Fæðingarheimili Reykjavíkur

17/03/2026

Endilega takið þátt í þessari rannsókn!

Og deilið áfram svo sem flestir taki þátt!

Hefur þú eignast barn á Íslandi á sjúkrahúsi eða fæðingarheimili árunum 2020-2026? Þá getur þú lagt þessari rannsókn lið með því að svara nokkrum spurningum um upplifun þína af þjónustunni!
Smelltu hér til að taka þátt: https://redcap.burlo.trieste.it/surveys/?s=JYNKFW4LX7TYAPPE

Það má gjarnan deila þessum pósti svo auglýsingin nái til flestra sem hafa fætt barn á tímabilinu!

✅Markmið rannsóknarinnar er að meta gæði barneignarþjónustu á Íslandi en þessi rannsókn er einnig hluti af alþjóðlegri rannsókn sem metur gæði barneignarþjónustu víðsvegar um heiminn.
✅Það tekur innan við 15 mínútur að svara spurningalistanum.
✅Þátttaka í rannsókninni er valfrjáls og algerlega ópersónugreinanleg.
Ábyrgðarmenn rannsóknarinnar eru Emma Marie Swift, dósent við Háskóla Íslands og Valgerður Lísa Sigurðardóttir dósent við Háskóla Íslands. Spurningar um rannsóknina má senda á netfangið: emmas@hi.is.

14/03/2026

Ný fæðingarsaga fyrir ykkur til að lesa á heimasíðunni okkar ❤️

"Ég á ekkert nema góðar minningar af þessari fæðingu. Þótt hún hafi tekið þrjá daga og verið löng. Hún kom í heiminn róleg og í takt við líkama minn vegna þess að ég treysti sjálfri mér og leyfði önduninni og slökuninni að leiða mig í gegnum hverja hríð."

Við áttum von á okkar fyrsta barni um haustið. Alveg frá því ég varð ólétt vissi ég að mig langaði að eignast barnið mitt á Fæðingarheimilinu. Frá 16. viku meðgöngunnar hafði ég verið í meðgöngujóga hjá Yogaljós , sem kennt var á Fæðingarheimili Reykjavíkur. Það ...

09/03/2026

Við mælum með þessari splúnkunýju grein sem Emma var að birta ásamt félögum í norrænu rannsóknarsamstarfi.

Rannsóknin bar saman útkomur og inngrip í fæðingar meðal allra frumbyrjufæðinga á Norðurlöndunum árið 2020. Á Íslandi var hlutfall eðlilegra fæðinga án allra inngripa um 19% - og var hlutfallið hæst á hér á landi.

Greinin er birt í opnum aðgangi og má lesa hana hér:
https://www.sciencedirect.com/science/article/pii/S1877575626000030

05/03/2026

Við fengum skemmtilega heimsókn í gær þegar Heiða Björg borgarstjóri og hennar föruneyti komu við á fæðingarheimilinu.

Við spjölluðum um þjónustuna á fæðingarheimilinu og þá ekki síst hversu breiðum hópi við erum að sinna með áherslu á góða tengslamyndun foreldra og barna - og stuðningi við félagsleg tengsl nýrra foreldra. Þetta gerum við til dæmis með vikulegum foreldrahittingum - sem eru foreldrum að kostnaðarlausu og allir foreldrar með ung börn eru velkomnir hádegish*ttinga á Fæðingarheimili Reykjavíkur!

Salurinn okkar er einnig mikið nýttur fyrir ýmis námskeið svo sem hreyfitíma og tónlistartíma fyrir krílin - sem hefur svo sannarlega jákvæð áhrif á fjölskyldurnar og umhverfið allt á fæðingarheimilinu sem iðar af lífi þegar fjölskyldurnar koma í heimsókn eða á námskeið.

En þannig var það einmitt í gær þegar borgarstjórinn leit við. Þá var fjölskylda í sængurlegu með nýfædda barnið sitt á annarri fæðingarstofunni og ljósmæðurnar voru að sinna þeim og einnig að hitta aðrar fjölskyldur í meðgönguvernd. Þorgerður sjúkraþjálfari var að sinna sínum skjólstæðingum og Díana sálfræðingur sínum. Líf og fjör - en alltaf samt rólegt og heimilislegt.

Takk kærlega fyrir samtalið og áhugann sem þið sýnduð starfseminni á fæðingarheimilinu með heimsókn ykkar ❤️

04/03/2026

Edythe, midwife at the birth center, just published her research in an international scientific journal 👏🏽👏🏽👏🏽

The paper describes the adaptation and efficacy of a cultural competency training for midwives!

The paper is published open access here:

https://www.sciencedirect.com/science/article/pii/S1877575626000182

02/03/2026

Við bjóðum verðandi foreldrum að koma á opið hús hjá okkur einu sinni í mánuði. Á opnu húsi byrjum við á stuttri kynningu um þjónustuna á fæðingarheimilinu og svo gefst verðandi foreldrum tækifæri til að skoða fæðingarheimilið og spjalla við ljósmæðurnar sem eru á staðnum.

🌿 Við segjum ykkur frá því hvernig meðgönguvernd, fæðingarþjónusta og heimaþjónusta fer fram hjá okkar skjólstæðingum
🌿 Við segjum ykkur frá þeim bjargráðum sem við bjóðum upp á
🌿 Við förum yfir hvernig flutningur á sjúkrahús fer fram og í hvaða tilvikum það geti verið ráðlagt
🌿 Við segjum ykkur frá ljósmæðrunum sem starfa á fæðingarheimilinu og annarri þjónustu sem er í boði

Opna húsið tekur yfirleitt um 30-45 mínútur.

Í lok kynningar getið þið svo skráð ykkur í þjónustu á fæðingarheimilinu og hefst meðgönguverndin hjá okkur við 34 vikur.

Ef þið viljið kíkja á opið hús þá getið þið skráð ykkur á heimasíðunni okkar. Við hlökkum til að sjá ykkur!

Meðgönguvernd, fæðing og heimaþjónusta Á Fæðingarheimili Reykjavíkur eru tvær bjartar og fallegar fæðingarstofur. Hvor stofa er með sér baðherbergi, fæðingarlaug, dýnum á gólfi, jógabolta, rólu og rúmi þannig að þú getir verið í fjölbreyttum stellingum og valið hverni...

21/02/2026

Nú hafa 300 börn fæðst á Fæðingarheimili Reykjavíkur ❤️

Okkur finnst svo stutt síðan við tókum á móti fyrsta barninu í lok september 2022 - en síðan þá hefur heldur betur verið mikill áhugi á þjónustu ljósmæðranna á fæðingarheimilinu - og allt í einu eru börnin orðin 300 talsins.

Við óskum fjölskyldunni til hamingju með barnið sem fæddist snemma í morgun - og þökkum ykkur öllum kærlega fyrir dásamlega samfylgd á Fæðingarheimili Reykjavíkur þessi fyrstu ár!

11/02/2026

Fæðingar á Fæðingarheimili Reykjavíkur hafa aukist jafnt og þétt á hverju ári - og árið 2025 var hlutfall fæðinga hjá okkur 2,9% allra fæðinga á Íslandi!

Við þökkum kærlega traustið sem þið hafið sýnt okkur og hlökkum svo sannarlega til að hitta þær fjölskyldur sem verða hjá okkur á nýju ári ❤️

Markmið okkar árið 2026 er að halda áfram að vinna að því að skapa öruggt, hlýtt og styðjandi umhverfi þar sem óskir, gildi og aðstæður hverrar fjölskyldu eru virtar.

📸

02/01/2026

Gleðilegt nýtt ár kæru vinir!

Að baki er frábært ár á Fæðingarheimili Reykjavíkur og því einstaklega gaman að líta yfir farinn veg og taka saman árið í tölum um leið og við hugsum hlýlega til ykkar allra sem við höfum átt samleið með á liðnu ári ❤️

Árið 2025 fæddust 127 börn á Fæðingarheimili Reykjavíkur og tvö börn fæddust óvænt í heimahúsi - 63 stúlkur og 66 drengir. Þetta er metfjöldi fæðinga frá opnun - en í fyrra fæddust 83 börn og árið þar á undan 65 börn.

Meðgöngulengd var frá 37 vikum og 2 dögum og upp í 41 viku og 6 daga. Börnin voru að meðaltali 3768 grömm að þyngd, minnsta barnið var 2940g og það þyngsta 4703g.

⭐️ 40% voru að eignast sitt fyrsta barn
⭐️ 5% voru búsett utan höfuðborgarsvæðisins
⭐️ 18% kvenna voru af erlendum uppruna
⭐️ 12% voru að koma á Fæðingarheimili Reykjavíkur í annað sinn til að fæða barnið sitt

⭐️ 57% kvenna nýttu sér glaðloft til verkjastillingar
⭐️ 54% kvenna fæddu barnið sitt í baði
⭐️ 41% fæddu barn sitt á fjórum fótum eða hnjánum og var þetta algengasta fæðingarstellingin
⭐️ 68% voru með heila spöng eða fyrstu gráðu rifu
⭐️ 0% spangarskurður

Að auki hóf 71 kona fæðingu á Fæðingarheimili Reykjavíkur en var flutt á annan fæðingarstað áður en barnið fæddist (35%). Algengustu ástæðurnar voru ósk um deyfingu, langdregið fyrsta stig fæðingar eða grænt legvatn. Einnig voru 50 konur sem höfðu áætlað fæðingu á Fæðingarheimili Reykjavíkur á einhverjum tímapunkti en plön breyttust áður en fæðing hófst. Ástæður fyrir því voru mjög fjölbreyttar en má til dæmis nefna háþrýsting og barn í sitjandi stöðu.

Við óskum öllum þessum fjölskyldum innilega til hamingju um leið og við þökkum þeim - og ykkur öllum - fyrir samfylgdina á frábæru ári ❤️

26/12/2025

Við ljósmæðurnar á Fæðingarheimili Reykjavíkur vonum að þið hafið átt gleðileg jól í faðmi fjölskyldu og vina 🎄

Kannski voru þetta fyrstu jólin með nýfæddu barninu ykkar og einkenndust helst af brjóstagjöf við jólatréð - eða meira fjörug jól með piparkökubakstri og börnum sem biðu eftirvæntingarfull eftir næsta pakka. Hvernig sem ykkar aðstæður voru þá vonum við að þið hafið öll átt dásamlegar stundir sem færðu ykkur gleði, kærleika og góða samveru með ykkar mikilvægasta fólki.

Við þökkum ykkur kærlega fyrir kveðjur, myndir og fallegar gjafir sem þið hafið sent okkur á aðventunni - og þykir svo vænt um að þið skulið hugsa með gleði í hjarta til samveru okkar með ykkur á þessum mikilvægustu stundum í ykkar lífi ❤️

Með jólakveðju,
Emma, Embla, Edythe, Hafrós, Halla, Hafdís og Elfa

09/12/2025

Viðtal við Emmu, ljósmóður á Fæðingarheimili Reykjavíkur og dósent við Háskóla Íslands, um rannsókn sem hún var að birta ásamt samstarfsfélögum við HÍ.

Áföll í æsku auka líkur á að konur líti á fæðingu barns síns sem neikvæða upplifun, samkvæmt nýrri rannsókn. Höfundar rannsóknarinnar telja að kanna þurfi hvernig styðja megi betur við barnshafandi konur sem hafa upplifað áföll.

12/11/2025

Wonderful news - well done Paulina and Dobry Poród for receiving a grant for this important project! We are so happy to be a collaborator and provide the space for your project!

The project’s goal is to offer free, culturally sensitive support groups tailored to the needs of foreign mothers living in Iceland. These groups will provide a safe, informal space to build peer connections and receive emotional support.

The first meetings will take place in December. Paulina will be creating a Polish-speaking group as well as an English-speaking group and they will meet on weekends at Fæðingarheimili Reykjavíkur and online.

More details coming soon!