26/05/2025
Сайн байна уу?
Энэ бол миний охин Нини болон миний нярайн таталттай тэмцлийн түүхийг хуваалцах орон зай.
Нини маань 2024 оны наймдугаар сард төрсөн. Зүгээр л нэг хөөрхөн үр байсан. Харин 2025 оны 4 сард “Infantile Spasms” (нярайн таталт) гэх ховор, хүнд онош сонссон. Миний хувьд тэр мөчөөс хойш бүх зүйл өөрчлөгдсөн.
Хүүхдийнхээ EEG бичлэгийг хараад, тархины аянга шиг долгион дунд “Хүүе, би яах ёстой вэ?” гэж асууж суусан нэгэн ээж, өнөөдөр “Сэтгэлийн EEG” хөтлөлтөө эхлүүлж байна.
Энэ пэйжид би мэдээлэл, сэтгэл хуваалцсан тэмдэглэл, жижиг баяр баясгаланг хуваалцана.
Хүүхдийнхээ төлөө тэмцэж байгаа аав ээжүүд ганцаараа биш гэдгээ мэдрээсэй гэж хүсэж байна.
