គម្រោងគីរី / KIRI Project

12/09/2024

07/05/2024

រតនគិរី៖ កាលពីថ្ងៃទី ២២ រហូតដល់ទី ២៦ ខែមេសា ឆ្នាំ២០២៤ ក្រុមការងារគម្រោងគិរីនៃអង្គការ Good Neighbors Cambodia សហការជាមួយមន្ទីរសុខាភិបាល នៃរដ្ឋបាលខេត្តរតនគិរី បានរៀបចំវគ្គបណ្តុះបណ្តាល ដើម្បីកសាងសមត្ថភាពក្រុមទ្រទ្រង់សុខភាពភូមិ ស្តីពីថ្នាក់អប់រំសុខភាពម្តាយ ដំណាក់កាលទី ៣ សម្រាប់ក្រុមទ្រទ្រង់សុខភាពភូមិ ស្រ្តី ផ្តោតលើ ថ្នាក់ម្តាយ និងថ្នាក់ជីដូន នៅសាលប្រជុំមន្ទីរសុខាភិបាល។ ក្រោមអធិបតីភាពលោកអនុបណ្ឌិត ជា សានិត ប្រធានមន្ទីរសុខាភិបាល នៃរដ្ឋបាលខេត្តរតនគិរី ដែលបានផ្តល់សុន្ទរកថាបើកវគ្គបណ្តុះបណ្តាលយ៉ាងខ្ពង់ខ្ពស់ និងមានសារផ្តាំផ្ញើរសំខាន់ជាច្រើនជូនដល់ក្រុមទ្រទ្រង់សុខភាពភូមិទាំងអស់ត្រូវចងចាំ និងព្យាយាមអនុវត្តន៍តួនាទីឱ្យបានល្អ។

នៅឆ្នាំ២០២១ យើងបានរៀបចំសកម្មភាពថ្នាក់អប់រំសុខភាពម្តាយ ដំណាក់កាលទី ១ នៅក្នុងភូមិចំនួន ១០។ នៅឆ្នាំ២០២២ ឈានចូល ២០២៣ យើងបានរៀបចំសកម្មភាពថ្នាក់អប់រំសុខភាពម្តាយ ដំណាក់កាលទី ២ នៅក្នុងភូមិចំនួន ២០។ ឥឡូវនេះ យើងនឹងរៀបចំសកម្មភាពថ្នាក់អប់រំសុខភាពម្តាយ ដំណាក់កាលទី ៣ នៅក្នុងភូមិចំនួន ១០ ក្នុងឆ្នាំ២០២៤ នេះ។ បន្ទាប់ពីវគ្គបណ្តុះបណ្តាល ដើម្បីកសាងសមត្ថភាពក្រុមទ្រទ្រង់សុខភាពភូមិ ស្តីពីថ្នាក់អប់រំសុខភាពម្តាយ ដំណាក់កាលទី ៣ រួចមក គម្រោងទទួលបានការគាំទ្រយ៉ាងពេញទំហឹងពីសំណាក់លោកប្រធានមន្ទីរ មិនត្រឹមតែប៉ុណ្ណោះលោកក៏បានមានសេចក្តីរីករាយចំពោះវត្តមានគម្រោងគិរី នៃអង្គការ Good Neighbors ដែលបានគាំទ្រលើវិស័យសុខាភិបាលនៅក្នុងខេត្តរតនគិរីកន្លងមក។ យើងនឹងចាប់ផ្តើមរៀបចំថ្នាក់អប់រំសុខភាពម្តាយ ដំណាក់កាលទី ៣ នេះនៅតាមភូមិគោលដៅ នៅខែ មិថុនា ឆ្នាំ២០២៤ ខាងមុខនេះ។

#គម្រោងគិរី #រតនគិរី

20/01/2024

រតនគិរី៖ កាលពីថ្ងៃ សុក្រ ៩ កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃ១៩ ខែមករា ឆ្នាំ២០២៤ កន្លងទៅនេះ អង្គការហ្គូដណេប៊ឺសកម្ពុជា គម្រោងលើកកម្ពស់ការប្រើប្រាស់ទឹកស្អាតនៅតាមមណ្ឌលសុខភាពដែលទទួលជំនួយថវិការពីក្រុមហ៊ុន FILA នៃប្រទេសកូរ៉េ បានប្រារព្ធពិធីសម្ពោធដាក់អោយប្រើប្រាស់ជាផ្លូវការ នូវប្រព័ន្ធចម្រោះទឹកស្អាត ដែលប្រារព្វឡើងនៅមណ្ឌលសុខភាពស៊ើង ក្រោមអធិបតីភាពលោក កង សារឿន អភិបាលនៃគណៈអភិបាលស្រុកបរកែវ ដោយមានការអញ្ជើញចូលរួមពីលោកវេជ្ជបណ្ឌិត ផេង លីន ប្រធានការិយាល័យសុខាភិបាលស្រុកប្រតិបត្តិបរកែវ ព្រមទាំងលោក ឆម មុនី ប្រធានប្រតិបត្តិនៃអង្គការហ្គូដណេប៊ឺសកម្ពុជា និងសហការី ព្រមទាំងលោកគ្រូអ្នកគ្រូពេទ្យនៃមណ្ឌលសុខភាព អាជ្ញាធរមូលដ្ឋាន និងប្រជាពលរដ្ឋ សរុបចំនួន ១៣០ នាក់។

នាក្នុងឱកាសនៃកម្មវិធីនេះ លោកអភិបាលនៃគណៈអភិបាលស្រុកបរកែវ បានសម្តែងសេចក្តីរីករាយ និងអបអរសាទរដល់មណ្ឌលសុខភាពដែលទទួលបាននូវសមិទ្ធផលនាថ្ងៃនេះ រួមជាមួយគ្នានេះដែរលោកអភិបាល បានមានមតិសំណេះសំណាល និងផ្ដាំផ្ញើរជូនប្រជាពលរដ្ឋ ជាពិសេសបងប្អូនប្រជាពលរដ្ឋដែលជាជនជាតិដើមភាគតិច អោយងាកមកប្រើប្រាស់ទឹកស្អាត ទឹកចម្រោះតាមផ្ទះ ទឹកដាំ ដើម្បីជៀសវាងនូវផលប៉ះពាល់ដល់សុខភាព ដែលចម្លងឡើងដោយទឹក លោកអភិបាល ក៏បានផ្ដាំផ្ញើរដល់ ប្អូនៗក្មួយៗសិស្សានុសិស្ស ត្រូវតែខិតខំសិក្សាររៀនសូត្រ ដើម្បីជាសសរទ្រូងសង្គម និងប្រទេសជាតិផងដែរ ។ បន្ថែមលើសពីនេះលោកអភិបាលក៏បានយកចិត្តទុកដាក់ដល់សុខទុក្ខរបស់បងប្អូនប្រជាពលរដ្ឋដោយបានផ្ដាំផ្ញើរដល់អាជ្ញាធរដែលជាគណៈកម្មាការគ្រប់គ្រប់មណ្ឌលសុខភាព អោយមានការប្រជុំគណៈកម្មាការជារាងរាល់ខែដើម្បីធ្វើការដោះស្រាយបញ្ហាប្រឈមនានាដែលកើតមានឡើងក្នុងមូលដ្ឋានផងដែរ ។

ជាចុងក្រោយ លោក កង សារឿន អភិបាលនៃគណៈអភិបាលស្រុកបរកែវ បានថ្លែងអំណរគុណយ៉ាងជ្រាលជ្រៅចំពោះអង្គការ ហ្គូដណេប៊ឺស ដែលបានផ្តល់ជំនួយដ៏មានសារៈប្រយោជន៍មួយនេះ និងសំណូមពរដល់អង្គការ ប្រសិនបើមានលទ្ធភាព សូមបន្តជួយផ្ដល់ប្រព័ន្ធទឹកស្អាតបែបនេះជូនដល់សាលារៀនក្នុងសហគមន៍នៃស្រុកបរកែវនេះផងដែរ។

19/01/2024

រតនគិរី៖ កាលពីថ្ងៃ ព្រហស្បតិ៍ ៨ កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃ១៨ ខែមករា ឆ្នាំ២០២៤ កន្លងទៅនេះ អង្គការហ្គូដណេប៊ឺសកម្ពុជា គម្រោងលើកកម្ពស់ការប្រើប្រាស់ទឹកស្អាតនៅតាមមណ្ឌលសុខភាពដែលទទួលជំនួយពីក្រុមហ៊ុន FILA នៃប្រទេសកូរ៉េ បានប្រារព្ធពិធីសម្ពោធដាក់អោយប្រើប្រាស់ជាផ្លូវការនូវប្រព័ន្ធចម្រោះទឹកស្អាត ដែលប្រារព្វឡើងនៅមណ្ឌលសុខភាពស្រែអង្គ្រង ក្រោមអធិបតីភាពលោក ហ៊ិន វិន អភិបាលរងស្រុកកូនមុំ ដោយមានការអញ្ជើញចូលរួមពីលោក យង់ សុវណ្ណរិទ្ធ អនុប្រធានការិយាល័យសុខាភិបាលស្រុកប្រតិបត្តិបានលុង ព្រមទាំងលោក ឆម មុនី ប្រធានប្រតិបត្តិនៃអង្គការហ្គូដណេប៊ឺសកម្ពុជា និងសហការី លោកគ្រូអ្នកគ្រូពេទ្យនៃមណ្ឌលសុខភាពស្រែអង្គ្រង ភ្នំកុក និងកោះពាក្យ អាជ្ញាធរមូលដ្ឋាន និងប្រជាពលរដ្ឋ សរុបចំនួន ៧៥ នាក់។

ក្នុងឱកាសនៃកម្មវិធីនេះ លោក ហ៊ិន វិន អភិបាលរងស្រុកកូនមុំ បានសម្តែងសេចក្តីរីករាយ និងមានប្រសាសន៍ថា ខេត្តរតនគិរីជាតំបន់ដាច់ស្រយាល ប្រជាជនពីមុនមិនសូវខ្វាយខ្វល់ និងយល់ដឹងពីការប្រើប្រាស់ទឹកស្អាតត្រឹមត្រូវ និងអនាម័យខ្លួនប្រាណឡើយ។ ការប្រើប្រាស់ទឹករបស់ប្រជាជនភាគច្រើនគឺ ប្រើប្រភពទឹកនៅតាមអូរ បឹង ឬអណ្តូងដែលមិនមានការច្រោះស្អាត និងមិនមានសុវត្ថិភាពត្រឹមត្រូវក្នុងការប្រើប្រាស់ឡើយ ជាសំណាងថ្ងៃនេះយើងបានទទួលប្រព័ន្ធទឹកស្អាតយ៉ាងទំនើប និងមានគុណភាពល្អសម្រាប់បងប្អូនប្រជាពលរដ្ឋប្រើប្រាស់នៅក្នុងមណ្ឌលសុខភាពស្រែអង្រ្គងនៃស្រុកកូនមុំយើងនេះ ខ្ញុំពិតជាមានសេចក្តីរីករាយ និងអបអរសាទរទៅកាន់មណ្ឌលសុខភាព ហើយសូមថែរក្សារវាឱ្យបានល្អដើម្បីផ្តល់ជូនប្រជាពលរដ្ឋដែលមកទទួលសេវានៅមណ្ឌលសុខភាពប្រើប្រាស់ និងបរិភោគ។

រួមជាមួយគ្នានេះ លោកអភិបាលរងស្រុក បានថ្លែងអំណរគុណយ៉ាងជ្រាលជ្រៅចំពោះអង្គការ ហ្គូដណេប៊ឺស និងក្រុមហ៊ុន FILA ដែលបានផ្តល់ជំនួយដ៏ថ្លៃថ្លានេះ។

ជាចុងក្រោយ លោក ហ៊ិន វិន អភិបាលរងស្រុកកូនមុំ បានសំណូមពរដល់អង្គការហ្គូដណេប៊ឺសកម្ពុជា ឱ្យនៅបន្តជួយដល់ប្រជាជនក្នុងខេត្តរតនគិរីបន្តទៀត។

08/12/2023

After the health campaign ended, we also observed that the people of Ratanakiri province were very active in our health campaign for both “Walk Together” and “One Day KIRI Class”. We’re really thank you to all those who have joined us, especially stakeholders such as Provincial Hall of Ratanakiri, District, Commune, Village, Maternal and Child Health of PHD and Health Center who have supported and implemented these health campaign to run smoothly until the end.

Here is a summary of the results of our health campaign. Thank you for following and paying attention to our health campaign, now we come to an end, we wish you all healthy and happiness and don’t forget out slogan “Getting ready for safe delivery will bring happiness and prosperity to your family” and the meaning of 0 4 10 11.
Thank you so much!



#គម្រោងគិរី #គិរី #រតនគិរី

08/12/2023

ក្រោយពេលសកម្មភាពយុទ្ធនាការសុខភាពរបស់គម្រោងគិរីបានបញ្ចប់ យើងសង្កេតឃើញថាប្រជាជននៅ ក្នុងខេត្តរតនគិរីពិតជាមានការចូលរួមយ៉ាងសកម្មក្នុងសកម្មភាពយុទ្ធនាការសុខភាពរបស់យើង ទាំងការដើររួមគ្នា និងមួយថ្ងៃជាមួយថ្នាក់គិរី។ យើងសូមថ្លែងអំណរគុណយ៉ាងជ្រាលជ្រៅចំពោះអ្នកទាំងអស់គ្នាដែលបានចូលរួមជាមួយពួកយើង ជាពិសេសគឺ ដៃគូពាក់ព័ន្ធដែលមានដូចជា ថ្នាក់ដឹកនាំខេត្ត ស្រុក ភូមិ ឃុំ និងមន្ទីរសុខាភិបាលខេត្តផ្នែកមាតា និងទារក ក៏ដូចជាមណ្ឌលសុខភាព ដែលបានជួយគាំទ្រ និងអនុវត្តសកម្មភាពទាំងនេះឱ្យដំណើរការយ៉ារលូនរហូតដល់ទីបញ្ចប់។

នេះគឺជាការសង្ខេបខ្លះៗអំពីលទ្ធផលនៃសកម្មភាពយុទ្ធនាការសុខភាពរបស់ពួកយើង។ សូមអរគុណ សម្រាប់ការតាមដាន និងយកចិត្តទុកដាក់លើសកម្មភាពយុទ្ធនាការនាពេលកន្លងមក ពេលនេះ យើងបានមកដល់ទីបញ្ចប់ហើយ ក៏សូមជូនពរអ្នកទាំងអស់គ្នាសុខសប្បាយ មានសុភមង្គល និងកុំភ្លេចពាក្យស្លោករបស់យើង “ត្រៀមគ្រប់ សម្រាលស្រួល នាំឱ្យគ្រួសារមានសុភមង្គល” និងអត្ថន័យនៃ 0 4 10 11។
សូមអរគុណ !



#គម្រោងគិរី​ #គិរី #រតនគិរី

05/12/2023

01/12/2023

សន្និសីទផ្សព្វផ្សាយសមិទ្ធិផលគម្រោងគិរី បានធ្វើឡើងនៅ Hyatt Regency Phnom Penh កាលពីថ្ងៃទី ១៥ ខែវិច្ឆកាកន្លងទៅនេះ។
គម្រោងរបស់យើងគឺ "គម្រោងពង្រឹងសុខភាពមាតា និងទារកនៅតំបន់ភាគឦសាននៃប្រទេសកម្ពុជា" បានចាប់ផ្តើមនៅឆ្នាំ ២០១៩ ហើយចុងក្រោយបានបញ្ជប់នៅឆ្នាំ ២០២៣។
ដើម្បីអបអរសាទរនេះ លោកស្រី Moonjung Choi នាយិកាប្រចាំប្រទេស នៃទីភ្នាក់ងារសហប្រតិបត្តិការអន្តរជាតិកូរ៉េ (KOICA) ឯកឧត្តមវេជ្ជបណ្ឌិត ស៊ុង វិនតៈ រដ្ឋលេខាធិការក្រសួងសុខាភិបាល និងអ្នកពាក់ព័ន្ធសំខាន់ៗនៃគម្រោងដូចជា អភិបាលនៃគណអភិបាលខេត្តរតនគិរី និងខេត្តមណ្ឌលគិរី មជ្ឈមណ្ឌលជាតិគាំពារមាតា និងទារក (NMCHC) មជ្ឈមណ្ឌលជាតិលើកកម្ពស់សុខភាព (NCHP) មន្ទីរពេទ្យកុមារជាតិ (NPH) ការិយាល័យស្រុកប្រតិបត្តិ និងមណ្ឌលសុខភាពមកពីខេត្តទាំង ២ ប្រធានមន្ទីរសុខាភិបាលខេត្តរតនគិរី និងប្រធានមន្ទីរសុខាភិបាលខេត្តមណ្ឌលគិរី និងសមាជិកតំណាងសហគមន៍។
ពួកគេបានថ្លែងអំណរគុណចំពោះគម្រោងរបស់យើង ហើយរដ្ឋលេខាធិការក្រសួងសុខាភិបាល បានសម្តែងនូវក្តីសង្ឃឹមថាគម្រោងរបស់យើងនឹងបន្តទៀត -!
បន្ទាប់ពីការស្វាគមន៍របស់ពួកគេ មានការបង្ហាញពីសមិទ្ធផល និងផែនការអនាគតរបស់អ្នកគ្រប់គ្រងគម្រោងគិរី របស់យើង។
ទីមួយ និយាយអំពីលទ្ធផលលើការកែលម្អសេវាកម្ម MCH និងការលើកកម្ពស់ការយល់ដឹងពីសហគមន៍ ទីពីរ សូចនាករទាំងអស់នៃការស្ទង់មតិវាយតម្លៃបន្ទាត់បញ្ចប់គឺកើនឡើងបើប្រៀបធៀបទៅនឹងបន្ទាត់មូលដ្ឋាន។
ហើយទីបី ចម្លើយនៃសំណួរ "តើអ្វីទៅជាការផ្លាស់ប្តូរដ៏សំខាន់នៅក្នុងសហគមន៍?"។ ជាចុងក្រោយ ផែនការរបស់ Good Neighbors Cambodia នឹងបន្តគាំទ្រ ២០២៤ ដល់ ២០២៥។ ដូចដែលប្រធានគម្រោងបានមានប្រសាសន៍ថា សូមអរគុណដល់អ្នកចូលរួម អ្នកពាក់ព័ន្ធមកពីខេត្តរតនគិរី និងក្រុមការងារគិរី យើងអាចសម្រេចបាននូវលទ្ធផលនៃគម្រោងនេះបានដោយមានអ្នកទាំងអស់គ្នា។ ជារបៀបវារៈចុងក្រោយ លោកវេជ្ជបណ្ឌិត អេង គុណវុធ លោក សុំ តាវ ប្រធានមណ្ឌលសុខភាពអូរជុំ ក្រុមទ្រទ្រង់សុខភាពភូមិមកពីភូមិស្វាយ បានប្រកាសអំពីរឿងរ៉ាវរបស់ពួកគេ។ ពួកគេបានប្រាប់អំពីការផ្លាស់ប្តូរដែលបណ្តាលមកពីគម្រោងគិរី និងការកោតសរសើរចំពោះសកម្មភាពនេះ។
ជាមួយនឹងការសរសេរដោយស្មោះត្រង់របស់ពួកគេ មនុស្សគ្រប់គ្នាមានការអាណិតអាសូរចំពោះភាពចាំបាច់នៃគម្រោងគិរី និងដំណើរការរហូតមកដល់ពេលនេះ។

មនុស្សជាច្រើននៅជាមួយពួកយើង ដើម្បីអោយគម្រោងគិរី អាចបញ្ចប់បានយ៉ាងល្អ ហើយយើងសូមអភ័យទោសដែលពួកយើងមិនអាចអញ្ជើញពួកគេទាំងអស់បាន។
សូមអរគុណអ្នករាល់គ្នាដែលនៅជាមួយយើងអស់រយៈពេល ៤ ឆ្នាំកន្លងមកនេះ។ គម្រោងរបស់យើងបានបញ្ចប់ហើយ ប៉ុន្តែយើងសង្ឃឹមថាការផ្លាស់ប្តូរដែលបណ្តាលមកពីគម្រោងគិរី នឹងបន្តកាន់តែប្រសើរឡើង :)
សូមអរគុណ :-)

--------------------------------------------------------

The KIRI Project Achievement Sharing Conference is held in the Hyatt Regency Phnom Penh on November 15th.
Our project, 'Project for Strengthening Maternal and Child Health in North-Eastern Regions of Cambodia' started in 2019 and finally ended in 2023.
To celebrate this, Ms. Moonjung CHOI - KOICA Country Director, and was participated by H.E. Dr. Sung Vinntak - Secretary of State of MoH and Key stakeholders of the project such as Provincial governments of Ratanakiri and Mundulkiri, Provincial Health Departments of Ratanakiri and Mundulkiri, National Maternal and Child Health Center (NMCHC), National Center for Promotion (NCHP), National Pediatric Hospital (NPH), Operational Districts and Health Centers of each province, and members representing the communities.
They thanked for our project and Secretary of State of MoH expressed his hope that our project would continue - !
Following their greetings, there was a presentation of the our project manager's achievements and future plans.
First, it's about outcome on improving MCH Service and raising community awareness, second, all indicators of the evaluation survey, the endline is up compared to the baseline.
And third the answers of the question "What is the significant changes in the community?". Lastly, the plan of GNC will continuously support 2024-2025.
As Pm said, thanks to the participants, local residents, and KIRI team, we were able to achieve the results of the project.
As the last agenda, Dr. Eng Kunvuth, Ochum HC Chief, VHSG of Sway village were announced about their stories.
They told about the changes caused by the KIRI project and appreciation for it.
With their sincere writing, everyone sympathized with the necessity of the KIRI Project and the process so far.

So many people with us so that the KIRI Project could be completed well, and we're sorry that we couldn't invite them all.
We would like to thank everyone who has been with us for 4 years.
Our project is over, but we hope that the changes caused by the KIRI Project will continue, and be better :)
Thank you very much :-)