មន្ទីរពេទ្យបង្អែកព្រះនរោត្តមសីហនុ ត្បូងឃ្មុំ ក្រុងសួង

04/05/2024

03/05/2024

ដើម្បីចូលរួមអបអរសាទរ ទិវាអនាម័យដៃ ដែលនឹងប្រព្រឹត្តទៅនៅ ថ្ងៃទី៥​ ឧសភា​ ខាងក្រោមនេះជាការក្រើនរំលឹក​ និងជំរុញការលាងដៃ​ ដេីម្បីការពារអាយុជីវិតរបស់យេីងទាំងអស់គ្នា។
#ការលាងដៃ​_ត្រូវតែអនុវត្តន៍ឱ្យបានជាទៀងទាត់_នៅក្នុងជីវិតរស់នៅ​_និងការបំពេញការងារ​ ឱ្យក្លាយទៅជាទម្លាប់ល្អរបស់បុគ្គលគ្រប់រូប​ ជាពិសេស ៖ អ្នកជំងឺ​ ក្រុមគ្រួសារអ្នកជំងឺ​ និងក្រុមអ្នកផ្តល់សេវាសុខាភិបាលទាំងអស់​ រួមទាំងអ្នកអនាម័យ​ បុគ្គលិក​ និងក្រុមគ្រូពេទ្យទាំងអស់នៅតាមមូលដ្ឋានសុខាភិបាលសាធារណ:។ សូមបងប្អូនទាំងអស់​ បន្តអនុវត្តន៍ការលាងដៃ​ ឱ្យបាន​ពី​ ៤០វិនាទីឡេីងទៅ​ ជាមួយសាប៊ូ​ និងទឹកស្អាត​ ឫអាល់កុល​ ឫអាល់កុលជែល​ ដែលយេីងធ្លាប់បានអនុវត្តន៍អំឡុងពេលរាតត្បាតកូវីដ-១៩​ ឱ្យបានជាប្រចាំថ្ងៃ។ ការលាងដៃ​ គឺកាត់បន្ថយការចម្លងរោគ​លេីសពី​ ៥០%​ ដែលចូលរួមចំណែករក្សាសុខភាពបានល្អ​ រួមចំណែកក្នុងការសង្គ្រោះអាយុជីវិតមនុស្ស។ នេះជាការអំពាវនាវរបស់ឯកឧត្តមសាស្ត្រាចារ្យ​ ឈាង​ រ៉ា​ រដ្ឋមន្ត្រីក្រសួងសុខាភិបាល​ នាឱកាសប្រារព្ធខួបលេីកទី១៤​ ទិវាអនាម័យដៃពិភពលោក​ ៥​ ឧសភា​ ២០២៤ ក្រោមប្រធានបទ​ “ #អនាម័យដៃ​_សង្គ្រោះជីវិត ”​ នៅទីស្តីការក្រសួងសុខាភិបាល​។ សូមបុគ្គលិកសុខាភិបាលទាំងអស់​ និងបងប្អូនប្រជាពលរដ្ឋទូទាំងប្រទេស​ នាំគ្នាជួយផ្សព្វផ្សាយ​ និងអនុវត្តន៍ការលាងដៃឱ្យបានល្អ​ និងក្លាយជាទម្លាប់ក្នុងការរស់​នៅប្រចាំថ្ងៃ ដើម្បីរួមចំណែកក្នុងការធ្វេីឱ្យប្រសេីរឡេីងនូវសុខភាពរបស់យេីងទាំងអស់គ្នា ៕៚

02/05/2024

ម៉ោង១៦និង៣០នាទីថ្ងៃព្រហស្បតិ៍ ៩ រោច ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី២ ខែឧសភា ឆ្នាំ២០២៤ មន្ទីរពេទ្យបង្អែកព្រះនរោត្តមសីហនុត្បូងឃ្មុំ ក្រុមគ្រូពេទ្យផ្នែកសម្ភពបានជួយសង្គ្រោះស្ត្រី ៣៦ឆ្នាំម្នាក់ អញ្ជើញមកពីភូមិ សង្គមថ្មី ឃុំ ស្រឡប់ ស្រុកត្បូងឃ្មុំ ដែលគ្រប់ខែ និងឈឺពោះសម្រាល ដោយបានប្រសូតបានទារកចំនួន០២នាក់ ( កូនភ្លោះ ) ដែលទារកភេទស្រី ទំងន់ ២៤០០ក្រាម និងទារកភេទប្រុសទំងន់ ១៧០០ក្រាម ប្រកបដោយសុខសុវត្ថិភាព ហើយក្រុមការងារ កំពុងការតាមដានសុខភាព ទាំងម្ដាយនិងកូនបន្ត ៕

02/05/2024

ម៉ោង០៩និង៣០នាទីថ្ងៃព្រហស្បតិ៍ ៩ រោច ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី២ ខែឧសភា ឆ្នាំ២០២៤ មន្ទីរពេទ្យបង្អែកព្រះនរោត្តមសីហនុត្បូងឃ្មុំ បានបើកកិច្ចប្រជុំពិសេសក្រោមអធិបតីភាព ឯកឧត្តមវេជ្ជបណ្ឌិត កែវ វណ្ណៈ ប្រធានមន្ទីសុខាភិបាលខេត្តត្បូងឃ្មុំ ដោយមានការចូលរួមពីលោកវេជ្ជបណ្ឌិត ហុក ណាក់ អនុប្រធានមន្ទីរពេទ្យ លោក លោកស្រី វេជ្ជបណ្ឌិត គ្រូពេទ្យ ព្រមទាំងបុគ្គលិកមន្ត្រីរាជកា ទាំងអស់ផងដែរ ។
ក្នុងឱកាសនោះដែរ ឯកឧត្តមប្រធានបានធ្វើការណែនាំ និងបន្តជម្រុញគ្រប់សកម្មភាពទាំងឡាយអោយបានដំណើរការរិតតែប្រសើឡើង ក្នុងបម្រើសេវាជូនដល់ប្រជាពលរដ្ឋដោយមន្ទីរពេទ្យត្រូវមាន ៖
១-ការរៀបចំ ឧបករណ៏ បានត្រឹមត្រូវ និងគ្រប់គ្រាន់ សម្រាប់គ្រប់គ្រងបច្ចេកទេសព្យាបាល
២-ការរៀបចំក្រុមបដិសណ្ឋាកិច្ច សម្រាប់ជាជំនួយដល់អតិថិជន ដែលមិនស្គាល់ទីតាំង ដែលពួកគាត់ត្រូវទៅ
៣-រៀបចំដាក់ដំណើរការផ្សព្វផ្សាយសារអប់រំសុខភាព ដោយមានបំពាក់ឧបករណ៏សម្រាប់អប់រំ ដូចជា ឧបករណ៏បំពងសម្លេង ទូរទស្ស ឬ ផ្ទាំងអប់រំផ្សេងៗទៀត

ក្នុងឱកាសនោះដែរឯកឧត្តមប្រធាន ក៏បានពាំនាំនូវសារផ្ដាំផ្ញើពី ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ១០ចំណុចធ្វើអោយស្ថាប័ណ្ណមានគុណភាព ប្រសិទ្ធិភាពការងារ ផ្ញើដល់បុគ្គលិកមន្ត្រីរាជការសុខាភិបាល ដែលត្រូវអនុវត្តន៏គឺ ៖
១-ក្រមសីលធ៌មវិជ្ជាជីវៈ
២-ពង្រឹងអោយបាននូវ វត្តមានប្រចាំការ
៣-ការខិតខំផ្គត់ផ្គង់ឱសថ តាមតម្រូវការសមស្របសម្រាប់ប្រើប្រាស់
៤-អនាម័យពិសេសលើឯកសណ្ឋានពេទ្យ អោយបានល្អប្រសើសក្តិសមជាមន្ត្រីសុខាភិបាល
៥-ការផ្ដល់សេវាយឺតយ៉ាវ ជូនដល់អតិថិជនទាំងអស់ត្រូវបានពង្រឹង និងធ្វើយ៉ាងណាអោយបានរហ័ស
៦-ភាពយឺតយ៉ាវក្នុងការបំពេញការងារ ( ស្ពឹកស្រពន់ ) មន្ត្រីសុខាភិបាលទាំងអស់ត្រូវតែគោរពនូវគោលការណ៏ សហលក្ខ័ន្តិកៈមន្ត្រីរាជកា អោយបានល្អប្រសើ
៧-ត្រូវមានឆន្ទៈធ្វើការងារ ដោយបុគ្គលិកគ្រប់រូបដែលបានក្លាយជា មន្ត្រីរាជកាម្នាក់ៗត្រូវតែមាន ឆន្ទៈក្នុងការងារ ដើម្បីបម្រើប្រទេសជាតិ
៨-គ្រូពេទ្យ និងគិលាន យិកា ទាំងអស់ ចាំបាច់ត្រូវតែមានពិន្ទុ ប្រលងប្រណាំង នៅតាមស្ថាប័ណ្ណដែលខ្លួនកំពុងបំពេញភារកិច្ច
៩-ចៀសវាងអោយបានដាច់ខាត ការអូសទាញអតិថិជនចេញពីមន្ទីរពេទ្យ ទៅសេវាឯកជន ដល់ពេលមានបញ្ហា ឬគ្រោះថ្នាក់ បញ្ជូនអោយត្រឡប់ចូលមកវិញ
១០-ត្រូវអនុវត្តទឹសស្លោក ទុក្ខរបស់អ្នកជំងឺ ជាទុក្ខរបស់គ្រូពេទ្យ ត្រូវផ្សព្វផ្សាយអោយបានទូលំទូលាយ ដល់អតិថិជន
ចុងក្រោយឯកឧត្តមប្រធាន បានថ្លែងអំណរគុណ ដល់លោក លោកស្រី ដែលជាមន្ត្រីសុខាភិបាលក្រោមបង្គាប់ ដែលបានចូលរួមស្ដាប់ដោយយកចិត្តទុកដាក់នូវការណែនាំនៅក្នុងពេលនោះ ។
អង្គប្រជុំបានបញ្ចប់នៅម៉ោង ១១ និង ៤៥នាទី ថ្ងៃ ខែ ឆ្នាំ ដដែល ប្រកបទៅដោយ កិត្តិយស សេចក្ដីថ្លៃថ្នូ និងក្ដីសោមនស្សរីករាយបំផុត

01/05/2024

29/04/2024

28/04/2024

សេចក្តីណែនាំក្រើនរំលឹក ស្តីពីការរក្សាសុខភាព និងសុវត្ថិភាព ក្នុងអំឡុងពេលអាកាសធាតុក្តៅខ្លាំង

28/04/2024

ចំប៉ីព្រែកជីកហ្វូណនតេជោ

28/04/2024

ញត្តិគាំទ្ររបស់រដ្ឋបាលខេត្តត្បូងឃ្មុំ លើការអនុវត្តគម្រោងព្រែកជីកហ៊្វូណនតេជោ

26/04/2024

ថ្ងៃសុក្រ ៣ រោច ខែចេត្រ ឆ្នាំរោង ឆស័ក ពស ២៥៦៧ ត្រូវនឹងថ្ងៃទី២៦ ខែមេសា ឆ្នាំ២០២៤
មន្ទីរពេទ្យបង្អែកព្រះនរោត្តមសីហនុត្បូងឃ្មុំបានចូលរួមនិងទទួលយកនូវ
សម្ភារបរិក្ខាពេទ្យ ដែលរៀបចំដោយមន្ទីរសុខាភិបាលនៃរដ្ឋបាលខេត្តត្បូងឃ្មុំក្រោមអធិបតីភាព ឯកឧត្តមវេជ្ជបណ្ឌិត កែវ វណ្ណៈ ប្រធានមន្ទីរសុខាភិបាលនៃរដ្ឋបាលខេត្តត្បូងឃ្មុំ ដោយបានប្រគល់ ៖
រថយន្តដឹកវ៉ាក់សាំងចំនួន១គ្រឿងដល់ការិយាល័យសុខាភិបាលស្រុកប្រតិបត្តិតំបែរ និងប្រគល់ម៉ាសុីនអេកូ ចំនួន០៥គ្រឿងដល់
#មន្ទីរពេទ្យបង្អែកព្រះនរោត្តមសីហនុត្បូងឃ្មុំ១គ្រឿង០១គ្រឿង.
#មន្ទីរពេទ្យបង្អែកតំបែរ០១គ្រឿង.
#មន្ទីរពេទ្យបង្អែកអូរាំងឪ០១គ្រឿង,
#មន្ទីរពេទ្យបង្អែកពញាក្រែក០១គ្រឿង,
#និងមន្ទីរពេទ្យបង្អែកមេមត់០១គ្រឿង ៕