20/03/2026
✨ كيف نعيش أجواء العيد مع طفل طيف التوحد؟
العيد فرحة وسعادة.. لكن لطفل التوحد ممكن يكون تجربة مُرهِقة بسبب التغييرات المفاجئة، الأصوات العالية، والزيارات الكثيرة.
هون دورنا نهيّئه بطريقة تحافظ على راحته قبل أي شيء.
نصائح لعيد هادئ وممتع:
🔹 حضّروا الطفل مسبقًا
احكوا له شو رح يصير، مين رح يشوف، ووين رح تروحوا. التحضير يقلل القلق ويعطيه إحساس بالأمان.
🔹 خففوا الزيارات
مش لازم نزور كل الناس بنفس اليوم. توزيع الزيارات بيساعد الطفل ما ينضغط أو ينهار من التعب.
🔹 انتبهوا للحساسية الحسية
الملابس الجديدة، الأصوات، والازدحام ممكن تكون مزعجة. جرّبوا اللبس قبل العيد واختاروا أشياء مريحة.
🔹 راقبوا الإشارات
إذا حسيتوا إنه متوتر أو تعبان، خذوا استراحة فورًا. أحيانًا الانسحاب من المكان هو الحل الأفضل.
🔹 تأكد إنه طفلك أخذ قسط كافي من النوم والراحة
من المهم أن يبقى وقت النوم ثابت، والنوم كافي ومريح تحديدًا قبل أيام العيد
🔹 نظّموا الأكل والحلويات
السكر الزائد ممكن يزيد التوتر والتقلّبات المزاجية.
🔹 اقضوا وقت في الخارج مع طفلكم
النشاطات الخارجية زي المشي، بتساعد على كسر عبء التواصل الاجتماعي اللي تعرضله الطفل..
عيد سعيد إلكم ولأطفالكم 💙
