Hildur Grímsdóttir sjúkraþjálfari

25/03/2024

Ný mömmunámskeið hefjast eftir páska 🐥

Skráning í fullum gangi - lausum dýnum fer fækkandi !

Skráning á heimasíðunni hildurgrims.is eða í gegnum skilaboð hjá mér 🫶🏼

Allar frekari upplýsingar er einnig að finna á heimasíðunni .... og ekki hika við að senda á mig línu ef þú hefur spurningar ✨

25/02/2024

Ég veit ekki hver þarf að heyra þetta en....

í stað þess að horfa til baka og ætla að verða eins og þú varst áður, hvernig væri að horfa fram á við og vinna í framtíðar útgáfunni af þér ?

Konunni sem er orðin móðir og hefur nú þegar gengið í gegnum magnað ferðalag þar sem ekkert verður eins og það var

Ferðalag sem mun krefjast þolinmæði, fullt af áskorunum en líka fullt af ást og gleði

Sýndu þér mildi og settu þér raunhæf markmið þegar kemur að framtíðar þér

Þú ert þú núna, þú verður ekki eins og þú varst áður,
en þú getur orðið svo margt ef þú setur upp réttu gleraugun þegar kemur að þér 💕

Fljúgðu áfram veginn með nýju fallegu fiðrildavængina þína 🦋

22/01/2024

✨Ný mömmunámskeið byrja 6.febrúar✨

Grunn og framhaldsnámskeið fyrir mæður eftir barnsburð í sal Sjúkraþjálfunar Selfoss. Þjálfari er Hildur Grímsdóttir sjúkraþjálfari.

🌿Skráning er hafin - Tryggðu þér pláss!🌿

➡️hildurgrims.is eða hildur@sjukrasel.is⬅️

22/01/2024

Ég kíkti í spjall til Indíana Rós Kynfræðingur um daginn. Ég mæli með að hlusta á þáttinn ef að þú vilt vita meira um kvenheilsusjúkraþjálfun, verki í kynlífi og margt fleira áhugavert !

07/01/2024

✨Ný mömmunámskeið byrja þriðjudaginn 9.janúar✨

Móðir-Grunnur er grunnnámskeið eða svokallað fyrsta námskeið í hreyfingu eftir barnsburð.

💥Nýtt💥
Móðir-Framhald, sem er framhaldsnámskeið eftir að hafa tekið grunnnámskeið eftir barnsburð.

✨Námskeiðin henta öllum konum sem nýlega hafa átt barn/börn, hvort sem stoðkerfisverkir eru til staðar eða ekki

✨Ég mæli með að byrja í kringum 6vikum eftir fæðingu, sumar eru tilbúnar aðeins fyrr og aðrar eru ekki tilbúnar fyrr en síðar í ferlinu. Þetta er mjög persónubundið og konur því velkomnar hvenær sem þær treysta sér í reglubundna hreyfingu 💞

💥Skráning hjá mér í gegnum skilaboð eða á hildurgrims.is💥

Námskeiðin fara fram í sal Sjúkraþjálfun Selfoss

15/11/2023

Þegar ég spurði mömmurnar "mínar" hvað þær hafi fengið út úr Móðir-Grunnur námskeiðinu .... 🫶🏼

✨Ef að þú vilt vera með á næsta námskeiði sem hefst 23.nóv þá geturðu skráð þig inni á hildurgrims.is✨

22/10/2023

Móðir-Grunnur er grunnnámskeið fyrir konur eftir barnsburð - ég kalla það gjarnan "fyrsta námskeið eftir fæðingu"

Hér byrjum við bara á byrjunarreit og vinnum okkur upp, hver á sínum hraða 🫶🏼

Ég fræði og ræði hlutina með ykkur, það sem er gott að vita og hafa í huga á þessum tímapunkti. Leiðbeini ykkur með hreyfingu og aðstoða eins vel og ég get.

Við tökum fjölbreyttar æfingar sem fókusera á allan líkamann og leggjum extra áherslu á kvið, grindarbotn og mjaðmir

✨Næsta námskeið byrjar 26.okt✨

Takmörkuð pláss í boði,
skráning inni á hildurgrims.is

20/10/2023

Hildur Grímsdóttir sjúkraþjálfari
kynnir með stolti nýtt logo ✨

Ég er smátt og smátt að koma til baka til vinnu eftir fæðingarorlof nr.3 á 5 árum.

Það er mjög margt sem mig langar að koma út úr höfðinu á mér, niður á blað og í framkvæmd.

Ég geri mér fulla grein fyrir að það mun allt taka tíma. Ég hef aldrei haft eins skýra sýn á hvert ég stefni og hvað ég vil gera.

Kvenheilsa, öll skeið kvenna og allt sem þær þurfa að takast á við er það sem ég brenn fyrir í starfi mínu.

Mér finnst gaman að kenna, fræða og leiðbeina öðrum konum. Ég elska að efla og auka sjálfstraust annarra kvenna.

Það er margt sem við höfum farið á mis við hingað til, margt sem enginn talar um og fyrir vikið vita konur lítið um allskonar verki og vandamál sem tengjast kvenlíffærum, hormónabreytingum og öðru tengdu kvenheilsu sem hefur bara verið sópað undir teppi. Of óþægilegt eða vandræðalegt að ræða. Tabú!

Mín ósk er að umræðan opnist enn meira, fræðslan aukist enn meira og
að konur hætti að þjást í hljóði.

Ég ætla að leggja mitt af mörkum með minni vinnu og meðal annars á þessum miðli.
Ég ákvað að halda mig við þennan aðgang og vera bæði ég sjálf á persónulegu nótunum og líka Hildur sjúkraþjálfari sem hefur mörgu að miðla, allt í bland.

Ég get ekki annað sagt en að framundan séu virkilega spennandi tímar ✨

Takk fyrir að vera með mér í þessu ferðalagi 🫶🏼

25/11/2022

35% afsláttur af hlaupaprógrömum

Fyrstu 5km fyrir byrjendur
5km - framhald
10km

Gildir út 4.desember

Skráning inni á www.hildurgrims.is

Ath! Afsláttur reiknast sjálfkrafa í greiðsluferlinu

10/11/2022

Góð og áhugaverð grein frá Þorgerði.
Er ekki kominn tími á að við gefum enn betur í við fræðslu og eftirfylgd kvenna eftir meðgöngu ?

“Markmið með skimun á grindarbotnsheilsu væri að draga úr langvarandi vandamálum sem valda viðkomandi þjáningu og kosta heilbrigðiskerfið mikið. Valdefla konur til að takast á við það sem er í þeirra valdi að vinna í. Snemmíhlutun er alla jafna betri en að takast á við vandamálin áratugum seinna.”

Breytingarskeið kvenna hefur verið í brennidepli upp á síðkastið og er það vel. Ævi okkar hefur verið að lengjast og ekki undarlegt að konur geri kröfur um góða heilsu á þriðja æviskeiðinu. Þá er enn tími til að njóta. En það sem einkennir kvenheilsu byrjar mun fyrr eða ...

30/08/2022

25/07/2022

Endurnærð í sálinni eftir heilan dag í svona náttúrufegurð 💚

Ég hleyp og hreyfi mig meðal annars af því að mig langar einmitt að vera í formi til að geta stokkið í mismunandi verkefni… eins og að ganga 22km á fjöllum !

13/06/2022

Keppnishlaup !

Það eru allskonar áskoranir við það að skrá sig í skipulagt keppnishlaup

Fyrst og fremst á þetta að vera áskorun fyrir þig persónulega óháð öðrum

Þú þarft ekki að vera með þeim bestu

Þú þarft ekki að sigra neinn nema sjálfa þig

Það má vera stressuð, það er eðlilegt og getur verið jákvætt því að í keppnishlaupi þá gerir maður oft aðeins meira en maður heldur að maður geti

Það má fara með því hugarfari að vera með og klára

Það má vera markmið að hafa gaman (mikilvægt að hafa svolítið gaman!) 😄

Það má vera síðust

Einhverntíman er allt fyrst og allt fer þetta í reynslubankann

Ég er persónulega að æfa mig að vera með, skrá mig og taka þátt í hlaupum þrátt fyrir að vera ekki í mínu besta formi eða að vera að pressa mig of mikið.
Ég er að gera það sem ég get eins og ég er í dag en ekki eins og ég var einu sinni!
Maður kemst ekkert áfram á því að gera ekki neitt svo það er eins gott að rífa bara plásturinn af, setja bringuna fram og bera höfuðið hátt eins og þú ert!

Ekki láta tilbúið stolt, neikvæðar hugsanir eða efasemdir stoppa þig í að prófa nýja hluti, vera með og hafa gaman❤️

Afsakanirnar geta verið óteljandi en þú getur líka sigrað þær allar !
Sú tilfinning er geggjuð 🙌🏼

16/05/2022

Stutt og einföld upphitun fyrir hlaupaæfingu

⭐️Liðkun
Ég mæli með hreyfiteygjum í stað stöðuteygja (skipta um hlið og láta teygjurnar flæða, meira gert til að fá hreyfingu á liði,vöðva og sinar í stað þess að halda teygju lengi í einu)

⭐️Virkjun
Kveikja á lykilvöðvum, ég hef alltaf æfingu sem kveikir á rassvöðvunum og helst eitthvað á öðrum fæti sem reynir líka á jafnvægið svo þú virkir vöðva frá fæti/ökkla og upp keðjuna

⭐️Drillur
Smá dýnamísk virkjun og eftirlíking af hreyfingum sem hlaup innihalda, hjálpar m.a. til við að bæta hlaupastílinn en kemur líka púlsinum hærra upp og við verðum klárari í æfinguna

Ég vel mér alltaf bara einhverjar æfingar hverju sinni, ekki alltaf þær sömu. Stundum tel ég endurtekningar og stundum ekki. Eltist bara við tilfinninguna í líkamanum og finn hvað ég þarf hverju sinni.
Er samt alltaf með það í huga að liðka mig til, virkja rassvöðva og kveikja almennilega á kerfinu með nokkrum hlaupadrillum

Stundum geri ég bara þessar gömlu góðu, klassísku fótasveiflur (ekki i myndbandinu) og hleyp svo af stað ! Það er þá oftast fyrir róleg hlaup en ég legg mikla áherslu á að hita vel upp og virkja líkamann vel fyrir gæðaæfingar 🔥

Vistaðu póstinn og prófaðu að herma eftir mér næst þegar þú ferð út að hlaupa !

19/04/2022

Er ekki bara best að taka æfinguna strax í stað þess að draga það á langinn? 😉

Ég þekki það alveg sjálf að maður einhvernvegin dregur það allan daginn að drífa sig af stað …
Ég heyri þetta líka reglulega frá þeim sem eru í kringum mig og í þjálfun hjá mér…

Á endanum var svo gott að taka æfinguna 💥

Hvað er þitt besta ráð þegar kemur að þessu?

02/04/2022

Glæra 6 gefur þér góð ráð 😉

Stór hluti af þessu er líka að fylgja góðu hlaupaprógrami og enn betra að hafa leiðsögn frá þjálfara

Sendu mér 🖐🏼 í DM ef þig langar að byrja að hlaupa og fá aðstoð frá mér 😉