Medical news for Cambodia (2025)

12/08/2025

ក្រោយពីកាត់ថង់ទឹកប្រម៉ាត់ចេញ (Cholécystectomie) តើអ្នកជំងឺអាចពុលចំណីអាហារឬទេ?

១) ថង់ទឹកប្រម៉ាត់ជាអ្វី? មានមុខងារអ្វីខ្លះ?
- ថង់ទឹកប្រម៉ាត់ ជាសរីរាង្គ ដូចជាថង់តូចមួយនៅជាប់នឹងថ្លើម ប្រវែងជាមធ្យម ១០សង់ទីម៉ែត្រ តភ្ជាប់ទៅផ្លូវទឹកប្រម៉ាត់ ដែលហូរពីថ្លើមទៅពោះវៀន (Canal du cholédoque)។
- វាមានមុខងារជាកន្លែងផ្ទុកទឹកប្រម៉ាត់បម្រុង ដែលបញ្ចេញដោយថ្លើម។ ទឹកប្រម៉ាត់នេះ មានមុខងារជួយសម្រួលបន្ថែមដល់ការរំលាយអាហារ និងសារធាតុខ្លាញ់មួយចំនួន។

២) មូលហេតុ ឈានដល់ការកាត់ថង់ទឹកប្រម៉ាត់៖
- ការរលាកថង់ទឹកប្រម៉ាត់ដោយមេរោគ ឬដុំគ្រួស (Cholécystite alithiasique ou lithiasique )
- ដុះគ្រួសនៅផ្លូវទឹកប្រម៉ាត់ចម្បង (Calculs des voies biliaires principales)
- ការដុះដុំសាច់ (Polype vésiculaire)
- ជំងឺមហារីកថង់ទឹកប្រម៉ាត់ (Cancer de la vésiculaire biliaire)

៣) តើមានអ្វីកើតឡើងបន្ទាប់ពីកាត់ថង់ទឹកប្រម៉ាត់ចេញ (Cholécystectomie) ?
- ក្រោយពីកាត់ថង់ទឹកប្រម៉ាត់ចេញ ថ្លើមនៅតែបញ្ចេញទឹកប្រម៉ាត់ដូចធម្មតា ទៅកាន់ពោះវៀន ដើម្បីរំលាយអាហារ។ គ្រាន់តែគ្មានការបម្រុងទុកប៉ុណ្ណោះ។
- បន្ទាប់ពីកាត់ថង់ទឹកប្រម៉ាត់ចេញ ខ្លួនយើងបានបង្កើតបាតុភូតសម្របសម្រួលមួយឡើង (Phénomène de compensation) ។ ផ្លូវទឹកប្រម៉ាត់ ដែលភ្ជាប់ពីថ្លើមទៅពោះវៀន រីកធំជាងមុនបន្តិច ដើម្បីឆ្លើយតបទៅនឹងបាតុភូតនេះ។

បញ្ជាក់៖ អ្នកជំងឺគ្រប់រូប ក្រោយពីកាត់ថង់ទឹកប្រម៉ាត់ចេញ គាត់អាចបរិភោគចំណីអាហារបានដូចធម្មតា ដោយគ្មានការពុល ឬផលប៉ះពាល់អ្វីផ្សេងឡើយ។

«ប្រសិនបើលោកអ្នក មានបំណងទទួលបានព័ត៌មានលំអិតបន្ថែម អំពីជំងឺនៅថង់ទឹកប្រម៉ាត់ ឫមានរោគសញ្ញាផ្សេងៗពាក់ព័ន្ធថង់ទឹកប្រម៉ាត់ ដូចជាចុកឆ្អល់ ឈឺក្នុងពោះ ក្តៅខ្លួន ឬមានលឿងជាដើម សូមអញ្ជើញមកពិគ្រោះជាមួយក្រុមវេជ្ជបណ្ឌិតឯកទេសជំនាញនៃមន្ទីរពេទ្យ ដើម្បីស្វែងរកមូលហេតុពិតប្រាកដ និងឈានទៅរកវិធីសាស្ត្រព្យាបាលឲ្យបានត្រឹមត្រូវ។»
Source: calmettehospital
Medical news for Cambodia

12/08/2025

ដំណឹងជ្រើសរើសបុគ្គលិក
មន្ទីរពេទ្យកាល់ម៉ែតត្រូវការជ្រើសរើសបុគ្គលិក ដែលមានលក្ខណៈសម្បត្ដិ ដូចដែលបានភ្ជាប់ជូន។

12/08/2025

បច្ចេកទេសពន្លឺ Narrow Band Imaging (NBI) លើឧបករណ៍ឆ្លុះក្រពះពោះវៀន!!!

បច្ចេកទេសពន្លឺ Narrow Band Imaging (NBI) តាមម៉ាស៊ីនឆ្លុះក្រពះពោះវៀន គឺជាបច្ចេកវិទ្យាអុបទិកដែលអាចប្រើប្រាស់ក្នុងវិស័យវេជ្ជសាស្ត្រជាច្រើន ដែលជួយបង្ហាញពីលំនាំដ៏លំអិត នៃសរសៃឈាម និង ស្រទាប់ភ្នាសដែលតួចបំផុត។ បច្ចេកទេសពន្លឺ NBI ប្រើប្រាស់តែខ្សែរលករស្មីពណ៌ខៀវ និងបៃតង ដែលត្រូវបានស្រូបដោយគោលិកាឈាមក្រហម ជាមួយ ការបង្ហាញខ្ពស់បំផុត។ ការសិក្សាជាច្រើនបានបង្ហាញពីតម្លៃវេជ្ជសាស្ត្រនៃបច្ចេកទេសពន្លឺ NBI ពិសេសក្នុងការកំណត់រកឃើញមហារីក និងការកំណត់លក្ខណៈតំបន់ស្រទាប់ភ្នាសណាដែលសង្ស័យ។ ប្រៀបធៀបនឹងការធ្វើសុងក្រពះពោះវៀន ដោយពន្លឺសធម្មតា (white- light endoscopy) រូបភាពនៃសរសៃឈាមប្តូរមិនសូវព្រាលជាងមុន និងអត្រានៃការមិនបានរកឃើញតំបន់សង្ស័យត្រូវបានកាត់បន្ថយ។

១. តើការប្រើបច្ចេកទេសពន្លឺ NBI ក្នុងការសុងក្រពះ (Gastroscopy) ដើម្បីត្រួតពិនិត្យអ្វី?
បច្ចេកទេសពន្លឺ NBI ក្នុងការសុងក្រពះ (Gastroscopy) ជាវិធីសាស្ត្រក្នុងការរុករកលក្ខណៈប្តូរទម្រង់របស់ភ្នាសបំពង់អាហារ (Barrett's Esophagus) ដែលជាទូទៅនៅផ្នែកខាងក្រោមនៃបំពង់អាហារដែលអាចបណ្តាលឱ្យកើតមានបហារីកបំពង់អាហ (Esophageal Cancer)។ បើទោះបីជាការច្រឹបយកសាច់មិនអាចបោះបង់ចោលបានទាំងស្រុងក្តី បច្ចេកទេសពន្លឺ NBI អាចបង្កើនគុណភាព និងប្រសិទ្ឋភាព ក្នុងការរុករក និងត្រួតពិនិត្យរកលក្ខណៈប្តូរទម្រង់របស់ភ្នាសបំពង់អាហារ (Barrett's esophagus)។
ម៉្យាងទៀត បច្ចេកទេសពន្លឺ NBI បានបង្ហាញថាអាចបង្កើនអត្រាការរកមហារីកតាមបំពង់អាហារ និងបំពង់កប្រភេទ (Squamous Cell Carcinoma) ដែលជួយឱ្យការព្យាបាលបានឆាប់រហ័ស និង បានទិន្នផលប្រសើរឡើង។

២. តើការប្រើបច្ចេកទេសពន្លឺ NBI ក្នុងការពោះវៀន (Colonoscopy) ដើម្បីត្រួតពិនិត្យអ្វី?
ដុំសាច់ក្នុងពោះវៀន(Adenoma) គឺជាប្រភេទសាច់ដុះដែលអាចបណ្តាលឱ្យកើតមហារីកពោះវៀន ប្រសិនបើមិនត្រូវបានរកឃើញ និង ព្យាបាលទាន់ពេលវេលា។បច្ចេកទេសពន្លឺ NBI មិនត្រឹមតែអាចបង្កើនអត្រាការរកឃើញ ដុំសាច់ក្នុងពោះវៀន Adenoma Detection Rate (ADR) ប្រសិនបើ ការសំអាតពោះវៀនបានស្អាត តែបច្ចេកទេសនេះ ក៏អាចព្យាករណ៍ អំពីប្រភេទដុំសាច់ក្នុងពោះវៀននេះ (Histology) និង អំពីរយៈពេលតាមដាន បានត្រឹមត្រូវដល់ទៅ ៩០% ។ វាជួយបញ្ជាក់តំបន់ដែលអាចបង្កើនហានិភ័យ និងធ្វើការព្យាបាលដោយឆាប់រហ័ស។

៣. សារសំខាន់សម្រាប់សុខភាព
ការត្រួតពិនិត្យតាមរយៈការសុងក្រពះ (Gastroscopy) និង ការសុងពោះវៀន (Colonoscopy) ដោយប្រើប្រាស់បច្ចេកទេសពន្លឺ Narrow Band Imaging (NBI) អាចជួយរុករកមហារីកនៅដំណាក់កាលដំបូងបានលឿននិងទាន់ពេលវេលា ក៏ជួយកាត់បន្ថយ នូវហានិភ័យនៃរោគមហារីកក្នុងប្រព័ន្ធរំលាយអាហារផងដែរ។

ប្រសិនបើអ្នកមានរោគសញ្ញាដូចជា ការរលាកបំពង់អាហារ ឬការរលាកពោះវៀន សូមអញ្ជើញមកពិគ្រោះជាមួយវេជ្ជបណ្ឌិត ជំនាញ ឯកទេសដើម្បីធ្វើរោគវិនិច្ឆ័យអោយបានត្រឹមត្រូវ និងច្បាស់លាស់នៅមន្ទីរពេទ្យ។

Source:calmettehospital
Medical news for Cambodia

09/08/2025

ការព្យាបាលតម្រងកែវភ្នែកស្រអាប់ដោយកាំរស្មី (YAG-Capsulotomy)

ជំងឺភ្នែកឡើងបាយគឺជាជំងឺដែលកែវភ្នែកភ្លឺថ្លាពីធម្មជាតិរបស់អ្នកប្រែជាស្រអាប់ស ធ្វើអោយគំហើញរបស់អ្នកធ្លាក់ចុះស្រវាំងបន្ដិចម្ដងៗ។ ជំងឺភ្នែកឡើងបាយអាចព្យាបាលជាសះស្បើយតាមរយៈការវះកាត់ និងការប្រើម៉ាស៊ីន Phacoemulsification បូមយកកែវភ្នែកដែលស្រអាប់ចេញ ដោយរក្សាទុកនូវស្រទាប់តម្រងកែវធម្មជាតិរបស់អ្នកជំងឺដើម្បីដាក់កែវសិប្បនិម្មិតថ្លាចូលក្នុងតម្រងកែវនេះវិញ។ ក្រោយការវះកាត់ភ្នែកឡើងបាយអ្នកជំងឺអាចមើលឃើញច្បាស់ឡើងវិញ។ តាមការសិក្សាស្រាវជ្រាវនៅលើពិភពលោកក្នុងរយ:ពេល ពី២ ទៅ ៥ឆ្នាំ អ្នកដែលបានបកបាយភ្នែករួចហើយអាចមានបញ្ហាស្រទាប់តម្រងកែវធម្មជាតិឡើងស្រអាប់ដោយធ្វើអោយអ្នកមានអារម្មណ៍ថាដូចមានបាយភ្នែកម្ដងទៀត។ អាការ:ទាំងនោះរួមមានដូចខាងក្រោម៖
-ស្រវាំងភ្នែកជាងមុនបន្តិចម្ដងៗលក្ខណ:ស្រដៀងនឹងមុនពេលបកបាយ
-ចាញ់ពន្លឺថ្ងៃ
-មើលឃើញចំណាំងផ្លាតពន្លឺខុសធម្មតា
-អាចហៀរទឹកភ្នែកពេលត្រូវពន្លឺខ្លាំង

ក្នុងករណីមានរោគសញ្ញាដូចខាងលើ សូមមកពិនិត្យ និងពិគ្រោះជាមួយវេជ្ជបណ្ឌិតឯកទេសចក្ខុរោគ ដើម្បីទទួលការព្យាបាលដោយការបាញ់កាំរស្មីឡេស័រលាងទំលុះស្រទាប់កែវដែលឡើងស្រអាប់នេះដោយបច្ចេកទេស YAG-Capsulotomy ដើម្បីអោយអ្នកជំងឺអាចមើលឃើញច្បាស់ឡើងវិញ។ បច្ចេកទេសនេះជាការព្យាបាលដែលមិនមានការឈឺចាប់ មានប្រសិទ្ធិភាព និងសុវត្ថិភាពខ្ពស់ ដោយមានផលប៉ះពាល់តិចតួចបំផុត។ ការព្យាបាលចំណាយពេលត្រឹមតែ ៥ ទៅ ១០នាទី ដោយមិនចាំបាច់មានការវះកាត់ម្តងទៀតនោះទេ។

សូមទំនាក់ទំនងសួរព័ត៌មាន និងប្រឹក្សាយោបល់បន្ថែមចំពោះការពិនិត្យ និងព្យាបាលបញ្ហាស្រទាប់តម្រងកែវស្រអាប់នេះជាមួយវេជ្ជបណ្ឌិតឯកទេសចក្ខុរោគនៅមន្ទីរពេទ្យ។

#មន្ទីរពេទ្យកាល់ម៉ែត

06/08/2025

#ដំណឹងជ្រើសរើសបុគ្គលិកមន្ទីរពេទ្យកាល់ម៉ែត

ត្រូវការជ្រើសរើសបុគ្គលិក ដែលមានលក្ខណៈសម្បត្ដិ ដូចដែលបានភ្ជាប់ជូន។

#មន្ទីរពេទ្យកាល់ម៉ែត

29/07/2025

សារៈប្រយោជន៍នៃដំណេក!

ដំណេកដ៏ស្កប់ស្កល់មួយគឺមានសារៈប្រយោជន៍ខ្លាំងណាស់សំរាប់មនុស្សម្នាក់ ដូចជាជួយពង្រឹងការចងចាំ ជួយសម្រួលអារម្មណ៍ បង្កើតគំនិតច្នៃប្រឌិត ជួយអោយកោសិកាជួសជុលខ្លួនឡើងវិញ ជម្រុញប្រព័ន្ធការពារខ្លួន សម្រួលប្រព័ន្ធមេតាបូលិក និងអាចកាត់បន្ថយជំងឺវង្វេងចាស់ ( Alzheimer’s disease)។ ប្រសិទ្ធភាពដំណេកគឺទាក់ទងយ៉ាងជិតស្និទ្ធជាមួយសកម្មភាពរបស់កោសិកាខួរក្បាល ដែលយើងអាចមើលឃើញតាមការវាស់រលកចរន្តអគ្គិសនីកោសិកា។

អគ្គបញ្ជាការដ្ធាននៃដំណេកគឺនៅក្នុងអ៊ីប៉ូតាលាម៉ុស(Hypothalamus)។ ចលនការនៃដំណេកគឺស្មុគស្មាញ និងមានការចូលរួមពីតំបន់ផ្សេងៗទៀតរបស់ខួរក្បាល និង ពពួកណឺរ៉ូត្រង់ម៉ែ្សទ័រ និង អរម៉ូនមួយចំនួន។ ដំណេកត្រូវបានកំណត់ដោយកត្តាធំៗពីរគឺ វដ្តទិនទិវា (circadian rhythm)ដែលចាត់ជានាឡិកានៃដំណេក និងលំនឹងដំណេកនិងពេលភ្ញាក់ (sleep-wake homeostasis )។ ប្រព័ន្ធទាំងនេះគឺទាក់ទងនឹងពន្លឺថ្ងៃដែលចូលតាមស្រទាប់រ៉េទីនរបស់ភ្នែកដើម្បីបញ្ឈប់ប្ញជំរូញការបញ្ចេញជាតិមេឡាតូនីន ការប្រែប្រួលសីតុណ្ហភាពរាងកាយ និងកំរិតអរម៉ូន គ័រទីសុលក្នុងឈាម។

ការប៉ះពាល់ចំនុចណាមួយនៅក្នុងប្រព័ន្ធនេះ គឺអាចរំខានដំណេកដ៏ស្កប់ស្កល់របស់យើងបាន។ តាមការសិក្សាមួយចំនួនគឺបានបង្ហាញថាមានមនុស្សពេញវ័យប្រហែល 20 ទៅ 28 % ដែលមានបញ្ហាពិបាកសំរាន្តនៅពេលណាមួយ។

សូមកុំរំពឹងលើថ្នាំសំរាន្តដែលការប្រើប្រាស់យូរអាចរំខានដល់លំនឹងប្រព័ន្ធធម្មជាតិរបស់យើងប្ញអាចទៅជាញៀន។ គួរជ្រើសរើសការព្យាបាលដោយវិធីផ្លាស់ប្តូរ ទម្លាប់ និងកត្តាដែលរំខានការសំរាន្តវិញ (Cognitive Behavioral Therapy)៖

ក ) កំណត់កត្តារំញោច៖
- ចូលទៅលើគ្រែ តែពេលងងុយ កុំទម្រេតខ្លួនលេងលើគ្រែយូរ
- កុំមើលទូរទស្សន៍ ឬ ប្រើគ្រឿងអេឡិចត្រូនិចលើគ្រែ
- បើក្រោយ ២០ ទៅ ៣០នាទី ហើយនៅតែមិនអាចគេងលក់ អ្នកអាចងើបទៅបន្ទប់ផ្សេង ធ្វើអ្វីមួយដោយស្ងប់ស្ងាត់ រហូតដល់ងងុយទើបត្រលប់ទៅចូលគ្រែសំរាន្តវិញ
- ភ្ញាក់ពីដំណេកនៅម៉ោងដដែលជារៀងរាល់ថ្ងៃ ទោះថេរវេលានៃការសំរាន្តលក់ប៉ុណ្ណាក៍ដោយ
- មានការរៀបចំបរិយាកាសមុនសំរាន្ត ដើម្បីអោយអារម្មណ៍ធូរស្រាល ដូចជាអានសៀវភៅ ឬ ងូតទឹកក្តៅឧណ្ហ៍ៗ

ខ) បន្ថយចំនួនម៉ោងសំរាន្ត ដើម្បីបង្កើនគុណភាពនៃការសំរាន្ត (Sleep restriction therapy)៖
- បន្ថយចំនួនម៉ោងចំនាយលើគ្រែ ដើម្បីផ្សារភ្ជាប់ នឹងចំនួនម៉ោង/សំរាន្តលក់ វិធីនេះគឺបង្កើនទម្លាប់សំរាន្ត និង ជួយ
ពង្រឹងការសំរាន្តលក់
- បង្កើនថេរវេលាលើគ្រែ តាមប្រសិទ្ធភាពនៃដំណេក (ប្រសិទ្ធភាពដំណេក = ម៉ោងសំរាន្ត/ ម៉ោងស្ថិតនៅលើគ្រែ)
- រៀបចំរចនាសម្ព័ន្ធនៃការគិត
• រកមើលគំនិត អវិជ្ជមាន អំពីការសំរាន្ត ឧទាហរណ៍: “ខ្ញុំ នឹង មិនអាចសំរាន្តលក់យប់នេះ” ឬ “ខ្ញុំត្រូវការ យ៉ាងហោចណាស់៨ម៉ោងនៃដំណេកដើម្បីធ្វើការបាន”
• ជំនួសដោយការគិត និងជំនឿជាក់ស្តែង “ទោះបីខ្ញុំមិនអាចសំរាន្តលក់យប់នេះ ខ្ញុំនៅតែអាចធ្វើការបាននៅថ្ងៃស្អែក”

- របៀបសមាធិ
• ដកដង្ហើមចូលជ្រៅៗ ហាត់ដកដង្ហើមចូលជ្រៅៗ ដើម្បីបន្ថយសំពាធសាច់ដុំ
• ប្រឹង រួចពន្លាសាច់ដុំរាងកាយ ដើម្បីបន្ថយសំពាធដងខ្លួន
• សមាធិ ផ្ចង់អារម្មណ៍លើដង្ហើម ឬ រូបភាពស្រទន់ណាមួយ ដើម្បីឲ្យអារម្មណ៍ស្ងប់ស្ងាត់
- គោលបំណងផ្ទុយ ពីការបង្ខំខ្លួនយើងឲ្យសំរាន្ត ព្យាយាមនៅភ្ញាក់ វិធីនេះជួយបន្ថយការថប់អារម្មណ៍ អំពីការសំរាន្តលក់ និងជួយអោយមានការសំរាន្តលក់បែបធម្មជាតិវិញ
- កំណត់ហេតុនៃការសំរាន្ត
• កត់ត្រាម៉ោងពេលសំរាន្ត ពេលភ្ញាក់ ចំនួនភ្ញាក់ពេលយប់ និង គុណភាពនៃការសំរាន្តលក់
• អាចជួយឲ្យគ្រូពេទ្យមើលពីទំនោរនៃការសំរាន្តរបស់យើងនិងណែនាំបន្ត

គ) កត្តាដែលនាំឲ្យជោគជ័យ៖
- ត្រូវព្យាយាម អាចត្រូវការពេលវេលា ច្រើនអាទិត្យដែរដើម្បីមើលឃើញពីការធូរស្រាល
- និយាយពិភាក្សាជាមួយគ្រូពេទ្យពីការលំបាកផ្សេងៗដែលរំខានដំណេក
*** ការព្យាបាលដោយផ្លាស់ប្តូរទម្លាប់ គំនិតនេះ គឺជាការព្យាបាលដែលបានបង្ហាញពីប្រសិទ្ធភាពយូរអង្វែង ដើម្បីកែប្រែការពិបាកសំរាន្តដោយជៀសវាងការប្រើប្រាស់ថ្នាំ។

សូមលោកអ្នកអញ្ជើញមកពិគ្រោះជាមួយវេជ្ជបណ្ឌិតឯកទេស នៃមន្ទីរពេទ្យដើម្បីទទួលបាននូវការធ្វើរោគវិនិច្ឆ័យច្បាស់លាស់ ការការពារ និងព្យាបាលដ៏មានប្រសិទ្ធភាព។

Source:calmettehospital
Medical news for Cambodia

25/07/2025

#គ្រោះថ្នាក់នៃគ្រាប់បែកចង្អោម
អ្វីទៅជាគ្រាប់បែកចង្អោមឬមីនចង្កោម? តាមនិយមន័យដែលមានចែងក្នុងអនុសញ្ញាអន្តរជាតិហាមការប្រើប្រាស់គ្រាប់បែកចង្កោមបានចែងថា "គ្រាប់បែកចង្កោមជាប្រភេទគ្រាប់បែកដែលបាញ់ព្រួសចេញពីគ្រាប់ធំដែលគ្រាប់ធំនោះមានផ្ទុកគ្រាប់បែកចង្កោមច្រើនគ្រាប់ ដែលគ្រាប់បែកនិមួយៗមានទំងន់តិចជាង២០គីឡូក្រាម...."។

នៅក្នុងពិភពលោកយើងនេះមានប្រទេសចំនួន១៧ជាអ្នកធ្លាប់ប្រើប្រាស់គ្រាប់បែកចង្កោមនេះ និងមានប្រទេសចំនួន៣០ជាអ្នកផលិត ហើយមានប្រទេសចំនួន៦១មានស្តុកទុកគ្រាប់បែកចង្កោមនេះ។ អនុសញ្ញាអន្តរជាតិក្រុងអូស្លូរបានចូលជាធរមាននៅថ្ងៃទី០១ កក្កដា២០១០ ដោយមានរដ្ឋភាគីចំនួន១១៨ប្រទេស ។ ក្នុងឆ្នាំ២០១៥មកដល់បច្ចុប្បន្នមានប្រទេសចំនួន៥បានប្រើប្រាស់គ្រាប់បែកចង្កោមនេះក្នុងសង្គ្រាមបំរើការសំលាប់សត្រូវនិងប្រជាជនគឺប្រទេសសីុរី អ៊ុយក្រែន លីប៊ី ស៊ូដង់ និងប្រទេសយ៉េមែន។ លោកប្រធានាធិតីអាមេរិកObama ទើបតែសំេរចចិត្តបញ្ឈប់បញ្ជូនគ្រាប់បែកចង្កោមនេះទៅប្រទេសអារា៉ប់រួមក្នុងការវាយប្រហារលើប្រទេសយ៉េមែន។

តើព្រះរាជាណាចក្រយើងទទួលរងគ្រាប់បែកចង្កោមអ្វីខ្លះ? ប្រទេសកម្ពុជារងគ្រោះដោយសារបែកចង្កោមក្នុងសម័យសង្គ្រាមនៅទស្សវត្សរ៍ទី៦០និងទី៧០ ដែលទំលាក់ដោយកងទព័អាកាសសហរដ្ឋអាមេរិកមានចំនួនប្រមាណជាង២៦លានគ្រាប់ (26 millions cluster submunitions) មានច្រើនប្រភេទ និងគ្រាប់បែកចង្កោមធ្លាប់ត្រូវបានប្រើប្រាស់ដោយកងទព័ថៃនៅសមភូមិប្រាសាទព្រះវិហារក្នុងឆ្នាំ២០០៨ ដោយបាញ់តាមគ្រាប់ផ្លោងកាំភ្លើងធំ១៥៥មីលីមែ៉ត្រមានចំនួន៤ប្រភេទ។

#ជាចុងក្រោយយើងស៉ំថ្កោលទោសលើកម្លាំងកងទ័ពឈ្លានពានថៃ ដែលបានប្រើប្រាស់គ្រាប់បែកចង្កោមមកលើទឹកដីប្រទេសកម្ពុជាតាមបណ្តោយព្រំដែន សកម្មភាពនេះជាការបំពានយ៉ាងធ្ងន់ធ្ងរលើច្បាប់មនុស្សធម៌អន្តរជាតិ!

Source:Heang Rattana
Medical news for Cambodia

20/07/2025

#ការរលាកភ្លើង-ទឹកក្តៅ និងបំពង់ស៊ីម៉ាំង លាបថ្នាំដុសធ្មេញ ឬសាប៊ូ គ្រោះថ្នាក់ទៅវិញទេ!

រលាកភ្លើង-ទឹកក្តៅ និងបំពង់ស៊ីម៉ាំង លាបថ្នាំដុសធ្មេញ ឬសាប៊ូ គ្រោះថ្នាក់ទៅវិញទេ
ពេលរលាកភ្លើង ទឹកក្តៅ ឬបំពង់ស៊ីម៉ាំងម៉ូតូ ចាស់ៗតែងតែឲ្យលាបថ្នាំដុសធ្មេញ ឬសាប៊ូនៅលើកន្លែងរលាក ដើម្បីឲ្យមុខរបួសឆាប់ត្រជាក់ មិនក្រហល់ក្រហាយស្បែក។ តើការធ្វើបែបនេះត្រឹមទេ? ហេតុអ្វី?

ជាទូទៅគេបែងចែកការរលាកជា ៣ កម្រិតធំៗ ដែលទី១ ជាការរលាកស្រាលកម្រិតសើស្បែក ទី២ ការរលាកក្រោមស្រទាប់ស្បែក និងទី៣ជាកម្រិតធ្ងន់ គឺការរលាកចូលដល់ស្រទាប់ស្បែក-សាច់ដុំ ហើយការព្យាបាលក៏ទៅតាមកម្រិតនោះដែរ។

ចំពោះទម្លាប់ដែលយកថ្នាំដុសធ្មេញ ឬសាប៊ូមកលាបលើកន្លែងរលាកភ្លាមៗនោះមិនត្រឹមត្រូវទេ ព្រោះប្រឈមនឹងការឆ្លងមេរោគ មុខរបួសឡើងពងបែក ឬហើមសាច់។ ជំនួសឲ្យការធ្វើបែបនេះលោកវេជ្ជបណ្ឌិតណែនាំឲ្យយើងត្រាំទឹកត្រជាក់ភ្លាមៗពេលរលាក ប្រើស្ព្រៃយ៍សម្រាប់បាញ់ការរលាក ប្រទាលកន្ទុយក្រពើពីលើរលាក ឬដាក់ទឹកឃ្មុំ នោះទើបធ្វើឲ្យត្រជាក់មុខរបួស មិនបង្ករោគ មិនបន្សល់ស្លាកស្នាមបើយើងរលាកកម្រិតស្រាល ហើយប្រសិនបើកន្លែងរលាកឡើងពងទឹក សូមក៉ំជោះ ទុកឲ្យវាបែក ឬក្រៀមស្វិតដោយខ្លួន។

ដោយ វេជ្ជបណ្ឌិតដេត ធន្នី
ត្រួតពិនិត្យនិង បកស្រាយដោយ វេជ្ជបណ្ឌិត ចាន់ ស៊ីណេត ឯកទេសជំងឺទូទៅ
Medical news for Cambodia

14/07/2025

សេចក្តីដំណឹង
ស្ដីពីការជ្រើសរើសបុគ្គលិកកិច្ចសន្យាមន្ទីរពេទ្យ
ចាប់ពីថ្ងៃជូនដំណឹងនេះតទៅ រហូតដល់ថ្ងៃទី ៣១ ខែកក្កដា ឆ្នាំ ២០២៥

12/07/2025

វិបត្តិនៃការមានបុត្រ!

ការលំបាកមានកូនក្លាយជាវិបត្តិមួយដែលពិភពលោកកំពុងតែព្រួយបារម្ភ ដែលមានអត្រា ១០ទៅ១៥% នៃគូស្វាមីភរិយាទាំងឡាយ។

ក) តើអ្វីទៅជាវិបត្តិនៃការមានបុត្រ (Infertility)?
វិបត្តិនៃការមានបុត្រ (Infertility) គឺជាបរាជ័យក្នុងការមានបុត្រក្នុងរយៈពេលមួយឆ្នាំ ទោះបីជាមានការរួមភេទទៀងទាត់ដោយពុំមានប្រើមធ្យោបាយពន្យាកំណើត។

ខ) តើមានមូលហេតុអ្វីខ្លះ?
មូលហេតុអាចប្រភពមកពីភាគីស្រ្តី ឬភាគីបុរស ឬអាចទាំងពីរនាក់។
១. ភាគីស្រ្តី 34% ៖ បញ្ហាផលិតមេជីវិតញី ស្ទះដៃស្បូន ដុះសាច់ក្នុងស្បូន គីសដៃស្បូន ពិសារស្រាឬជក់បារី និងជំងឺក្រពេញអរម៉ូន
២. ភាគីបុរស 20% ៖ បញ្ហាផលិតមេជីវិតឈ្មោល បញ្ហាស្ទះផ្លូវបញ្ចេញមេជីវិតឈ្មោល ជំងឺក្រពេញអរម៉ូន ពិសារស្រាឬជក់បារី
៣. ភាគីបុរសនិងស្រ្តី 38%
៤. មូលហេតុផ្សេងៗដែលពុំអាចពន្យល់បាន 8%

គ) តើមានការរោគវិនិច្ឆ័យដូចម្តេច?
ការធ្វើរោគវិនិច្ឆ័យមានដូចជា ការធ្វើតេស្តឈាមមើលអរម៉ូនបុរសស្រ្តី ការថតអេកូសាស្រ្ត ការថតដៃស្បូន និងការវិភាគមេជីវិតបុរស

ឃ) តើមានការព្យាបាលដែរឬទេ?
ការព្យាបាលអាស្រ័យទៅតាមមូលហេតុមួយៗដែលរកឃើញ ដែលក្នុងនោះរួមមាន
១. ការប្រើថ្នាំភ្ញោចមេជីវិតញី (ovulation induction)
២. ការចាក់បញ្ចូលមេជីវិតឈ្មោលទៅក្នុងស្បូនស្រ្តី (Intra-uterine insemination)
៣. ការបង្កកំណើតដោយជំនួយវេជ្ជសាស្រ្ត (In-vitro Fertilization)

ដូច្នេះប្រសិនបើបងប្អូនប្រជាពលរដ្ឋមាន បញ្ហាលំបាកមានកូន ដូចបានជម្រាបជូនខាងលើ សូមអញ្ជើញមកពិគ្រោះជាមួយគ្រូពេទ្យជំនាញ នៅមន្ទីរពេទ្យ ដើម្បីស្វែងរករោគវិនិច្ឆ័យ និងធ្វើការព្យាបាល ឲ្យទាន់ពេលវេលាដោយបច្ចេកទេសទំនើបប្រកបដោយប្រសិទ្ធភាពខ្ពស់។
ក្រុមគ្រូពេទ្យជំនាញ វិបត្តិលំបាកមានកូន នៃមន្ទីរពេទ្យរង់ចាំស្វាគមន៍រាល់ការពិគ្រោះយោបល់ និងផ្តល់ជូននូវការព្យាបាលគ្រប់ករណីនៃ បញ្ហាវិបត្តិលំបាកមានកូន។

11/07/2025

#ជំងឺរលាកច្រមុះរ៉ាំរ៉ៃ
រលាកច្រមុះរ៉ាំរ៉ៃ បង្ក ជាការរំខានដល់ជីវិតរស់នៅប្រចាំថ្ងៃលោកអ្នក (Rhinites Chroniques)!

ក) អ្វីជាជំងឺរលាកច្រមុះរ៉ាំរ៉ៃ?
ការរលាកច្រមុះ ជាជំងឺជួបប្រទះញឹកញាប់ ដែលអាច ជាការហើមប៉ោងភ្នាសក្នុងរន្ធច្រមុះ ។ ប៉ុន្តែលើសពីរោគសញ្ញាដែលធ្វើទុក្ខគាត់ជាប្រចាំនេះ ជួនកាលយើងឃើញមានការវិវត្តន៍ទៅជារ៉ាំរ៉ៃ ឬលាប់សារចុះសារឡើង។ ជាផលវិបាកជំងឺនេះធ្វើឲ្យប៉ះពាល់ដល់សុខភាពនិងជាបញ្ហាសុខភាពសារធារណៈ។

ខ) មានសញ្ញាមួយចំនួនចំពោះជំងឺរលាកច្រមុះរ៉ាំរ៉ៃ៖
១. ជំងឺរលាកច្រមុះមានរោគសញ្ញាច្រើនដូចជា៖
- តឹងច្រមុះ ហៀរសំបោរ កណ្តាស់ រមាស់ច្រមុះជាដើម
- តឹងច្រមុះ អាចតឹងម្ខាង សង្ខាង ឬឆ្លាស់គ្នា
ការតឹងច្រមុះនេះមាននៅពេលគេង ហើយអាចមានភាពខុសគ្នាពីម្នាក់ទៅម្នាក់ ជួនកាលរំខាននៅពេលព្រឹក ជួនកាលនៅពេលសម្រាកដែលធ្វើឲ្យអ្នកជំងឺមិនអាចគេងបាន។ ហើយវាក៏អាចស្តែងចេញជាសញ្ញាផ្សេងទៀតរួមមាន ហ៊ឹងត្រចៀក គេងស្រម៉ុក ស្ងួតមាត់ ក្អកស្ងួត ឈឺបំពង់ក រលាកបំពងខ្យល់ និងរលាកទងសួតញឹកញាប់។ អ្នកជំងឺអាចកណ្តាស់ជាប់ៗគ្នាជាខ្សែ ឬទៅតាមពេល ជួនកាលហូរសំបោរធ្លាក់ទៅក្រោយ ធ្វើឲ្យអ្នកជំងឺមានអារម្មណ៍ទើសៗនៅគល់បំពង់ក មានភាពក្តៅក្រហាយ ឬរមាស់នៅបំពង់ក។

២. សញ្ញារួមផ្សំ៖
ជួនកាលអ្នកជំងឺមានឈឺក្បាល ឬមានអារម្មណ៍រំខានដល់ការដកដង្ហើម ដែលបញ្ជាក់ថាការដកដង្ហើមតាមច្រមុះមិនគ្រប់គ្រាន់។ អាការៈរមាស់ច្រមុះ ភ្នែក រន្ធត្រចៀក តែងតែជួបប្រទះជាញឹកញាប់ ជាពិសេសក្នុងករណី អាលលែហ្ស៊ីច្រមុះទៅតាមរដូវកាល។ ជួនកាលអ្នកជំងឺអាចបាត់ក្លិន នៅពេលដកដង្ហើមចូល ឬអាចបាត់បង់ការដឹងរសជាតិអាហារផងដែរ។ លើសពីនេះអ្នកជំងឺអាចមានបញ្ហាដល់ទងសួត ដូចជា ក្អក ហត់ពេលប្រឹងដកដង្ហើម ឬដកដង្ហើមលឺសូរសំលេងពេលល្ងាច តឹងទ្រូងជាដើម។

គ) មូលហេតុជំងឺរលាកច្រមុះ៖
រោគសញ្ញា និងសភាពក្នុងច្រមុះពុំមានលក្ខណៈពិសេសណាមួយដែលអាចឲ្យយើងកត់សំគាល់ពីមូលហេតុ របស់ជំងឺរលាកច្រមុះរ៉ាំរ៉ៃឡើយ។ រលាកច្រមុះរ៉ាំរ៉ៃមានមូលហេតុច្រើនណាស់ ក្នុងនោះអាលែហ្ស៊ី គឺជាមូលហេតុមួយក្នុងចំណោមមូលហេតុជាច្រើនទៀត។ មូយចំណែកធំទៀតរលាកច្រមុះរ៉ាំរ៉ៃមិនមែនមូលហេតុអាលែហ្ស៉ី ហើយប្រហែល៣០%នៃការរលាកច្រមុះរ៉ាំរ៉ៃក៏អាចបណ្តាលមកពីមូលហេតុទាំងពីររួមគ្នា។

ក្នុងចំណោមរលាកច្រមុះរ៉ាំរ៉ៃមិនមែនអាលែហ្ស៉ី អាចមានមូលហេតុដូចជា៖
១. មកពីកត្តាខាងក្រៅដូចជា៖
- ការប្រើប្រាស់ថ្នាំលើសឈាម ថ្នាំបំបាត់តឹងច្រមុះជាដើម
- បណ្តាលមកពីមុខរបរ
- រលាកបណ្តាលមកពីចំណីអាហារ ញ៉ាំស្រា
- រលាកច្រមុះបណ្តាលមកពីបរិស្ថានជុំវិញ

២. មកពីកត្តាខាងក្នុងដូចជា៖
- ការប្រែប្រួលនៃអ័រម៉ូន ដូចជានៅពេលពរពោះ ឫ Hypothyroïdie ជាដើម
- រលាកច្រមុះរ៉ាំរ៉ៃបណ្តាលមកពីវ័យជរា
- រលាកច្រមុះបណ្តាលមកពីសាច់ច្រមុះរួមស្វិត (Rhinites Atrophiques)
- រលាកច្រមុះដោយសារប្រព័ន្ធសរសៃប្រសាទក្នុងច្រមុះ (Rhinite vaso motrice)

ឃ) ការព្យាបាល៖
- ក្នុងករណីរលាកច្រមុះរ៉ាំរ៉ៃដោយអាលលែ ហ្ស៊ី ការប្រើថ្នាំបាញ់ច្រមុះ (Corticoïdes Locaux) អាចមានប្រសិទ្ធិភាពខ្ពស់ ។
- ភាគច្រើននៃករណីការរលាកច្រមុះអាចព្យាបាលដោយថ្នាំមានប្រសិទ្ធភាព។
- ករណីការរលាកច្រមុះរ៉ាំរ៉ៃខ្លះបណ្តាលមកពីភាពមិនធម្មតានៅក្នុងច្រមុះ យើងអាចធ្វើការវះកាត់ ដើម្បីកែសម្រួលមុខងារច្រមុះអោយមានសភាពធម្មតាវិញ។

ង) វិធីបង្ការ៖
- លាងសម្អាតដៃយើងអោយបានញឹកញាប់ អាចជួយទប់ស្កាត់ ការឆ្លងរោគជាច្រើន
- សំអាតផ្ទះសម្បែង និងឲ្យមានពន្លឺថ្ងៃចេញចូលគ្រប់គ្រាន់
- ស្នាក់នៅក្នុងផ្ទះ នៅពេលដែលមានធូលីហុយខ្លាំង ឬមានលំអងផ្កាច្រើន
- ពាក់របាំងការពារ (ម៉ាស់) ការពារធូលីចូលច្រមុះ និងមាត់
- ហាត់ប្រាណអោយបានទៀងទាត់ជាប្រចាំ និងងូតទឹកសម្អាតខ្លួនអោយបានស្អាតបន្ទាប់ពីមកពីខាងក្រៅ
- សម្អាតសត្វចិញ្ចឹមរបស់អ្នកជាប្រចាំ
- បន្ទប់គេង ត្រូវរើកម្រាលព្រំ បោសសំអាត និងបោកគក់ជាប្រចាំ
- ប្រុងប្រយ័ត្នចំពោះចំណីអាហារ ឬសំភារៈដែលងាយធ្វើឲ្យអាលែហ្ស៊ី។

"ការធ្វើរោគវិនិច្ឆ័យអោយបានច្បាស់លាស់ គឺជាការចាំបាច់ដើម្បីកាត់បន្ថយការចំណាយពេលវេលា ថវិការ និងធ្វើឲ្យគុណភាពនៃការព្យាបាលកាន់តែមានប្រសិទ្ធភាព។ សូមអញ្ជើញមកទទួលការពិនិត្យ ពិគ្រោះជាមួយគ្រូពេទ្យឯកទេសយើងខ្ញុំ នៃមន្ទីរពេទ្យ" បើបងប្អូនមានបញ្ហាឬចម្ងល់ផ្សេងៗ ទាក់ទងនឹងត្រចៀក ច្រមុះ និងបំពង់ ក ។
Medical news for Cambodia

source:calmettehospital

10/07/2025

#សេចក្តីជូនដំណឹងស្តីពីការមន្ត្រីកិច្ចសន្យា
ដែលមានជំនាញ វេជ្ជបណ្ឌិត គិលានុបដ្ឋាក-យិកា ឆ្មប និងទន្តគិលានុបដ្ឋាក សម្រាប់បម្រើការងារជា បុគ្គលិកថែទាំ អ្នកជំងឺ នៅក្នុងមន្ទីរពេទ្យបង្អែកខេត្តកំពង់ចាម ។

Medical news for Cambodia

12/08/2025

12/08/2025

12/08/2025

09/08/2025

06/08/2025

29/07/2025

25/07/2025

20/07/2025

14/07/2025

12/07/2025

11/07/2025

10/07/2025

Address

Telephone

Website

Alerts

Shortcuts

Share