04/01/2026
နှစ်သစ်ရဲ့အစမှာ နှစ်ဟောင်းကို ပြန်ကြည့်ရင်း ကိုယ့်ဘဝကို အစစအရာရာ နေရာပြန်ချဖို့ စဉ်းစားမိကြမယ် ထင်ပါတယ်၊ နှစ်သစ်အတွက်လည်း တောင်းဆုတွေ ပြုရင်းပေါ့
ဒီနေရာမှာ ကိုယ့်ကိုယ်ကိုယ် သေချာလေး ပြန်မေးကြည့်ရမယ့် မေးခွန်းတွေ ရှိပါတယ်
🔆 ကိုယ်လုပ်နေတာတွေက အသစ် လား၊ အဟောင်း လား? ကိုယ်ဖြစ်ချင်တဲ့ ဆန္ဒ ကိုယ်သေချာ သိရဲ့လား၊ ဒါမှမဟုတ် သူများတွေ လုပ်လို့ လိုက်လုပ်နေတာလား?
🔆 “ကျေနပ်တယ်" ဆိုတဲ့ ခံစားချက်က ကိုယ့်အတွက်လား၊ ဒါမှမဟုတ် သူတစ်ပါးရဲ့ အမြင် (External validation) အတွက်လား?
🔆 ကိုယ့်တောင်းဆုတွေသာ ပြည့်ရင် စစ်မှန်တဲ့ လွတ်လပ်ပျော်ရွှင်မှုကို ကိုယ်ခံစားရမလား?
သေချာတာကတော့ တစ်စုံတစ်ယောက်၊ တစ်စုံတစ်ရာကို သက်သေပြဖို့ ကြိုးစားနေသရွေ့ ကိုယ့်အတွက်ကိုယ် ရှင်သန်နေခြင်းဖြစ်မှာ မဟုတ်ပါဘူး၊ စံနှုန်းတွေထဲ ပိတ်မိနေရတတ်ပါတယ်
ပြီးတော့ ပျော်ရွှင်မှုဟာ အတုအယောင် လုပ်လို့မရပါဘူး၊ ကိုယ်ပိုင်ပျော်ရွှင်မှု ဆိုတာ ပြင်ပက အရာတွေနဲ့ အဖိုးမဖြတ်နိုင်တဲ့ ကိုယ့်စိတ်နှလုံးသားရဲ့ အနက်ရှိုင်းဆုံးကနေ လာတဲ့ “လွတ်လပ်ပျော်ရွှင်ခြင်း”မျိုးပါ
🍀 ကိုယ်ကတော့ ဒီနှစ်သစ်မှာလည်း စစ်မှန်တဲ့ လွတ်လပ်ပျော်ရွှင်ခြင်း နဲ့ ကိုယ့်အတွက်ကို ရှင်သန်ချင်ပါတယ်၊ အားလုံးလည်း ကိုယ်ပိုင်လမ်းကို ရဲရဲဝံ့ဝံ့ လျှောက်လှမ်းရင်း နှစ်သစ်ခရီးကို အကောင်းဆုံး ရှေ့ဆက်နိုင်ကြပါစေ
