14/11/2025
كل مرة بتحاول “تكون حاضر”، إنت فعليًا عم تبعد عن ذاتك.
الحضور مش لحظة بتركض إلها…
الحضور هو أنت قبل ما تتعلم يعني شو “الآن”.
كل مفهوم بتتعلّق فيه ( حتى اكتر المفاهيم الروحية ) بصير بوابة انفصال جديدة.
إنت ما نزلت على الأرض لتصير…
نزلت لتتذكّر.
لتتذكّر إنك مش وعي بيدوّر على الطريق،
إنت الطريق.
مش وعي بدو يحضر،
إنت الحضور نفسه.
وكل مرة بتلوم حالك إنك “مش صح”،
أو “مش واعي كفاية”،
إنت بس عم تعيش تجربة النسيان اللي هي جزء من الوعي نفسه.
الحضور ما بدو منك ركض…
ولا جهد زيادة
ولا شكل.
الحضور بصير أول ما تبطّل تحاول.
أول ما تترك الفكرة.
أول ما ترجع تكون.
مش مطلوب منك توصل،
مطلوب منك تتذكّر إنك كنت هناك من الأول
رشا بدوي
