27/04/2026
عندي خبر مؤسف جداً
.
.
وئام من طولكرم الغت متابعتي ،، الله يسامحك يا وئام لانه انا بصحى و بنام اعد بالمتابعين و مستعدة انشر السخافات زي غيري و اضلل الناس عشان اكون ترند و اجمع اكبر عدد من المتابعين ، لانه بعطوني شيكل ع كل متابع فالقصة محرزة 🙂
و أنا شهاداتي مش شهادتي بقولك مين اعطاني اياهم مع انه ما بخصك بس لاني فخورة بنفسي ،، بس خلينا نتعرف حضرتك شو شهاداتك؟!
هو انا بصراحة ما بحب انزل لهيك مستوى بس مش غلط كل فترة نغير جو و نشوف الناس كيف بتفكر 🤣🤣🤣👏👏
زعلتي عشان نظام غذائي كله دجل و كأنه قرآن منزل دون تشبيه
يا اختي لا تاكلي دجاج كلها هرمونات براحتك ما حد زعلان ولا البان ولا خضار ولا فواكه كله زي بعضه مهرمن و ملوث ديري بالك و حتى المي مصادرها مش معروفة فلازم تعطشي زي ما وصى هالنظام و خليكي على السكريات و الحلويات و التدخين زي ما اوصى النظام ايضا يمكن غنية بالفيتامينات و احنا ما بنعرف و رديلنا خبر اذا ضليتي ع قيد الحياة عشان نعمل معك مقابلة و نحطك بمتحف
القرآن و كلام ربنا اعجاز صالح لكل زمان و مكان
رب العالمين لم حلل و حرم الأطعمة و الأشربة علام بالغيوب وعالم شو راح يصير بزماننا و ليوم الحساب ! و ديننا صالح لكل زمان و مكان
بس فعلاً شعب بحب خالف تعرف و الترندات و الي بطلع يصرخ و يخبط ع الطاولة بشوفوه طبيب متميز ! اما الي بحكي كلام علمي و بنصحكم بنظام حياة صحي منطقي بتشوفوه مفلسف و بعجزكم !
﴿يَا أَيُّهَا الَّذِينَ آمَنُوا كُلُوا مِن طَيِّبَاتِ مَا رَزَقْنَاكُمْ وَاشْكُرُوا لِلَّهِ إِن كُنتُمْ إِيَّاهُ تَعْبُدُونَ﴾ [البقرة: 172]. صدق الله العظيم
اذا الانسان اساس تغذيته سليم و صحي و ببتعد عن الاطعمة الي ضررها يفوق أي نفع او بتسببله تحسس او مشاكل هضمية،، بقدر جسمه يستفيد من العناصر المفيدة بكل صنف اخر و يتخلص من الضار و شوية الهرمونات الي مزعلينك دون حدوث اي نقص او خلل عنده،، مين مفهمك انه جسمنا صندوق تخزين فقط 🤔
الاعتدال و التنوع هو اساس الحياة ما حد قالك تاكلي جاجتين كل يوم مثلا ! اما التطرف هذا اسمه دجل و تصعيب للحياة و فوقها بنصحكم النظام بالحلويات و بكميات كبيرة ، ما تكوني بتاكلي انتِ و اولادك شيبس و حلويات و زعلانة من هالجاجة المسكينة؟!
بعدين ربيلك جاج بدون هرمونات و كلي منهم او صومي طول العمر لانه الي بياكل ع ضرسه بنفع نفسه و الغي المتابعة على السكت لانه ما حد عارف عنك احسن من البلبلة الي عملتيها و طلعتي ع الفضائيات😂😂😂
انا بحكي رأيي ك طبيبة بنظام غذائي ما حكيت عن شخصك او شخصه لتزعلي هالقد !
جيبي شهاداتك و ابحاثك و تعالي نتعرف على هالفكر العظيم الي مش عاجبيته شهاداتي 😂
١٠ يتابعوني و يستفيدوا احسن من مليون متابع بحفظوا حفظ و ما بفكروا يبحثوا و يعرفوا الصح من الخطأ !
