اخصائية التغذية ديانا الطوابيني Dt. Diana Tawabini

  • Home
  • Jordan
  • Amman
  • اخصائية التغذية ديانا الطوابيني Dt. Diana Tawabini

اخصائية التغذية ديانا الطوابيني Dt. Diana Tawabini Improve your relationship with eating. Change your think about the healthy lifestyle.

11/05/2026

مو كل الأطعمة “الخفيفة” تكون فعلًا قليلة بالسعرات 💔
عشان هيك مهم نقرأ المكونات والقيم الغذائية، وننتبه للكميات
الاعتدال والوعي دائمًا أهم من المنع 👍

#تغذية #رشاقة #وصفات

08/05/2026

مو كل تقدّم بصير يبين على الميزان… أحيانًا التغيير الحقيقي بصير بشكل أعمق من رقم الميزان

في لحظات بتكون فيها بتتحسّن، بتقوى، وبتبني جسم أقوى وأثبت، حتى لو الرقم ثابت.

الميزان جزء من الصورة… مو الصورة كلها ✨

#تغذية #صحة #رشاقة

06/05/2026

١٠٠ غ سردين = أكثر من 3 أضعاف احتياجك اليومي من فيتامين B12 🐟
فيتامين أساسي لصحة الأعصاب، الطاقة، والتركيز 💪🧠

بس القيمة الحقيقية ما بتكون بالسردين لحاله…
اختياراتك معه بتفرق
خضار = شبع أعلى
حبوب كاملة = طاقة متوازنة
طحينية = دهون مفيدة + دعم غذائي

#سردين #سمك #تغذية #صحة #وصفات

02/05/2026

مو كل “صحي” يعني الأفضل لكل يوم 👀

نفس المغذّي… بس الاختيار ممكن يغيّر النتيجة تمامًا.

بين أطعمة يومية شائعة، شفنا كيف:
✔️ أحيانًا الكمية أعلى
✔️ أحيانًا الامتصاص أقوى
✔️ وأحيانًا السعرات هي اللي تحسم القرار

اختار بناءً على هدفك، مو على الرقم لحاله

#صحة #تغذية #رشاقة #وصفات

27/04/2026

مو للنقد ..

بس من زاوية تغذوية… أحيانًا بياخدنا الحماس بالتجربة وبننسى راحة الجهاز الهضمي
مو كل فكرة غريبة لازم نجربها بنفس اللحظة
في أشياء ممتعة
وفي أشياء ممكن نخليها للـscroll بس

جربوا… بس اسألوا جسمكم قبلها 🙏

#تغذية #صحة #وصفات #اسبريسو

27/04/2026

Hot Balsamic Bliss Salad 🔥✨

خس، نعناع مفروم، جزر مبشور، بندورة، فليفلة، شرائح فجل، جبنة فيتا او حلوم مشوي، تمر، جوز، بذور يقطين، بذور شيا

الصوص:
دبس رمان، خل بلسمك، فلفل بلدي أحمر، ليمون، زيت زيتون، سماق

توازن نكهات (حلو + مالح + حامض)، بيساعد على الشبع بدون إفراط
غنية بالألياف، شبع أطول وهضم أريح
دهون صحية من الجوز والبذور، دعم لصحة القلب والشبع
مليانة معادن مهمة (كالسيوم، مغنيسيوم، زنك)
مضادات أكسدة من الخضار والسماق، تقليل الالتهاب ودعم المناعة
طاقة سريعة ومتوازنة من التمر

#صحة #تغذية #وصفات #سلطة

18/04/2026

قاعدة 20-20-20 بعد عمليات السمنة

مو بس “شو بتاكل”… الأهم “كيف بتاكل”

1) امضغ 20 مرة 🦷
ليه؟

* لأن المعدة الجديدة ما بتتحمل قطع كبيرة
* المضغ الجيد = هضم أسهل + امتصاص أفضل
* يقلل الإحساس بالثقل أو الألم

كيف تطبقها؟

* لا تبلع إلا لما يصير قوام الأكل ناعم شبه المهروس
* جرّب تحط الشوكة/الملعقة بين كل لقمة

2) خلّي الوجبة 20 دقيقة ⏱️
ليه؟

* الدماغ بده وقت (حوالي 15–20 دقيقة) ليحس بالشبع
* الأكل السريع ممكن يخليك “تتجاوز” الشبع بدون ما تنتبه

كيف تطبقها؟

* قسّم الوجبة على لقيمات صغيرة
* إذا خلصت بسرعة… وقف شوي، غالبًا أنت شبعت

3) اترك 20 دقيقة بين الأكل والشرب 💧
ليه؟

* الشرب مع الأكل ممكن “يدفّع” الأكل بسرعة ويسبب انزعاج
* يخفف الإحساس بالشبع → ممكن تاكل أكثر
* ممكن يسبب غثيان أو تقيؤ بعد العملية

كيف تطبقها؟

* وقف شرب قبل الأكل بـ20 دقيقة
* وارجع اشرب بعده بـ20 دقيقة
ولبعض الاشخاص ٣٠ دقيقة افضل

البطء، المضغ، والتنظيم… هم سر الراحة والنتائج بعد العملية

#تكميم #صحة #تغذية #رشاقة

“كُل أقل وتحرك أكثر”جملة بنسمعها دايمًا… بس مو هي الحقيقةالسمنة مو بس موضوع أكل وحركةهي حالة مزمنة بدخل فيها الجسملما ال...
18/04/2026

“كُل أقل وتحرك أكثر”
جملة بنسمعها دايمًا… بس مو هي الحقيقة

السمنة مو بس موضوع أكل وحركة
هي حالة مزمنة بدخل فيها الجسم

لما الجسم يحاول ينزل وزن، بصير يقاوم:
• بيرفع هرمونات الجوع
• وببطّئ الحرق عشان يحافظ على الطاقة

عشان هيك مو كل الناس بتستجيب نفس الاستجابة للدايت والرياضة
ورجوع الوزن بعد النزول شائع… ومو دليل فشل

الأدوية وجراحات السمنة
مو حلول سريعة… هي خيارات علاجية مدروسة ومبنية على علم

#سمنة #صحة #تغذية #وزن

كيف تستفيد لأقصى حد من مكملاتك؟ مو بس شو تاخذ… كيف ومتى تاخذه بيفرق! • فيتامين D : مع وجبة فيها دهونلأنه ذائب بالدهون (م...
12/04/2026

كيف تستفيد لأقصى حد من مكملاتك؟

مو بس شو تاخذ… كيف ومتى تاخذه بيفرق!

• فيتامين D : مع وجبة فيها دهون
لأنه ذائب بالدهون (مثل زيت الزيتون، الأفوكادو، البيض)

• فيتامين A : مع الدهون
لنفس السبب: امتصاصه يتحسن بوجود الدهون

• أوميغا 3 : مع وجبة
يساعد على امتصاص أفضل ويخفف أي إزعاج بالمعدة

• الحديد : مع فيتامين C
مثل عصير برتقال أو ليمون
❗ وتجنب أخذه مع القهوة، الشاي، أو الكالسيوم

• الكالسيوم : قسّمه على جرعات
الأفضل أقل من 500 ملغ بكل مرة
❗ وخليه بعيد عن الحديد

• الزنك : مع الأكل إذا سبب غثيان
لكن الأفضل تبعده عن الكالسيوم والحديد

• المغنيسيوم : الوقت مرن
ممكن مساءً إذا هدفك الاسترخاء والنوم

• فيتامين B12 : مافي وقت محدد
غالبًا يُؤخذ صباحًا لأنه ممكن يعطي نشاط عند بعض الناس

• البروبيوتك : حسب النوع
ممكن على معدة فاضية أو مع الأكل
(ما في قاعدة وحدة تناسب الكل)

• الكركم (Curcumin) : مع فلفل أسود + دهون
هذا يعزز امتصاصه بشكل كبير

التفاصيل الصغيرة بتفرق 👌
تنظيم التوقيت والتداخلات ممكن يخلّي المكمل يعطيك فعاليته الحقيقية بدل ما يضيع جزء كبير منه.

#تغذية #مكملات #صحة

Address

Amman

Website

Alerts

Be the first to know and let us send you an email when اخصائية التغذية ديانا الطوابيني Dt. Diana Tawabini posts news and promotions. Your email address will not be used for any other purpose, and you can unsubscribe at any time.

Shortcuts

Featured

Share

Category