13/07/2025
ជំងឺទឹកនោមផ្អែម (Diabetes Mellitus)
ជំពូកទី១៖ មូលហេតុជំងឺទឹកនោមផ្អែម
Episode 4
តើការដែលមានអាំងស៊ុយលីនក្នុងឈាមតិចពេក ឬការស៊ាំនឹងអាំងស៊ុយលីនធ្វើឲ្យកើតជំងឺទឹកនោមផ្អែមដែរទេ?
អ្នកមិនអាចកើតជំងឺទឹកនោមផ្អែមបានទេទោះបីជាក្នុងឈាមមានអាំងស៊ុយលីនតិចពេកក៏ដោយ។ មនុស្សម្នាក់ដែលមានភាពស៊ាំខ្លាំងនឹងអាំងស៊ុយលីនក៏នឹងអាចមានកម្រិតជាតិស្ករក្នុងឈាមធម្មតាបានដែរបើសិនជាក្នុងខ្លួនពួកគេអាចជម្នះក្នុងការផលិតអាំងស៊ុយលីនកាន់តែច្រើនបានឡើងវិញ។ អ្នកដែលធាត់ៗ ច្រើនតែមានចំនួនកន្លែងទទួលអាំងស៊ុយលីនតិចជាងមនុស្សដែលស្គមៗ។ ប៉ុន្តែបើសិនជាលំពែងរបស់អ្នកធាត់ៗនៅល្អហើយអាចរក្សាការផលិតអាំងស៊ុយលីនបានកាន់តែច្រើនដែរនោះ មានន័យថារាងកាយគាត់នឹងជម្នះការស៊ាំងរបស់អាំងស៊ុយលីនបាន ហើយក៏រក្សាជាតិស្ករក្នុងឈាមឲ្យនៅធម្មតាបានដែរ។ វាគឺជាការពិត។
នៅពេលមនុស្សម្នាក់ធាតខ្លាំង ហើយមានជាតិស្ករក្នុងឈាមធម្មតា គេនឹងមានកម្រិតអាំងស៊ុយលីនក្នុងឈាមច្រើនជាងមនុស្សស្គមៗ។ ទោះបីជាកោសិកាសម្រាប់ផលិតអាំងស៊ុយលីនក្នុងលំពែងត្រូវបានបំផ្លាញចោលបន្តិចម្តងៗក៏ដោយ ក៏វាអាចនឹងផលិតអាំងស៊ុយលីនបានគ្រប់គ្រាន់ដើម្បីរក្សាភាពធម្មតានៃកម្រិតជាតិស្ករក្នុងឈាមបានដែរ។ ប៉ុន្តែរឿងនេះអាចធ្វើទៅបានលុះត្រាតែ កន្លែងទទួលអាំងស៊ុយលីនលើកោសិកានីមួយៗមានច្រើនដូចគ្នាដែរ។ ទោះបីជាយ៉ាងណាក៏ដោយ នៅពេលដែលចំនួនកន្លែងទទួលអាំងស៊ុយលីនមានការថយចុះ កោសិកាសម្រាប់ផលិតអាំងស៊ុយលីនបន្ថែមនោះក៏នឹងមិនអាចធ្វើការរបស់វាបានល្អដែរ។ នៅពេលរាងកាយលែងអាចផលិតអាំងស៊ុយលីនបានគ្រប់គ្រាន់ហើយនោះ វានឹងមិនអាចជម្នះការស៊ាំងនឹងអាំងស៊ុយលីនបានយូរបន្តទៀតនោះទេ។ ម្លេះហើយ វានឹងធ្វើឲ្យជាតិស្ករក្នុងឈាមឡើងខ្ពស់ និងបង្កជាជំងឺទឹកនោមផ្អែមបាន។
ទោះបីជាយ៉ាងណាក៏ដោយ មានរឿងច្រើនណាស់ដែលអាចជួយដោះស្រាយបញ្ហាស៊ាំងនឹងអាំងស៊ុយលីននេះបាន។ ពេលយើងស្រកទម្ងន់ រាងកាយនឹងចាប់ផ្តើមផលិតកន្លែងទទួលអាំងស៊ុយលីនកាន់តែច្រើននៅលើកោសិការបស់ខ្លួន ដូច្នេះភាពស៊ាំនឹងអាំងស៊ុយលីននឹងលែងសូវមានទៀតដែរ។ នៅពេលអ្នកចាប់ផ្តើមហាត់ប្រាណ រាងកាយនឹងធ្វើរឿងនេះដូចគ្នាអញ្ចឹង។ បើសិនជាភាពស៊ាំនឹងអាំងស៊ុយលីនបង្កឡើងដោយការស្រ្តេស នោះវានឹងស្រួលបួលមកវិញនៅពេលអ្នកចេះវិធីបន្ថយស្រ្តេស។ បើសិនជាអ្នកកំពុងតែប្រើថ្នាំប្រភេទ Corticosteroid (ដើម្បីព្យាបាលជំងឺហឺត ឬរលាកសន្លាក់ យកល្អគួរតែពិគ្រោះជាមួយគ្រូពេទ្យដើម្បីប្រើថ្នាំផ្សេងជំនួសវិញ៕
វេជ្ជបណ្ឌិត៖ ម៉េង សុខសៀន
កុំភ្លេច Share ទុកមើលថ្ងៃក្រោយផងបើសិនជាអ្នកទាំងអស់គ្នាយល់ថា វាជាសំណួរចម្លើយដ៏មានប្រយោជន៍!
បើសិនជាបងប្អូនមានសំណួរអ្វីអាច Comment នៅខាងក្រោមនេះបាន ខ្ញុំនឹងព្យាយាមឆ្លើយអ្វីដែលអាចឆ្លើយបាន។
អរគុណ!
