندروستی سمارت - نهۆمی 15

Smart Health Tower - تاوەری تەندروستی سمارت

Dr.Hemn Mahmood::دکتۆر هێمن مەحموود

27/09/2025

21/09/2025

20/09/2025

19/09/2025

13/09/2025

22/08/2025

21/08/2025

15/08/2025

12/08/2025

08/08/2025

03/08/2025

Address

Opening Hours

Telephone

Website

Alerts

Shortcuts

Share

Category

Monday	13:00 - 17:00
Tuesday	13:00 - 17:00
Wednesday	13:00 - 17:00
Thursday	13:00 - 17:00
Saturday	13:00 - 17:00
Sunday	13:00 - 17:00