បន្ទប់ពិគ្រោះនឹងព្យាបាលជំងឺនរិន្ទ

18/02/2022

ថ្នាំព្យាបាលជំងឺកូវីដ 19កម្រិតស្រាល-មធ្យម មានចុះបញ្ចីការ ត្រួតពិនិត្យដោយក្រសួងសុខាភិបាល 🦠🦠👍👍

21/11/2021

កម្រងរូបភាពជម្ងឺសើស្បែកដែរជួបញឹកញាប់ក្នុងពេលបច្ចុប្បន្ន

21/11/2021

#ការច្របាច់ឬញិចដោះកូនតូចៗ
ហេតុអ្វីបានជាមាតាបិតា និង​ជីដូន​ មួយ​ចំនួន នៅ​តែ​ប្រព្រឹត្ត​តាម​ទំនៀមទម្លាប់ បុរាណតៗគ្នានៅការច្របាច់ដោះកូនតូចៗដែលមានអាយុក្រោម1ខែ?
តើបន្ទាប់​ពី​មាតាបិតា ឬ​ជីដូន​ច្របាច់​ក្បាល​ដោះទារក​អាយុ​ក្រោម​១​ខែ ហើយគេ​ជឿ​ថា​តើទង្វើនេះមិនអោយ​ដោះធំ​ឬ​យារ​នៅ​ពេល​ពេញ​វ័យឬយ៉ាងណា?

ដោយសារអត្រានៃការធ្វើខុសច្រើន នឹងជួបច្រើន ដូចនេះក្នុងនាមខ្ញុំជាវេជ្ជបណ្ឌិតម្នាក់សូមចែករំលែកចំនេះដឹងពីកាញិច រឺច្របាច់ដោះលើកូនតូចៗនេះ ថាតើវាមានសារះប្រយោជន៍ ឬក៏មានផលវិបាកអ្វីខ្លះ?

គ្មាន​ការ​សិក្សា​ឬអត្ថបទស្រាវជ្រាវណា​មួយ​ដែល​បញ្ជាក់​ថា ដោះរីកធំ ឬ​យារ​នៅ​ពេល​ពេញ​វ័យ​ដោយសារ​មិន​បាន​ច្របាច់​យក​គ្រាប់​ចេញ​នៅ​ពេល​ជា​ទារក​នោះ​ទេ ហើយដោះរបស់ទារកក៏គ្មានគ្រាប់អ្វីនៅក្នុងនោះដែរ។ ផ្ទុយ​ទៅ​វិញ ទម្រង់​របស់ដោះគឺប្រែប្រួល​នៅ​ពេល​មនុស្ស​ពេញ​វ័យ​គឺ​អាស្រ័យ​ទៅ​លើ​តំណពូជ អ័មូន កត្តាអាហារ នឹងកត្តារស់នៅ។

មនុស្សមួយចំនួនបានធ្វើការ​ច្របាច់​ក្បាល​សុដន់​នេះ​រហូតឲ្យ​ដាច់​រលាត់​សាច់​ ហើយដល់​ចេញឈាម​ក៏​មាន។ ករណី​នេះ​ធ្វើអោយមេរោគ​ឆ្លង​តាម​រយៈ​ដៃ​មិន​ស្អាត នឹងឧបករណ៍ដើលប្រើ ឆ្លង​ចូលទៅ​តាម​ឈាម នាំ​ឲ្យ​មាន​មេរោគ​ចូលនៅ​ក្នុង​ឈាម​ឆ្លង​ទៅ​ជា​ជំងឺ​ផ្សេងៗនឹងដំបៅ ទៅលើកូនតូចៗ
ម្យ៉ាង​វិញ​ទៀត​ការ​ប្រព្រឹត្ត​ខុសបែប​នេះ​បាន​ផ្ដល់​ផល​លំបាក​ដល់​ទារក ដែល​នាំ​ឲ្យ​ទារក​គ្រុន​ក្ដៅខ្លាំង មាន​ហើម​ ក្រហមតឹង នៅ​លើ​សុដន់ និង​រហូត​ដល់​ឡើង​ដំបៅ​ ខ្ទុះ កកស្ទះខាងក្នុង ដែលគេហៅថា អាប់សែ ដែល​ឈាន​ទៅ​ដល់​ការ​វះ ដើម្បីព្យាបាលលាងសំអាត បង្ហូរខ្ទុះខាងក្នុងនោះចេញជាដើម។
(បញ្ជាក់ហាមអនុវត្តធ្វើខ្លួនឯងដោយគ្មានឧបករណ៌ស្អាតនឹងសំលាប់មេរោគត្រឹមត្រូវ)

ដូចនេះទង្វើនេះវាមិនមានផ្តល់សារះប្រយោជន៍អ្វីនោះទេ វាមានតែផ្តល់ផលប៉ះពាល់ដល់កុមារ ហើយបើមិនបាននាំកុមារមកព្យាបាលទាន់ពេលនោះទេ គឺធ្វើអោយមានផល់ប៉ះពាល់ដល់អាយុជីវិតកូនតូចៗរបស់លោកអ្នកទៀត
អត្ថបទវេជ្ជបណ្ឌិត ហ៊ី ចាន់នរិន្ទ

20/11/2021

ចំនេះដឹងទូទៅអំពីទារក
Cr: ចម្រើនផល 💞

08/11/2021

#អ្វីដែលគួរឲបារម្ភ រឿងតេស្តរហ័សកូវីត១៩
បងប្រុសម្នាក់គាត់មានអាការក្អក និងឈឺករយៈពេល ៣ថ្ងៃ
គាត់ក៏សំរេចចិត្តទិញតេស្តរហ័ស ដើម្បីតេស្តមើល លទ្ធផលវិជ្ជមាន(+)

គាត់ក៏សំរេចព្យាបាលខ្លួនឯងនៅផ្ទះ
៥ថ្ងៃក្រោយ អាការគាត់ក៏បានធូរស្រាល គាត់ក៏ធ្វើតេស្តម្តងទៀត លទ្ធផល (-)

ស្អែកឡើងមិនអស់ចិត្តគាត់ក៏តេស្តម្តងទៀត ដោយរុកជ្រៅជាងមុន លទ្ធផល (-) ទៀត

គាត់បានគិតថា បានជាសះស្បើយហើយ គាត់ក៏ទៅលេងម្តាយរបស់គាត់ និងរស់នៅដូចធម្មតា
តែការពិតមិនដូច្នេះទេ ខ្ញុំបានប្រាប់គាត់ទៅធ្វើតេស្តម៉ាសុីនធំ (PCR test) លទ្ធផល (+)

ប៉ុន្មានថ្ងៃបន្ទាប់ ម្តាយគាត់ក៏វិជ្ជមាន (+) ហើយអាការ:គាត់ ស្ថិតនៅកំរិតធ្ងន់ទៀត ។

ចង់ប្រាប់ថា ពេលមានអាការដំបូងៗ លទ្ធផលនៃការរកឃើញវីរុសរបស់តេស្តរហ័សខ្ពស់ណាស់ប្រហែល 98% តែក្រោយពីបាត់អាការៈ ឬ គ្មានអាការៈ លទ្ធភាពនៃការចាប់វីរុស មានប្រហែល 35% ប៉ុណ្ណោះ។

Credit Dr. Huy Rithy

21/08/2021

ធ្វើជាតោ កុំដើរបកក្រោយទៅខាំឆ្កែព្រៃ
បើចង់ឲ្យជីវិតរីកចំរើនឈានមុខ
ប្រឹងតែឆ្ពោះទៅខាងមុខរកគោលដៅ

កុំរវល់តែឡើងកម្ដៅ បកទៅទះមាត់ឆ្កែដែលព្រុសតាមចិញ្ចើមផ្លូវនាំខាតពេលឥតប្រយោជន៍

យើងមិនអាចយកពេលពេញមួយជីវិត
ដើម្បីទៅដើរបកស្រាយឲ្យមនុស្សទូទាំងពិភពលោកស្គាល់ថាយើងជាមនុស្សបែបណាឲ្យប្រាកដនោះទេ

តែយើងអាចប្រើពេលពេញមួយជីវិត
មានសេចក្ដីសុខជាមួយនិងខ្លួនឯង ហើយនិងអ្នកដែលគេយកចិត្តទុកដាក់ជាមួយយើងពិតប្រាកដ

ព្រោះថា
គ្មានអ្នកណាស្គាល់អ្នកច្បាស់ ក្រៅពីអ្នកខ្លួនឯងទេ ។

21/08/2021

18/03/2021

មុននឹងបរិភោគចាខ្វៃរាល់ថ្ងៃគួរអានអត្ថបទនេះសិន

17/03/2021

ខ្ញុំមានបញ្ហា...តើខ្ញុំគួរចាក់ វ៉ាក់សាំងការពារកូ​វីដ19 ឬ ទេ?

យើងនឹងលើកយកបញ្ហានិមួយៗ និង លក្ខខណ្ឌពិសេស មកជំរាប៖
ជាបឋមយើងត្រូវថ្លឹងថ្លែង ថា ចាក់វ៉ាក់សាំងកាពារកូវីដ19 អាចមានផលប៉ះពាល់ សុខភាព ឬ អាយុជីវិត ប៉ុន្តែឆ្លងជំងឺកូវីដ19 ក៏អាចឈឺធ្ងន់(0.5%)ឬស្លាប់(2,5%)បានដែរ នឹងចំឡងទៅក្រុមគ្រួសារ សង្គមជាតិ!
1) ខ្ញុំមានជំងឺ អាឡែកហ្ស៊ី (allergy) ចាក់បានទេ?
-អ្នកធ្លាប់មានប្រតិកម្មអាឡែកហ្ស៊ីខ្លាំងរហូតដល់ចូលកន្លែងសង្រ្គោះបន្ទាន់ (Anaphylaxis): មិនអាចចាក់ទេ។
-ចំពោះអ្នកធ្លាប់មានអាឡែកហ្ស៊ីជាមួយម្ហូបអាហារ ថ្នាំលេប សត្វ... ឡើងរមាស់លើស្បែក ត្រូវពិភាក្សាររកការអនុញ្ញាតពីគ្រូពេទ្យ នឹងអាចចាក់បាននៅមន្ទីរពេទ្យ មិនមែនចាក់នៅមណ្ឌលសុខភាពទេ។

2)ស្ត្រីពរពោះ អាច​ចាក់បាន។ តាម ACOG (American College of Obstetricians and Gynecologists)

3)ស្រ្តីបំប៉ៅដោះកូន អាចចាក់បាន។ តាម ACOG.

4)ចំពោះក្រុមមនុស្សដែលមានប្រព័ន្ធការពារខ្លួនខ្សោយ៖ មានដូចជា អ្នកកំពុងមាន​ជំងឺមហារីក, ទឹកនោមផ្អែមធ្ងន់ជាតិស្ករមិននឹងន៎, ថ្លើមក្រឹន, ថ្លើមខ្សោយ, ខ្សោយតំរ៉ងនោម, រលាកសួតរ៉ាំរ៉ៃ, ខ្សោយសួត, អ្នកកំពុងប្រើថ្នាំក្រុម"ក័រទីកូអ៊ីដ" (corticoid), ប្រើថ្នាំប្រឆាំងមហារីក, អ្នកជំងឺ"ស្វ័យប្រតិកម្ម" (Autoimmune) ដូចជាជំងឺរ៉ុយម៉ាទីស (Rheumatism), ជំងឺលុយពីស (Lupus)...ក្រុម​មនុស្សទាំងនេះ យើងមិនទាន់មានទិន្ន័យអាចបញ្ជាក់អំពីប្រសិទ្ធភាព និង សុវត្ថិភាព របស់វ៉ាក់សាំងការពារកូវីដ19នៅឡើយទេ។ យើងក៏មិនអាច ហាមមិនឲ្យចាក់ វ៉ាក់សាំងនោះដែរ។ ទោះបើគាត់បានចាក់វ៉ាក់សាំងការពារគ្រប់ដូសហើយក៏ដោយ ក៏អាចគ្មានប្រសិទ្ធភាពការពារឆ្លងកូវីដ19ដែរ។ ត្រូវប្រយ័ត្នឆ្លងជានិច្ច។
ករណីក្រុម​មនុស្សនេះ អ្នកជំងឺ និង គ្រូពេទ្យត្រូវតែ ថ្លឹងថ្លែងស្ថានភាព និង ផលប៉ះពាល់ ហើយ សំរេចចិត្តរួមគ្នា។

5)ចុះកុមារ? មិនទាន់អនុម័តឲ្យចាក់លើកុមារ (អាយុតិចជាង18ឆ្នាំ) នៅឡើយទេ ជាពិសេស វ៉ាក់សាំងបច្ចេកវិទ្យាថ្មី mRNA៖ ហ្វៃហ្សឺ (Pfizer) អាចប្រើពី16ឆ្នាំឡើង រីឯ ម៉ូដឺណា (Moderna) អាចប្រើពី 18ឆ្នាំឡើង។

6)អ្នកធ្លាប់កើតជំងឺកូវិដ19ម្តងហើយ តើអាចចាក់វ៉ាក់សាំងការពារទៀតទេ? ចាក់ទៀត!

7) អ្នកកំពុងតែ មានជំងឺ កូវីដ19 វិជ្ជមាន(+) តើអាចចាក់វ៉ាក់សាំងទេ? អាចចាក់បាន! ដូសទីមួយ (dose #1) ចាក់នៅសប្តាហ៍ទី4ក្រោយ លិទ្ធផលវិជ្ជមានកូវីដ19 ។ ដូសទីពីរ ចាក់នៅពេលដែលអ្នកបានដាក់ឲ្យនៅដាច់ដោយឡែកត្រឹមត្រូវបានយ៉ាងតិច10ថ្ងៃពេញ និង អ្នកជំងឺមិនមានក្តៅខ្លួនទៀតទេ។អរគុណ!

By:Dr.Kim Meng Tang

25/02/2021

29/01/2021

7 យ៉ាង​ចំបង ត្រូវចៀសវាងចំពោះកុមារដែលខ្វះអង់សីុម G6PD!!

កង្វះ​អង់ស៊ីម (G6PD​ Deficiency) ជាជំងឺម្យ៉ាងដែលកើតមកពីភាពមិនប្រក្រតីនៃកត្តាហ្សែនេទិច (genetic disorder)។ ជំងឺ​នេះបានធ្វើអោយគ្រាប់ឈាមក្រហមស្លាប់មុនកំណត់​ អាយុកាលរបស់វា ជាលទ្ធិផលធ្វើអោយបែកគ្រាប់ឈាមក្រហម ស្លេក​ស្លាំង។ ប្រមាណ​ជា 400 លាននាក់ទូទាំងពិភពលោកមានជំងឺនេះ។

យើងមិនអាចព្យាបាលវាអោយជាបានទេ ប៉ុន្តែ​ការយល់ដឹងអំពីចំនុចដែលគួរចៀសវាងផ្សេងៗសម្រាប់អ្នកជំងឺនេះ ពិតជាមានសារៈសំខាន់ ដើម្បី​អោយពួកគេរស់នៅប្រកបដោយសុខមាលភាពដូចមនុស្សទួទៅ។ តើពួកគេ​គួរចៀសវាងអ្វីខ្លះ?

1. ថ្នាំ​ផ្សៈមួយចំនួន (Antibiotics)​
- ក្រុម sulfa drugs
- ក្រុម quinolone ដូចជា: Ciprofloxacin
- ក្រុម nitrofurantoin
- ក្រុម dapsone

2. ថ្នាំ​គ្រុនចាញ់
-Primaquine៖ គេណែរនាំអោយធ្វើតេស្តមើល G6PD deficiency មុនពេលប្រើថ្នាំនេះ

3. ថ្នាំ​ព្យាបាលមហារីកមួយចំនួន
-Rasburicase: សម្រាប់​ព្យាបាល​ Tumor lysis syndrome
-Doxorubicin: សម្រាប់​ព្យាបាល​ជំងឺ​មហារីក​

4. Aspirin : ព្យាបាល​បំបាត់​ការឈឺចាប់ ក្តៅខ្លួន ឬរលាកផ្សេងៗ

5. Mothballs
-ជាប្រភេទថ្នាំសម្លាប់សត្វល្អិត គេដាក់នៅតាមសំលៀកបំពាក់ ដើម្បី​ការពារ​សត្វល្អិត​មកខាំ រឺកកេរសំលៀកបំពាក់
-ថ្នាំនេះ មានផ្ទុកនូវ naphthalene ដែលជាមូលហេតុជំរុញអោយមានបែកគ្រាប់ឈាម

6. Henna : ថ្នាំ​ពណ៌​ គេប្រើ​សម្រាប់​ប្តូរពណ៏សក់ រឺ​ចាក់សាក់ជាដើម

7. Fava Beans: ពពួក​សណ្តែក​ដូចជា​ សណ្តែក​បារាំង, សណ្តែក​សៀង, សណ្តែក​បាយ​ និយាយជារួមគឺអោយតែមានជាតិសណ្តែក។

👉អត្ថបទ និងរូបភាពប្រែសម្រួលដោយ: វេជ្ជបណ្ឌិតឯកទេស យន​ វិច្ឆិកា

24/01/2021

#មើលលេងៗទៅអ្នកម្តាយ
អាណិតកូន😣 ជៀសបានជៀសទៅ! ក៉ំផឹកស្រាថ្នាំ និងថ្នាំបុរាណអី!

ទារកហេីមពោះដោយសារបៅដោះម្តាយដែលផឹកស្រាថ្នាំ និងថ្នាំបុរាណសសៃខ្ចី!

ទារកអាយុ ៨ថ្ងៃ មកជួបពិគ្រោះជំងឺជាមួយគ្រូពេទ្យដោយមូលហេតុហេីមពោះ មានសសៃឈាមរវាម ។ ទារកនេះ បៅធម្មតា តែក្អែលញឹកញាប់បន្ទាប់ពីបៅ មិនមានក្តៅខ្លួននោះទេ ។

ទារកខានជុះពីរថ្ងៃមកហេីយ ពោះក៏ចេះតែធំៗទៅ ។ តាមការសាកសួរ ម្តាយបានផឹកស្រាថ្នាំ ២កែវក្នុងមួយថ្ងៃ​ និងថ្នាំបុរាណដាំផឹកជាថ្នាំសសៃខ្ចីតាំងពីថ្ងៃទារកកេីតមកម្លេះ ។ តាមរយ:ការថតពោះបង្ហាញថា ទារកមានរីកថ្លេីម ចាល់ខ្យល់ និងពោះវៀនរីកធំ មិនមានជំងឺ ឬ ដុំណាមួយក្នុងពោះពីកំណេីតទេ ។ ឈាមបង្ហាញថាមុខងារថ្លេីមប៉ះពាល់ធ្ងន់ធ្ងរ ។

ការសន្និដ្ឋាន៖ ទារក រលាកពោះវៀនធ្ងន់ធ្ងរ (enterocolitis)
From: Phin Phochsreypov
medical news for Cambodia