Aoral Travel Cabinet/គ្លីនិកវេជ្ជសាស្ត្រអ្នកដំណើរ ឱរ៉ាល់

19/07/2025

13/07/2025

ពត៏មានទាក់ទងនឹងវ៉ាក់សាំងគ្រុនឈាម

ដោយសារមានការកើនឡើងជំងឺគ្រុនឈាម ក៏នាំអោយមានការជជែកគ្នាពីវ៉ាក់សាំងជំងឺគ្រុនឈាម ដូចនេះ ថ្ងៃនេះខ្ញុំសូមលើកយើងពត៏មានចុងក្រោយទាក់ទងទៅនឹងប្រភេទវ៉ាក់សាំងគ្រុនឈាមដែលកំពុងមាននិងការអនុញ្ញាត្តិអោយបានប្រើប្រាស់។
ជាច្រើនឆ្នាំ វ៉ាក់សាំងការពារជំងឺគ្រុនឈាមត្រូវបានស្រាវជ្រាវនិងធ្វើពិសោធន៏។ ដំណាក់កាលនៃការពិសោធន៌លើវ៉ាក់សាំងមួយ ជាធម្មតា មានច្រើនដំណាល់កាល​ដូចជាការធ្វើតេស្តទៅលើសុវតិ្ថភាព​ ការធ្វើតេស្តរកការឆ្លើយតបពីប្រពន្ធ័ការពារ និងការធ្វើតេស្តរកប្រសិទ្ធភាព។ មកត្រឹមពេលបច្ជុប្បន្នមានវ៉ាក់សាំងគ្រុនឈាមចំនួន ២ត្រូវបានដាក់អោយប្រើប្រាស់ នៅក្រៅប្រទេសមួយចំនួន និងមានលក្ខខណ្ឌ័​ (កម្ពុជាយើង ជាផ្លូវការក្រសួងសុខាភិបាលមិនទាន់អនុញ្ញាតិ្តទេ) ។ វ៉ាក់សាំងទាំងនោះមានដូចជា :
១. វ៉ាក់សាំង Qdenga® (TAK-003) – អាចប្រើប្រាស់សាធារណៈ
ស្ថានភាព: ✅ មានការអនុម័តអោយប្រើប្រាស់នៅក្នុងប្រជាជនទូទៅ បូកទាំងអ្នកដែលមិនធ្លាប់ឆ្លងគ្រុនឈាម។
-ក្រុមអាយុ: កុមារចាប់ពីអាយុ 4 ឆ្នាំឡើងទៅ (អាចខុសគ្នាតាមប្រទេស)។
-ចំនួនដូស: 2 ដូស ដាច់ពីគ្នា 3 ខែ
- អង្កការសុខភាពពិភពលោក (April ឆ្នាំ 2025) ផ្ដល់អនុសាសន៍ឲ្យប្រើប្រាស់នៅក្នុង ប្រទេសដែលមានជំងឺគ្រុនឈាមរាលដាល តែសំរាប់កុមារអាយុ៦ឆ្នាំឡើង
-ប្រទេសកំពុងប្រើ៖ អឺរ៉ុប ឥណ្ឌូនេស៊ី ប្រេស៊ីល ថៃ អាហ្សង់ទីន និងផ្សេងៗទៀត។
✅*សុវត្ថិភាពសម្រាប់: ទាំងអ្នកដែល ធ្លាប់ឆ្លង និងមិនធ្លាប់ឆ្លងគ្រុនឈាម។

⚠️ ២. វ៉ាក់សាំង Dengvaxia® (CYD-TDV) – ប្រើប្រាស់កំណត់ប៉ុណ្ណោះ
ស្ថានភាព: ❌ មិនអាចប្រើប្រាស់ទូទៅបានទេ។
-ក្រុមអាយុ: ប្រហែលជា 9–16 ឆ្នាំ (អាស្រ័យទៅតាមប្រទេស)។
-កំណត់៖ ផ្ដល់អនុសាសន៍ឲ្យប្រើ តែអ្នកដែលមានប្រវត្តិឆ្លងគ្រុនឈាមមុន ដោយមានលទ្ធផលតេស្ត (seropositive)។
- ចំនួនដូស: 3 ដូស ក្នុងរយៈពេល 12 ខែ។
- ហានិភ័យ៖ មានហានិភ័យខ្ពស់នៃ គ្រុនឈាមធ្ងន់ធ្ងរ បើប្រើប្រាស់នៅលើអ្នកដែលមិនធ្លាប់ឆ្លងមុន (seronegative)។
- ប្រទេសដែលប្រើដោយតេស្តសិន៖ ហ្វីលីពីន ប្រេស៊ីល ម៉ិចសិកូ (មានការត្រួតពិនិត្យជាមុនមុនចាក់វ៉ាក់សាំង
(បញ្ជាក់ ការយល់ដឹងរបស់ខ្ញុំ​អាចមានកំនត់)

02/06/2025

សូមស្វាគមន៏មកកាន់ទីតាំងថ្មីនៃមន្ទីរសម្រាកព្យាបាលកុមារឱរ៉ាល់ ដែលនៅតាមបណ្តោយ ផ្លូវឧកញ៉ាម៉ុងឬទ្ធី (ចម្ងាយ50ម៉ែត្រពីផ្សារបឹងបៃតង) ខណ្ឌសែនសុខ រាជធានីភ្នំពេញ

💼 ម៉ោងធ្វេីការ : រៀងរាល់ថ្ងៃ ពីម៉ោង 7ព្រឹក- 7:30នាទីយប់
📍 ទីតាំង : https://maps.app.goo.gl/vMkHRZQivPhcdZtCA?g_st=it
🌐 ក្រុមតេលេក្រាម : https://t.me/+SR4I7w8__zgwZjg1
☎️ លេខទូរស័ព្ទ : 010 632 627/ 012 632 628

25/05/2025

ពេទ្យក៏ឈឺ ថ្ងៃណាដែលមើលកុមារច្រើន តែមិនស្រួល ឆ្លងពីពួកគាត់វិញ។ ការងាពេទ្យគឺប្រឈម ដូចនេះ ជំរើសការពារមុន គឺ វ៉ាក់សាំង ដែលត្រូវចាក់ជាប្រចាំទៅតាមពេលវេលា។

# វ៉ាក់សាំងការពារគ្រុនផ្តាសាយ

25/05/2025

25/05/2025

19/04/2025

ជំងឺហឺតរ៉ាំរ៉ៃលើកុមារ (Persistent Asthma) ជាច្រើនដងការដាក់រោគវិនិច្ឆ័យត្រូវបានមើលរំលងឬព្យាបាលមិនត្រឹមត្រូវ ដែលនាំអោយប៉ះពាល់ទៅលើសុខភាពកុមារនិងការព្រួយបារម្ភពីគ្រួសារ។ សុភាព (ឈ្មោះដាក់អោយ) មានបញ្ហានេះជាយូរមកហើយ ដោយគាត់ឧស្សាហ៍ក្អក ហត់ និងធ្វើទុក្ខជាញឹកញាប់រហូតគាត់ពិបាកនឹងធ្វើសកម្មភាពប្រចាំថ្ងៃបានធម្មតាដូចក្មេងដទៃ។ មុននឹងទទួលការព្យាបាល គាត់បានអស់សង្ឃឹមខ្លួនគាត់និងគ្មានសេរីភាពក្នុងការដកដង្ហើមពេញលេញ។ ប៉ុន្តែបច្ចុប្បន្នភាពនេះ គាត់បានសប្បាយរីករាយ និងស្នាមញញឹម បានត្រលប់មកគាត់វិញ បន្ទាប់ពីជំងឺហឺតរបស់គាត់ស្ថិតក្នុងការគ្រប់គ្រង។ ជាករណីស្វែងយល់ ឪពុកម្ដាយគ្រប់រូបត្រូវដឹងថា ជំងឺហឺត ជាធម្មតានៅតែអាចព្យាបាលបាន។ ចំពោះចំណុចសំគាល់នៃជំងឺហឺតលើកុមារមានដូចជា កុមារច្រើនធ្វើទុក្ខភ្លាមៗ ក្អកនិងហត់ ហើយមានប្រវត្តិឧស្សាហ៍មានរោគសញ្ញាទាំងនេះជាច្រើនដងដដែលៗ។ ការឆាប់ដាក់រោគវិនិច្ឆ័យនិងព្យាបាលត្រឹមត្រូវ អាចជួយអោយកុមារត្រលប់ទៅការរស់នៅធម្មតាវិញជាមួយភាពរីករាយនិងលេងសប្បាយតាមវ័យកុមារភាពរបស់ឡើងវិញ។

29/03/2025

👩🏻‍⚕️ ការចែករំលែកចំនេះដឹងសុខភាពជាសាធារណៈ ហាក់មានសន្ទុះ។ ទន្ទឹមនឹងផលវិជ្ជមាន ផលអវិជ្ជមានក៏មានច្រើន ព្រោះមានជនឆ្លៀតឱកាសកេងចំនេញពីការបារម្មណ៍ និងការចង់ចេះដឹងពីជនស្លូតត្រង់។ អត្ថបទ វីដេអូ voice over ខ្លះគ្រាន់តែស្តាប់ភ្លាម គឺដឹងថាគាត់បកប្រែពី google search ហើយមានគោលបំនងផ្សេងក្រៅពីការចែករំលែកធម្មតា។
❌ មនុស្សដែលមានជំនាញនិយាយជាសាធារណៈមិនទាក់ មិនមែនបានន័យថាគាត់ចេះច្បាស់លាស់រឺចេះអនុវត្តទេ។
គ្រូពេទ្យយើងពូកែៗមានច្រើនណាស់ តែខ្លះអាចនឹងមិនមានជំនាញនិយាយជាសាធារណៈ រឺក៏រវល់ការងារច្រើននៅនឹងមុខ។ បញ្ហាខ្លះទៀតគឺមិនអាចបកស្រាយជាសាធារណៈបាន។
៉ អ្នកចេះតិចច្រើនតែហ៊ាន អ្នកចេះច្រើនច្រើនតែប្រយ័ត្ន ៉