Lyfjafræðingafélag Íslands

25/09/2021

Í dag, 25. september, er alþjóðlegur dagur lyfjafræðinga.
Þema dagsins þetta ár er:
PHARMACY Always trusted for your health

20/06/2021

Frá Lyfjafræðisafninu:
Lyfjafræðisafnið Safnatröð 3, Seltjarnarnesi er opið á laugardögum og sunnudögum kl 13-17 til og með 15. ágúst nk. Aðgangur ókeypis.

09/11/2020

Saga lyfjafræðinnar
Forlagið hefur gefið út bókina „Þættir úr sögu lyfjafræðinnar á Íslandi, frá 1760“ og er bókin 334 bls, full af fróðleik og skreytt fjölda mynda. Höfundur er Hilma Gunnarsdóttir.
Bókin er samvinnuverkefni Lyfjafræðingafélags Íslands (LFÍ), Lyfjafræðideildar Háskóla Íslands (HÍ) og Lyfjafræðisafnsins. Vinna við bókina hófst árið 2007 og hefur ritnefnd bókarinnar lengst af verið skipuð þeim Unni Björgvinsdóttur og Kristínu Einarsdóttur lyfjafræðingum, en Anna Birna Almarsdóttir var fulltrúi HÍ í ritnefnd fyrstu árin. Kristín og Unnur sjást, ásamt Hilmu Gunnarsdóttur höfundi, á myndinni hér fyrir neðan taka við bókinni.
Þann 5. nóvember 2020 fór síðan fram formleg afhending á bókinni á Lyfjafræðisafninu og tóku fyrir hönd samstarfsaðilanna við bókum þær Elín Soffía Ólafsdóttir deildarforseti Lyfjafræðideildar HÍ, Kristín Einarsdóttir formaður stjórnar Lyfjafræðisafnsins og Inga Lilý Gunnarsdóttir formaður LFÍ. Eins og sjá má voru sóttvarnarreglur vegna Covid-19 virtar á Lyfjafræðisafninu.
Bókin fæst hjá Forlaginu og í helstu bókabúðum en félagsmenn í LFÍ geta keypt bókina á tilboðsverði.

01/07/2020

Yfirlýsing frá Norrænu lyfjafræðingafélögunum - NFU

Norrænu lyfjafræðingafélögin, NFU (Nordiska Farmaceut Unionen), senda í dag 1. júlí 2020 frá sér sameiginlega yfirlýsingu varðandi evrópska samvinnu um rannsóknir og aðgengi að bóluefnum

19/06/2020

Frá Lyfjafræðisafninu:
Lyfjafræðisafnið verður opið um helgar í sumar og fyrsta opnunarhelgin er 20.–21. júní.
Opið verður laugardaga og sunnudaga frá kl 13 til 16.
Lyfjafræðingar taka vaktina með leiðsögn um safnið.

08/01/2020

Yfirlýsing frá stjórn LFÍ vegna mönnunar í apótekum

Í frétt á heimasíðu Lyfjastofnunar 30. desember 2019 er vísað í kröfu Lyfjafræðingafélags Íslands en þann 21. nóvember 2019 sendi stjórn Lyfjafræðingafélags Íslands eftirfarandi yfirlýsingu til Lyfjastofnunar vegna mönnunar í apótekum á Íslandi:

07/01/2020

Áhugaverð umfjöllun og viðtal við formann LFÍ varðandi mönnun lyfjafræðinga í apótekum

Formaður Lyfjafræðingafélags Íslands segir að breytt stjórnsýsluframkvæmd um mönnun lyfjafræðinga í apótekum verði til þess að hægt sé að veita betri og faglegri þjónustu í apótekum.

28/11/2019

Áhugahópur um apótekslyfjafræði
Stofnfundur Áhugahóps um apótekslyfjafræði í LFÍ var haldinn 27. nóvember 2019 í sal Lyfjafræðisafnsins.
Hlynur Torfi Traustason varaformaður LFÍ var fundarstjóri. Mættir voru 15 lyfjafræðingar sem jafnframt eru stofnfélagar hópsins.
Hugmyndin með stofnun áhugahópsins er að hann verði „suðupottur“ hugmynda um hvað má betur fara í starfi lyfjafræðinga í apótekum. Áhugahópur um apótekslyfjafræði getur jafnframt verið þrýstihópur varðandi málefni sem varða alla lyfjafræðinga sem starfa í apótekum og veitt ráðgjöf til stjórnar LFÍ varðandi atriði sem sérstaklega snúa að starfsviði apóteka.
Samþykktir áhugahóps um apótekslyfjafræði voru samþykktar á fundinum.
Stjórn áhugahóps um apótekslyfjafræði var kosin og er þannig skipuð:
Hlynur Torfi Traustason formaður,
Sigríður Pálína Arnardóttir ritari,
Margrét Birgisdóttir gjaldkeri,
Jóna Björk Elmarsdóttir varamaður.
Miklar umræður voru á fundinum varðandi störf lyfjafræðinga í apótekum, áskoranir og hvað mætti betur fara.
Allir félagar LFÍ geta verið meðlimir í áhugahópnum, sendið póst til lfi@lfi.is.

10/11/2019

Viðtal við framkvæmdastjóra LFÍ á Evrópuráðstefnu FIP í Tyrklandi

30/10/2019

Til hamingju Helga og María.
Til hamingju lyfjafræðingar á Íslandi.

30/10/2019

Frá Lyfjafræðisafninu

Í tengslum við Menningarhátíð Seltjarnarness verður Lyfjafræðisafnið opið laugardaginn 2. nóvember og sunnudaginn 3. nóvember frá kl. 13-17.
Á laugardeginum býður stjórn Urtagarðsins upp á örfyrirlestra á 30 mínútna fresti: "Urtagarðurinn í Nesi, plöntusafn í sögulegu samhengi, Kartöfluræktun á Íslandi rædd og fjölbreytt yrki verða til sýnis.
Sjá dagskrá hátíðarinnar

25/09/2019

Í dag er alþjóðlegur dagur lyfjafræðinga. Þema dagsins er “Örugg og árangursrík lyfjameðferð fyrir alla”
Til hamingju með daginn!