22/11/2025
Ef þú ert að leyta af jólagjöf sem gefur og nærir, þá er For-Rest rétti pakkinn.
For - Rest er retreat helgi í Skúlagarði á norðurlandi-eysta helgina 13-15 .mars 2026. Þessi helgi er hugsuð til þess að veita tækifæri á að næra bæði líkama og sál. Helgi sem er hugsuð til þess að núllstilla sjálfan sig og ná sér í verkfæri til að taka áfram með út í lífið og hið daglega amstur. Þessa helgi förum við í hvernig við getum tæklað streituna og álagið þegar það bankar á dyrnar, lærum hvernig öndun hjálpar okkur að róa taugakerfið og hvernig nuddboltar og Yin yoga getur losað um streitu og spennu í bandvef. Mikil áhersla verður lögð á hljóðböð/tónheilun og nýtum við okkur eiginleika og töfra kristalskála til að ná fram djúpri slökun og upplifa áhrif hljóðbylgna á líkama og sál.
Skúlagarður er einstakur staður á Norðurlandi eystra sem býr yfir náttúrufegurð, sjarma og einstakri orku. Skúlagarður er gamla félagsheimili Keldhverfunga í Norður Þingeyjarsýslu. Líkt og mörg önnur gömul og falleg félagsheimili hefur Skúlagarður fengið nýtt hlutverk sem hótel og veitingastaður. Skúlagarður stendur á einstaklega fallegum stað á bökkum Litlu ár sem er sérstæð á landsvísu því í hana rennur heitt vatn árið um kring.
Um kennarann
Þessa helgi ætlar Tinna Arnar að leiða þátttakendur í gegnum nærandi ferðalag sem heldur áfram að gefa eftir helgina. Tinna er jógakennari, nuddari, bókari, ÍAK þjálfari og hefur kennt ótal hóptíma síðustu 20 árin, hjólatímar, hotfit, teygjutíma og yogatíma. Síðustu 7 árin hefur hún einbeitt sér að tímum sem vinna til jafns við andlega heilsu og líkamlega. Hún hefur staðið að þremur yogaferðum, Þingeyri 2023, Túnis 2023 og 2024. Tinna leggur áherslu á að valdefla konur á sama tíma og sýna þeim hversu gott það er að fara inn á við og ná slökun. Þessa helgi deilir hún með ykkur töfrum tónheilunar ásamt öllum þeim trixum sem hún hefur viðað að sér í gegnum árin.
Upplýsingar um verð og skráningu á bandvefur.is eða á bandvefslosun@gmail.com
