https://latnoreaksathya.blogspot.com/

MedBridge Cambodia, Sangkat Teuok Thla, Khan Sen Sok, Phnom Penh (2025)

29/07/2025

ជំងឺស្បែក psoriasis នៅបាតដៃបាតជើង 🥰😍

---------------
ជំងឺស្បែក psoriasis នៅបាតដៃបាតជើង ច្រើនតែគេយល់ច្រឡំថាជាផ្សិត ហើយព្យាបាលផ្សិតយូរ។

🟣វិធីបែងចែក
🔸ក្រចក: ជំងឺ psoriasis ច្រើនប៉ះពាល់ក្រចកស្ទើរតែគ្រប់ក្រចកទាំងដៃនិងជើង។ រីឯផ្សិតច្រើនតែប៉ះពាល់ក្រចកតែ ១-៣ ប៉ុណ្ណោះ (អាចច្រើនជាងនេះដែរ តែមិនមែនគ្រប់ក្រចកទេ)។
🔸អង្គែក្បាល: បើមានអង្គែនៅលើស្បែកក្បាល ទំនងជាជំងឺ psoriasis ជាង។
លក្ខណៈក្រចក:
🔸Pitting nails:
-Subungal hyperkeratosis: មានស្រទាប់សក្រាស់ក្រោមក្រចក។
-Onycholysis: ក្រចករបើកចេញពីគល់ក្រចក។
-លក្ខណៈពីរចុងក្រោយនេះ អាចឃើញទាំងនៅក្នុងជំងឺ psoriasis និងផ្សិត។

🟣រោគសញ្ញាជំងឺ psoriasis នៅបាតដៃបាតជើង
🔸កន្ទួលស្បែកស្ងួត មានស្នាមប្រេះ មានស្រទាប់ស្កាក្រាស់នៅបាតដៃបាតជើងទាំងសងខាង។
🔸លក្ខណៈកន្ទួលដូចគ្នាទាំងសងខាង (ជួយបែងចែកពីផ្សិត ដែលច្រើនតែកើតម្ខាង)។
🔸បើមានកន្ទួល psoriasis នៅកន្លែងផ្សេងទៀតដូចជា ត្រគាក កែងដៃ ជង្គង់ ស្បែកជើង នោះកាន់តែជួយបញ្ជាក់ដោយការធ្វើរោគវិនិច្ឆ័យ។ កន្ទួល psoriasis មានព្រំដែនច្បាស់លាស់ មានស្រទាប់ស្កាក្រាស់ និងកើតទាំងសងខាងនៃរាងកាយ។

🟣ការពិនិត្យបន្ថែម
🔸ធ្វើតេស្ត KOH នៅលើស្បែកនិងក្រចក។
🔸ធ្វើតេស្ត skin scraping សម្រាប់រកផ្សិត ដើម្បីបែងចែកពីជំងឺផ្សិត។

🟣ការព្យាបាលជំងឺ psoriasis នៅបាតដៃបាតជើង
🔸ក្រែមផ្ដល់សំណើម (Emollients): គួរលាបក្រែមផ្ដល់សំណើមឱ្យបានញឹកញាប់។ គួរប្រើប្រភេទដែលខាប់ដូចជា Vaseline petroleum jelly ឬ moisturizing cream ជាងប្រេងឬ lotion ព្រោះវាអាចរក្សាសំណើមបានល្អជាង។ អាចលាបបានញឹកញាប់ពេញមួយថ្ងៃ។
🔸ក្រែមបណ្ដេញកោសិកាស្បែក (Exfoliating creams): ដូចជា 20% urea cream, salicylic acid ជួយកាត់បន្ថយកម្រាស់ស្បែក។
🔸Coal tar: ជួយកាត់បន្ថយការរលាកនិងស្រទាប់ស្កា។
🔸Super potent steroids: អាចប្រើ clobetasol ointment ឬ clobetasol cream 1-2 ដងក្នុងមួយថ្ងៃ រយៈពេល 2-4 សប្ដាហ៍។ បើប្រសើរឡើង ត្រូវបន្ថយកម្លាំងចុះ អាចទៅជា betamethasone valerate ដើម្បីជៀសវាងស្បែកស្ដើង។ បើស្បែកស្ដើង ជំងឺ psoriasis នឹងកាន់តែធ្ងន់ធ្ងរ។
🔸Calciprotriol ointment: បើប្រើតែមួយមុខមិនសូវមានប្រសិទ្ធភាពទេ អាចប្រើល្បាយជាមួយស្តេរ៉ូអ៊ីតដូចជា Daivobet នឹងជួយបានល្អ។
🔸ការព្យាបាលតាមប្រព័ន្ធ (Systemic therapy): ដូចជា Methotrexate ឬ Acitretin។
🔸ថ្នាំជីវសាស្ត្រ (Biologics): បើថ្នាំផ្សេងទៀតមិនអាចគ្រប់គ្រងបាន អាចប្រើបានតែតម្លៃថ្លៃ (គួរជៀសវាង TNF alpha inhibitors ដូចជា infliximab និង adalimumab ដែលអាចបណ្ដាលឱ្យកើត palmoplantar pustulosis គឺជំងឺពងបែកខ្ទុះនៅបាតដៃបាតជើង)។

ជំងឺ psoriasis ជាជំងឺប្រព័ន្ធភាពស៊ាំវាយប្រហារខ្លួនឯង ដែលកើតញឹកញាប់។

https://dermnetnz.org/.../psoriasis-of-the-palms-and-soles

✅Contact me: 🥰
: t.me/latnoreaksathya
: https://www.facebook.com/latnoreaksathya
------
Follow for more information: 😍
Facebook: https://web.facebook.com/MedBridgeCambodia
Instagram: https://www.instagram.com/medbridgecambodia

27/07/2025

ជំងឺត្រអក (Pityriasis Versicolor)

------------
ជំងឺត្រអកគឺជាការបង្ករោគដោយមេរោគផ្សិតនៅលើស្បែក ដែលកើតមានញឹកញាប់នៅប្រទេសត្រូពិចដូចជាកម្ពុជា។ វាអាចកើតលើមនុស្សគ្រប់ភេទ គ្រប់វ័យ ប៉ុន្តែច្រើនកើតលើបុរស ជាពិសេសអ្នកធ្វើការខាងក្រៅ ហាត់ប្រាណ ឬអ្នកធាត់លើសទម្ងន់ដែលមានញើសច្រើន។

🔵មូលហេតុ:
ជំងឺនេះបង្កឡើងដោយមេរោគផ្សិតឈ្មោះ Malassezia ដែលជាធម្មតាមាននៅលើស្បែកមនុស្សគ្រប់គ្នា ជាពិសេសនៅតំបន់ដែលមានក្រពេញខ្លាញ់ច្រើនដូចជា ក្បាល មុខ ទ្រូង និងខ្នង។
🔸ត្រអកស: កើតឡើងដោយសារមេរោគផ្សិតផលិតសារធាតុដែលបំផ្លាញកោសិកាបង្កើតពណ៌ស្បែក (melanocytes) ។
🔸ត្រអកខ្មៅ ឬត្នោត: កើតឡើងនៅពេលមេរោគផ្សិតជំរុញកោសិកាបង្កើតពណ៌ស្បែកឱ្យផលិតពណ៌ធំជាងមុន។
🔸ត្រអកផ្កាឈូកក្រហម: កើតឡើងដោយសារការរលាកស្បែកពីមេរោគផ្សិត ឬសារធាតុដែលវាផលិត។

🔵រោគសញ្ញា:
ត្រអកច្រើនកើតនៅមុខ ក ខ្លួន ទ្រូង ខ្នង និងដើមដៃ។ វាអាចលេចចេញជាចំណុចសតូចៗ មានអង្កែ ឬជាចំណុចពណ៌ត្នោត ផ្កាឈូក។ ជួនកាលមានអាការៈក្រហម រមាស់នៅពេលក្តៅ ឬបែកញើស។

🔵ការព្យាបាល:
🔸ប្រើសាប៊ូកក់សក់ ឬលាងខ្លួនប្រឆាំងមេរោគផ្សិត: ដូចជា 2% ketoconazole shampoo ឬ selenium sulfide លាបលើកន្លែងកើត ទុកចោល ១០-១៥ នាទី រួចលាងចេញជារៀងរាល់ថ្ងៃ។
🔸លាបថ្នាំ: ដូចជា Clotrimazole, ketoconazole, terbinafine។ គួរចៀសវាងថ្នាំលាយជាមួយស្តេរ៉ូអ៊ីត។
🔸លេបថ្នាំ: ក្នុងករណីធ្ងន់ធ្ងរ អាចលេបថ្នាំ Azoles ដូចជា Itraconazole ឬ Fluconazole ។
🔸របៀបរស់នៅ: គួរចៀសវាងស្លៀកពាក់តឹងណែន និងគួរងូតទឹកភ្លាមៗបន្ទាប់ពីហាត់ប្រាណ ឬធ្វើការ។

ស្នាមត្រអកពណ៌សអាចបាត់ទៅវិញក្នុងរយៈពេលប៉ុន្មានខែ ព្រោះរាងកាយត្រូវបង្កើតពណ៌ស្បែកថ្មី។ ជំងឺនេះអាចកើតឡើងវិញបាន។ ដើម្បីការពារការកើតឡើងវិញ អាចប្រើសាប៊ូ ketoconazole លាងម្តងក្នុងមួយសប្តាហ៍ ឬពីរដងក្នុងមួយខែ សម្រាប់រយៈពេលយូរ។

https://dermnetnz.org/topics/pityriasis-versicolor
https://www.researchgate.net/.../Treatment-of-cutaneous...

me:
🥰😍Fllow me:
: t.me/latnoreaksathya
: https://www.facebook.com/latnoreaksathya
------
Follow for more information:
Facebook: https://web.facebook.com/profile.php?id=61567924801956
Instagram: https://www.instagram.com/healthcare_with_sathya
TikTok: https://www.tiktok.com/
YouTube: https://www.youtube.com/

25/07/2025

ជំងឺពងបែក (Impetigo) 🥰😍

----------------
ជំងឺពងបែក (Impetigo) គឺជាជំងឺឆ្លងបាក់តេរីលើស្បែកដែលកើតមានញឹកញាប់បំផុតចំពោះកុមារ ជាពិសេសកុមារតូចៗអាយុពី ២-៥ ឆ្នាំ ហើយងាយឆ្លងពីកុមារម្នាក់ទៅកុមារម្នាក់ទៀត។ ជំងឺនេះចែកចេញជា ២ ប្រភេទ៖

ប្រភេទពងបែកធំ (Bullous Impetigo)៖ មានពងបែកធំៗ (តិចជាង ៣ សង់ទីម៉ែត្រ) មានទឹកថ្លា ហើយងាយបែក។ នៅពេលបែក វាបន្សល់ទុកស្នាមរបួសក្រហម មានសំបកស្ងួតជុំវិញ និងមានទឹកថ្លាចេញមក។

ប្រភេទ មិនមែនពងបែកធំ (Non-bullous Impetigo)៖ មានពងខ្ទុះ ឬពងបែកតូចៗ ដែលបែកចេញជាសំបកពណ៌លឿងត្នោត។

🔵មូលហេតុ
មូលហេតុគឺបណ្តាលមកពីការជ្រៀតចូលនៃបាក់តេរីតាមរយៈរបាំងការពារស្បែក (skin barrier)។ វាអាចចាប់ផ្តើមពីរបួសដោយសារសត្វល្អិតខាំ ដូចជា មូស ស្រមោច របួសរលាត់ស្បែក ជំងឺត្រអក ហើយនៅពេលកុមារអេះដោយក្រចកមិនស្អាត ឬនៅក្នុងបរិស្ថានមិនស្អាត វាជាច្រកបើកឱ្យមេរោគចូលទៅក្នុងស្បែក។

ជំងឺនេះងាយឆ្លងណាស់ តាមរយៈការប៉ះពាល់ផ្ទាល់ និងនៅជិតគ្នា។ រោគសញ្ញានឹងកើតជាពងបែកមានខ្ទុះ ទឹកថ្លា ហើយបែកចេញជាសំបកស្ងួត។ អ្នកខ្លះអាចមានគ្រុនក្តៅ អស់កម្លាំង និងក្រពេញទឹករងៃរីកធំ។

បាក់តេរីដែលបង្កជំងឺញឹកញាប់បំផុតគឺ Staphylococcus aureus និង Streptococcus pyogenes។ ការឆ្លងកើតឡើងនៅស្រទាប់ខាងក្រៅបំផុតនៃស្បែក គឺស្រទាប់អេពីឌែមីស (Epidermis)។
🔸Non-bullous Impetigo៖ បណ្តាលមកពី Staphylococcus aureus ៨០%, Group A Beta hemolytic streptococcus ១០% និង ១០% ទៀតរកឃើញមេរោគទាំងពីររួមគ្នា។
🔸Bullous Impetigo៖ ស្ទើរតែ ១០០% បណ្តាលមកពី Staphylococcus aureus ដោយសារបាក់តេរីនេះផលិត exotoxins (exfoliatin A) ដែលកំណត់គោលដៅលើ desmoglein 1 (ពណ៌ខៀវក្នុងរូបចុងក្រោយ) ដែលមានតួនាទីភ្ជាប់កោសិកាស្បែកស្រទាប់ខាងក្រៅ (epidermis stratum granulosum) ធ្វើឱ្យស្បែករបកចេញជាពងបែកថ្លា។

🔵ទីតាំង និងកត្តាហានិភ័យ
🔸ជំងឺនេះច្រើនកើតលើកុមារតូចៗ ប៉ុន្តែមនុស្សធំក៏អាចកើតបានដែរ។ ជាធម្មតា វាកើតនៅ មុខ ច្រមុះ ដៃ ជើង។ ចំពោះប្រភេទពងបែកធំ (bullous) អាចកើតលើដងខ្លួនផងដែរ។
🔸អ្នកដែលមានប្រព័ន្ធភាពស៊ាំចុះខ្សោយមានហានិភ័យខ្ពស់ ដូចជា កុមារតូចៗអាយុ ២-៥ ឆ្នាំ អ្នកដែលមានជំងឺទឹកនោមផ្អែម អ្នកដែលប្រើថ្នាំទប់ស្កាត់ប្រព័ន្ធភាពស៊ាំ អ្នកដែលមានជំងឺត្រអក និងអ្នកដែលមានភាពស៊ាំចុះខ្សោយពីកំណើត។
🔸ប្រសិនបើអ្នកមានភាពស៊ាំទាប ហើយឆ្លងមេរោគធ្ងន់ធ្ងរ វាអាចវិវត្តទៅជាការឆ្លងនៅស្រទាប់ខ្លាញ់ក្រោមស្បែក (Cellulitis) ហើយឆ្លងចូលចរន្តឈាម ដែលអាចបណ្តាលឱ្យស្លាប់បាន។

🔵ផលវិបាកធ្ងន់ធ្ងរ
ជំងឺរលាកតម្រងនោម (Post-streptococcal glomerulonephritis) គឺជាប្រតិកម្មអាលែកហ្ស៊ីប្រភេទទី ៣ (type 3 hypersensitivity) បន្ទាប់ពីការឆ្លងមេរោគ Strep pyogenes នៅលើស្បែករយៈពេល ៣-៤ សប្តាហ៍។ វាមានរោគសញ្ញាហើម នោមចេញឈាម និងសម្ពាធឈាមខ្ពស់ ដែលមានគ្រោះថ្នាក់ខ្លាំងណាស់។

🔵ការព្យាបាល
🔸លេបថ្នាំអង់ទីប៊ីយោទិក៖ ដូចជា dicloxacillin, Cephalexin, Augmentin ជាថ្នាំជម្រើសដំបូង។ ប្រសិនបើមានអាលែកហ្ស៊ីជាមួយប៉េនីស៊ីលីន អាចប្រើ Erythromycin ឬ Clindamycin។
🔸លាបថ្នាំសម្លាប់មេរោគ៖ Mupirocin, Fusidin, Betadine។ ចំពោះ Gentamicin ជារឿយៗវាមានភាពស៊ាំនឹងថ្នាំ ដូច្នេះគួរចៀសវាងការប្រើប្រាស់។
(ប្រសិនបើរមាស់ខ្លាំង អាចលាបថ្នាំស្តេរ៉ូអ៊ីតស្រាលៗ 0.02% TA/0.1% TA រួមជាមួយការលេបថ្នាំ Antihistamine ដូចជា CPM, Hydroxyzine, Cetirizine។)
🔸ថែរក្សាអនាម័យ៖ អាចលាងសម្អាតរបួសជាមួយ chlorhexidine scrub។
🔸ប្រសិនបើមានផលវិបាកធ្ងន់ធ្ងរ៖ គួរតែចូលមន្ទីរពេទ្យដើម្បីចាក់ថ្នាំអង់ទីប៊ីយោទិកតាមសរសៃឈាម ដូចជា cloxacillin, Augmentin IV។

គួរថែរក្សាអនាម័យខ្លួនប្រាណឱ្យបានល្អ ជៀសវាងការខាំរបស់សត្វល្អិត ជៀសវាងលេងដីខ្សាច់ លាងដៃញឹកញាប់ លាបក្រែមផ្តល់សំណើមដល់ស្បែកដើម្បីពង្រឹងរបាំងការពារស្បែក។ ប្រសិនបើកុមារតូចៗកើតជំងឺនេះ គួរតែឈប់រៀនដើម្បីកុំឱ្យឆ្លងទៅមិត្តភក្តិ។

https://emedicine.medscape.com/article/965254-treatment
https://dermnetnz.org/topics/impetig

me:
🥰😍Fllow me:
: t.me/latnoreaksathya
: https://www.facebook.com/latnoreaksathya
------
Follow for more information:
Facebook: https://web.facebook.com/profile.php?id=61567924801956
Instagram: https://www.instagram.com/healthcare_with_sathya
TikTok: https://www.tiktok.com/
YouTube: https://www.youtube.com/

25/07/2025

Herpes roster (Shingles)

25/07/2025

ការប្រើប្រាស់ Oxygen supply

24/07/2025

Chemical name of Vitamin

23/07/2025

ជំងឺត្រអក (Nummular Eczema)

-------------
ជំងឺត្រអក គឺជាជំងឺរលាកស្បែកមួយប្រភេទ ដែលត្រូវបានគេដាក់ឈ្មោះតាមរូបរាងរបស់វាដែលមានរាងមូល ឬពងក្រពើ មានវង្វង់មូលច្បាស់លាស់ និងមានទំហំប៉ុនកាក់។ ជំងឺនេះច្រើនបង្កឱ្យមានការរមាស់ខ្លាំង ហើយជាទូទៅកើតនៅលើដៃ និងជើង។

🔵លក្ខណៈនៃជំងឺត្រអក
ដំបូង កន្ទួលអាចលេចឡើងជាកន្ទួលតូចៗ ហើយអ្នកខ្លះអាចមានពងបែកថ្លាដែលរមាស់ខ្លាំង។ អ្នកជំងឺច្រើនតែអេះវា រហូតរីករាលដាលទៅជាកន្ទួលក្រាស់ រាងមូល ដែលមានអង្កែរ ឬរបក។ អ្នកជំងឺជាច្រើនដែលមានជំងឺនេះ តែងតែមានប្រវត្តិជំងឺអាលែកហ្ស៊ី និងស្បែកស្ងួត។

🔵ការបង្កជំងឺ
យន្តការនៃជំងឺត្រអកគឺស្រដៀងទៅនឹងជំងឺរលាកស្បែកទូទៅដែរ។ ជាធម្មតា វាបណ្តាលមកពីការបាត់បង់មុខងាររបាំងការពារស្បែក គឺខ្លាញ់នៅស្រទាប់ខាងក្រៅនៃស្បែក (epidermal lipid barrier dysfunction) ដែលអនុញ្ញាតឱ្យសារធាតុគីមី និងបាក់តេរីចូលទៅក្នុងស្រទាប់ស្បែក រួមជាមួយនឹងយន្តការឆ្លើយតបនៃប្រព័ន្ធភាពស៊ាំទៅនឹងសារធាតុគីមីទាំងនោះ។

ការសិក្សាខ្លះបានរកឃើញទំនាក់ទំនងរវាងកោសិកាឈាមស Mast cells និងសរសៃប្រសាទ (sensory nerves)។ Mast cells បញ្ចេញអ៊ីស្តាមីន (histamine) និងសារធាតុរលាកផ្សេងៗទៅកាន់សរសៃប្រសាទ C (Neural C fibers)។ ចំនួន Mast cells និងសរសៃប្រសាទដែលមានហើយបានកើនឡើងចំពោះអ្នកជំងឺត្រអក ដែលបណ្តាលឱ្យមានការរមាស់ខ្លាំង។

🔵មូលហេតុនៃជំងឺ
មូលហេតុចម្បងនៃជំងឺត្រអក គឺអ្នកជំងឺភាគច្រើនមានស្បែកស្ងួតខ្លាំង (xerotic, very dry skin) និងមានជំងឺប្រចាំកាយដូចជា ជំងឺត្រអក (Atopic dermatitis)។ វាក៏ទាក់ទងនឹងប្រតិកម្មអាលែកហ្ស៊ីផ្សេងៗដូចជា អាលែកហ្ស៊ីជាមួយសារធាតុគីមី សត្វល្អិតខាំ អាលែកហ្ស៊ីជាមួយលោហៈធាតុដូចជានីកែល (Nickel) ក្រូមីញ៉ូម (Chromium) រួមទាំងជំងឺរ៉ាំរ៉ៃដែលបណ្តាលមកពីការហូរឈាម (មានជាតិដែកនៅស្បែក)។

🔵ការព្យាករណ៍ជំងឺ
ជំងឺនេះគឺជាជំងឺរ៉ាំរ៉ៃ ដែលកើតឡើងហើយបាត់ទៅវិញម្តងៗ។ អ្នកខ្លះដែលឧស្សាហ៏អេះខ្លាំងអាចមានការឆ្លងបាក់តេរី ដែលភាគច្រើនគឺ Staphylococcus aureus។ ប្រសិនបើជំងឺនេះរ៉ាំរ៉ៃយូរ អាចវិវត្តទៅជាជំងឺរលាកស្បែករ៉ាំរ៉ៃ (Lichen simplex chronicus) និងអាចបន្សល់ទុកស្លាកស្នាមបន្ទាប់ពីកន្ទួលបាត់ទៅវិញ។

🔵ការធ្វើរោគវិនិច្ឆ័យ
ជំងឺនេះអាចស្រដៀងនឹងជំងឺត្រអក (Atopic dermatitis), ជំងឺ psoriasis, ជំងឺផ្សិតស្បែក, និង cutaneous T cell lymphoma។

🔵ការព្យាបាល
🔸ជួសជុលរបាំងការពារស្បែក: ប្រើសាប៊ូរាវស្រាលៗ ជៀសវាងសាប៊ូដុំ សាប៊ូឱសថ ឬសាប៊ូធម្មជាតិ ហើយលាបក្រែមផ្តល់សំណើមដល់ស្បែកឱ្យបានញឹកញាប់ បន្ទាប់ពីងូតទឹករួច។ ប្រសិនបើស្ងួតខ្លាំង អាចប្រើ Vaseline petroleum jelly ឬក្រែមខាប់ដែលមាន ceramide (Cerave) ឬ Eucerin សម្រាប់ស្បែកស្ងួតខ្លាំង។
🔸លាបថ្នាំស្តេរ៉ូអ៊ីត: បើមិនធ្ងន់ធ្ងរ ប្រើថ្នាំដែលមានកម្រិតមធ្យម ដូចជា 0.1% triamcinolone cream។ ប៉ុន្តែបើកន្ទួលក្រាស់ អាចប្រើថ្នាំខ្លាំងជាង ដូចជា betamethasone (បូកនឹង neomycin ចំពោះអ្នកដែលមានការឆ្លងបាក់តេរី)។ ប្រសិនបើវិវត្តទៅជាកន្ទួលរមាស់ក្រាស់រ៉ាំរ៉ៃ ត្រូវប្រើថ្នាំស្តេរ៉ូអ៊ីតខ្លាំងបំផុត ដូចជា 0.05% clobetasol (dermovate)។
ប្រសិនបើប្រើរយៈពេលយូរ អាចមានផលប៉ះពាល់។ អាចប្រើថ្នាំ calcineurin inhibitors ដូចជា tacrolimus, pimecolimus (Elidel, protopic) ក៏មានប្រសិទ្ធភាពល្អដែរ តែថ្លៃបន្តិច។
🔸ថ្នាំស្តេរ៉ូអ៊ីតប្រភេទ Systemic: ផ្តល់ prednisolone 2*2 ក្នុងរយៈពេលខ្លី។ បើការរលាកបាត់ទៅ អាចបញ្ឈប់បាន។
ក្រុមថ្នាំ Biologics គឺថ្នាំ Dupilumab, a monoclonal antibody targeting interleukin (IL)-4 and IL-13 ដែលមានប្រសិទ្ធភាពល្អចំពោះជំងឺត្រអកកាក់ និងជំងឺត្រអក (Atopic dermatitis)។ ប៉ុន្តែវាថ្លៃណាស់ ម្ជុលមួយមានតម្លៃជាង 615.95$ ហើយចាក់រៀងរាល់ ២-៤ សប្តាហ៍ម្តង។
ប្រសិនបើអាការៈធ្ងន់ធ្ងរខ្លាំង អាចប្រើថ្នាំទប់ស្កាត់ប្រព័ន្ធភាពស៊ាំ ដូចជា cyclosporin, methotrexate បាន។
ថ្នាំ JAK inhibitors ក៏មានប្រសិទ្ធភាពដែរ តែថ្លៃខ្លាំងណាស់។
🔸ប្រសិនបើមានការឆ្លងបាក់តេរី: ភាគច្រើនគឺ Staphylococcus អាចផ្តល់ dicloxacillin ឬ Cephalexin។
🔸ថ្នាំបំបាត់ការរមាស់: ថ្នាំ antihistamine ពេលថ្ងៃអាចផ្តល់ប្រភេទដែលមិនងងុយគេង ដូចជា cetirizine/fexofenadine។ ពេលយប់អាចផ្តល់ប្រភេទដែលបណ្តាលឱ្យងងុយគេង ដើម្បីជួយឱ្យគេងលក់ស្រួលជាងមុន (Atarax 25 mg hs)។

https://emedicine.medscape.com/article/1123605-treatment

me:
🥰😍Fllow me:
: t.me/latnoreaksathya
: https://www.facebook.com/latnoreaksathya
------
Follow for more information:
Facebook: https://web.facebook.com/profile.php?id=61567924801956
Instagram: https://www.instagram.com/healthcare_with_sathya
TikTok: https://www.tiktok.com/
YouTube: https://www.youtube.com/

23/07/2025

គោលការណ៍ណែនាំថ្មី 2025 សម្រាប់ការវិនិច្ឆ័យ និងព្យាបាលជំងឺរលាកសួត (CAP)
ក្រុមអ្នកជំនាញសួតអាមេរិក (American Thoracic Society ឬ ATS) បានចេញផ្សាយគោលការណ៍ណែនាំថ្មីសម្រាប់ការវិនិច្ឆ័យ និងព្យាបាលជំងឺរលាកសួត (CAP)។

គោលការណ៍ណែនាំនេះធ្វើបច្ចុប្បន្នភាពតែ ៤ ចំណុចសំខាន់ៗប៉ុណ្ណោះ ពីគោលការណ៍ណែនាំចាស់ឆ្នាំ ២០១៩។ ចំណុចផ្សេងទៀតនៅតែប្រកាន់ខ្ជាប់តាមគោលការណ៍ណែនាំចាស់ដដែល។ គោលការណ៍ណែនាំនេះមិនរាប់បញ្ចូលការព្យាបាល CAP ចំពោះអ្នកជំងឺដែលមានប្រព័ន្ធការពាររាងកាយចុះខ្សោយឡើយ។

អនុសាសន៍ទី ១៖ ការប្រើប្រាស់ Lung Ultrasound (LUS) សម្រាប់ការវិនិច្ឆ័យ CAP (ថ្មី)
សំណួរ៖ តើយើងអាចប្រើ LUS ដើម្បីវិនិច្ឆ័យ CAP បានទេ?

កាលពីមុន ការថតកាំរស្មីទ្រូង (CXR) អាចមានភាពរសើបមិនល្អដូចការថត CT ទ្រូងទេ ហើយមន្ទីរពេទ្យខ្លះប្រហែលជាមិនអាចថត CXR បាន ២៤ ម៉ោងទេ។

ទិន្នន័យថ្មីៗនេះបង្ហាញថា LUS មានភាពរសើបខ្ពស់ជាង ឬស្មើនឹង CXR នៅពេលប្រៀបធៀបជាមួយ CT ទ្រូង ដែលជាស្តង់ដារមាសសម្រាប់ការវិនិច្ឆ័យ CAP ហើយវាមានភាពងាយស្រួលក្នុងការធ្វើនៅក្បែរគ្រែអ្នកជំងឺ។

ចម្លើយ៖ អ្នកជំនាញណែនាំថា យើងអាចប្រើ LUS ជាជម្រើសរូបភាពជំនួស (alternative imaging of choice) សម្រាប់ការវិនិច្ឆ័យ CAP បាន។

ចំណាំ៖ LUS គួរតែត្រូវបានធ្វើឡើងដោយអ្នកជំនាញដែលមានការបណ្តុះបណ្តាលត្រឹមត្រូវ ហើយនេះជាអនុសាសន៍មានលក្ខខណ្ឌ (conditional recommendation)។

អនុសាសន៍ទី ២៖ ការព្យាបាលបាក់តេរីដោយផ្អែកលើបទពិសោធន៍ (Empiric Anti-bacterial Therapy) ចំពោះ CAP ដែលរកឃើញមេរោគផ្លូវដង្ហើម (ថ្មី)
សំណួរ៖ ចំពោះអ្នកជំងឺ CAP ដែលរកឃើញមេរោគផ្លូវដង្ហើម តើយើងនៅតែចាំបាច់ត្រូវផ្តល់ការព្យាបាលបាក់តេរីដោយផ្អែកលើបទពិសោធន៍បន្ថែមដែរឬទេ?

ក្រោយពីយុគសម័យ COVID-19 បច្ចេកវិទ្យារបស់យើងអាចរកឃើញមេរោគផ្លូវដង្ហើមបានញឹកញាប់ជាងមុន។ ចំពោះករណីធ្ងន់ធ្ងរ យើងរកឃើញការឆ្លងមេរោគរួមគ្នា (co-infection) រវាងមេរោគ និងបាក់តេរីចំពោះ CAP កាន់តែច្រើន (ការសិក្សាខ្លះរហូតដល់ ៣០%)។

បច្ចុប្បន្ន មិនទាន់មានឧបករណ៍គ្លីនិក រូបភាព ឬជីវសញ្ញាសម្គាល់ណាមួយដែលអាចបែងចែកប្រភេទភ្នាក់ងារបង្កជំងឺបានច្បាស់លាស់នៅឡើយទេ ហើយទិន្នន័យពីការសាកល្បងព្យាបាល (clinical trial) ក៏នៅមានមិនច្រើនដែរ។

ចម្លើយ៖ អ្នកជំនាញផ្តល់អនុសាសន៍ដូចខាងក្រោម៖
ករណី CAP រកឃើញមេរោគផ្លូវដង្ហើម តើគួរផ្តល់ ATB ឬអត់?

អ្នកជំងឺក្រៅ (OPD setting):
គ្មានជំងឺរួមផ្សំ៖ មិនគួរផ្តល់ ATB ដោយផ្អែកលើបទពិសោធន៍។
មានជំងឺរួមផ្សំ៖ គួរពិចារណាផ្តល់ ATB ដោយផ្អែកលើបទពិសោធន៍។

អ្នកជំងឺក្នុង (IPD setting):
មិនធ្ងន់ធ្ងរ៖ គួរពិចារណាផ្តល់ ATB ដោយផ្អែកលើបទពិសោធន៍។

ធ្ងន់ធ្ងរ៖ គួរផ្តល់ ATB ដោយផ្អែកលើបទពិសោធន៍។
ចំណាំ៖ អនុសាសន៍ទាំងអស់នេះជាអនុសាសន៍មានលក្ខខណ្ឌ (conditional recommendation)។ និយមន័យនៃ CAP ធ្ងន់ធ្ងរ គឺយោងតាមគោលការណ៍ណែនាំចាស់។

អនុសាសន៍ទី ៣៖ ការកាត់បន្ថយរយៈពេលនៃការព្យាបាលបាក់តេរី (ATB) ចំពោះ CAP (ធ្វើបច្ចុប្បន្នភាព)
សំណួរ៖ តើយើងអាចកាត់បន្ថយរយៈពេលនៃការព្យាបាល ATB ចំពោះ CAP បានទេ?

បច្ចុប្បន្ន មានការសិក្សាជាច្រើនអំពីការកាត់បន្ថយរយៈពេលនៃការព្យាបាល ATB សម្រាប់ការឆ្លងមេរោគតាមសរីរាង្គជាក់លាក់។ ទិន្នន័យបង្ហាញថាចំពោះអ្នកជំងឺដែលស័ក្តិសម ការផ្តល់ ATB ក្នុងរយៈពេលខ្លីមិនខុសពីការបន្តរយៈពេលព្យាបាលយូរនោះទេ។

ចំពោះ CAP ក៏ដូចគ្នាដែរ ការសិក្សាបានបង្ហាញថាចំពោះករណីមិនធ្ងន់ធ្ងរ យើងអាចកាត់បន្ថយរយៈពេលនៃការព្យាបាល ATB បាន។

ចម្លើយ៖ អ្នកជំនាញផ្តល់អនុសាសន៍ដូចខាងក្រោម៖
អ្នកជំងឺក្រៅ (OPD setting) និងអ្នកជំងឺក្នុង (IPD setting) ដែលមិនធ្ងន់ធ្ងរ៖
អាចកាត់បន្ថយរយៈពេល ATB តិចជាង ៥ ថ្ងៃបាន (ប៉ុន្តែគួរយ៉ាងហោចណាស់ ៣ ថ្ងៃ)។

ចំណាំ៖ នេះជាអនុសាសន៍មានលក្ខខណ្ឌ (conditional recommendation)។

ករណី IPD ធ្ងន់ធ្ងរ៖
នៅតែណែនាំឲ្យផ្តល់ ATB យ៉ាងហោចណាស់ ៥ ថ្ងៃ។

ចំណាំ៖ នេះជាអនុសាសន៍រឹងមាំ (strong recommendation)។

អនុសាសន៍ទី ៤៖ ការប្រើប្រាស់ Systemic Corticosteroids ចំពោះ CAP ធ្ងន់ធ្ងរ (ធ្វើបច្ចុប្បន្នភាព)
សំណួរ៖ តើយើងគួរផ្តល់ Systemic Corticosteroids ចំពោះ CAP ធ្ងន់ធ្ងរដែរឬទេ?

នេះជាប្រធានបទដែលត្រូវបានពិភាក្សាជាច្រើនឆ្នាំ។ ការសិក្សាជាច្រើន រួមទាំងការវិភាគមេតា (meta-analysis) បានបង្ហាញថាការផ្តល់ Systemic Corticosteroids ចំពោះ CAP ធ្ងន់ធ្ងរអាចកាត់បន្ថយអត្រាមរណភាព និងរយៈពេលស្នាក់នៅមន្ទីរពេទ្យបានគួរឲ្យកត់សម្គាល់។

ចម្លើយ៖ អ្នកជំនាញណែនាំថា យើងអាចផ្តល់ Systemic Corticosteroids ចំពោះអ្នកជំងឺ CAP ធ្ងន់ធ្ងរបាន។

ចំណាំ៖ នេះជាអនុសាសន៍មានលក្ខខណ្ឌ (conditional recommendation) ហើយកម្រិតថ្នាំ (dose) និងរយៈពេលនៃស្តេរ៉ូអ៊ីត (duration of steroid) មិនត្រូវបានបញ្ជាក់ច្បាស់លាស់ទេ។

ចំណាំ៖
គោលការណ៍ណែនាំនេះត្រូវបានអនុម័តដោយ ATS ហើយមិនមានការចូលរួមពី IDSA ឡើយ។

អនុសាសន៍មួយចំនួនប្រហែលជាស័ក្តិសមសម្រាប់បរិបទនៅសហរដ្ឋអាមេរិកច្រើនជាង។ ការអនុវត្តនៅកម្ពុជាអាចនឹងត្រូវពិចារណាជាលក្ខណៈបុគ្គល។

គោលការណ៍ណែនាំនេះមានព័ត៌មានលម្អិតអំពីប្រភពទិន្នន័យសម្រាប់អនុសាសន៍នីមួយៗ។

ឯកសារយោង៖
https://www.atsjournals.org/doi/10.1164/rccm.202507-1692ST

23/07/2025

Pharmacology Prefixes And Suffixes

23/07/2025

Methods of taking blood oxygen levels

07/11/2023

Neonatal and Pediatric Drug Doses

MedBridge Cambodia

29/07/2025

27/07/2025

25/07/2025

25/07/2025

25/07/2025

24/07/2025

23/07/2025

23/07/2025

23/07/2025

23/07/2025

07/11/2023

Address

Website

Alerts

Contact The Practice

Shortcuts

Share

Category