05/09/2025
ថ្ងៃទី៥ ខែកញ្ញា ឆ្នាំ២០២៥
មន្ទីរពេទ្យបង្អែកខេត្តតាកែវមានកិត្តិយស និងសោមនស្សរីករាយជាខ្លាំង សូមថ្លែងអំណរគុណយ៉ាងជ្រាលជ្រៅបំផុតចំពោះលោកគ្រូ អ្នកគ្រូ ដែលជាបុគ្គលិកធនាគារអេស៊ីលីដាសាខាខេត្តតាកែវទាំងអស់ ដែលបានស្ម័គ្រចិត្តបរិច្ចាគឈាមជូនមន្ទីរពេទ្យ ដើម្បីប្រើប្រាស់សម្រាប់សង្រ្គោះជីវិតអ្នកជំងឺដែលកំពុងសម្រាកព្យាលនៅក្នុងមន្ទីរពេទ្យ។ តាំងនាមយើងខ្ញុំជាថ្នាក់ដឹកនាំមន្ទីរពេទ្យបង្អែកខេត្តតាកែវ សូមសម្ដែងនូវការកោតសរសើរ និងគួរឲ្យស្ញប់ស្ញែងបំផុតចំពោះការចូលរួមរបស់លោកគ្រូ អ្នកគ្រូ ក្នុងសកម្មភាពមនុស្សធម៌មួយនេះ ដែលស្របតាមពាក្យស្លោកថា៖ “បរិច្ចាគឈាម គឺជួយជីវិត”។ លើសពីនេះទៅទៀតសូមជូនពរលោកគ្រូ អ្នកគ្រូ និងបុគ្គលិកទាំងអស់បានប្រកបដោយសុខភាពកាយចិត្តល្អ ពោរពេញទៅដោយសេចក្ដីសុខ សុភមង្គល កិត្តិយស និងជោគជ័យនៅក្នុងជីវិតផ្ទាល់ខ្លួនក៏ដូចជាអាជីពការងារផងដែរ។ សូមឲ្យសកម្មភាពដ៏ល្អប្រពៃនេះនៅតែបន្ត និងកាន់តែផុសផុលថែមទៀត ដើម្បីរួមចំណែកជួយសង្គម និងពង្រឹងស្មារតីមនុស្សធម៌ក្នុងចិត្តមនុស្សគ្រប់រូប។
