ウェブサイトとは何ですか？

https://www.facebook.com/338062179396213/

Khit Diary, Shinjuku-ku (2025)

26/02/2025

“ ပြည့်စုံခြင်း “

ပြည့်စုံခြင်းလို့ စဉ်းစားလိုက်ရင်
ဘာကို အရင်ဆုံးမြင်မိကြလဲဟင်
ပြီးတော့ ဘာကို ခံစားမိကြလဲ

ပြည့်စုံခြင်းဆိုတာ
အရာရာ အကောင်းဆုံး ဖြစ်နေမှလား
ဘဝမှာ အောင်မြင်မှုတွေ ရနေမှလား
ဘွဲ့၊ ဂုဏ်ထူး၊ ဥစ္စာဓနတွေ ရရှိနေမှလား
အဲ့ဒီဟာတွေ ရရင်ရော
ကိုယ်ဟာ တကယ် စိတ်ချမ်းသာပျော်ရွှင်ရဲ့လား
ပြည့်စုံခြင်းကို ရရှိတယ်လို့ ခံစားရရဲ့လား

ခဏလေးဖြစ်ဖြစ်
ကိုယ်ဘယ်ရောက်နေလဲ
ကိုယ်ဆုပ်ကိုင်ထားတဲ့ အရာတွေဟာ
ကိုယ် တကယ်လိုချင်ဖြစ်ချင်တာရော ဟုတ်ရဲ့လား
တစ်ချက်လောက် ပြန်ကြည့်လိုက်ရင်ရော ???

ကြီးပြင်းလာတဲ့ တစ်လျှောက်
မိသားစုမှာ၊ အတန်းထဲမှာ၊ လုပ်ငန်းခွင်မှာ စတဲ့
ပတ်ဝန်းကျင်ရဲ့ တောင်းဆိုမှုတွေ
သတ်မှတ်ထားတဲ့ စံနှုန်းတွေကြား
ပြည့်စုံဖို့ အဆုံးမရှိ လိုက်ဖြည့်ဆည်းရင်း
ပျော်ရွှင်မှုတွေဟာ မှေးမှိန်လာရင်း
မိမိကိုယ်ကို ပျောက်ဆုံးသွားတတ်ကြပါတယ်

Khit ကတော့ ပြည့်စုံခြင်းကို
မိမိကိုယ်ကို စစ်မှန်ခြင်းလို့
အဓိပ္ပါယ်ဖွင့်ဆိုချင်ပါတယ်

ကိုယ့်ကိုယ်ကို စစ်မှန်တယ်ဆိုတာ
ကိုယ့်ရဲ့ နှလုံးသားလေးက
တကယ်တောင်းဆိုနေတာ ဘာလဲ
ကိုယ်တကယ် ဖြစ်ချင်တာ ဘာလဲ
ကိုယ့်အတွက် ပျော်ရွှင်မှုရဲ့ အဓိပ္ပါယ်က ဘာလဲ

ဟိုးအနက်ရှိုင်းဆုံး နှလုံးသားထဲကဆန္ဒတွေကို
လျစ်လျှူမရှုဘဲ ရှေ့ဆက်မှသာ
စစ်မှန်တဲ့ ကိုယ်ဟာ ကိုယ့်ကိုယ့်ကို တာဝန်ယူရင်း
စစ်မှန်တဲ့ ပြည့်စုံပျော်ရွှင်ခြင်းတွေကို ပိုင်ဆိုင်ထွေးပွေ့သွားနိုင်မှာပါ.

With love 🦋

05/02/2025

ဒီနေ့တော့ အချိန်တွေ ကုန်တာ
အရမ်းမြန်လာတာ သတိထားမိတယ်
Memory တွေ ပြန်ကြည့်မိတော့
မနေ့တစ်နေ့ကလိုပဲ

အချိန်တွေဟာ ကိုယ်ရောက်နေတဲ့ အသက်ရဲ့
အမြန်နှုန်းနဲ့ သွားတယ်တဲ့
ဒါဆို အသက်ကြီးလေ အချိန်တွေဟာ
ကုန်တာ ပိုမြန်လေပေါ့ !
ဒါဆို ဒီအမြန်နှုန်းနဲ့ ဘယ်ဆီကိုများ
သွားနေပါလိမ့် ?
တစ်ယောက်ယောက်ဆီကိုလား
တစ်နေရာရာကိုလား
တစ်စုံတစ်ခုဆီကိုလား

ဘာကြောင့်များ အလောတကြီးနဲ့ သွားနေမိပါလိမ့်
ခဏလေးပဲဖြစ်ဖြစ် ရပ်လို့ရော မရဘူးလား

တကယ့်ကို ရပ်တန့်ကြည့်လိုက်မှ..
လက်ရှိအခိုက်အတန့်လေးမှာ
တကယ်ပျော်ဝင်ကြည့်လိုက်တော့မှ..

အသက်ရှူဖို့လည်း သတိရသလို
ကိုယ်ဘယ်ရောက်နေလဲ အသိဝင်ရတယ်
ကိုယ်နဲ့ကိုယ်ဟာ တစ်သားတည်း ပြန်ဖြစ်သွားပြီး
ကိုယ်ဘယ်ဆီ ဆက်လျှောက်ရမယ် သေချာမြင်လာရတယ်

အချိန်ရဲ့ အရှိန်ကြား ပျောက်ဆုံးသွားတဲ့
ကိုယ့်နှလုံးသားရဲ့ ဟိုးအနက်ရှိုင်းဆုံးကဆန္ဒတွေကို ပြန်လည်ထွေးပွေ့လို့ပေါ့

ကျွန်မတို့အားလုံး ရောက်နေတဲ့နေရာကနေ
ခဏလေးဖြစ်ဖြစ် ကိုယ့်နှလုံးသားရဲ့ ဆန္ဒတွေကို မမေ့မလျော့ ပြန်ရှာဖွေကြည့်ရအောင်ပါ.
ဒါမှလည်း ရှင်သန်ခြင်းတွေဟာ ပိုအဓိပ္ပါယ်ရှိရမယ်မလား. 🦋

01/02/2025

သုံးနှစ် လေးနှစ်
လက်ချိုး ရေမိတယ်
မြန်လိုက်တာ…..

အမုန်းတရားတွေ၊ ဆုံးရှူံးမှုတွေကြားမှာ
အပြင်ကမ္ဘာဟာ ကစဉ့်ကလျားနဲ့
ကိုယ်ကရော ဘယ်ရောက်နေပါလိမ့်?

ကိုယ့်ရဲ့အတွင်းကမ္ဘာကို ပြန်ကြည့်မိတော့
နာကျင်မှု၊ ဝမ်းနည်းမှု
ကြောက်ရွံ့မှု၊ မွန်းကြပ်မှုတွေ….

ပြီးတော့ အတွင်းကမ္ဘာကြီး ပြိုလဲသွားလို့
လက်လျှော့အရှုံးပေးသွားတဲ့ ကိုယ့်အနီးကသူတွေ.…

ဒါဆို လွတ်လပ်ပျော်ရွှင်မှု၊ ငြိမ်းချမ်းမှုကရော ?
ဒါကို ရှာဖွေရတာကလည်း ခရီးတစ်ခုပါပဲ.
မွေးဖွားခြင်းနဲ့ သေဆုံးခြင်းကြားက ခရီးပေါ့

သေချာတာတစ်ခုက
ရှင်သန်နေကြရင်း
လွတ်လပ်ပျော်ရွှင်ငြိမ်းချမ်းမှုဟာ
ကိုယ်စီကိုယ်စီရဲ့ အတွင်းကမ္ဘာမှာ
အရင်ဆုံးတည်ဆောက်ကြရတာပါ
မပျော်ခြင်းကိုလည်း လက်ခံတတ်ရသလို
ကိုယ့်ရင်ထဲက စကားတွေကို ကိုယ်တိုင်ပဲ နားထောင်ရတာပါ

ကိုယ့်ရဲ့အတွင်းကမ္ဘာမှာ
တကယ်တမ်း ကိုယ်နဲ့ကိုယ်ပဲ ရှိတာပါ
အဲ့လိုပဲ…
ကိုယ်တိုင်ရဲ့ လွတ်လပ်ပျော်ရွှင်မှုဟာလည်း ကိုယ့်လက်ထဲမှာပါ.
ကိုယ့်ကမ္ဘာကြီး အရင်ဆုံးငြိမ်းချမ်းမှ
ဒီခရီးမှာ ဆက်လျှောက်နိုင်မှာ မဟုတ်လား…

With love,
Thiri Khit 🤍

30/12/2024

“ ရင်ထဲက ကိုယ့်နေရာ “

ရင်ထဲကလမ်းလောက် ဘယ်လမ်းကမှ မရှည်ဘူးတဲ့. အဲ့လိုပဲ ရင်ထဲကကိုယ့်နေရာ ပျောက်ရင် နေစရာပျောက်တာပါပဲ.

ဘယ်နေရာရောက်ရောက် ဘယ်မှာရှိရှိ ဘာပဲလုပ်လုပ် ကိုယ့်အတွက် အဖြေပျောက်တာပေါ့
အဖြစ်အပျက်တွေသာ ပြောင်းသွားမယ်. ကိုယ်ရှာနေတဲ့အဖြေကို မတွေ့နိုင်ဘူးပေါ့
ရွေးချယ်မှုတွေ၊ ပြောင်းလဲမှုတွေလုပ်လည်း မရောက်ချင်တဲ့ ဒီနေရာကိုပဲ ပြန်ပြန်ရောက်လာရတယ်. ပုစ္ဆာတစ်ခုကို တွက်နည်းမပြောင်းတော့ ဒီအဖြေပဲ အမြဲထွက်သလိုပေါ့.

တစ်ချက်လောက်များ
အပြင်လောကကြီးထဲက ကိုယ့်နေရာ
အပြင်လူတွေကြားထဲက ကိုယ့်နေရာ ဆိုတာထက် ကိုယ့်ရင်ထဲက ကိုယ့်နေရာလေးကို တစ်ချက်လောက်လေး ပြန်လှည့်ရှာကြည့်ပါ.

ကိုယ်ရှာနေတဲ့ အဖြေတွေဆိုတာ ကိုယ့်ရင်ဘတ်ထဲမှာ ရှိပြီးသားပါ.
ရင်ထဲကလမ်းမှာ “ကိုယ်ဘယ်အထိ လျှောက်ခဲ့ပြီးပြီလဲ. ကိုယ်ရောက်နေတာ ဘယ်နေရာလဲ” ဆိုတာ ရှာတွေ့နိုင်ခဲ့ရင်
ကိုယ့်ကိုယ့်ကို မပျောက်ဆုံးတော့သလို ကိုယ့်နေရာလေးဟာလည်း ကိုယ်နဲ့အမြဲအတူရှိနေနိုင်မှာပါ ☀️

With love,

🤍

05/10/2024

🔆တခြားသူတွေရဲ့ requirement အောက်မှာ ကိုယ့် requirement အပျောက်မခံပါနဲ့

🔆ကိုယ့်အတွက်မဟုတ်တဲ့အရာတွေ လူတွေအတွက် အချိန်ကုန်မခံပါနဲ့

🔆ဘယ်လိုအခြေအနေမှာပဲဖြစ်ဖြစ် Self-love & Self-respect ထားဖို့ မမေ့ပါနဲ့

ရှင်သန်နေရတဲ့ နေ့ရက်တွေတိုင်းမှာ…..
သူများအတွက် လိုက်လျောပေးလိုက်ရတာတွေ၊ တခြားသူရဲ့ judgement တွေကြားမှာ ကိုယ့်ရဲ့ inner boundary လေး ပျောက်ဆုံးသွားလို့ မဖြစ်ဘူးမလား ?

With love 🦋

04/09/2024

ပျော်ရတဲ့နေ့တွေ ရှိမယ်
ဝမ်းနည်းရတဲ့နေ့တွေ ရှိမယ်
အထီးကျန်တဲ့နေ့တွေ ရှိမယ်
နာကျင်တဲ့နေ့တွေ ရှိမယ်

ဒါဟာ ပုံမှန်ပဲမို့
ဘာလေးပဲ ဖြစ်ဖြစ်
ကိုယ့်စိတ်ခံစားချက်တွေကို
Judge မလုပ် လစ်လျှူမရှုပဲ
အရှိကို အရှိအတိုင်းလေး လက်ခံပေးကြည့်နော်

လက်ခံလာနိုင်လေလေ တဖြည်းဖြည်းနဲ့
ကိုယ့်ကိုယ်ကို ပိုချစ်နိုင်လာတာ တွေ့ရပါလိမ့်မယ်

🦋

01/09/2024

ပျော်ရွှင်ဖို့ - ၂

ပျော်ရွှင်ဖို့အတွက် ဘာလိုမလဲဆို
“ပျော်တတ်တဲ့စိတ်လေး” လို့ပဲ ဖြေပါရစေ

ဘာကြီးဖြစ်မှ ဘယ်လိုအောင်မြင်မှ
ပျော်ရမယ်ဆိုတာမျိုးမဟုတ်ဘဲ
ကိုယ့်နေ့စဉ်ဘဝရဲ့ Activities လေးတွေမှာ
ပျော်ရွှင်မှုတွေကို Channel ခွဲထားပါ

🔅မိုးလင်းအိပ်ရာထတာနဲ့ ကိုယ်စားချင်တဲ့ breakfast လေး စားလိုက်တာ
🔅အလုပ်မှာ daily task လေးတစ်ခု ပြီးသွားတာနဲ့ ကိုယ့်ကိုယ်ကို အသိအမှတ်ပြုပေးတာ
🔆ဘယ်လောက် အလုပ်များများ ကိုယ်ကြိုက်တဲ့အရာတွေ၊ တန်ဖိုးထားရတဲ့ သူတွေအတွက် အချိန်သီးသန့် ဖယ်ပေးထားတာ
🔆အားလပ်ချိန်မှာ ကိုယ်ဝါသနာပါတာလေးတွေလုပ်ရင်း Relax time ယူတာ
🔆တစ်စုံတစ်ယောက်ကို ကိုယ်တတ်နိုင်တာလေး ကူညီပေးလိုက်တာ
🔆နောက်ဆုံး လတ်ဆတ်တဲ့လေကို ရှူရှိုက်ရတာ၊ နေရောင်ခြည်ကို ခံစားခွင့်ရတာလေးတွေကအစ ပျော်စရာလေးတွေပါပဲ.

နောက်တစ်ခုက Negative people တွေရယ်၊ Drama တွေနဲ့ ကိုယ့် energy drain စေမယ့်သူတွေကို စည်းလေးတားပြီး နေဖို့ပါ၊ အရေးကြီးဆုံးက ကိုယ့်ပျော်ရွှင်မှုကို ကိုယ့်လက်ထဲ သေချာဆုပ်ကိုင်ထားဖို့ပါပဲ

ပျော်ရွှင်မှုတွေကို Channel ခွဲထားပါ
ရေစီးကြောင်းလေးတွေလို ပျော်ရွှင်မှုတွေ ကိုယ့်ဆီ စီးဝင်လာပါစေ.

With love

🦋

31/08/2024

တချို့စကားတွေက
ထုတ်ပြောမှ မဟုတ်ပါဘူး
နှလုံးသားနဲ့ ခံစားလို့ရပါတယ်
လုပ်ရပ်တွေက သက်သေပြပါတယ်.

သကာရည်လောင်းပြောလည်း အဆိုးက အဆိုးပါပဲ. ဘယ်လိုပဲလှည့်ပြောပြော လိမ်တာက လိမ်တာပါပဲ.

တချို့ နားဝင်ဆိုးတဲ့ စကားတွေနောက်မှာ စိတ်စေတနာကို ခံစားရတော့လည်း ရင်ထဲအေးမြရတာပါပဲ.

အဲ့တော့လေ…

နှလုံးသားနဲ့ ခံစားပါ၊ ပြောပါ၊
နှလုံးသားက လိမ်လို့မှ မရပဲလေနော်

20/08/2024

“ငါ့ကိုမှ
ဘာလို့ ဒီလိုလုပ်ရက်သွားတာလဲဆိုပြီး
ခံစားနေရရင်လေ

ငါက
ဘာကြောင့် အဲ့လို လုပ်ခွင့်ပေးလိုက်ရတာလဲလို့
ပြန်စဉ်းစားကြည့်ပါ

ပြီးရင်
ကိုယ့်ပျော်ရွှင်မှုကို ကိုယ်ပြန်ယူပါ”

17/08/2024

Even the darkest coulds have silver linings. ✨

အခုချိန်မှာ လူတော်တော်များများ အမှောင်ထုထဲ စိတ်ပင်ပန်းမှု အနည်းအများနဲ့ ဖြတ်ကျော်နေကြရပါတယ်.

ဒါပေမဲ့လေ တစ်ဖက်ကပြန်ကြည့်တော့လည်း ကိုယ်တို့တွေဟာ …

🔅ခေတ်ပျက်ကြီးထဲမှာ နှလုံးသားရဲ့ အလင်းကို ရှာတွေ့ကြရတယ်
🔆ကိုယ်စီကိုယ်စီ ဒဏ်ရာ၊ နာကျင်မှုတွေကို ကုစားကြရတယ်
🔅အရာအားလုံးထဲမှာ စိတ်ချမ်းသာမှုဟာ တန်ဖိုးအကြီးဆုံးဖြစ်ကြောင်း နားလည်လာရတယ်
🔅ပျော်ရွှင်မှုကို တကူးတကရှာဖွေပြီး မျှဝေကြရတယ်
🔅ကိုယ်စီကိုယ်စီ မီးခွက်ကလေးတွေ ထွန်းညှိလို့ နှလုံးသားရဲ့အလင်းနဲ့ ရှေ့ဆက်ကြရတယ်

With love
🦋

16/08/2024

ပျော်ရွှင်ဖို့ - ၁

ခေတ်ကာလကြီးက ပျော်ရွှင်မှုတွေ ရှားပါးလာသလို ကျွန်တော်တို့ စိတ်တွေဟာ တိတ်တိတ်လေး နေမကောင်းဖြစ်နေကြရတယ်တဲ့

ပျော်ရွှင်ဖို့ မရှိမဖြစ်လိုအပ်တဲ့ အရာတွေထဲက တစ်ခုဆို “Self-love” ပါပဲ.

✨ အမှားတွေအတွက် ကိုယ်ကိုယ့်ကို ခွင့်လွှတ်ပေးနိုင်ရမယ်
✨ပြင်လို့မရတော့တဲ့ အတိတ်အတွက် ကိုယ့်ကိုယ်ကို အပြစ်မတင်ဖို့ ကြိုးစားရမယ်
✨ကိုယ့်အတွက် မဟုတ်တဲ့အရာတွေ၊ လူတွေကို လက်လွှတ်နိုင်ရမယ်
✨ဝမ်းနည်းနာကျင်ရတဲ့အခါ ကိုယ့်ကိုယ်ကို ဖေးမကြင်နာနိုင်ရမယ်
✨ကိုယ့်ကိုယ့်ကိုယ် အရှိအတိုင်း လက်ခံပေးနိုင်ရပါမယ်

ကိုယ့်ရဲ့ ဆိုးတာရော ကောင်းတာရော ကိုယ်ပဲဆိုတာ လက်ခံပေးရင်း၊ ဘယ်အခြေအနေပဲဖြစ်ဖြစ် ကိုယ့်ကိုယ်ကို ချစ်ပေးရင်း Self-love လေး သေချာထားကြည့်ကြရအောင်ပါနော်

Inside Out ဇာတ်ကားထဲက စကားလေးအတိုင်းပေါ့
"i'm selfish, i'm kind
i need to fit in, but i wanna be myself
i'm a good friend, i'm a terrible friend
i'm brave, but i get scared
i'm strong, but i need help sometimes"

With love
🦋

10/08/2024

တကယ်လို့လေ တစ်စုံတစ်ယောက်ကများ ….

🔅ကိုယ့်ကိုယ် အရေးမပါသလို ဆက်ဆံခဲ့ရင်
🔅ကိုယ့်ရဲ့ စေတနာတွေကို အသိအမှတ်မပြုခဲ့ရင်
🔅ကိုယ့်အတွက် အချိန်မပေးနိုင်ခဲ့ရင်
🔅ကိုယ့်ကို ထပ်ခါထပ်ခါ နာကျင်စေခဲ့ရင်
🔅ကိုယ့်အပေါ်မှာ မရိုးသားခဲ့ရင်

အဲ့ဒီတစ်စုံတစ်ယောက်ကို လွှတ်ချခဲ့ဖို့ မကြောက်ပါနဲ့၊ boundary ထားဖို့ မမေ့ပါနဲ့.

ဒါဟာ ကိုယ့်ကိုယ်ကို ချစ်တာပါ၊ ကိုယ့်ကိုယ်ကို ဂရုစိုက်တာပါ၊ ကိုယ့်ကိုယ်ကိုယ်လေးစားတာပါ.

ကိုယ့် inner peace လေးနဲ့ ကိုယ်နေရင်
လက်တစ်ဆုပ်စာလောက်ဆိုရင်တောင် နောက်ကျောဓားမထိုးမယ့် ရင်ဘတ်ချင်းနီးတဲ့သူတွေပဲ ကိုယ့်ဘေးနားရှိနေမှာပါ …

With love
🦋

Khit Diary