Hello Hormones

01/06/2026

سمعتِ بنظام الطيبات؟
الكل بحكي عنه، وكثير جربوا ، واغلب ناس خسروا وزن فعلاً... ومو بس هيك ...وحسوا بخفه وراحة من اعراض القولون اول فتره واختفاء لبعض انواع الحساسية


شو الحقيقه ؟!

جملة سمعتها بالجامعة من دكتورة اعتز وافتخر فيها ..... ما نسيتها لليوم 🎓

دكتورتي في سنة ثانية جامعة قالت شي وقفني 👇
"أنا كأخصائية تغذية قادرة أبني نظام غذائي كامل على الشوكولاتة فقط — وأضمن لك خسارة الوزن!" 🍫
وبالفعل — ممكن يخسر وزن!

بس الجسم دفع ثمن ما توقعه:
🫀 كبد دهني — حتى مع الوزن الطبيعي!
لما الجسم ياكل سكر زيادة، الكبد يحوله لدهون وتتراكم حوله — والوزن على الميزان ما بيحكي هالقصة

💇‍♀️ تساقط شعر وضعف أظافر
الشعر والأظافر آخر شي الجسم بيغذيه — لما البروتين والفيتامينات ناقصة، هدول أول المتضررين

💪 تهالك العضلات
الجسم بيحرق العضلات كوقود لما ما في بروتين كافي — يعني بتنزل بالميزان بس بتخسر العضلة مو الدهن

🧠 تشتت وكثرة نسيان
الدماغ يحتاج دهون مفيدة للتركيز — بدونها الذاكرة والتركيز بيتأثروا فعلاً

⚡ خربطة الهرمونات
الانسولين وهرمون النمو وغيرها من الهرمونات محتاجين توازن غذائي حقيقي — السكر الزايد يخرب هالتوازن

خسر الوزن ✅
راحة مبدأيه مؤقته✅
لكن اعراض خفيه 😳
وخسارة للصحه كمان ❌
الوزن الصحي في جسم صحي — هذا هو الهدف الحقيقي 💙

بعض الانظمة الغذائية وان حصلت على تأييد الجماهير واصبحت ترند ...فهي لا تهدم علم قائم

هل عندك استعداد تحط العلم على جنب و تركض نحو نتيجه وهميه وغير دائمه؟!

#تغذية #صحة

31/05/2026

ما هو ال
Pre diabetes
وشو الفرق بينه وبين ال diabetes نفسه ؟

!Pre-diabetes شو هي؟
سكر الدم أعلى من الطبيعي بس ما وصل لمستوى السكري — يعني إنذار مبكر📢📢 من الجسم.

الأعراض؟
الغالب ما في أعراض واضحة 🤐— وهذا هو الخطر!☠️☠️

بس ممكن:
تعب وإرهاق بدون سبب🙍🏻‍♀️
جوع مستمر
صعوبة تركيز😵‍💫
زيادة وزن خصوصاً في البطن

مين الشخص المعرض اكثر من غيره للاصابه فيه ⚡؟؟

* الاشخاص الي عنظدهم محيط خصر مرتفع (حتى لو نحيف )😳
* تاريخ عيلي للسكري📝
* قلة نوم😴
* توتر مزمن😵‍💫😵‍💫
* أكل كثير سكر ونشويات مكررة🥯🧇🥞🥖🍞🫓
قلة حركة🙍🏻‍♀️

الفرق بين ال pre-diabetes و ال diabetes!!

الـ pre-diabetes = جسمك يصرخ "انتبه!" 📢
الـ diabetes = جسمك قال "خلص،
ما سمعتِ🥹 بس لسا ممكن في امل "

الفرق الأهم — في الـ pre-diabetes الفرصة اكبر واسرع لعلاج الحاله بالأكل الصحي والحركة 💙

🕵🏻‍♀️"اكتب لي محيط خصرك بالتعليقات 👇 او برساله 💌 وأنا بقولك وين أنتِ!"

#تغذية #صحة #السكري

30/05/2026

"اكتشفت إني pre-diabetic بالصدفة 😳"
ما كان في خطة، ما كان في أعراض، ما كان في شي.
كنت صاحية من النوم، زوجي بدون يعمل فخص سكري منزلي لانه شاكك أنه عنده اعراض سكري ، وانا بجهز بالجهاز غزيت اصبعي بالغلط ...قلت بما أن الجهاز شغال خليني أفحص أنا كمان — ما يضيع الدم سدى 😂
الرقم طلع أعلى من الطبيعي😳😳.
أنا، أخصائية تغذية ،تخرجت وكملت ماجستير بس ما اشتغلت ، كنت ام لثلاث اطفال، مع اني نحيفة لكن محيط الخصر كان لسا مرتفع بعد آخر ولاده — واتفاجئت أنه والارتفاع البسيط بمحيط الخصر سبب حالة ال pre-diabetes.
الصدمة كانت حقيقية. بس القرار كان أسرع — نظام صحي متوازن ...يعدل الهرمونات ... ينزل محيط الخصر ويرجع الصحه لاساسها، أنا وزوجي مع بعض دخلنا بالطريق ...والنتيجه ؟!
٦ أشهر بعدين؟

القيم تعدلت، الوزن اتحسن ووصل للوزن الصحي، وصحتي كلها تغيرت.
هذا اللي خلاني أؤمن أن الجسم قادر دائما يتجاوب معنا بالالتزام والإرادة 💪🏻

كيف صار هيك؟ لأن النحافة مو دايماً علامة صحة — ومحيط الخصر ما بكذب .... محيط الخصر هو الأساس وهو المرجع للصحه

10/08/2025

📌 هل السعرات كل شيء؟ الجواب: لأ.

في ناس بتحسب كل لقمة، كل سعرة، وبتحرم حالها من أكلات بتحبها… وبرضه الميزان مش عم يتحرك! 😅
ليش؟
لأنه جسمك مش آلة حاسبة، هو نظام هرموني ذكي.

⚖️ الهرمونات هي اللي بتتحكم بحرق الدهون، ,وبتتحكم بالشهية، الطاقة
وحتى المزاج.

لو الإنسولين أو الكورتيزول ملخبطين، حتى لو بتاكل قليل… ممكن وزنك يثبت أو يزيد!

🍳🥦 مثال:
1000 سعرة من ساندويش ومشروب سكّري
≠
1000 سعرة من بيض، أفوكادو وخضار

نفس السعرات… لكن تأثيرهم على الأنسولين، الشبع، وتخزين الدهون مختلف تمامًا.

✨ الخلاصة: النوع أهم من العدد.
ركّز على جودة أكلك، وجسمك رح يرد الجميل بطاقة أعلى، ومزاج أحسن، ووزن متوازن.

💬 مين عامل دايت وما عم ينزل وزنه؟ هذا البوست إلك

مشوارك للصحة يبدأ برسالة 🌟"


ً

15/07/2025