أخصائية التغذية نيفين صبحا

10/08/2021

20/07/2021

اكيد العيد مش الفرصة الأنسب للاستمرار في عملية تنزيل الوزن بالنسبة لمتبعي الحميات الغذائية أو المهتمين بموضوع الوزن والصحة بس ممكن على الأقل المحافظة على ثبات الوزن الحالي ؛ بحسن تقدير الكميات واختيار النوعيات والابتعاد عن المجاملات.

حبة معمول بوزن 30 g ممكن تتراوح سعراتها بين 120 - 160 سعرة حرارية حسب نوع الحشوة غير عن شوكولاتة العيد وغيرها من الضيافات المميزة .
لهيك وجب التنبيه📢📢📢

#عيد مبارك # معمول # حلو # وزن #صحة #انتباه #أخصائية التغذية نفين صبحا

07/07/2021

عروض الصيف خصومات 20% على الاشتراكات الشهرية

#الصيف #العيد # وزن صحي #نحافة # رشاقة #أخصائية التغذية نفين صبحا

23/06/2021

بتتخيلو انو ممكن نحرق سعرات حتى واحنا نايمين🤔🤔
اكيد ممكن☑️☑️
إذا اتبعنا هالنصايح :
🔹 إذا لعبنا رياضة خلال النهار وركزنا على تمارين المقاومة تأكدوا انو عملية الحرق رح تتعزز و تمد لساعات وساعات بعد التمرين. 🏋️‍♀️
🔹 وجبة غنية بالاجبان بخاصة جبنة الأريش cottage cheese الغنية ببروتين الكزايين casein والحمض الأميني
تربتوفان tryptophan الموجود في لحم التركي turkey كمان ، بتحسن نوعية النوم وبتقلل المدة الزمنية اللي بحتاجها الجسم للانتقال من حالة اليقظة للنوم وبتمنع الارق.

🔹شور دافي قبل النوم اكيد بساعد على الاسترخاء والراحة.
🔹 النوم في غرفة درجة حرارتها باردة لمعتدلة ما بتزيد عن 23 درجة مئوية بحسن قدرة الجسم على الحرق بنسبة 42%.
🔹 ممارسة الصيام المتقطع في الفترة الليلية برفع نسبة هرمون النمو اللي بعزز الحرق وبساعد على بناء العضلات.

🔹 التخلي تماما عن عادة استعمال الموبايل قبل النوم لانو الضو الأزرق الصادر عنه بضل يعطي إشارات للدماغ إنا لسا في الوضع النهاري ومو مستعدين للنوم غير عن انو بزيد الشعور بالجوع وبزيد من مقاومة الجسم للانسولين.

🔹 النوم في غرفة معتمة تماما بحفز إفراز هرمون الميلاتونين الليلي بالقدر الكافي اللي بدوره بعزز النوم الجيد.
🔹 ضروري نحافظ على ساعات نوم كافية ونقلل السهر لانو قلة النوم بتدفع الجسم يفرز هرمون الجريلين Ghrelin هرمون الجوع.

🔹 النوم المتواصل غير المتقطع في مكان هادي واستعمال مخدة مريحة للمحافظة على إيقاع نفس منتظم بساعد على وصول الأكسجين للخلايا بالشكل الصحيح خلال النوم وبالتالي بحقق حرق فعّال ، بالإضافة لتجنب المشروبات الغنية بالكافيين المدر للبول والمشروبات بشكل عام في الفترة الليلية.

#نوم # بروتين #رياضة #موبايلات #عتمة #حرق أعلى #أخصائية التغذية نفين صبحا

27/04/2021

العصير هو المتهم الأول لزيادة الوزن في رمضان 😤😤
العصير مش المشروب الأفضل لتعويض السوائل وتخفيف الشعور بالعطش والجفاف.
على العكس العصير ⬅️ مجرد إحساس وهمي وقت بالارتواء ؛ لانو مليء بالسكريات يلي بتزيد شعورنا بالعطش بعد فترة ، وبتزيد من مجموع سعراتنا الحرارية والأسوء إنها بتزيد الشعور بالجوع والطلب على الأكل ونحنا مو حاسين😱😱
ما بنقول انه ممنوع تماما
بس الإفراط في الكمية هي المشكلة 🥛🥛🥛🥛❌
الحقيقة يلي بساعدنا على تحديد الكمية المناسبة هو (النوع)
أكيد العصير الطبيعي المحضر منزلياً بيجي بالمرتبة الأولى بدون سكر مضاف طبعا ،و إذا قررنا نشتري عصير جاهز يفصل اختيار النوع يلي مكتوب عليه عصير طبيعي100% مو نكتار ولا شراب ....
واللي بساعدنا أكتر بالاختيار قراءة الملصق الغذائي على العبوة لنعرف حجم الحصة الوحدة وكمية السكر فيها .

1/2 كوب من العصير كمية أكتر من كافية لنحصّل رغبتنا من العصير.
وهون رح أوضح السعرات الحرارية في بعض المشروبات الرمضانية لننتبه أكتر .
#عصير #سكر #رمضان #سعرات #جوع #لازم ننتبه #أخصائية التغذية نفين صبحا

10/04/2021

تهيئة جسمنا للتغيرات يلي رح تطرأ عليه خلال شهر الصيام موضوع كتيير ضروري ولازم نحاول نبدا قبل بأسبوع أو ٤ أيام على الاقل من بداية الشهر لحتى نتفادى الأعراض المزعجة يلي ممكن تصيب البعض نتيجة التغير المفاجئ في وجباتنا وعادتنا الغدائية متل: الصداع ، التعب، الإرهاق وغيرها.
الخطوات التالية ممكن كتيير تساعدنا :
⬅️التقليل من عدد الوجبات المعتادة وكمية الوجبة الوحدة . ⬅️البدء بتقليل كمية الكافيين اليومية تدريجيا أو استبدالها بمشروبات ذات نسبة كافيين أقل مثل الشاي أو مشروبات خالية من الكافيين أو المشروبات العطرية.
⬅️ التقليل من كمية النيكوتين للمدخنين تدريجيا.
⬅️استشارة الطبيب الخاص فيما يتعلق بمواعيد جرعات الادوية لإجراء التعديل اللازم وتقييم الوضع الصحي للبعض .

# رمضان #صيام #صحة # تهيئة الجسم #نيكوتين #كافيين أدوية #أخصائية التغذية نفين صبحا

12/02/2021

بموسم الحديث عن المناعة بسوى نطّرق لمعدن الزنك Zn
الزنك من العناصر المعدنية الصغرى الأساسية بمعنى انه بتواجد في الجسم بكميات قليلة.

اله وظائف متعددة في الجسم من أهمها:
🔹مكون ومنشط لكتيير من الانزيمات الفعالة في الجسم متل الانزيم اللازم لنقل غاز Co2 في خلايا الدم الحمرا،
أو الانزيمات المساهمة في تكوين البروتين أو هضمه أو انقسام الخلايا وغيرها من الانزيمات الهامة.
🔹 وبالتالي ضروري للنمو والبناء.
🔹 النضج الجنسي خاصة عند الذكور.
🔹 شفاء والتئام الجروح.
🔹اله علاقة بتمثيل فيتامين A وبالتالي الاستفادة منه.
🔹 الوقاية من مرض السكري لارتباطه بهرمون الأنسولين وتمثيل السكر في الجسم.
🔹 تعزيز المناعة فالزنك موجود بتركيز عالي في الغدد الليمفاوية وكرات الدم البيضا.
🔹 ضروري لحاستي الشم والتذوق ونقصه بقلل حدة كل من هالحاستين.

مصادر الزنك عديدة :
اعلاها نسبة في المحار والجمبري🍤🍣 واللحوم الحمرا🥩 والكبد والنخاعات وصفار البيض 🥚 تليها اللحوم البيضا 🍗 والاسماك ثم البقوليات متل الفاصوليا الحمرا والبيضا والعدس والحمص وغيرها ثم المكسرات ونسب بسيطة في أغذية أخرى نباتية.
لكن الزنك أعلى امتصاصا من المصادر الحيوانية منها من النباتية فقطعة من اللحم الأحمر بوزن 90_100 غم ممكن تغطي 80% من احتياجاتنا من الزنك
فاحتياجاتنا من Zn بتتراوح بين 8 _ 11 mg يوميا اعلاها للرجال
ومو معنى هالحكي انو لازم ناكل لحوم حمرا بشكل يومي إنما بالتنويع الغذائي اليومي بين كل هالمصادر ممكن نسهل حصولنا على احتياجاتنا من الزنك دون اللجوء للمكملات.

يفضل ما نلجأ للمكملات المركزة بجرعات عالية دون فحص مخبري أو استشارة طبيب لانو الزيادة في النسب الها مضار تماما متل النقص فهي ممكن تتعارض مع عدد من الأدوية أو تقلل فعاليتها أو تؤثر في امتصاص معادن تانية متل الحديد والنحاس في هالحالة أو أنواع أخرى من الآثار الجانبية.
اما المكملات المتعددة multivitamins or minerals
يلي بتحتوي نسب بسيطة اضافية من كل معدن أو فيتامين ممكن تساعدنا في حال حسينا انو أكلنا مو منوع أو مصادرنا الغذائية غير كافية أو مناعتنا ضعيفة بسبب سوء تغذيتنا ،بس كمان مش بشكل يومي ومستمر لفترات طويلة فالتعديل على النظام الغذائي افضل بكتيير من الاعتماد على المكملات.

#زنك #معدن #مناعة # انزيمات # نمو #بناء # مكملات #أخصائية التغذية نفين صبحا

10/09/2020

مع رجعة ولادنا على المدارس في هالظروف ، دورنا كأب وأم بتلَخّص بتعزيز مناعتهم قدر الإمكان ، بالاهتمام بالتغذية السليمة والتركيز على وجباتهم البيتية والمدرسية.
⬅️ اللانش بوكس الصحي ضروري يتضمن ٥ عناصر :
🔹مصدر نشوي بالتركيز على منتجات القمح الكامل أو الشوفان من خبز 🍞أو باستا أو حبوب افطار🥣 واذا أطفالنا انتقائيين ممكن نشكل بين الأسمر والأبيض ونشكل في الحشوات لحتى يتعودو.
🔹مصدر بروتيني حليب ، لحوم ، أجبان مع التركيز على الألبان 🍶🧀🥚
🔹خضار 🥒🥬🥑🥦🥕🍅
🔹فواكه🍊🍌🍇🥝🍓🍍🍐
مع التركيز على مصادر العناصر يلي بتعزز المناعة متل فيتامين A 🥕🥦🥭🍠 فيتامين C🍊🥝🍓 الحديد Fe 🥚🍖🍗🥬 الزنك Zn 🥩🍤🍫

🔹سناك صحي 🍿🍫🌽🥜
🔹وأهم شي ما ننسى الماء🥛

وطبعا الإيجابية وضبط مشاعر القلق والخوف شي كتيير مهم لحتى ما تنعكس عليهم وعلى مناعتهم بصورة سلبية.
وأكيد تذكيرهم و توعيتهم المستمرة بضرورة غسل وتعقيم الأيدي والأسطح يلي بلامسوها وأهمية مراعاة التباعد قدر الإمكان .
والله يحميهم جميعا🤲

#مدارس #مناعة #تغذية سليمة #لانش بوكس صحي #تعقيم #تباعد #ايجابية # أخصائية التغذية نفين صبحا