24/02/2026
💫 Ég valdi að hlusta á hjartað💫
Fyrir ári síðan breytti ég um stefnu í lífinu. Andlega ferðalagið mitt kallaði sífellt sterkar og ég vissi að ég gæti ekki lengur unnið á sama hátt og áður. Orkan mín liggur ekki í því að vera á skrifstofu allan daginn og sinna síðan meðferðum. Þess vegna sleppti ég vinnu sem gaf góðar tekjur og valdi að hlusta á hjartað❤
Í meðferðum, hvort sem það er heilun, miðlun eða cranio, skiptir mig öllu máli að geta mætt hverjum og einum af fullri nærveru. Til þess þarf ég að hlúa vel að eigin orku og vera í jafnvægi. Rýmið sem ég býð upp á vinn ég markvisst í að halda hreinu ( í orkulegum skilningi), svo þeir sem til mín koma finni fyrir vellíðan og fari sáttir frá mér.
Ég tengi sterkt við andlega heiminn – engla, ljósverur, meistara, náttúruverur og þær verur sem dvelja í Sumarlandinu. Fyrir mér eru þetta allt ljósverur. Þegar ég er að vinna opna ég fyrir þessa tengingu, en þegar ég er í mínu daglega lífi loka ég henni. Það er mér mikilvægt að geta bæði opnað og lokað að vild, svo ég geti unnið meðvitað sem hreinn farvegur fyrir ljósið – á sama tíma og ég er jarðtengd, tengd náttúrunni, fólkinu í kringum mig og leyfi mér að njóta og hafa gaman🥰
Ef þetta talar til þín ertu hjartanlega velkomin/n til mín í Ljóshof
