Innkirtladeild

16/07/2025

ℹ🌅😎
Ef þú ert að ferðast með Omnipod dælu, skoðaðu þá þessar upplýsingar (á ensku).

15/07/2025

Ertu að skipuleggja frí? ✈️🌅
Notar þú insúlíndælu og/eða sykurnema frá Medtronic ?
Skoðaðu þessi ráð 📋ℹ️

Góða ferð! 😎

23/06/2025

Hefur þú prófað CloudCare?
Kíkið á hlekk https://diabeter-patients.matrixlms.eu/page/show/13438?portal_id=1869 fyrir frekari upplýsingar.

Diabeter
Innkirtladeild

12/06/2025

👩🏼‍🎓👏🏻 Thelma Rut Óskarsdóttir er að útskrifast frá HR á næstu vikum með MS í hagnýtri atferlisgreiningu. Hún vann meistaraverkefni sitt á göngudeild innkirtla undir handleiðslu Báru Dennýjar atferlisfræðings deildarinnar og Felix Högnasonar atferlisfræðings og kennara í HR. Tilgangur rannsóknarinnar var að auka hreyfingu hjá 5 einstaklingum með sykursýki með góðum árangri.

10/06/2025

Starfsfólk frá Medtronic í Svíþjóð og AZmedica heimsótti okkur í síðustu viku til að segja okkur meira um nýja möguleika í Carelink fyrir heilbrigðisstarfsmenn.

🤝

Innkirtladeild
AZ Medica ehf.
Medtronic Diabetes

04/06/2025

Þetta frábæra teymi hlaut viðurkenningu 🎖 "fyrir fagmennsku í störfum á Landspítala" á síðasta ársfundi Landspítala.

"Undanfarin fimm ár eða svo hefur teymið unnið markvisst að því að koma á fóta fyrstu og
enn sem komið er einu samþættu þjónustunni, fyrir sykursýkissár á Íslandi. Þessi þjónusta
hefur bætt snemmbæra greiningu, meðferð og forvarnir fyrir sjúklinga um allt land."

Vel gert Fótameinateymi! 🦶 👏👏👏

Scott Gribbon




bjarklind

02/06/2025

👏🏻👏🏻👏🏻

Erna Jóna Sigmundsdóttir hefur verið ráðin deildarstjóri göngudeildar innkirtla- og gigtarsjúkdóma

Erna Jóna útskrifaðist úr hjúkrunarfræði frá Hjúkrunarskóla Íslands árið 1982. Hún hóf störf á Borgarspítalanum eftir útskrift og starfaði sem hjúkrunarfræðingur næstu fimm árin þegar hún færði sig yfir í markaðsstörf. Erna Jóna kom svo til starfa á Landspítalann árið 2020 sem teymisstjóri á göngudeild innkirtla- og gigtarsjúkdóma og hefur gengt stöðu hjúkrunardeildarstjóra síðan í apríl 2024.

Erna Jóna lauk diplómanámi í Rekstrar- og viðskiptafræði frá Endurmenntun HÍ 1993 og MPM námi frá HÍ árið 2009.

28/05/2025

Margrét Jóna ráðin yfirlæknir Innkirtladeild 👏🏻

Margrét Jóna Einarsdóttir hefur verið ráðin yfirlæknir innkirtla- og efnaskiptalækninga á Landspítala frá 1. maí 2025.

Margrét Jóna lauk kandídatsprófi í læknisfræði frá læknadeild Háskóla Íslands 2010, meistarapróf í líf- og læknavísindum frá Háskóla Íslands 2015 og doktorsprófi í læknavísindum frá Háskólanum í Gautaborg 2023.
Hún hlaut almennt lækningaleyfi 2011, sérfræðileyfi í lyflækningum 2017 og sérfræðileyfi í innkirtlalækningum 2021.

Margrét Jóna starfaði sem sérnámslæknir á lyflækningasviði Landspítala 2011-2015 og sérnámslæknir á lyflækningadeild á Sahlgrenska sjúkrahúsinu í Gautaborg 2015-2017. Hún starfaði sem sérfræðilæknir í lyflækningum og sérnámslæknir í innkirtlalækningum á Sahlgrenska 2017-2021 og sérfræðilæknir í lyf- og innkirtlalækningum á sama sjúkrahúsi 2021-2024.

Margrét Jóna hóf störf sem sérfræðilæknir í innkirtlalækningum á Landspítala í ágúst 2024 og hefur síðustu fjóra mánuði gegnt stöðu yfirlæknis í afleysingum.

28/05/2025

📣📣📣

27/06/2024

Fyrir þau sem nota insúlín, hvort sem eru á pennameðferð eða dælumeðferð þá minnum við á gátlista fyrir ferðalög. 😎

01/03/2024

Í dag eru 3 ár frá því Göngudeild innkirtla- og efnaskipta flutti að Eiríksgötu 5 - Eiríksstaði. Þessu eldra húsi var breytt sérstaklega til þess að það hentaði göngudeildarstarfsemi og við deilum nú 1. hæðinni með gigtlækningum og erfðaráðgjöf.

Það var góð ákvörðun að flytja starfsemi okkar hingað því klíníska aðstaðan er í stuttu máli frábær og hefur skipt sköpum fyrir þróun á starfsemi innkirtladeildarinnar.

Á deildinni starfa nú yfir 20 mjög hæfir einstaklingar með fjölbreyttan bakgrunn og færni sem er lykilatriði í teymisvinnu sem snýst um að sinna þörfum skjólstæðinga okkar sem eru af ýmsum toga.

Við erum spennt fyrir því að halda áfram að þróa nýjar aðferðir sem auka gæði þjónustunnar. Þessa dagana erum við sem dæmi á þröskuldinum við að umbylta þjónustu við einstaklinga með sykursýki 1. Áfram Landspítali!

05/12/2023

Evrópuþingið samþykkti ályktun um sykursýki í nóvember 2022. Núna í nóvember 2023 komu Evrópudeildir WHO og IDF saman og skrifuðu undir yfirlýsingu um átak í málefnum sykursýki enda er um að ræða eitt helsta heilsuvarsvandamál álfunnar.

Þú getur lagt nafn þitt við þessa ályktun.
https://idf.org/europe/endorse-the-declaration/?type=286&location=PT