ウェブサイトとは何ですか？

https://www.facebook.com/107832083941820/

သမားတော်တိုင်းရင်းဆေး, Nagoya-shi (2025)

21/08/2025

ခါးနာ၊နောက်ကျောနာခြင်းကို ငါးမိနစ်အတွင်း သက်သာသွားစေမယ့် နည်းလမ်းကောင်းများ
•••••••••••••••••••••••••••••••••••••••••••••••••••

လူတော်တော်များများ အများဆုံးဖြစ်လေ့ ရှိတဲ့ဝေဒနာ ကိုပြောပါဆိုရင် နောက်ကျောဘက်နာကျင်ခြင်း ပါပဲ။ ခါးနာကြ တယ်။ ကျောနာကြတယ် စတဲ့ဝေဒနာတွေ ခံစားရတဲ့ အခါ လူကလည်း သက်တောင့် သက်သာ မရှိပဲ ပင်ပန်း ပါတယ်။ဒီလိုဝေဒနာတွေ ခံစား လာရပြီ ဆိုရင် သင့်အနေနဲ့ ဒီနည်းလမ်းကောင်းတွေ ထဲက တစ်နည်းနည်းကို စမ်းသပ်ကြည့် သင့်ပါတယ်။ ဘယ်လို နည်းလမ်းတွေက ခါးနာကျောနာခြင်းကိုသက်သာစေလဲဆိုရင်...

#ကျောရိုးကိုအနားပေးခြင်း
==============

အိမ်မှာရှိနေတဲ့ အချိန်ဆို ဒီနည်းလေးကို သုံးကြည့်သင့် ပါတယ်။ ပထမဆုံး ကြမ်းပြင်မှာထိုင်လိုက်ပါ။ ပြီးရင်ခြေထောက်နှစ်ချောင်း ကိုဖြောင့်တန်းစွာ ထားလိုက် ပါ။ ခြေထောက်နှစ်ဖက် ၁၀ စင်တီမီတာလောက်ခြား ထားပါ။ ပြီးရင် စောင်တစ်ထည်ကို ထူထူလေးဖြစ်အောင်လိပ်ပြီး ပုံထဲမှာပြထားသလို ဒူးအောက်မှာထားပါ။ ပြီးရင်ခေါင်းအုံးကို ခြေထောက်ပေါ်မှာတင်ထားပြီး ခန္ဓာကိုယ်အပေါ်ပိုင်းတစ်ခုလုံးကို ခေါင်းအုံးနဲ့ ထိတဲ့ အထိကွေး လိုက်ပါ။ အဲ့ဒီ အနေအထားအတိုင်း ၅မိနစ်ကြာ မှာနေပါ။ ဒီနည်းလေးက နောက်ကျော ဘက်ကြွက်သားတင်းအားတွေ ကိုပြေလျော့စေပြီး ခါးနာ၊ကျောနာခြင်းကို သက်သာ သွားစေပါတယ်။

ဆားခါးနဲ့ခြေထောက်စိမ်ပါ
================

-ခြေထောက်စိမ်ရရုံ အနေအထားလောက် ခပ်နွေးနွေးရေဇလုံ တစ်ခုယူပါ။အဲ့ဒီထဲကို ဆားခါး ခွက်တစ်ဝက်စာလောက်ရော ထည့်ပြီးမွှေ လိုက်ပါ။ ပြီးရင်ခြေထောက်ကို ၅မိနစ်ကနေ ၇မိနစ်လောက်ထိ ထည့်စိမ် ထားပါ။အချိန်ပြည့်တဲ့အခါ ခြေထောက်ကိုထုတ်ပြီ းခပ်နွေးနွေးရေလေးနဲ့ ထပ်ပြီးဆေး လိုက်ပါ။ ပြီးရင်တော့ စောင်လေးနဲ့ဖြစ်စေ ခြေထောက်ကို ပတ်ထားလိုက်ပါ။ ဆားခါးက အကြောတွေ၊ကြွက်သား နာကျင် တာတွေ ကိုပြေလျော့စေ တဲ့အတွက် ဆားခါးစိမ် လိုက်တဲ့ အခါ ခန္ဓာကိုယ်တစ်ခုလုံးက စုပ်ယူလိုက်တဲ့ အတွက် နောက်ကျောဘက် နာကျင်မှု ကိုလည်းသက်သာသွားစေ ပါတယ်။

ဒူးအနောက်ဘက်က အကြောလေးတွေကိုဖိပါ
========================

ဒူးအနောက်ဘက် အလယ် တည့်တည့်မှာ အကြောအမှတ်လေးတွေ ရှိပါတယ်။အဲ့ဒီအကြောနေရာလေးကို လက်မနဲ့ ဖိပေးပြီး အသက် ကိုပြင်းပြင်း ရှုပါ။၂မိနစ်ကနေ ၃မိနစ်ထိဖိထားပေးနိုင် ပါတယ်။ ဒီအကြောလေးတွေကို ဖိပေးတာ ကလည်း ခါးနေရာတစ်ဝိုက်ကြွက်သားနာကျင်မှု ကိုလျှော့ချပေးနိုင် တယ်လို့ သိရပါတယ်။

#သမားတော်တိုင်းရင်းဆေး
#လင်းသိဒ္ဓိအောင်အာရုံကြောဆေး

21/08/2025

#ဗြုံးမွှေးပင်

၁ ) - မှတ်ဥာဏ် ကောင်းစေခြင်း

ဗြုံးမွှေးပင်ကို မှတ်ဥာဏ်အတွက် အားပေးတဲ့ ဆေးဘက်ဝင်အဖြစ် သိကြပါတယ်။
အသက် ၄၀မှ ၆၅ နှစ်အတွင်းရှိသူ ၇၆ဦးကို စမ်းသပ်လေ့လာမူ တခုအရ ဗြုံးမွှေးဟာ လောလောလတ်လတ် သိရှိထားတဲံ့ အကြောင်းအရာတွေကိုမေ့လျော့မူနူန်းကို လျော့နည်းစေဖို့ အထောက်အကူပေးတယ်လို့ သိရပါတယ်။

၂.) - စိတ်ဖိစီးမူနဲ့ ပူပန်စိတ်ကို လျော့နည်းစေနိုင်ခြင်း

ဗြုံးမွှေးက ပြင်းထန်တဲ့ ကျန်းမာရေးပြဿနာတွေ ဖြစ်လာစေတတ်တဲ့ စိတ်ဖိစီးမူနဲ့စိုးရိမ်ပူပန်စိတ်တွေကို လျော့ကျ
စေနိုင်တယ်လို့လည်း သိရပါတယ်။

ဗြုံးမွှေးက စိတ်ကို တည်ငြိမ်အေးချမ်းစေပြီး အာရုံထွေပြားမူတွေနဲ့ ဂဏှာမငြိမ်ဖြစ်မူတွေကို လျော့ပါးသက်သာ
စေနိုင်တယ်လို့ ဆိုပါတယ်။

၃ ) - စိတ်ပိုင်းဆိုင်ရာပြဿနာတွေနဲ့ အစာချေဖျက်မူပြဿနာတွေကို ကုသနိုင်ခြင်း

၄င်းက အယ်ဇိုင်းမှားရောဂါ အာရုံမစူးစိုက်နိုင်တဲ့ရောဂါနဲ့ မှတ်ဥာဏ်နဲ့ပတ်သက်တဲံ့ရောဂါတွေကို ကုသရာမှာ
အထောက်အကူပေးပါတယ်။

ဗြုံးမွှေးက ဦးနှောက်ထဲမှာရှိတဲ့ Gammaami-nobutyric. acid (GABA)နဲ့ glu - tamate. ဓာတ်တွေကို
ထိန်းညှိပေးပြီး ဥာဏ်ရည်ပိုင်း လုပ်ဆောင်ချက်တွေကို မြှင့်တင်ပေးတယ်လို့ လေ့လာမူတွေက ဖော်ပြခဲ့ပါတယ်။

အိပ်မပျော်တဲ့ဒေနာကို သက်သာစေတယ်လို့လည်း ဆိုပါတယ်။ #ဝက်ရူးပြန်ရောဂါကြောင့် တက်ခြင်းကိုလည်း သက်
သာစေနိုင်သလို အူ လမ်းကြောင်းလူပ်ရှားမူ မူမမှန်တဲ့ရောဂါကို ကုသရာမှာလည်း အထောက်အကူပေးနိုင်တယ်လို့ ဆိုပါတယ်။

#ဗြုံးမွှေး အဆီဲရ့အကျိုးကျေးဇူး

၄ ) - ဆံပင်ကျွတ်ခြင်း သက်သာစေ

ဗြုံးမွှေးအဆီက ဆံပင်ကျွတ်ခြင်းအတွက် အထိရောက်ဆုံး အိမ်သုံးဆေးနည်းတွေထဲက တခုဖြစ်ပါတယ် သူ့မှာ
Kinase ပရိုတင်းကို လုပ်ဆောင်ချက်ကို မြှင့်တင် ပေးနိုင်တဲ့ lkaloids တွေပါဝင်ပါတယ်။

အဆီကို ဆံသားပေါ် တိုက်ရိုက်လိမ်းတာ သို့မဟုတ် ရေနွေးငွေ့နဲ့ ပေါင်းတင်ချိနိမှာ လိမ်းပြီး နှိပ်နယ်ပေးတာ စတဲ့
နည်းတွေ နဲ့ သုံးနိုင်ပါတယ်။

ဗြုံးမွှေးအဆီကို ဆံပင်မှာ လိမ်းပြီး ရရှိနိုင်တဲ့ အကျိုးကျေးဇူးတွေကတော့...

- ဆံပင်ကျွတ် သက်သာစေနိုင်ပြီး ဆံပင်ပေါက်နူန်း မြန်ဆန်စေတယ်။
- ဦးရေပြားကို အေးစေပြီး ယားယံခြင်းကင်းစေနိုင်တယ်
- ဗောက်ပျောက်စေနိုင်တယ်။

၅ ) - နှစ်ခြိုက်စွာ အိပ်ပျော်စေနိုင်ခြင်း

ဗြုံးမွှေးအဆီကို ဦးရေပြားမှာ နှိပ်နယ်လိမ်းပေးပါ ။
ရေ မချိုးမီ ချိုးတဲ့ရေထဲ လဲ ထည့်ပြီးသုံးနိုင်ပါတယ်။ ကြက်သီးနွေးရေနွေးထဲမှာ ၄င်းအဆီ တစ်စက်နှစ်စက်ကို
ထည့် ရေချိုးပါ။

သည်နည်းတွေကို လုပ်ဆောင်ရင် ညဘက် နှစ်နှစ်ခြိုက်ခြိုက် အိပ်ပျော်စေနိုင်ပါတယ်။

၆ ) - အဆစ်အမြစ် နာကျင်ကိုက်ခဲမူကို လျော့စေနိုင်

ဗြုံးမွှေးအဆီမှာ ရောင်ရမ်းမူကိုလျော့့ကျစေနိုင်တဲ့အစွမ်းသတ္တိရှိပါတယ်။
အဆစ်အမြစ်နာကျင်ကိုက်ခဲခြင်း ခါးနာခြင်း ကြွက်သားနာကျင်ခြင်း ခေါင်းကိုက်ခြင်းတွေကို သက်သာစေနိုင်ပါတယ်။

နာကျင် ကိုက်ခဲနေတဲ့ ဧရိယာတဝိုက်မှာ ဗြုံးမွှေးအဆီကို နှိပ်နယ်လိမ်းပေးခြင်းဖြင့် ဒါဏ်ကြေဆေးလိုပဲ နာကျင်မူ
ကိုခဏတာ သက်သာလျော့ပါးစေနိုင်ပါတယ် ။

#တခြားဆေးဘက်ဝင် ပစ္စည်းတွေနဲ့ ရောစပ်သုံးရင်

ဗြုံးမွှေးဟာ အစာစားချင်စိတ်ကို လျော့နည်းစေတာကြောင့် ချင်း ဖာလာစေ့တို့လို အစာချေဖျက်မူကို အားပေးတဲ့
ပစ္စည်းတွေနဲ့ တွဲဖက်သင့်ပါတယ်။

အပူကန်တာကြောင့်ဖြစ်တဲ့ အရေပြားပြဿနာတွေအတွက်ဆို ဗြုံးမွှေးကို နနွင်းနဲ့တွဲဖက် အသုံးပြုသင့်ပါတယ်။
စမုန်နက် ဇီယာတို့နဲ့ ပေါင်းစပ်လျှင် အူအတွက်ကောင်းတယ်လို့ သိရပါတယ်။

#အသုံးဝင်တဲ့ နည်းတချို့

ဗြုံးမွှေးဟာ ကလေးမရတာ ဝက်ရှုးပြန် ရောဂါနဲ့ စိတ်ပိုင်းဆိုင်ရာရောဂါတွေကို ကုသရာမှာသုံးတဲ့ Sarasvataristha တင်ချာဆေးရည်အတွင်းအရေးပါတဲ့ပစ္စည်းဖြစ်ပါတယ်။

ဆေးဝါးအဖြစ် ဖော်စပ်ထားတဲ့ အဆီအဖြစ်ဆိုရင် အဆစ်အမြစ်နာကျင်မူ ခေါင်းကိုက်ခြင်းတွေအပြင် စိတ်ကို
ရှင်းလင်းစေဖို့ အထောက်အကူပေးပါတယ်။

ဗြုံးမွှေးအဆီကို လည်ပင်းမှာ လိမ်းရင် ချောင်းဆိုးဒေနာနဲ့ အဆုတ်ရောင်ရောဂါအတွက် အရမ်းအသုံးဝင်ပြီး
( အထူးသဖြင့် ကလေးတွေမှာ သေးခံလောင်တာ ပွန်းတာ )သက်သာစေနိုင်ပါတယ်။

ဗြုံးမွှေးအရွက်ကြိတ်ရည်ကို တိုက်ရင် ကလေးတွေမှာ ဝမ်းသွားတာကို သက်သာစေပါတယ်။

စိတ်ပူပန်မူနဲ့ စိတ်ကျဝေဒ နာကိုကုသရာမှာ ဗြုံးမွှေးအဆီကို နှမ်းဆီ သို့မဟုတ် အုန်းဆီနဲ့ ရောပြီး ခြေဖဝါးအရိုးအဆစ်နဲ့ နားရွက်တို့ကို အိပ်ရာမဝင်ခင် လိမ်းပေးနိုင်ပါတယ်။

#သတိထားရမည့် အချက်များ

. ကိုယ်ဝန်ဆောင် သိ့မဟုတ် ကလေးနို့တိုက်နေဆဲ ဖြစ်လျှင် ဗြုံးမွှေးဓာတ်စာက ဘေးကင်းမကင်းကို ခိုင်မာတဲ့
အထောက်အထား ဖော်ပြချက် မရှိသေးတာကြောင့်ဆေးဝါးအဖြစ်မသုံးတာ ကောင်းပါတယ်။
နှလုံး ခုန်နူန်းကို နှေးစေနိုင်တာကြောင့် သည်အချက်ရှိနှင့်ပြီးသူတွေ သတိထားသင့်ပါတယ်။
ဗြုံးမွှေးက အစာအိမ်နဲ့အူတွေထဲမှာ စွန့်ထုတ်မူတွေတိုးစေနိုင်တာကြောင့် အစာအိမ်နဲ့ အူလမ်းကြောဂ်းမှာ အနာရှိသူတွေ အနေနဲ့ သတိထားသင့်ပါတယ်။
အဆုတ်အတွင်း အရည်စွန့်ထုတ်မူကို တိုးစေနိုင်တာကြောင့် ပန်းနာရင်ကျပ်လို အဆုပ်နဲ့ဆိုင်တဲ့ရောဂါရှိသူတွေ
သတိထား ပြီးသုံးစွဲသင့်ပါတယ်။
သိုင်းရွိုက်ဟော်မုန်းပမာဏကို တိုးစေနိုင်တာကြောင့် သိုင်းရွိုက်ဟော်မုန်းဆေးတွေ သောက်သုံးနေရတဲ့သူတွေ
၄င်းရောဂါရှိသူတွေ သတိထားသုံးစွဲသင့်သို့မဟုတ် ရှောင်ရှားသင့်ပါတယ်။
ဆီးလမ်းကြောင်းအတွင်း စွန့်ထုတ်မူကို တိုးစေနိုင်တာကြောင့် ဆီးလမ်းကြောင်းပိတ်ဆို့မူရောဂါရှိသူတွေ ပိုဆိုး
စေနိုင်ပါတယ်။

#သမားတော်တိုင်းရင်းဆေး
#လင်းသိဒ္ဓိအောင်အာရုံကြောဆေး

20/08/2025

#သက်ရင်းကြီး
✓မပျောက်နိုင်သောအနာအို အနာဟောင်းတွေကိုသက်ရင်းကြီးရွက်ကိုကြိတ်ပြီးအုံပေးရင်အနာအသားနုတက်ပြီးအမြန်ပျောက်စေပါတယ်။

✓သက်ရင်းကြီးရွက်နုနုကိုပြုတ်သုပ်စားမယ်ဆိုရင် ဝမ်းမှန် လေမှန်စေပါတယ်။

✓အမျိုးသမီးများသွေးလေမမှန်ပဲပိန်နေပါကသက်ရင်းကြီးမြစ်ကိုပျစ်ပျစ်သွေးပြီးဆားထည့်ကာနေ့စဉ်တစ်ရက်တကြိမ်သောက်ပါကသွေးလေမှန်ပြီးအလှတိုးစေပါတယ်။

✓သက်ရင်းကြီးမြစ်ကိုသံပုရာရည်နဲ့သွေးပြီးတနေ့တကြိမ်သောက်ပါကအညောင်းထိုင်များသူ လိပ်ခေါင်းရှိသူတွေများ အကြောတက်သူများအတွက်ကောင်းမွန်တဲ့နည်းကောင်းတခုဖြစ်ပါတယ်။

✓ချောင်းဆိုးခြင်းအတွက်သက်ရင်းကြီးရွက်နှင့်ခွေးသေးပန်းပင်သတ္ထု ရည်တဇွန်းစီရောပြီးတနေ့၃ကြိမ်ပုံမှန်သောက်ပါက လေနှင့်သလိပ်တို့ကြောင့်ဖြစ်တဲ့ချောင်းဆိုးခြင်းကိုပျောက် ကင်းစေပါတယ်။

✓သက်ရင်းကြီးရွက် ၊ဆား ၊မိဿလင်တို့ကိုထောင်းပြီးကြပ်ထုပ်ပြုလုပ်၍ထိုးပေးပါက ဒဏ်ကိုကျေစေပါတယ်။

✓သက်ရင်းကြီးအခေါက်ကိုထောင်းပြီးနှမ်းဆီဖြင့်ချက်ကာ ဒဏ်နာများ ရောင်တင်းခြင်းနှင့်အကြောရောဂါများကိုလိမ်းပြီးကြပ်ထုပ်ထိုးလျှင် ပျောက်စေပါတယ်။

✓ဝမ်းကိုက်ရောဂါဖြစ်ပါကသက်ရင်းကြီးရွက်သတ္ထုရည်တဇွန်း ခန့်တနေ့လ၃ကြိမ်ပုံမှန်သောက်ပေးလျှင် ပျောက်စေပါတယ်။

✓ ဝမ်းချုပ်ပြီး စမြင်းခံနေပါက သက်ရင်းကြီးမြစ်အမှုန့်နှင့်လငုသီးအနှစ် ရောပြီးအိပ်ရာဝင်.တိုင်းသောက်ပါက ဝမ်းသ်စေပြီးစမြင်းကျေစေပါတယ်။

✓ အနာအို အနာဟောင်းများမပျောက်နိုင်ပါက သက်ဒင်းကြီးရွက်နုနုနှင့်နမဏီသန်လျက်အရွတ်ထောင်းအုံပေးလျှင်အမြန်ပျောက်စေနိုင်ပါတယ်။

✓ အဖောရောဂါရှိသူုများသက်ရင်းကြီးမြစ်မှုန့်နှင့်ဆိတ်နံကြီးမြစ် အမှုန့်ရောစပ်ပြီးနံနက်/ညပုံမှန်သောက်ပေးပြီးသက်ရင်းကြီးရွက်ပြုတ်ရည်ရေးချိုးပေးပါက အမြန်ပျောက်ကင်းစေပါတယ်။

✓ ဖျားခြင်း အဆုတ်အအေးမိခြင်း အဆုတ်ပွခြင်းတို့အတွက်သက်ရင်းကြီးရွက်မှုန့်ကွမ်းရွက် သတ္ထု ရည်တဇွန်းပုံမှန် နံနက် နေ့ ည သောက်ပါက ပျောက်ကင်းစေပါတယ်။

✓ အသည်းကြီးခြင်း ရောင်ခြင်းအတွက်သက်ရင်းကြီးမြစ်မှုန့်နှင့်ချောင်းခြားမြစ်မှုန့်တို့ရောပြီးရှောက်ရည်နှင့်ဖျော်ကာနံနက် ည သောက်ပါက ပျောက်စေပါတယ်။

✓ မီးယပ်သွေးမမှန်ခြင်း ရာသီချိန်ကိုက်ခဲနာကျင်ခြင်းတို့အတွက်သက်ရင်းကြီးမြစ်အမှုန့်ကိုဝါးရွက်ပြုတ်ရည်နှင့်သောက်ပေးပါကသက်သာစေပါတယ်။

✓ အမျိုးသမီးများမီးယပ်ဖြူဘဆင်းခြင်း သားအိမ်မသန့်ရှင်းခြင်း ယောနိ၌အနာရှိခြင်းဖြစ်ပါကဘသက်ရင်းကြီးရွက် ပြုတ်ရည်ဖြင့်ဆေးပေးရ၏။

အမျိုးသမီးများသွေးဆုံးချိန်တွင်ဖြစ်ပေါ်သောသွေးဆုံး
မီးယပ်ရောဂါအတွက်
သက်ရင်းကြီးရွက်အမှုန့် ၁ ဆ။
ရှားစောင်းလက်ပပ်အနှစ် ၃ ဆနှင့်ရောကျိုပါ။
၎င်းနောက်ထန်းလျက် ၂ဆ။
မန်ကျည်း ၁ ဆ ထည့်ပြီးကျို ၍အအေးခံပြီးပျားရည်၂ဆ ရောမွှေပါ။
တနေ့ ၂ကြိမ်တခါသောက်ကော်ဖီဇွန်းတစ်းခန့်သောက်ပါ။

#သမားတော်တိုင်းရင်းဆေး

20/08/2025

အနာကျက်စေသောအာနိသင်ရှိသည့် #တပင်ရွှေထီး
#မွှေးဆုပ်နေကြာပင်

၁။သွေးတိတ်စေခြင်း၊ အနာကျက်စေခြင်း၊ အင်းဆက်ပိုး မွှားများကို နိုင်ခြင်း

၂။သွေးစုနာ၊ အရည်ကြည်ဖု၊ မီးလောင်ဖု၊ အဖုအပိမ့် နှင့် အနာများကုသရာတွင် အသုံးပြုခြင်း

၃။ဆံပင်အားဆေးများ တွင်အသုံးပြုခြင်း

၄။အရွက်ပြုတ်ရည်ကို ပိုးကြောင့်ဖြစ်သော အရေပြား ရောဂါ များတွင် အသုံးပြုခြင်း

၅။အရွက်ဆေးအနှစ်ကို အစာအိမ်ရောင်ခြင်းနှင့် ရင်ပူခြင်း များတွင် အသုံးပြုခြင်း

၆။ထိခိုက်ပွန်းရှနာ၊ ဒဏ်ရာများကို သွေးတိတ်စေပြီး အနာကျက် စေခြင်း

၇။သှေးတှငြး အဆီဓာတ်ကို ကျစေခြင်း၊ သွေးတွင်း အချိုဓာတ်ကို ကျစေခြင်း

၈။၀မ်းလျှောခြင်း၊ ၀မြးကိုကခြှငြးမွား တွင်အသုံးပြုခြင်း

၉။အသက်ရှူလမ်းကြောင်း ဆိုင်ရာရောဂါများတွင် အသုံးပြုခြင်း

၁၀။အသဲကို ကာကွယ်ပေးခြင်း၊ အသားဝါခြင်းနှင့် အသဲရောဂါ များတွင် အသုံးပြုခြင်း

၁၁။ဆီးကျောက်ရောဂါများတွင် အသုံးပြုခြင်း

၁၂။တပင်ရွှေထီး အရွက်တွင် sodium, potassium, calcium ဓာတ်ပေါကြွယ်၀ခြင်း

၁၃။anti-oxidant activity ရှိခြင်း၊ မှို၊ ဗိုင်းရပ်ပိုးနှင့် ဘက်တီးရီးယားပိုး များကို ဆန့်ကျင် နိုင်ခြင်း၊ အင်းဆက် ပိုးမွှားများကို ဆန့်ကျင်နိုင်ခြင်း၊ ဌက်ဖျားရောဂါ၊ ကင်ဆာ ရောဂါ၊ ဆီးချိုရောဂါကို ဆန့်ကျင်နိုင်ခြင်း၊ အရောင်ကျ အကိုက်အခဲပျောက်စေခြင်း၊ အသဲကို ကာကွယ်ပေးခြင်း၊ သွေးတိတ်စေခြင်း၊ ကိုယ်ခံအားစနစ်ကိုမြှင့်တင်ပေးခြင်း၊ အ၀လွန်ခြင်းကို ကာကွယ်ပေးခြင်း(P. Ghosh etal., 2019)

၁၄။အရွက်တွင် catechin ဒြပ်ပေါင်း ကြွယ်၀ခြင်း

၁၅။လေရှူပြွန်ကို ကျယ်စေခြင်း၊ သွေးကြောများကိုကျယ် စေခြင်း

#လက်တွေ့အသုံးချဆေးဖက်ဝင်အပင်များ
Crd
#သမားတော်တိုင်းရင်းဆေး
#လင်းသိဒ္ဓိအောင်အာရုံကြောဆေး

19/08/2025

#မဟာဂါကြံဆစ်
#ဆေးကျမ်းအချို့မှာ ဖော်ပြထားပုံ

လေးဘက်နာ ရောဂါများ ၊ ခြေဆစ် ၊လက်ဆစ် များ နာကျင်ခြင်းအပြင် များစွာဆေးဖက်၀င်သော မဟာဂါကြံဆစ်ပင် မဟာဂါနှင့်ဆေးအသုံးဝင် အကျိုးများမှာ....

(၁) မဟာဂါ၊၊ (၂) မဟာဂါလှေကား၊ (၃) မဟာဂါကြံဆစ်၊ (၄) မဟာကျွဲရေကျ ဟူ၍ ရုက္ခဗေဒဆိုင်ရာ အပင်များ စာအုပ်တွင် အပင်(၄)မျိုး ဖော်ပြထားသည့်အနက် မဟာဂါကြံဆစ် အပင်ဧ။်ဆေးဖက်အသုံးဝင်ပုံအား ဖတ်မိသမျှပြန်လည်မျှဝေ လိုက်ပါသည်။

အရွက်ကိုဝါးစားပါက ဖန်၊ ခါး၊ ချဉ် သလို အရသာရှိဧ။် ။ နေရာဒေသ အသီးသီးအလိုက်မဟာဂါကြံဆစ်ရိုးရွက်အား နဂါးစက်အပင်၊ နဂါးမောက်အပင်၊ အဆိပ်ဖြေပင်၊ နုဂါးမြီးပင်ဟူ၍ အမျိုးမျိုးခေါ်ကြသည်၊

ဆေးဝင်ပုံ

ထိုအရွက်က်ို စားသုံးပေးခြင်းဖြင့် သွေးတိုးကျစေဧ။်။ ထမင်းစားတဲ့အခါရွက်သုံးရွက်လောက်စီထမင်းနှင့်တို့ပြီးစားပါ။ ဓားဒဏ်ရာဖြင့် ခုတ်မိ၊ ဖြတ်မိခြင်း၊ ထိခိုက်ရှနာအမျိုးမျိုးအတွက် ထိုအရွက်ကို ထုထောင်း။ အနာပေါ်အုပ်။ပတ်တီးစည်းပေးပါက အနာကျက်ပြီး အနာရွတ်မကျန်စေပါ။ လေးဘက်နာသမားများ ဒူးဆစ်၊လက်ဆစ်ရောင်ခြင်းအတွက်
ရှောက်သီး အသေးတစ်လုံး အရည်ညှစ် ထိုအရွက်များစ်ိမ်ပြီး
ရောင်ကိုင်းနေသောနေရာပေါ်သို့ အရွက်များအုံပေး၊ ပတ်တီး
စည်းပေး (သို့) ဒူးစွပ်အုပ်ပေးပပြီး ညင်သာစွာဖိနှိပ်ပေးပါက

မကြာခဏ အရွက်များကို ရှောက်ရည်ထဲ ပြန်စိမ် ပြန်အုပ်ပေးပါ
စိတ်ရှည်ရှည် ဇွဲရှိစွာဖြင့် ဆောင်ရွက်ပါက ဒူးဆစ်အရောင်များ တစ်ဖြည်းဖြည်း အရောင်ကျသွားပြီး ရောဂါဝေဒနာ လျော့၍ သက်သာလာပါမည်။ လေးဘက်နာ ရောဂါများ ၊ ခြေဆစ် ၊လက်ဆစ် များ နာကျင် ကိုက်ခဲသော ရောဂါများခံစားကြုံတွေ့ နေရပါက မဟာကြံဆစ် အရွက်ကို ထုထောင်းခါ အရည်ညစ်၍ လိမ်းကျံစေပြီးအဖတ်များ ကို အုံထားပေး၍ သက်သာစေပါသည်။ ထို့အပြင် ဒူးနာ၍ လမ်းမလျှောက်နိုင်ဖြစ်နေပါကလည်း အရွက် အရိုးတို့ကို ထုထောင်း၍ အ၀တ်ဖြင့် စည်းနှောင်၍ အုံထားပေး လျှင် သက်သာစေပါသည်။

ညွှန်း ••• ဆရာကြီးစောငုဝါ(ပျဉ်းမနား) ဧ။် ပျားမြီးရွက်နှင့်
ဆေးဖက်ဝင်အပင်များ
#သမားတော်တိုင်းရင်းဆေး

19/08/2025

#ဖန်းခါးသီး

*ဆီးချို ရှိသူများဖန်ခါးသီး အစိုများကိုထုချေပြီး ဖန်ပုလင်းထဲထည့်ပြီး စိမ်ထားရမယ် ။ ရလာတဲ့ ဖန်ခါးသီး စိမ်ရည်ကိုသောက်ပါ။

သုံးပုလင်းကုန်ရင် ဆီးချိုကျသွားပါလိမ့်မယ် စိမ်ထားတဲ့ ဖန်ခါးသီးကိုလည်း စားပေးနိုင်ပါတယ် ။

၁။ ဖန်ခါးသီး ပြုတ်ရည်ကို နို့နှင့် ရောတိုက် ပါက အရက်မူး ခြင်း ပျောက်၏။
၂။ဖန်ခါးသီး အခြောက်မှုန့် နှင့် အုန်းဆီ ရော၍ မီးလောင် ဖု များကို လိမ်းပေး သော် အနာ သက်သာ စေသည်။
၃။ဖန်ခါးသီး ကို ထု၍ တစ်ည ရေစိမ် ပြီး ထို ရေကြည် ဖြင့် မျက်စိ ကို ဆေးပေး ပါက မျက်စိ နာကျင် ကိုက်ခဲ ခြင်း ပျောက်၏။
၄။ဖန်ခါးသီး ကို အမှုန့် ကြိတ်ပြီး နို့နှင့် သောက်ပါက အနာ ရောဂါ ကင်း၍ အသက် ရှည်စေသည်။ အမြဲ တမ်း မမှီဝဲ သော်မှ ၇ ရက် တစ်ကြိမ် မှီဝဲ နိုင်ပါသည်။
၅။အသီး ကို ၀မြးနုတဆြေး ဖော်စပ် ရာတွင် ထည့်သွင်း အသုံးပြု၏။

အစေ့အသုံးပြုပုံ

၁။ ၀ကခြှံ အမြစ် မထွက် သော် ဖန်ခါးသီး စေ့ကို ဆန်ဆေး ရည် နှင့် သွေးလိမ်း ရ၏။

အရွက်အသုံးပြုပုံ

၁။ ဖန်ခါး ရွက်ရှိ အသီး ကဲ့သို့ ဖုဖောင်း နေသော ကတြ သင်္ချေကို ၀မြးနုတဆြေး ၊ သွေးဆေး၊ လေဆေး၊ မျက်စိ နာ ပျောက်ဆေး စသည်တို့ ဖော်စပ် အသုံး ပြု သည်။
၂။မီးယပ်ဆေး၊ ဒူလာဆေး၊ လိပ်ခေါင်းဆေး များ ဖော်စပ် ရာတွင်လည်း ထည့်သွင်း အသုံး ပြုသည်။

အခေါက်အသုံးပြုပုံ

၁။ အခေါက် ကို ပြုတ်သောက် သော် ၀မြးလွှော ၀မြးကိုကြ ရောဂါ များကို ပျောက်ကင်း စေသည်။
၂။ရုတ်တရက် ရရှိသော ထိခိုက် ဒဏ်ရာ များ ပေါ်တွင် အခေါက်ကို ကြိတ်၍ အုံပေး သော် သွေးထွက် လွန်ခြင်း ကို ရပ်တန့် စေသည်။

မြန်မာ ဆေးကျမ်း များအလို အရ ဖန်ခါးသီး သည် ဖန်၏။ ချဥ၏။ ခါး၏။ စပ်၏။ ပူ၏။ ၀မြးမီးကို တောက်စေ၏။ သွေးသား ကို စင်ကြယ်စေ ၏။ မျက်စိ ကို ကောင်းစေ၏။ အထူးသဖြင့် အူနှင့် စပ်သော ရောဂါ များ ၊ အရေပြား ရောဂါ၊ ကိုယျရေဝါ မြင်းသရိုက်၊ ညောင်းကျ၊ ကြို့ထိုး၊ ၀မြးဗိုကြ အောင့်၊ အစာ မကြေ ရောဂါ တို့၌ သုံးရ၏။

မြန်မာ့ဆေးဖက်ဝင်အပင်များ
#သမားတော်တိုင်းရင်းဆေး

19/08/2025

ကျောက်ကပ်အတွက် အဆိပ်တခွက် #ဓညင်းသီး

ဒညင်းသီး တစ်လုံးမှာ ပါဝင်တဲ့ အဆိပ်ဟာ 0.3% မှ 1.3%အထိ ရှိနေပြီး ဒညင်းသီးကို စားသုံးသူရဲ့ ကျောက်ကပ် နှစ်ခုစလုံးဟာ ၁ နှစ်မှ ၅ နှစ် အတွင်း တဖြည်းဖြည်းနဲ့ ပျက်စီးသွားနိုင်ပါတယ်။

ဒညင်းသီးမှာ ကောင်းကျိုး အနည်းငယ် ရှိပေမယ့် အဆိပ်ထုတ်ပြီး နည်းစနစ် မှန်မှန်နဲ့ စားရင် အရသာ ကောင်းမွန်ပေမယ့် များသောအားဖြင့် ဖြစ်သလို၊ ကြုံသလိုပဲ စားကြတဲ့ အတွက် အဆိပ်ဟာ ခန္ဓာကိုယ်ထဲမှာ မသိမသာ ပြန့်နှံ့သွားပြီး ရေရှည် မှာတော့ ကျောက်ကပ်နဲ့ ဆီးလမ်းကြောင်းများကို ပျက်စီးစေကာ သက်လုံနဲ့ ဆိုင်တဲ့ အားအင်များကိုလည်း ယုတ်လျော့စေကာ ကျန်းမာရေးတွေ ဆိုးဝါးသွားစေပါတယ်။

အများ ပြောနေကြတဲ့ ဆားရည်စိမ်ရင်၊ မီးအပူရှိန် ဘယ်လောက်နဲ့ ချက်ရင် အဆိပ်ပြယ်တယ် စတာတွေက မမှန်ပါဘူး။ ဒညင်းသီးထဲက အဆိပ်ဟာ မြေကြီး နဲ့ ရေထဲမှာတောင် အချိန် အကြီး ခံနိုင်ပါတယ်။ အခြား စားစရာတွေ သိပ်ပြီး မရှားလှတဲ့ ကျွန်တော်တို့ နိုင်ငံမှာ အဆိပ်သီးကိုတော့ ရှောင်ကြဉ် ကြစေပါချင်တယ် မိတ်ေ်ဆွတို့။ အသက်ကို ဉာဏ်စောင့်ဆိုတဲ့ စကားအတိုင်း ဉာဏ်ရှိသလို အသက်ရှည်နိုင်ကြပါစေ။

#သမားတော်တိုင်းရင်းဆေး
#လင်းသိဒ္ဓိအောင်အာရုံကြောဆေး

18/08/2025

#ဘူးသီး၏ ကျန်းမာရေးအကျိုးကျေးဇူး
ဘူးသီးက ခန္ဓာကိုယ် အပူငြိမ်းစေပြီး ရေဓာတ် ဖြည့်ပေးနိုင်ပါတယ်။ အစာအိမ်ကို အေးစေနိုင်ပြီး ခန္ဓာကိုယ်ကအပူချိန်ကို လျှော့ချပေးနိုင်ပါတယ်။ ချွေး တအားထွက်တဲ့ နွေရာသီမှာ စားပေးသင့်တဲ့ အစားအစာ တစ်မျိုးပါ။ ဆုံးရှုံးသွားတဲ့ ရေဓာတ်ကို အကောင်းဆုံး ဖြည့်ပေးနိုင်ပါတယ်။

နှာခေါင်း သွေးလျှံတာ၊ ဝက်ခြံနဲ့ ပါးစပ်ထဲမှာ အနာဖြစ်တာလိုမျိုး ပြဿနာတွေ ကင်းစေဖို့အတွက် ဘူးသီး စားပေးလို့ရပါတယ်။

အသည်းရဲ ့ လုပ်ငန်းဆောင်တာတွေကို ဟန်ချက်ညီစေပါတယ်
ဘူးသီးမှာ ပြည့်ဝဆီနဲ့ ကယ်လိုရီ ပါဝင်မှု နည်းပါတယ်။ အမျှင်ဓာတ်၊ ဗီတာမင်စီ၊ ရိုင်ဘို ဖလေဗင်၊ ဇင့်(သွပ်)၊ သိုင်ယာ မင်၊ သံဓာတ်နဲ့ မဂ္ဂနီဆီယမ်တို့ ပါဝင်မှု များပါတယ်။ ဒါကြောင့် အသည်းကို သန့်စင်စေတာ၊ ပြန်လည် အားဖြည့်ပေးတာနဲ့ အရက်ကြောင့် အသည်းထိခိုက်မှုကို ကာကွယ်ပေးတာတို့ လုပ်ဆောင် ပေးပါတယ်။

ဆံပင်ဖြူတာကို လျော့ကျစေပါတယ်
ဘူးရွက်ကရတဲ့ အရည်ဟာ အသားဝါတာကို သက်သာစေပြီး ဘူးသီးအရည် ကတော့ ဆံပင်ဖြူ တာကို လျော့ကျစေ တယ်လို့ ဆိုကြပါတယ်။

မျက်စိ ကျန်းမာရေးကို ကောင်းမွန်စေပါတယ်
ဘူးသီးမှာ ဘီတာကယ်ရိုတင်း ပမာဏ များစွာ ပါဝင်တဲ့အတွက် မျက်စိ အမြင်အာရုံကိုကောင်းမွန် စေပါတယ်။ ဘူးသီးဟာ အစာအိမ်ဝေဒနာ၊ အစာအိမ်အူလမ်းကြောင်း ပိုးဝင်တာနဲ့ လိပ်ခေါင်းစတာတွေကိုလည်း သက်သာစေပါတယ်။ ဘူးသီးမှာ သွေးတွေကို သန့်စင်စေတဲ့ အာနိသင်လည်း ရှိတာကြောင့် ရောဂါ အများစုကို တွန်းလှန် ပေးနိုင်ပါတယ်။

သွေးတွင်း သကြားဓာတ် ပမာဏကို လျော့ကျစေပါတယ်
ဘူးသီးမှာ ပါတဲ့ ပပ်တိုက်နဲ့ အယ်လ်ကာလွိုက် တွေက သွေးတွင်း သကြား ဓာတ်ပမာဏကို လျော့ကျ စေပါတယ်။ ဒါကြောင့် ဆီးချို ရောဂါ ရှိသူတွေ အသင့်အတင့် စားနိုင်ပါတယ်။

ဝိတ်ကျစေတယ်
ဘူးသီးက အမျှင်ဓာတ် ကြွယ်ဝတာကြောင့် အဆာခံနိုင်စေသလို ကယ်လ်လိုရီ ပါဝင်မှုလည်း နည်းပါတယ်။ ဒါ့အပြင် ဘူးသီးမှာ ထိန်းညှိပေးနိုင်တဲ့ ဗီတာမင် C၊ ဗီတာမင် B၊ ဗီတာမင် K၊ ဗီတာမင် A၊ ဗီတာမင် E၊ သံဓာတ်၊ ဖောလိတ်၊ ပိုတက်ဆီယမ် နဲ့ မဂ္ဂနီဆီယမ်တို့ ကြွယ်ဝစွာ ပါဝင်နေပါတယ်။

ဆီးလမ်းကြောင်း ပိုးဝင်တာကို သက်သာစေနိုင်တယ်
ဆီးလမ်းကြောင်းပိုးဝင်တဲ့အခါ ဘူးသီး တစ်စိတ်စာကို အရည်ကြိတ်ပြီး သံပရာရည် နည်းနည်းနဲ့ သောက်ပေးလို့ရပါတယ်။ ဒီလိုသောက်ပေးတာက ဆီးလမ်းကြောင်း ပိုးဝင်တာကို သိသိသာသာ သက်သာစေမှာပါ။

အစာခြေစနစ်ပြဿနာတွေ ကင်းစေတယ်
ဘူးသီးက အမျှင်ဓာတ်ကြွယ်ဝမှုကြောင့် ဝမ်းချုပ်တာကို သက်သာစေသလို အစာခြေစနစ်ပြဿနာတွေဖြစ်ကြတဲ့ ဝမ်းပျက်ဝမ်းလျှောတာကို သက်သာစေနိုင်တယ်။ဝမ်းမှန်စေလို့ အစာခြေစနစ်တလျှောက် သန့်စင်စေပြီး အူမကြီးကို သန့်စင်စေနိုင်ပါတယ်။ အူမကြီး ကျန်းမာပြီး ရောဂါကင်းစေဖို့ ဘူးသီးကို စားပေးလို့ရပါတယ်။ ဝမ်းကိုက်နေတဲ့အခါ ဘူးသီးဖျော်ရည်ထဲကို ဆားနည်းနည်းထည့်ပြီး သောက်ပေးပါ။ ကိုယ်တွင်းက ဆုံးရှုံးသွားတဲ့ ရေဓာတ် နဲ့ ဓာတ်ဆားဓာတ်တွေကို ဖြည့်ပေးနိုင်ပါတယ်။ ဘူးသီးက အစာကြေစေဖို့လည်း အကောင်းဆုံး အားဖြည့်ပေးနိုင်ပါသေးတယ်။

နှလုံး ကျန်းမာစေတယ်
ဘူးသီးက သွေးတွင်းကိုလက်စထရောကို ကျဆင်းစေနိုင်တာကြောင့် နှလုံးကျန်းမာစေဖို့ အကောင်းဆုံး အားဖြည့်ပေးပါတယ်။

စိတ်ဖိစီးမှု ပြေလျော့စေတယ်
ဘူးသီးမှာ ဦးနှောက်နဲ့အာရုံကြောတွေကို ကျန်းမာစေနိုင်တဲ့ choline ပါဝင်နေတာကြောင့် မှတ်ဉာဏ်ကောင်းစေပြီး ဦးနှောက် စွမ်းဆာင်ရည်ကို တိုးတက်စေနိုင်သလို စိတ်ဖိစီးတာနဲ့ စိတ်ဓာတ်ကျတာတွေကို သက်သာစေနိုင်ပါတယ်။စိတ်ကျန်းမာရေးကို ကောင်းစေဖို့ စားပေးသင့်တဲ့ အစားအစာတစ်ခုပါ။

ရေဓာတ် ဖြည့်ပေးတယ်
ကိုယ်လက်လေ့ကျင့်ခန်း လုပ်ပြီးတဲ့အခါ ဆုံးရှုံးသွားတဲ့ ရေဓာတ်၊ သကြားဓာတ် နဲ့ ကာဗိုဟိုက်ဒရိတ်တွေကို ပြန်လည်ဖြည့်တင်းနိုင်စေဖို့ ဘူးသီးကို စားပေးလို့ ရပါတယ်။ ပရိုတင်း နဲ့ အခြား အာဟာရဓာတ်တွေ ကြွယ်ဝနေတဲ့ ဘူးသီးက ကြွက်သားတွေ ကျန်းမာစေဖို့ အကောင်းဆုံး အားဖြည့်ပေးပါတယ်။

#လင်းသိဒ္ဓိအောင်အာရုံကြောဆေး

18/08/2025

အရိုးကျီးပေါင်းရောဂါအတွက် အလွန်ကောင်းတဲ့ ဝါးမင်း

ကျီးပေါင်းကြောင့်မူးသူများအတွက် နွယ်မြက်သစ်ပင် ဆေးဘက်ဝင်တဲ့ “ဝါးမင်း” အကြောင်းမျှဝေချင်ပါတယ်။

လွန်ခဲ့တဲ့လက ကဖိုးမောင်တယောက္ ပက်လက် ကုလားထိုင်ပေါ်ကအထ,မှာမိုက်ခနဲမူးလွန်းတာကြောင့်ဆရာဝန်ပြေးခေါ်ခဲ့ရပါတယ်။ ဆရာဝန်ရောက်လာလို့သွေးပေါင်ချိန်တော့လည်းပုံမှန်သွေးချိုလည်းမရှိ မူးတာကလည်းချာချာလည်။ စမ်းသပ်ပြီးတဲ့အခါ လည်ပင်းကြောရိုးကျီးပေါင်းကြောင့်မူးတာပါ တဲ့။ ဆေးထိုးဆေးသောက်လိုက်တဲ့အခါသက်သာသွားပေမဲ့အရှင်းမပျောက်ပါဘူးအိပ်ယာဝင် အိပ်ယာထ မူးနေတုန်းပါဘဲ။လမ်းလျှောက်ရင်းလည်းတခါတရံမူးနောက်နေတုန်းမို့ အထူးကုပြဖို့စီစဉ်ရပါတော့တယ်။

အထူးကုပြဖို့စာရင်းပေးထားတုန်းမှာဘဲကဖိုးမောင်ရဲ့ မိတ်ဆွေဘကြီးဦးလှတင်ကဓါတ်ပုံထည်းမှာပြထားတဲ့ ဝါးပင်တပင်ကိုခုတ်ယူစေပြီး သွေးလူးခိုင်းပါတယ်။

အသက်၉၀ ဝန်းကျင်ဘကြီးက “အာမခံပါတယ် အဲ့ဒိဝါးပင်လေးကိုသွေးပြီးလည်ပင်း ဂုတ်စသည်
နှံ့စပ်အောင်လိမ်းအိပ်စမ်းပါကွာ။ ဘာအထူးကုမှမလိုပါဘူး”တဲ့

ကဖိုးမောင်ကြီးကလည်း ဝမ်းသာအားရယူလာပြီးညဘက်နဲ့ မနက်ခင်းတွေသွေးလူးပေးလိုက်တဲ့အခါယူပြစ်သလို ပျောက်ကင်းသွားတာမို့အံ့သြဝမ်းသာဖြစ်ကြရပါတယ်။ အထူးကုဆီလည်းမရောက်လိုက်ပါဘူး။

ဖြစ်ခါစမို့ချက်ချင်းသက်သာပုံပါဘဲ။နှစ်ရှည်လများ ခေါင်းငုံ့ပြီးဂီတာတီးလာတဲ့ကဖိုးမောင်မှ ကျီးပေါင်းမဖြစ်ခံနိုင်ပါ့မလား။

ကျီးပေါင်းကြောင့်မူးတတ်သူများအသုံးတည့်ရင်သုံးကြရအောင်ဝါးပင်လေးကို ညွှန်းပြမျှဝေလိုက်ပါတယ်ရှင်။ကဖိုးမောင်ကတော့ အိုကေသွားပါပြီ။

တခြားအကြောအဆစ်နာသူများလည်းသုံးနိုင်တယ်လို့ဘကြီးကပြောပါတယ်။

“အနာ နဲ့ ဆေး တွေ့ကြပါစေ”
Crd
#သမားတော်တိုင်းရင်းဆေး
#လင်းသိဒ္ဓိအောင်အာရုံကြောဆေး

18/08/2025

#တောကြက်ဟင်းခါး
အလေ့ကျပေါက်ပြီး အသီးပုပုလေးတွေသီးတာပါ
မကွေး နဲ့ မန်းလေးမှာ တော့ ကျနော် တတော်များများတွေ့မိပါတယ်
အရှင်နာဂသိမ် ပုံပြ အဘိဓါန် ဆေးကျမ်းတွင်
ဤသို့ဖော်ပြထားပါသည်

အရသာ နှင့် အကျိုးသွား
ပဉ္စငါးပါးကိူ အသုံးပြုနိုင်၏ ၊ ခါး၏ ၊ စပ်ရှားရှား ရှိ၏၊ အေး၏၊ ဝိပါက စပ်၏၊
ဂုဏ်နှင့်စွမ်းရည် ။ မလတို့ကို ဖြိုခွဲတတ်၏၊ ကြေကျက်လွယ်၏၊ လေကိုဖြစ်စေ၏၊ ဝမ်းကိုသက်စေ၏၊ ပိုးကို နိုင်၏၊ ဆာလောင်ခြင်းကို ဖြစ်စေ၏၊ သည်းခြေ သလိပ်ကို နိုင်၏၊ မျက်စေ့ရောဂါ ဝစ္စမဂ် နာကျင်ခြင်း၊ ယောနိတွင်ဖြစ်သော ရောဂါများ၊ ပိုးရောဂါ ၊ သွေးဖောက်ပြန် ခြင်း၊ သွေးအား နည်းခြင်း၊ ဆီးနှင့် စပ်သော ရောဂါများ၊ ပန်းနာ၊ အနာပေါက်၊ လေပြွန်တန်တွင် ပူသော ရောဂါတို့ကို ပျောက်ကင်းစေ၏။

ပါးစပ် ကွဲလောင်ခြင်း

၎င်းသတ္ထုရည် နျှု့ မြေဖြူ မှုန့် နှင့် ရော ပွတ် ပေးလျှင် ပျောက်သည်။

ယားနာ

အပင်၏ ပဉ္စငါးပါးကို သစ်ကြပိုးခေါက် ပိတ်ချင်း၊ ဆန်၊ ဗာဒံစေ့၊ ရောပြီး လူးပေးပါက ယားနာလို အရေပြားရောဂါ ပျောက်၏။

အဆစ်ရောင်

အသီးနုများ၏ သတ္ထုရည်ကို မီးပေါ်မှာ နွှေးပြီး လိမ်းသော် အဆစ်ယောင်ရောဂါ ပျောက် ကင်းစေ၏။

ကာလဝမ်းရောဂါ

အသီး သတ္ထု ရည်ကို ဆီ နှင့် ရော သောက်က ပျောက်ကင်း၏

လည်ချောင်းနာ

အသီးခြောက်ကို သွေးပြီး လူးသော် လည်ခြောင်း ရောင် သော ရောဂါ ပျောက်စေ၏။

#သမားတော်တိုင်းရင်းဆေး

18/08/2025

ရေ သောက်သင့်ဆုံးအချိန်

(၁) တညတာလုံးငြိမ်သက်နေတဲ့ ခန္ဒာကိုယ်တွင်း ကလီစာ များကို ပြန်လည်တက်ကြွလာအောင် လှုံ့ဆော်ပေးဖို့ နံနက် အိပ်ယာ ထတာနဲ့ သောက်ရေ ၂-ခွက် သောက်ပေးရပါ မယ်။

(၂) အစာကြေညက်စေဖို့ ထမင်းမစားခင် နာရီဝက် ကြိုတင်၍ ရေ ၁- ခွက် သောက်ပေးရပါမယ်။

(၃) သွေးခုန်နှုန်းမှန်စေရန်နဲ့ သွေးကျစေဖို့ ရေမချိုးခင် ရေ ၁-ခွက် သောက်ပေးရပါမယ်။

(၄) လေဖြတ်/နှလုံးရောဂါတွေ မဖြစ်အောင် ညမအိပ်ခင် ရေ ၁-ခွက် သောက်ပေးရပါမယ်။

(၅) အိပ်ပျော်နေစဉ် ခြေသလုံးကြွက်သားတွေ ကြွက်တက် ခြင်း မဖြစ်ရလေအောင် ညဘက်တရေးနိုးတဲ့အခါ ရေ ထ သောက်ပေးပါ။

- ရေအေး(လုံးဝ) မသောက်သင့်ဆုံးအချိန်က ဘယ်အချိန် ဖြစ်ပါသလဲ. ?

#ကျန်းမာရေးသုတေသီတွေရဲ့ စစ်တမ်းများအရ ကမ္ဘာပေါ် မှာ တရုတ်နဲ့ဂျပန်လူမျိုးတွေမှာ အူကင်ဆာရောဂါဖိစီးခံရမှုမှာ တရုတ်နဲ့ဂျပန်လူမျိုးတွေမှာ အူကင်ဆာရောဂါဖိစီးခံရမှု အနည်းဆုံးဖြစ်ကြပါတယ်တဲ့။ အကြောင်းရင်းကတော့ ထို လူမျိုးတွေက ထမင်းစားနေစဉ်မှာ ရေခဲရေ/ ရိုးရိုးရေအေး မသောက်ကြဘဲ၊ ရေနွေးဖြူ(သို့မဟုတ်)လ္ဘက်ရည်ကြမ်း ပူပူကိုသာ သောက်သုံးလေ့ရှိလို့ပါဘဲ။

အထူးသဖြင့် ထမင်းစားရင်း ရေခဲရေ အေးအေးသောက်တဲ့ အခါ ဟင်းလျာထဲမှာပါရှိတဲ့ အဆီအနှစ်တွေက(ဥပမာပြရ ရင် ရေခဲရေနဲ့ တွေ့တဲ့အခါ ဟင်းအဆီတွေက) အစာအိမ်နဲ့ အူလမ်းကြောင်းမှာ ရွံ့စေးအနယ်အနှစ်များသဖွယ် ခဲပျစ် သွားတတ်ကြပြီး၊ အစာကောင်းစွာ မချက်ပြုတ်နိုင်တော့ဘဲ အူကင်ဆာဖြစ်လာစေပါတယ်။

ဒါ့ပြင် ထမင်းဟင်း ပူပူစားရင်း ရေခဲရေအေးအေးသောက် လိုက်တဲ့ အခါများမှာလည်း၊ အပူအအေး တပြိုင်နက် တည်း တွေ့လိုက်တာကြောင့် အစာအိမ်ကို ကသိကအောက် ဖြစ်စေပါတယ်။ အပူအအေး တန်ပြန်သက်ရောက်မှုက အစာအိမ်

အက်ဆစ်ထွက်ရှိမှုကို ကမောက်ကမ ဖြစ်လာပြီး ဗိုက်နာ ဗိုက်အောင့်စေပါတော့တယ်။

ဒါကြောင့် ထမင်းစားနေစဉ်မှာ ရေခဲရေ/သောက်ရေအေး တို့ဖြင့် မျှောမချဘဲ ဟင်းချိုပူပူ(သို့မဟုတ်)ရေနွေး ဖြူ(သို့မဟုတ်)ရေနွေးကြမ်းတို့ဖြင့်သာ ထမင်းလုပ် မနင် အောင်မျှောချကြပါရန်နှင့်ထမင်းစားပြီး အနည်းဆုံး နာရီဝက်ကျော်ကြာမှသာ သောက်ရေအေးသောက်ကြပါ ရန် ကျန်းမာရေးသုတေသီများက အကြံပေးဖော်ပြသွားခဲ့ ပါတယ်
#လင်းသိဒ္ဓိအောင်အာရုံကြောဆေး

17/08/2025

*** ကြောင်လျှာရွက် ရဲ့ဆေးဖက်ဝင်ပုံများ***

ကြောင်လျှာရွက် နုနယ်တဲ့အညွန့်တွေကို ဟင်းချိုချက်တာ၊ အတို့အမြှုပ်လုပ်တာ၊ ဒါမှမဟုတ် ငပိရည်နဲ့တို့စားလို့ရပါတယ်။ ကြောင်လျှာရွက်ရဲ့ နုနယ်တဲ့အညွန့်တွေဟာ သွေးတွင်းကိုလက်စထရောကိုလျော့ချပေးနိုင်တဲ့ အာနိသင်ရှိပါတယ်။

ရရှိမည့် ကျန်းမာရေးအကျိုးကျေးဇူးများ........
- အဖျားပျောက်စေခြင်း၊ နှာခေါင်းလမ်းကြောင်းအတွင်း အမြှေး ရောင်ရမ်းတာကို သက်သာစေခြင်း။
- သွေးကိုသန့်စင်စေပြီး သွေးလှည့်ပတ်မှုကောင်းစေခြင်း။
(သွေးထဲက အဆိပ်အတောက်တွေကို ဖယ်ရှားပေးတယ်)
- ခန္ဓာကိုယ်အတွင်းရှိ ဖရီးရယ်ဒီကယ်များကို တိုက်ထုတ်ပေးခြင်း၊ ခန္ဓာကိုယ်အတွင်းရှိ ဆဲလ်အမျိုးမျိုးယိုယွင်းမှုကို နှေးကွေးစေခြင်း။
- မျက်စိအားကောင်းစေခြင်း။
- ဗိုက်အောင့်တာကိုသက်သာစေခြင်း၊ အစာစားချင်စိတ်ကို တိုးစေခြင်း၊ အဆစ်အမြစ်ကို၊က်ခဲတာကို သက်သာစေခြင်း။

ကြောင်လျှာသီးကို အစိမ်းသုပ်စားလို့ရသလို၊ ငပိရည်နဲ့တို့စား/နုတဲ့အသီးတောင့်ကို ချဉ်ဖတ်လုပ်စားရင်လည်း အရမ်းအရသာရှိပါတယ်။

အရွက်ကိုပြုတ်ပြီးသောက်ရင် ဗိုက်အောင့်တာကို သက်သာစေတယ်၊ အစာကြေစေတယ်၊ အစာစားချင်စိတ်ကို တိုးပွားစေတယ်၊ အူထဲက လေထိုးလေအောင့်တာကို သက်သာစေပါတယ်။
Crd
#သမားတော်တိုင်းရင်းဆေး

သမားတော်တိုင်းရင်းဆေး

21/08/2025

21/08/2025

20/08/2025

20/08/2025

19/08/2025

19/08/2025

19/08/2025

18/08/2025

18/08/2025

18/08/2025

18/08/2025

17/08/2025

住所

電話番号

ウェブサイト

アラート

ショートカット

共有する

カテゴリー